هاشتاج

by أحمد محمد- سلفستر

مكان شاسع لا يوجد به أشخاص عدا آدم يقف وحيدا ينظر يمينا و يسارا و لا يرى أي أشخاص غيره.
يسمع أصواتا من حوله لا يعلم مصدرها، و لكن هناك صوتا مميزا استطاع تحديده من وسط الأصوات، صوت مألوف بالنسبة له، تحرك ناحيته حتى وجد جبلا كبيرا، الصوت يأتي من خلفه.
صعد آدم الجبل سريعا حتى وصل لقمته ليجد خلفه فتاة و طفلا لم يستطع تمييز ملامحهما، هبط آدم من فوق الجبل سريعا و اقترب منهما أكثر فأكثر، ليقف صامتا في مكانه من الدهشة.

171 pages, Paperback

Reviews

[محمد خالد شريف · Rating 2 out of 5]

رُبما سمعت عن اسم الكاتب أو شاهدت له بوست أو كوميك على الفيسبوك.. ولكن هل فعلاً توقعت أن تسمع عنه بأن له رواية؟

في البداية توقعت أنها ربما تكون رواية كوميدية.. وأنا أعلم مستوى سلفستر في الكوميديا تماماً.. فلا بأس.. ولكني وجدت نفسي أمام رواية جادة عن مشكلة يمر بها أغلبنا في فترة من حياته.. وهي إدمان السوشيال ميديا أو إدمان الإنترنت بشكل عام.
الرواية مقبولة إلى حداً ما.. مُعتمدة بشكل كُلي على الحوار.. قلم سلفستر الروائي ما زال هاو غير خبير .. بينما قلم سلفستر الكوميدي خبير ومتمرس!
في بعض الأحيان كان يميل سلفستر للكوميديا في أوقات ليست كوميدية إطلاقاً.. وده كان أحياناً بيخليني أتشتت ومعرفش أركز ومكنتش بضحك بسببها برضو..
أعتقد أن سلفستر عليه أنه يختار لو يحب يكتب رواية تانية بين أنه بيكتب رواية فعلاً.. وأنه ناوي يضحك!
ولكن حتى لا أكون ظالم.. لم أكن أتوقع أني سأتقبل الرواية.. ولكني تقبلتها.. وكان لا بأس بها.

[Doaa · Rating 4 out of 5]

رواية جميلة اوي
خطفتني لمدة ساعتين هم زمن قراءتي للرواية
يمكن لانها من نوعية الروايات المحببة لى
فهي رواية رومانسية اجتماعية
اكتر شخصية عجبتنى هى شخصية كريم "الصديق الوفى"
بعض آراء هشام عجبتنى وبعضها الاخر لا
عجبنى قوى تناول الكاتب لموضوع العالم الافتراضي اللى الناس بتعيش فيه معظم الوقت واتفق معاه جدا في النماذج اللى ذكرها
اكتر حاجة شدتنى في بطل الرواية "آدم" هو تشابه حياته مع حياة اشخاص حقيقيين من لحم ودم
مكنتش حاسة انى باقرا رواية ... في روايات من كتر ما الشخصيات مرسومة حلو بتحس كأنك تعرفهم فعلا مش مجرد شخصيات في رواية وده اللى حسيته فعلا
انصح بيها محبي الروايات الرومانسية الاجتماعية

[Hager Moharram · Rating 3 out of 5]

A very interesting book to read .. the idea of schizophrenia is not new to literature but the author handled it in a rather brilliant way that makes you wonder that one time or another we all were at danger of schizophrenia like the hero Adam .. I would have liked to see more depth in the other characters like Karim and Sarah as well as Hisham (concerning him not just a parade of his ideas) similarly to Adam who I would have appreciated to have more depth into his psyche and more description of feelings and situations and places
The writing technique of the author is light and easy to read.
A note to the publishing house can you please stop repeating pages and review your zero copies before printing to avoid spelling and typo mistakes
Overall a good effort

[Ahmed Charisma · Rating 2 out of 5]

رواية ضعيفة اقل من المتوقع .. الاسم شدنى بس

[Abader Mahrous · Rating 4 out of 5]

- طيب بجد حیاتك عبارة عن إيه وحياتي ؟

- تصدقي حلو السؤال ده حياتي عبارة عن إيه !!!

