What do you think?
Rate this book
كوابيس مملة
كوابيس محمد خيرالله المملة.. أوجاع جيل بالعامية المصرية
صدر مؤخرًا عن دار الفيروز للنشر والترجمة والتوزيع، ديوان "كوابيس مملة" للكاتب الشاب محمد ممدوح خيرالله، مؤسس موقع ورقة الأدبي. والمتحدث الإعلامى السابق لحركة نشر الثقافية وعضو مجلس إدارة نادى الأدب السابق بقصر ثقافة كفرالشيخ، ومحاضر بالهيئة العامة لقصور الثقافة. وله مشاركات فعالة فى الوسط الثقافى تأتِ جميعها تحت مسمي مبادرات موقع ورقة.
ويعتبر هذا الديوان هو الديوان الثانى للكاتب بعد ديوانه الأول "ضحكة فردى" الصادر عن الهيئة العامة لقصور الثقافة فى العام 2011.
وقد اختار الكاتب لديوانه عنوان "كوابيس مملة" واستبدل كلمة (أشعار بالعامية المصرية) الى "أوجاع بالعامية المصرية" موضحًا أن الديوان هو مزيج من الوجع وحالات الفقد والإنتظار والملل، والحب بمفهومة الشامل للحبيبة الأم والأخت والوطن.
ديوان كوابيس مملة يأتى فى عدد 120 صفحة وعدد من القصائد كتبت جميعها فى الفترة ما بين 2010 حتى نهاية 2015.. حاول فيها الكاتب أن يعبر عن حالات مختلفة للعشق وتناول بفلسفة الشاعر أحداث حياتية شخصية تتشابه مع تفاصيل حياة هذا الجيل.
وإختار الشاعر هذه المقاطع المتنوعة والمتفرقة من ديوانه كوابيس مملة للترويج له عبر مواقع التواصل الإجتماعى..
1
كان لسه عمرى بيبتدي
والعالم المشهود قصادي
كان مجرد فجر نوره بيتفرد
على كل دار
أنا كنت حافظ جملتين إتنين.. وبس
في الدنيا جنة
والأخره مفيهاش إلا نار...!
2
عارف أنت
لما تبقى الصورة واضحة
وأنت مش قابل... تشوفها
لما تبقى الناس سيرتها عنها جارحة
وأنت مقتول من سكوتها
لما يبقى مُباح فراقك
وأنت تايه في إشتياقك
نص عمرك
ولا عمرك كله ضايع..؟
لسه تايه..؟
هيا بتمارس حياتها...!
3
كان لسه طفل بيتولد
سامع صراخه
إفتكرتك وإنتي بتقولي.. سامحني
أنا كنت شايفِك وقتها.. من غير ذنوب
مولوده طازه ودمعتك نفس البكاء
أنا نفسي من تاني أتولد
هانزل أعيط
لأجل أتوب...!
4
ياريتك.. تصحى لثوانى
اقولك.. تصبحى على خير
وتبقى تنامى من تاني...!
5
مجرد وجودي في حياتك
هزيمة
مجرد خروجك من القلب
إنتصار
مجرد رجوعي في قراري
تحدي
مجرد ما أقابلك
هاسيب لك حياتك
وأسيب لك حياتى
وأسيبك...!
6
كانت الشمـس إتحادي
والنجوم والليل قصايدي
وإنتي اُم قصايدي والشعر وهوايتي
حب عمر بحاله
حلم..
فاكره غناويا لعنيكي ؟
لمستي لخدك وجسمك
فاكره إحساس السعادة ؟
أحلي حاجة إن إنتي فاكره
وإني مش فاكر زياده...!
7
مش دايمًا لما بتوحشنا
بنسيب اللي شاغلنا ونمشيلك سكة
عشان نفتكرك...!
ماهو أصل الحي.. زى الميت
لاتنين خارج حدوتة عقل الناس
الهم الأكبر، مش هم الصُحبة
ولا عمره يا صاحبي هايبقى لواحد زيي
كان زيك يوم
الهم الأكبر في بلدنا.. هم اللقمة
والعالم أصلاً دلوقتي
بيوزع في الملكوت الهم.. هدوم...!
