كل العواطف حكايات 100 غنوة

by مؤمن المحمدي

تاريخ وأسرار كتابة وتلحين وغناء 100 أغنية ارتبط بها المصريون والعرب في أكثر على مدار أكثر من 100 عام

من أبرز الأسماء التي يتناولها الكتاب: عبده الحامولي، سيد درويش، أم كلثوم، محمد عبدالوهاب، فيروز، عبدالحليم حافظ، محمد رشدي، سعاد حسني، عبد المنعم مدبولي، أحمد عدوية، عفاف راضي، نجاة، وصولا إلى عمرو دياب ومحمد فؤاد، والعديد من المطربين الشعبيين كشعبان عبدالرحيم، وسعيد الهوا، ومطربي المهرجانات أوكا وأورتيجا.

كما يتضمن الكتاب رصدا موثقا لتاريخ أغنيات من الفولكور، وأخرى ارتبط بها المصريون عبر الإذاعة دون أن يعرفوا من هم صناعها، من بين هذه الأغاني "قولوا لعين الشمس متحماشي"، وسالمة يا سلامة"، و"مصطفى يا مصطفى"، و"عواد باع أرضه"

379 pages, Paperback

Published January 1, 2016

About the author

عبد المؤمن مصطفى محمد محمد، اسم الشهرة مؤمن المحمدي، كاتب وصحفي ومؤرخ وناقد فني مصري، من مواليد أسيوط 4 مايو 1975، حاصل على ليسانس الآداب قسم اللغة العربية من جامعة القاهرة عام 2005
عمله الصحفي:

كاتب حر، بدأ العمل مدرسًا ومشرفًا ومسئولًا عن دار كومبوني التابعة للكرسي الرسولي (بالقاهرة) في الفترة من 1996 – 2005، وصدر له كتاب (الطريق إلى اللغة العربية)، عن دار كومبوني للنشر، يكتب حاليًّا مقالات يومية بموقع دوت مصر، وجريدة السفير اللبناني، وقد سبق له أن كتب مقالات ثابتة في كل من الأهرام، روز اليوسف، أخبار الأدب، جريدة القاهرة، .الدستور، الغد، موقع كسرة، موقع قُل،
.تولى مناصب في مجلس التحرير بعدد من الصحف التي كتب فيها
.شارك في تأسيس عدد من الصحف، منها جريدة الصباح
محرر بقناة (سي بي سي) المصرية (برنامج صاحبة السعادة)
.محرر بالتلفزيون الإيطالي، مكتب القاهرة
.محرر بقناة دريم

صدر له:

عزيزي المواطن المسلم لماذا أنت متخلف، دار أوراق للنشر، 2012
سنة أولى ثورة، دار نهضة مصر، 2011
الأصنام، دار أكتب، 2014
أهلاوي، دار دون، 2013
أهو كلام، دار المصرية 2009
قانون جديد (رواية)، دار بيت الياسمين، 2013
تخاريف خريف (أشعار)، دار صفصافة، 2010
عارف يا حسين (أشعار)، دار روافد،2013
ليالي قريش 2015

خبرات ثقافية :

تنظيم (صالون المحمدي) عام 2013، وهو صالون ثقافي خاص، عمل على نشر التنوير، وذلك من خلال محاضرات تم عقدها بصورة دورية في 15 محافظة بالتعاون مع مؤسسات عدة، .أهمها: مركز ديالونا الثقافي، مؤسسة جدران بالإسكندرية

Reviews

[Muhammed Hebala · Rating 4 out of 5]

الكتاب طريف جدا و يجذبك من أول سطر كعادة المحمدي
يحكي و يسرد بأسلوبه الجميل قصص مجموعة من أشهر الأغاني التي نحفظها كلنا ولكن لا نعلم القصص وراءها
كتاب جميل بحق و المحمدي كتاباته رائعة

من القصص الطريفة أن أغنية قولوا لعين الشمس قيلت في إبراهيم الورداني اللي قتل بطرس غالي
و غنتها الست نعيمة شخلع قبل أن يعيد بليغ تلحينها و يقوم
مجدي نجيب باعادة كتابةة الكلمات و تغنيها شادية

و قصة أغنية يا ليلة العيد اللي غنتها أم كلثوم أول مرة في فيلم دنانير و لكن لم تعرض في الفيلم
و تغير آخر كوبليه فيها أكتر من مرة ليناسب هارون ثم الملك فاروق و الملك فيصل
ملك العراق و أخير النيل بعد الضباط الأحرار

أغنية عالحلوة و المرة اللي كتبها في الأصل مكوجي و اللي لحنها في الاساس بياع ورد و اللي غناها أسطى ستورجي
و هم سيد مرسي و محمود الشريف و عبدالغني السيد على الترتيب قبل أن تغنيها نجاة

أغنية رمضان جانا الأسطورية من كلمات حسين طنطاوي و غناها عبد المطلب عشان كان مزنوق في فلوس :)

[Mostafa Ahmed · Rating 5 out of 5]