بصي حياتي عبارة عن طريق طريق طويل أوي.
راكب فيه عربية وماشي لحد ما أوصل لنهاية طريقي.

خلال الطريق ده بقابل كتير وبشوف أكثر بقابل مطبات بتخليني غصب عني أهدي سرعتي مع إني بكون ماشي بأعلى سرعة ناحية هدفي لكن المطبات دي بتعطلني.

بقابل اللي ماشي بعربيته من غير أي إشارات ، اللي بيخليني قلقان طول الوقت مش عارف خطوته الجاية هتكون إيه.

بقابل اللي بيديني إشارة يمين وبيخليني أثق فيه وفجأة بیخون الثقة دي وبيدخل شمال وكتير بيحصل بيننا تصادم وبيخرجني عن طريقي ، بس أنا بقدر أكمل وأرجع للطريق تاني وأكمل رحلتي.
بقابل العربية اللي بتفضل ماشية جنبي لحد ما أتعود عليها في طريقي ومع أول مطب بتسبني وبتركن على جنب.
بقابل كماين وبوابات بقف فيها كتير بالرغم إن لو واحد معدي جنبي وراكب مرسيدي ومعلق نمر مهمة على العربية هيعدى علي طول ومش هيقف في أي كمين أو بوابة تقابله.
والناحية التانية بشوف عربية إسعاف فيها حالة ولادة بداية الجديدة لشخص جديد هيركب عربيته ويمشي معانا على الطريق.

بقابل عربيات النقل اللي لازم أستناهم يعدوا عشان متفرمش وسطهم.

وبقابل العربيات الأصغر مني اللي أنا بالنسبة لهم عربية نقل ولازم يستنوني أعدي عشان مفرمهم.

بقابل كتير ولسه هقابل وكل واحد فينا ماشي في طريقه.

عرفتي حياتي عبارة عن إيه ؟
__________________________________________

رواية جميلة....
فيها الصراع بين القلب و العقل، الخير و الشر، بتسلّط الضوء علي جوانب كتير مهمة في حايتنا ، و اهمها الانخراط في مواقع التواصل الاجتماعي و تأثيرها علي شخصياتنا و إنها بتملا اي نقص فينا بس بتملاه "هواء" و شوية حاجات تانية .

[Dee · Rating 2 out of 5]

كنت محتاجه اي كتاب، روايه قصيره افصل
ولقيت مرادي في المكتبه .
هو مش كتاب رائع أو قصه جامده
هو كتاب كنت جايباه من سنييين من ٢٠١٦ مثلا ومقرتوش
ايام ما كنت بنزل أشتري كتب بكميات كبيره ووحشتني الايام دي جدا بناسها وجوها
الكاتب وقتها شكله كان سنه صغير من طريقة الكتابه
القصه هشه وواضحه من البدايه
ولكن في أفكار كويسه و حوار كويس
عشان كده نجمتين للحوار
دورت ع الكاتب يمكن يكون طّور من كتاباته ولكن لا أثر ..

[Ebrahim Hossam · Rating 3 out of 5]

كا اول رواية ليه تمام الفكره شغالة
بس المشكله الوحيده عندي كميه الحاجه و عكسها رهيبه جوا لدرجه انا عارف انت هاتكتب ايه الصفحه دي و اللي بعدها
احنا لو شلنا المقارنات زي " الراجل الوفي اللي بيخون مراته و البنت اللي لبسها واسع بس محترمه" و الجمل دي عموما كانت مش هاتبقا ممله

[Abdul-Rahman Atef · Rating 1 out of 5]

رواية من وجهة نظري ضعيفة وحبكتها ضعيفة ولغة ركيكة .. الفكرة لا بأس بها ولكن كان يمكن أن تصاغ بشكل أقوى من كدة لكن ككاتب مبتدئ مش وحش

[Muhammed Essam Zanaty · Rating 2 out of 5]

لو حابب تنبسط ب وقت حلو في روايه شيقه يبقي لازم تقراها

[جنَى · Rating 4 out of 5]

قرأت هذه الروايه فى يوم استغرقت منى ٣ ساعات تقريبًا
كانت من أجمل ما قرأت..