8
زى عقرب ساعة
كل ما بقرب ثواني..
تبعدك عني الدقايق
كل ما بقرب دقيقة..
تخطفك مني الساعات
فارجع أمشيلك خطاويا في ثبات
يسرقك بُكره اللي كان شايل حاجات
معرفتهاش...!
9
ماسبتش غير.. صورة
وضحكة من قلبها
وفرحة مكسوره
ماسبتش غير.. جرحي
وقالت لى معذوره
وأنا برده صدقتها...!
10
أخرتها ايه..؟
لو عمري كله.. عشتهولك
قلبي الضعيف.. وضبتهولك
أخرتها ايه..؟
هتعاندي برده العيشة فيه...!
11
المشكلة..
مش دمعة نزلت فوق خدودها.. والسلام
المشكلة..
في هذا الوجع
إزاي قدر يغسل ذنوبها
بدون كلام...!
12
بيوحشني الشتاء.. وياك
ويوحشني دفا حضنك
وبتعدي الفصول بالطول
وأنا مبطولش غير إسمك
عشان الدنيا دي بوشين
أنا موجود
وروحك.. وسط ناس تانيين...!
13
زمان كان الفراق أصعب
زمان كان البكاء عنوان
وكان الحزن بيخيم على القلبين
لكنه الحب.. بات مغلوب
زمان كان الفراق بعذاب
ودلوقتي
مفيش قلبين تلاقي الحب دوبهم
زمان كان الفراق بحساب
ودلوقتي الفراق نكتة
يقولها اتنين لبعضيهم
وتعجبهم...!
14
مش كل ناسك في البلد.. عابد
ولا كل صحبة تهون المشاوير
كل القلوب وشين.. وبتعاند
حزنك لقلبك
مش قلوب الغير...!
15
ماملكش غير قلبي
وحياة وهبها لك
وإيدين بتعْلى للسما وتدعى.. ربنا يخليكى
ومافيش وطن ليا
ولا بيت أعيش جواه
وطني الوحيد حضنك
وبيتي هو عنيكي
ولا فيه بإيدي قرار
ولا حل ولا خيارات
أنا في إنتظار قدري
والإختيار ليكى...!
16
ماسيبناش ذكرى للقصة
لكنا سيبنا تفاصيلها على الطرقات
على السكك اللي دابت من خطاوينا
وفوق الخد.. ودموعنا.. وفي المترو
ووسط حروف كتبنا منها دي الجوابات
أنا وإنتي قتلنا الذكرى جوانا
لكنا نسينا نمحيها
من الشجر اللي شايل لسه أسامينا
وقلب وسهم
وسيبنا الليل يبدل كام حقيقة بوهم
ونَسينا مشاعرنا.. مشاعرنا
بأول حضن في السيما
وأول بوسة مكسوفة تسيب خدك
وأول عيد بيحضرنا
ويبقى للفسح قيمة
كراسي دسوق.. وشط البحر والقلعة
وكام صورة على استانلي
ماتستني الـزمن ينسى يا بنت الإيه
يا فاكرة القلب مخزن للتراب والنار
وفاكرة القلب اوضة ودار
لأيام هيا اللي عاشتنا ومعشنهاش...!
17
إمبارح..
أنا شفتك في الحلم
على إيدك بنت بتشبه لك
وبتحضني كف النونو بقلبك
وبتضحكي بشويش من فرحك
إمبارح..
أنا كنت فى حلم
وصحيت وأنا روحى بتنده لك...!
18
أنا بسمعك
وإنتي بتاخدي من القصايد
اللي مكتوبة في عيونك
وتدندني قدام مرايتك..