"إحنا عاملين الكتاب ده ليه؟ علشان ننبسط، كلنا ننبسط، القارىء والكاتب والناشر، وفيه إيه يبسط أكتر من الأغاني: قديم جديد شعبي رسمي أطفال كبار فـ أفلام مسلسلات حفلات مطربين مطربات وطني ديني عاطفي إنساني، أي غنا هو مصدر سعادة، والمشكل الأساسي لـ وجدان أي شعب، شئنا أم أبينا"

في الحقيقة أنا استمتعت جدا بالكتاب
وسمعت أغاني أول مرة اركز معاها وعرفت مؤلفين وملحنين وقصصهم
ودي بلاي ليست عملتها وانا بقرا الكتاب فيها معظم الأغاني المتاحة اللى جت سيرتها فى الكتاب
بالترتيب كده وطلعوا 155 أغنية
https://soundcloud.com/mostafa-ahmed-...
واللى كان ممكن الناشر يعمل حاجة زي كده، يسيب لينك فيه تجميعة الأغاني اللى بيتكلم عنها

الكتاب بالعامية كعادة مؤمن المحمدي. وانا بجيب الكتاب ده بلف في المكتبة لقيت كتاب ليه عن جيفارا
بفتحه لقيته كاتب بالفصحى، جربت اقرا شوية، حسيت بغرابة فى الموضوع. اتعودت انه بيكتب بالعامية

فيه مقالات فى الكتاب انا قريتها ليه في كتاب تاني - غالبا ابن موت
منها مقال عن الفوازير - الشيخ إمام واحمد فؤاد نجم
وهنا فى الكتاب ده بيقول ان القصيدة كاملة فى اخر المقال، لكن مابنلاقيش حاجة

فيه قصة بقي عن اغنية الباقي هو الشعب بتاعة عفاف راضي وكمال الطويل
وبيحكي ان عبد الحليم مرضيش يغنيها ساعتها
وانا كنت قريت فى مذكرات دكتور حليم حليم وأنا
الحكاية من زاوية تانية. إن كمال الطويل اللي مرضيش يعمل أغنية عاش اللى قال
وقال مش هغني لأي زعيم تاني. بس تقريبا نفس التفاصيل

فيه حكايات كتير جميلة جدا

[Mahmoud Elmoustapha · Rating 5 out of 5]

نوع من التوثيق الجدير بالاهتمام، خصوصا اذا كان باسلوب ولغة مثل عامية مؤمن المحمدي.
غرض الكتاب كما أوضح الكاتب في مقدمته هو "الانبساط" وتحقيق المتعة للقارئ، وبالفعل هذا ما سيجده أي قارئ من خلال حكايات ١٠٠ غنوة.
بانوراما جميلة لحيثيات وخفايا قصص أغاني أطربتنا كثيرا لكننا نجهل كل شيء عن ظروف ولادتها. لنكتشف أن تاريخ أغانينا هو تاريخنا الغير مكتوب في الكتب والمراجع، ويمكنك من خلال تلك الحكايات تكوين صورة لما حدث وما يحدث وما سوف يحدث في مجتمعنا..
الكتاب كان ينقصه خاصية الباركود الرقمي للأغاني المذكورة كي يسهل التفاعل أكثر مع حكاياتها من خلال سماع الغنوة مباشرة بعد القراءة عنها.

[Mahrous · Rating 2 out of 5]

كل أغنية بيحكي عنها حكايات تافهة كتير لا يربطها رابط وفي وسطها معلومة حلوة أو مهمة .. مش زي مقالات طارق الشناوي مثلا اللي بيبقى ليها هيكل عظمي واحد

[هشام السعيد · Rating 5 out of 5]

اسلوب سلس و جذاب كالعادة من مؤمن

[Osama Yosre · Rating 4 out of 5]

كل العواطف حكايات 100 غنوة -مؤمن المحمدي
كتاب لطيف جدا يوثق تاريخ 100 اغنية من التراث باسلوب حلو وسهل وكل اغنية مين مولفها وملحنها ومغنيها وكيف التقوا وتمت الغنونه
وهناك العديد من الاغانى خلفها حكاية حلو زى مصطفى يا مصطفى ورمضان جانا وصافنى مره وبمبة كشر والسح ادح امبو وكل البنات بتحبك من اول القديم لحد اغانى المهرجانات وسعيد الهو وغيرهم
الاسلوب حلو سلسل ويميل الى الفكاهه

[Ahmad Barakat · Rating 3 out of 5]

حلوة فكرة الكتاب والأسلوب سلس, ولكن يعاب عليه كثرة الغلطات اللى كان سهل جدا تجنبها لو الكتاب اتراجع مرة واحدة قبل النشر.. فى المتوسط استمتعت بيه بقدر معقول وعرفت حاجات جديدة منها اللى كان لطيف ومنها المشوق او المضحك.. والمهم استفدت بكام أغنية حلويين.

