نيكوبار

by أنغام زايد

مسحتُ القاعة بعيني، معظم الحاضرين مشغولين بشيء ما، هذا يطالع "الفيس بوك" ويضحك مع نفسه وهو ينظر لشاشته الإلكترونية، وهذه منذ بدء المحاضرة وهي تتحدث مع صديقتها، وهذا يأكل، وهذا يمزح مع صديقه، غضبتُ وكدّتُ أترك القاعة وأنهي المحاضرة، ولكن...
صمت الجميع فجأة، عندما انطفئ الضوء، القاعة أظلمت، بصيص من نور الهواتف بالكاد ينير الوجوه، دبَّ الخوف، تعالت الآيات القرآنية من الأفواه، تنحنحتُ ثمّ قلت:
ـ حاسة إنكم خايفين، أكمل وألا نستنى لما النور ييجي؟
القليل وافق على التكملة، وهناك من أراد الخروج، ولكن الظلام والزحمة منعته، وبالنهاية قررنا الانتظار قليلًا، طال الوقت وطلب مني بعض الأشخاص المصابين بالفضول أن أكمل. جلست على الكرسي وبدأتُ الحديث. لم ألبث أن قلت كلمتين حتى رأيت شيء غريب بجواري، أطلتُ النظر لهذا الشيء الذي يصعد فوجدته دخان على الحائط، دبَّ الخوف بداخلي، يد وُضعت على كتفي فصرخت.

144 pages, Paperback

Published January 4, 2016

Reviews

[Shimaa Mokhtar · Rating 2 out of 5]

نجمتان للمعلومات الواردة في الرواية والتي استفدت منها
لكن الرواية كعمل فني لم تعجبني سواء من حيث الفكرة أو المعالجة

[Shaikhah · Rating 5 out of 5]

أعجبنتي كثيرا...وأتمني لو يوجد جزء ثاني لها

هناك بعض المواقف التي خفت منها ...والبعض إشمئززت منها...

أنتظر كتبا أخرى للكاتبة

[Ìsłam Tàhá · Rating 2 out of 5]

روايه معقوله و فيها معلومات كويسه بس كده

[Osama Sir EL Khatim · Rating 5 out of 5]

كتاب جميل طريقه سرد رائعه و يناقش قضايا مهمه جدا و منتشره في مجتمعنا العربي و بكثره

[Diroo · Rating 5 out of 5]

رواية مشوقة وبداية موفقة للكاتبة وسبتها بالعافية عشان انام وارجعلها تاني عجبني تطرق الكاتبة للنوع ده من الروايات
ومن نجاح لنجاح ان شااااء الله

[Nessma · Rating 2 out of 5]

نجمتين عشان اخر صفحتين فى الروايه ..والمعلومات اللي فيها :) .

[Dina Mostafa · Rating 4 out of 5]

"نيكوبار."
الروايه ممتعه واسلوبها شيق جدااا ..مميزه كأول عمل ..عجبنى اكتر السﻻسله اللى استخدمتها الكاتبه ف توصيل بعض المعلومات ولفت النظر لبعض الخرفات بذكاء.. روايه لذيذه كفاصل بين كتب دسمه..وكاتبه تستحق المتابعه
"بالتوفيق"

[Shimaa Adel · Rating 5 out of 5]

نيكوبار هو اول عمل لكاتبه المستقبل انغام زايد .. تتميز انغام بأسلوب شيق ابهرنى فمنذ بدأت قرأه العمل اثرتنى ولم استطع التوقف الا عند الانتهاء من الروايه .. هى نوع من الخيال الفانتازى الساخر الذى يأخدنا الى عالم مليئ بالاثاره والتشويق تجعل من يبدأها لا يستطيع ان يغلقها قبل ان ينتهى منها ..استشهادك للاحاديث الشريفه الصحيحه والقرأن الكريم ابهرنى ووضح اد ايه انتى تعبتى فى العمل .. استفدت من المعلومات اللى اتكتبت فى الروايه .. الف مبروك نجاح العمل الاول وفى انتظار اعمال اخرى
#نيكوبار
#انغام_زايد

[Ahmed Ibrahim · Rating 5 out of 5]

ممكن يكون اول عمل ليها بس من وجهة نظري تحس انك قدام حد محترف بيشدك من اول سطر تقرأه في الروايه اللي اسمها نفسه يديك احساس بالتشويق و الاثاره من غرابه اسمه و لو اتكلمت عن اللغه بسيطه و سهلة تقدر من خلالها تتعايش مع جو الروايه
احب اقول ان انغام مع اول روايه ليها قدرت انها تلفت الانتباه و تبتدي تثبت وجودها
في انتظار اعمال تانيه ناجحه

[Shimaa Farouk · Rating 3 out of 5]

حلو الاختلاف في التصور والخيال مختلفه من نوعها

[Nourhan Khaled · Rating 3 out of 5]

ال3 نجمات لكميه المعلومات اللي فيه لكن كتسلسل احداث للاسف لا يستحق اي نجمه

[Maged Mohsen · Rating 2 out of 5]

الرواية ممتازة بالنسبة لأول عمل للكاتبة، أحسنتي
اتمني ان ارى اعمالاً اخري اكثر نجاحاً

[Hasnaa Bahgat · Rating 1 out of 5]

عمل أشبهه بفيلم كارتون حاولت أكملها لكن ما اقدرتش اكتر من كده
بوستات الفيس بوك لها عمق و معنى أكتر من اللى بتدعى رواية
مش عايزة احبطك بس بداية غير موفقة حاولى تانى

[Hisham Zahra]

الروايه بدايتها مش بطاله وبتتكلم عن عالم الجن ممكن بس مشكلتها ان الوعظ فيها مباشر شويه , وبتخلط بين معلومات دينيه وخرافات في نفس الوقت بصوره بتخلي الكاتب بيتقبل كل المكتوب باعتباره امر مسلم بيه , يعني بتجيب احاديث نبويه عن الجن وفي نفس الوقت تتكلم عن ان الجن بيلبس البنت الي بتقف ادام المرايه كتير , وبتتكلم عن زواج الانس والجن وكانه امرطبيعي وعادي وبيحصل وفي اجزاء كتير الروايه بتتحول لكتاب لمقاومة المس والسحر والحسد وما يفرقش كتير عن كتب الرقية الشرعيه , وهي طبعا حره في انها تكتب الي هي عاوزاه بس ده اكيد بيفقد احداث الروايه زخمها , طبعا في كلام عن الجني الطفل الي كان بيتكلم لغة عربيه فصحى بيجاهد في افغانستان وده ما اعرفش ايه اهميته في احداث الروايه , زائد طبعا الاهميه العظمي لموضوع عظيم وهو دخول الحمام بالشمال , وبتبرر ده بأن العلم اثبت بان الجانب الشمال اقوى من الجانب اليمين في مقاومة الامراض , الخلاصه ان الروايه مش روايه اوي اكتر ما هي كتيب من الي بتتوزع في القطر وبتكتتب باسلوب براق وغلاف ملفت عشان توزع كتير , انتوا عارفين كتب المسيخ الدجال وعلامات يوم القيامه , وهي كتب دينيه ولا غبار عليها لكن ما ينفعش نقول عليها روايه