"بعشقك"
وبتلضمي بغنوة لنجاة
"أنا بستناك وليلي شمعة سهرانة لليلة حب"
علشان مرايتك
قلبها يفضل مجمل
كل حته من ملامحك.. تسأليها
"مرايتى.. قولي لي يا مرايتى
حبيبى مجاش ليه دلوقتي"
أنا كنت واقف جنب منك بسمعك
لكني عارف إن بُكرة مكنش لينا
عشان كدا.. أول ما بيجيني الشتاء
بابقى كأني كنت لسه من يومين
تحت المطر
ماسك إيديكي.. بودعك...!
19
الوقت رهان..
والساعة في إيدك كام دلوقت..؟
والليل لو طول من غيرك
مش...
صدر مؤخرًا عن دار الفيروز للنشر والترجمة والتوزيع، ديوان "كوابيس مملة" للكاتب الشاب محمد ممدوح خيرالله، مؤسس موقع ورقة الأدبي. والمتحدث الإعلامى السابق لحركة نشر الثقافية وعضو مجلس إدارة نادى الأدب السابق بقصر ثقافة كفرالشيخ، ومحاضر بالهيئة العامة لقصور الثقافة. وله مشاركات فعالة فى الوسط الثقافى تأتِ جميعها تحت مسمي مبادرات موقع ورقة.
ويعتبر هذا الديوان هو الديوان الثانى للكاتب بعد ديوانه الأول "ضحكة فردى" الصادر عن الهيئة العامة لقصور الثقافة فى العام 2011.
وقد اختار الكاتب لديوانه عنوان "كوابيس مملة" واستبدل كلمة (أشعار بالعامية المصرية) الى "أوجاع بالعامية المصرية" موضحًا أن الديوان هو مزيج من الوجع وحالات الفقد والإنتظار والملل، والحب بمفهومة الشامل للحبيبة الأم والأخت والوطن.
ديوان كوابيس مملة يأتى فى عدد 120 صفحة وعدد من القصائد كتبت جميعها فى الفترة ما بين 2010 حتى نهاية 2015.. حاول فيها الكاتب أن يعبر عن حالات مختلفة للعشق وتناول بفلسفة الشاعر أحداث حياتية شخصية تتشابه مع تفاصيل حياة هذا الجيل.
وإختار الشاعر هذه المقاطع المتنوعة والمتفرقة من ديوانه كوابيس مملة للترويج له عبر مواقع التواصل الإجتماعى..
1
كان لسه عمرى بيبتدي
والعالم المشهود قصادي
كان مجرد فجر نوره بيتفرد
على كل دار
أنا كنت حافظ جملتين إتنين.. وبس
في الدنيا جنة
والأخره مفيهاش إلا نار...!
2
عارف أنت
لما تبقى الصورة واضحة
وأنت مش قابل... تشوفها
لما تبقى الناس سيرتها عنها جارحة
وأنت مقتول من سكوتها
لما يبقى مُباح فراقك
وأنت تايه في إشتياقك
نص عمرك
ولا عمرك كله ضايع..؟
لسه تايه..؟
هيا بتمارس حياتها...!
3
كان لسه طفل بيتولد
سامع صراخه
إفتكرتك وإنتي بتقولي.. سامحني
أنا كنت شايفِك وقتها.. من غير ذنوب
مولوده طازه ودمعتك نفس البكاء
أنا نفسي من تاني أتولد
هانزل أعيط
لأجل أتوب...!
4
ياريتك.. تصحى لثوانى
اقولك.. تصبحى على خير
وتبقى تنامى من تاني...!
5
مجرد وجودي في حياتك
هزيمة
مجرد خروجك من القلب
إنتصار
مجرد رجوعي في قراري
تحدي
مجرد ما أقابلك
هاسيب لك حياتك
وأسيب لك حياتى
وأسيبك...!
6
كانت الشمـس إتحادي
والنجوم والليل قصايدي
وإنتي اُم قصايدي والشعر وهوايتي
حب عمر بحاله
حلم..
فاكره غناويا لعنيكي ؟
لمستي لخدك وجسمك
فاكره إحساس السعادة ؟
أحلي حاجة إن إنتي فاكره
وإني مش فاكر زياده...!