[ayah · Rating 3 out of 5]

فكرة الكتاب لذيذة جدًا وهي بتتناول كواليس والقصص والحكايات اللي ورا أغاني كبرنا واحنا بنسمعهم وكمان المناسبات اللي طلعت فيها والمدهش إن الواحد عرف كمية معلومات وصدمات غريبة وعن ناس مكنش متوقع إن ممكن يطلع منهم كدا بس شوف يا أخي سبحان الله باكتشف إنهم بشر زينا. الله يرحمهم ويحسن إليهم.
نيجي نتناول نقط معينة قفلتني من الكتاب، شوف على الرغم من إني مصرية بس بجد الكتاب كله باللهجة المصرية(؟) حسيت اتقفلت شوية وخصوصا إن في كلمات معرفتش معناها إيه وغير كدا الكاتب بيتطرق لمواضيع وبيفتح مواضيع وبعدين يقول فيما معناه إنه اتكلم عنه قبل كدا سواء في كتب تانية له أو مقالات أو أيًا يكن اللي بينشره ودي حاجة شايفة مستفزة لإن انت بتشوقني ولا تدوقني ومعرفش ألاقي أغلب المواضيع دي على الانترنت نظرًا لإنها إما قديمه جدا أو متنشرتش أصلا أو محدش كان مهتم بيها(؟) وغير دا كله كمية الأخطاء اللغوية والنحوية.. أي نعم لهجة مصرية بس دا ميمنعش إننا منكتبش صح والضماير عنده بايظة جدًا.
ونيجي لٱخر حاجة ودي ممكن إضافة جميلة من الكاتب إنه يضيف صور عن الناس اللي بيتكلم عنهم في الكتاب أفضل عشان زهقت وأنت بدور عن الناس اللي بيتكلم عنهم. هو أكيد دا مش عيب للكاتب ودا عيب يقع عليّ بس حسيت هيكون أحسن وخصوصا إن دا كتتب بيتكلم عن مش بس كواليس أغاني ولكن كان فيه ناس كتيرة جدًا. وعشان أكون صريحة أسلوب الكاتب كان مشوق جدًا ولطيف.

[Ehab Haroon · Rating 3 out of 5]

كتاب باللغة العامية البسيطة يحكي حواديت تتعلق ب ١٠٠ غنوة من الأغاني العربية تبدأ من " الحنة يا حنة يا قطر الندي" وتنتهي ب "خليك فاكر مصر جميلة" تأخذنا بعض الحواديت لكواليس كل مايتعلق بالأغاني من كتابة و تلحين و غناء و إنتاج و حواديت اخري إلي الأحوال الاجتماعية والسياسية المؤثرة على تلك الأغاني.
من أكثر مايعجبني في كتابات مؤمن المحمدي دقته في المقدمة، يخبر القارىء بما سيتلقىبالتحديد بين صفحات الكتاب.( ويذلك يقلل من احتمالات الصدمة من المحتوى كما في كتب اخرى للكاتب ليس بينها هذا الكتاب)وفي مقدمة هذا الكتاب يخبرنا الكاتب بأن الهدف من الكتاب هو ان يستمتع القارىء بالحواديت بالأضافة لبعض المعلومات عن ١٠٠ غنوة، ليست الأهم ولا الأفضل ولا ولا.

[Osama Kamel · Rating 4 out of 5]

غرض الكتاب الانبساط من حكايه 100 غنوه
والسعاده والانبساط يمتلكوك وانت بتقرا الكتاب ،،

[Abir · Rating 5 out of 5]

كتاب جميل و مبهج للغاية جمع حكايات 100 أغنية مصرية و هو مكتوب بالعامية المصرية .
الاغاني المختارة هنا طبعاً اختيرت بعيدًاعن أيّة موضوعيّة و الهدف من الكتاب أوّلاً هو إدخال السعادة على الجميع و هذا جاء على لسان المحمدي نفسه "احنا عاملين الكتاب ده ليه؟ علشان ننبسط ، كلنا ننبسط"
المئة أغنية الواردة هنا ليست الأشهر أوالأجمل بل هي الأكثر تعبيرا عن حقبتها فيختلط الفنّ بالتاريخ و الموسيقى بالحروب و الثورات.
من عبده الحامولي إلى عمرو ذياب مرورًا بوردة و بليغ وغيرهم ممنّ ساهموا في بناء هذا الموروث الثقافي العظيم الذي تجاوز حدود مصر إلى كل العالم العربي.
مؤمن المحمدي بأسلوبه البسيط و المسلّي نجح في جعل هذا الكتاب مرجعًا متكاملا و خفيف الظل في نفس الوقت .
و انا "انبسطت" جدًّا في الاخر .😁

[Amal · Rating 4 out of 5]

حلوة فكرة الكتاب.. تأريخ وتوثيق بطريقة خفيفة لجوانب عاشها الناس في مصر... من حكاوي الكتاب، شفت الدنيا صغيرة قد ايه... كل الناس متصلة ببعضها بصورة أو أخرى.. المهم أغانينا فيها تاريخ