[Ahmed AlMoselhy · Rating 2 out of 5]

محسيتش ان الموضوع استاهل كتاب
او المشكلة فيه انه خلى الموضوع تافه وضيع معناه في ال160+ صفحة دول

[Nour ElDin · Rating 3 out of 5]

رواية مسلية جدا وبها العديد من الحوارات الجيدة ولكنها متوقعه، فمنذ ظهور هشام في الرواية توقعت ان ادم مريض بانفصام الشخصية، عادة لا احب استباق الاحداث في رواية اقرائها الا ان الامر كان جلي هنا

[Hadeel Emad · Rating 5 out of 5]

رواية صغيرة جدا بس عجبتنى جدا ... الرواية بتتكلم عن حاجه كلنا عايشين عليها دلوقتي وهي مواقع التواصل الاجتماعى و خصوصا الفيس بوك .. بتتكلم عن ازاى انك ممكت تعمل حاجات و تتكلم مع ناس على المواقع دي و فى نفس الوقت أنت مش بتعرف تعمل ده فى الحقيقة و أظن أن فى ناس كتير أوي كده فعلا .. بتتكلم عن الصديق الوفى اللي بيقف مع صاحبه على طول مش اللى بيسيبوا لمجرد عيب فيه أو مع أول مشكلة تواجهه
أنا قرأتها فى ساعتين و هى الرواية مش هتاخد وقت أكتر من كده لكن مع أول دقيقة حسيت انى متعلقة بالشخصيات و ممكن ارتبط بأحداثها و دى أكتر حاجة بحبها في الروايات

[Osama Yosre · Rating 3 out of 5]

هاشتاج أحمد محمد "سل��ستر"
رواية بسيطة تتحدث عن شاب منطوى يحب فتاه ويحول الوصول اليها بشتى الطرق وعندما يصل اليها تحدث مفاجئة
الروايه تتحدث عن ادمان السوشيال ميديا وكيفية تكوين الانسان شخصيات افتراضيه يعيش بيها ليعوض نقصه بالحياه
الغلاف حلو والعنون له علاقه بالاحداث
اسلوب الكاتب سهل وبسيط لا يوجد به اى جمل بلاغية او تعقيد
سبب التقيم.. الهدف من الروايه معالجة مشكلة تعاتى منها الان
رواية خفيفة و مفهاش تفاصيل كتير و ممكن تخلص في ساعتين

[Sarah K. Lotfy · Rating 3 out of 5]

اول رواية اقرأها بعد انقطاع ليس بالقصير عن القراءة.. فعلا كنت محتاجة اقرأ رواية خفيفة زي دي و بصراحة كان عندي فضول Comic Maker زي سلفستر ممكن يقدم رواية محتواها ايه. ده غير ان اسم الرواية كان لغز و في غموض كمان.
رواية في المجمل ظريفة و شيقة رغم توقعي حقيقة شخصية هشام من اللقاء التاني تقريبا .. كان نفسي يبقى في تركيز على شخصية كريم و سارة اكتر من كدة بما انهم شخصيات اساسيا .. حبيت الفكاهة اللي فيها و الحبكة عموما .. اللغة المستخدمة سهل مفهاش اي تعقيد و خفيفة كدة تخلص على مرة واحدة.

[Ahmad Helmi · Rating 4 out of 5]

رواية لا بأس بها بالنسبة لاول عمل خفيفة و مفهاش تفاصيل كتير و ممكن تخلص في ساعتين