7
مش دايمًا لما بتوحشنا
بنسيب اللي شاغلنا ونمشيلك سكة
عشان نفتكرك...!
ماهو أصل الحي.. زى الميت
لاتنين خارج حدوتة عقل الناس
الهم الأكبر، مش هم الصُحبة
ولا عمره يا صاحبي هايبقى لواحد زيي
كان زيك يوم
الهم الأكبر في بلدنا.. هم اللقمة
والعالم أصلاً دلوقتي
بيوزع في الملكوت الهم.. هدوم...!
8
زى عقرب ساعة
كل ما بقرب ثواني..
تبعدك عني الدقايق
كل ما بقرب دقيقة..
تخطفك مني الساعات
فارجع أمشيلك خطاويا في ثبات
يسرقك بُكره اللي كان شايل حاجات
معرفتهاش...!
9
ماسبتش غير.. صورة
وضحكة من قلبها
وفرحة مكسوره
ماسبتش غير.. جرحي
وقالت لى معذوره
وأنا برده صدقتها...!
10
أخرتها ايه..؟
لو عمري كله.. عشتهولك
قلبي الضعيف.. وضبتهولك
أخرتها ايه..؟
هتعاندي برده العيشة فيه...!
11
المشكلة..
مش دمعة نزلت فوق خدودها.. والسلام
المشكلة..
في هذا الوجع
إزاي قدر يغسل ذنوبها
بدون كلام...!
12
بيوحشني الشتاء.. وياك
ويوحشني دفا حضنك
وبتعدي الفصول بالطول
وأنا مبطولش غير إسمك
عشان الدنيا دي بوشين
أنا موجود
وروحك.. وسط ناس تانيين...!
13
زمان كان الفراق أصعب
زمان كان البكاء عنوان
وكان الحزن بيخيم على القلبين
لكنه الحب.. بات مغلوب
زمان كان الفراق بعذاب
ودلوقتي
مفيش قلبين تلاقي الحب دوبهم
زمان كان الفراق بحساب
ودلوقتي الفراق نكتة
يقولها اتنين لبعضيهم
وتعجبهم...!
14
مش كل ناسك في البلد.. عابد
ولا كل صحبة تهون المشاوير
كل القلوب وشين.. وبتعاند
حزنك لقلبك
مش قلوب الغير...!
15
ماملكش غير قلبي
وحياة وهبها لك
وإيدين بتعْلى للسما وتدعى.. ربنا يخليكى
ومافيش وطن ليا
ولا بيت أعيش جواه
وطني الوحيد حضنك
وبيتي هو عنيكي
ولا فيه بإيدي قرار
ولا حل ولا خيارات
أنا في إنتظار قدري
والإختيار ليكى...!
16
ماسيبناش ذكرى للقصة
لكنا سيبنا تفاصيلها على الطرقات
على السكك اللي دابت من خطاوينا
وفوق الخد.. ودموعنا.. وفي المترو
ووسط حروف كتبنا منها دي الجوابات
أنا وإنتي قتلنا الذكرى جوانا
لكنا نسينا نمحيها
من الشجر اللي شايل لسه أسامينا
وقلب وسهم
وسيبنا الليل يبدل كام حقيقة بوهم
ونَسينا مشاعرنا.. مشاعرنا
بأول حضن في السيما
وأول بوسة مكسوفة تسيب خدك
وأول عيد بيحضرنا
ويبقى للفسح قيمة
كراسي دسوق.. وشط البحر والقلعة
وكام صورة على استانلي
ماتستني الـزمن ينسى يا بنت الإيه
يا فاكرة القلب مخزن للتراب والنار
وفاكرة القلب اوضة ودار
لأيام هيا اللي عاشتنا ومعشنهاش...!
17
إمبارح..
أنا شفتك في الحلم
على إيدك بنت بتشبه لك
وبتحضني كف النونو بقلبك
وبتضحكي بشويش من فرحك
إمبارح..
أنا كنت فى حلم
وصحيت وأنا روحى بتنده لك...!
18
أنا بسمعك
وإنتي بتاخدي من القصايد
اللي مكتوبة في عيونك
وتدندني قدام مرايتك..
"بعشقك"
وبتلضمي بغنوة لنجاة
"أنا بستناك وليلي شمعة سهرانة لليلة حب"
علشان مرايتك
قلبها يفضل مجمل
كل حته من ملامحك.. تسأليها
"مرايتى.. قولي لي يا مرايتى
حبيبى مجاش ليه دلوقتي"
أنا كنت واقف جنب منك بسمعك
لكني عارف إن بُكرة مكنش لينا
عشان كدا.. أول ما بيجيني الشتاء
بابقى كأني كنت لسه من يومين
تحت المطر
ماسك إيديكي.. بودعك...!
19
الوقت رهان..
والساعة في إيدك كام دلوقت..؟
والليل لو طول من غيرك
مش...
127 pages, Paperback
First published January 1, 2015
1 person is currently reading
15 people want to read
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 6 of 6 reviews
June 3, 2016
هناك دواوين تكتب لنشعر بكلماتها
وهناك دواوين تكتب لتباع
وهناك مثل هذا الكتاب
الذي لا اعرف لما تمت طابعته على ورق؟ وبيعه بمال؟
اجمل مافيه ان عنوانه اسم على مسمى
وهناك دواوين تكتب لتباع
وهناك مثل هذا الكتاب
الذي لا اعرف لما تمت طابعته على ورق؟ وبيعه بمال؟
اجمل مافيه ان عنوانه اسم على مسمى
April 25, 2016
أولًا بشكر محمد لانه اهداني ديوانه ويارب اكون ديما عند حسن ظنه
واسفة اني اتاخرت في ابداء رايي بسبب عنيا
بما أن عنيا مش راضية تخف بقى قررت اخليها تخف غصب عنها وكملت قراءة ديوان كوابيس مملة :)
البداية شدني لاني احاول اسرق مقتنطفات من كل قصيدة في الديوان ككل ورغم ان دي حركة بتخليني محبش الكتاب ولا اكملة تاني الا ان كلمات محمد من كتر ما هي واقعية وبتلمس القلب والروح شدتني اكتر اني اقراه مرتين
اسلوبة السهل الممتنع
مع كل قصيدة بتحس انك عايم في نهر لكن لما بتراجع معاني الكلام بينك وبين نفسك بتكتشف انه بحر مليانه موج
بيلين ويعاند معاك بيفهمك الدنيا والياة والظروف بطريقة كلنا لمسينها فعليا
ديوان عبارة عن وجع
قهر
عذاب
حب
فراق
ولقاء
ديما في امل موجود في كتاباته وفكرة ان لازم تعيش وتقاوم متسمحش للضعف يموتك
حبيت جدا
قصيدته ( عن إحساسك )
وقصيدته ( كتر الوجع بيعلم الرحمة )
لغة احساس وقصة عامة حميلة جدا تليق على كل قلب اتوجع وكل قلب لقى حبيبة معاه
ورغم انها عامية الا ان الاسلوب المحترم في انتقاء الكلمات والشاعرية الواقعية في التعبير عن اوجاع كلنا بنعايشها اقواه وميزة عن اي كتابة تانية ممكن نقرءها او تمر بينا
بالتوفيق صديقي الشاعر
بس بردو لسة بحب الفصحة اكتر :)
#محمد_خيرالله
#كوابيس_مملة
July 26, 2016
النجمة من أجل فكرة ظهرت من لسيناريو الاخير !
March 10, 2016
جميل وأعجبنى
September 16, 2016
عادةً لا أحبذ اللغه العاميه فالشعر
May 17, 2017
عندك أفكار حلوة بس حسيت ان معظمها مش عارف تطبقه صح
الوزن مكسور في اغلب الديوان الا كام قصيدة
الصور بسيطة ومش مميزة للاسف
بس بالتوفيق
الوزن مكسور في اغلب الديوان الا كام قصيدة
الصور بسيطة ومش مميزة للاسف
بس بالتوفيق
Displaying 1 - 6 of 6 reviews