المشرحة وحكايات أخرى

by احمد فكري

المشرحة ليست مكاناً مخصصاً لحوادث الطريق فحسب ان كنت تظن ذلك وإنما لكل المتوفين فى شبهة جنائية، و ثلاجاتها تحوي الكثير من جثث لأطفال قتلتهم أمهاتهم، وأخرى لمجهول طعنه صديقه وفر، بالاضافة الى جثث من ماتوا محترقين..

260 pages, Hardcover

First published May 16, 8

About the author

كاتب رعب

Reviews

[Ramy · Rating 1 out of 5]

النجمة للغلاف و لبعض القصص اللى كان فيها بصيص امل تقلب و تبقى حلوة و مبقتش
فيما عادا ذلك صيفرررر
من ابسط مبادىء الكتابة انى لما انزل كتاب او رواية او مجموعة قصصية و ليها غلاف بيوحى انها رعب
و صفحة بيانات ال ISBN number
دار النشر
عددالصفحات
تاريخ النشر
اخراج الغلاف فلان
مراجعة لغوية فلان
نوع الكتاب..مجموعة قصصية رعب

يبقى ابسط مبادىء الكتابة انى لما اشتريها على الاساس دا و اجى افتحها الاقى القصص رعب فعلا
مش واحد بيشتغلنى

تخيل فيهم قصة و هاحرقها متعمدا
واحد باع ل واحد شقة و قاله الاوضة دى بالذات متفتحهاش
سمع خربشة على الباب من جوه ف راح فتحها
اكتشف ان وراها شقة تانية وفيها زوج و زوجته و روخرين كانوا فاكرين دا باب اوضة مقفولة حذرهم برضه انهم يفتوحها
يعنى نصب على الاتنين...فين الرعب هنا ؟ اشتمه ؟ اغلط فيه ؟
لا ادى له نجمة واحدة بس

ناهيك عن الغلطات الاملائية و دى بكمل قراءة و لاا كأنى شفتها
لكن اللى مقدرش اسكت عنه ابدا ...التعابير
بص التعبير دا المؤلف حاول يعمل فيها روش
"امامى فنجان قهوة ساخن تنبعث منه رائحة كفيلة بأن نصنع منها مخدرا"
دا اللى هو ازاى دا ان شاء الله ؟!

كل شخصيات القصص بلا ابعاد بلا ملامح بلا وصف لو كتب له اسم يبقى كتر خير الدنيا
...و حتى هنا لنا وقفة فى قصص مينفعش يتقال عليها قصص هى ديالوج او مشهد
اكثر منها قصة مفيهاش اركان القصة ... مجرد لقطة

حتى القصة الهيد head
اكبر واحدة فيهم و اللى المجموعة على اسمها المشرحة
نهايتها خايبة و هابلة

القصة تبقى قصة حينما استمر فى سرد اغرب و اصعب الخيارات و السيناريوهات على مسامعك
"دى لو قصة رعب او ما ورائيات"
فمثلا.... فلان سمع انه ورث عن عمه لابوه وابور طحين فى قرية بعيدة ... مممم..و طبعا مرحش ؟ لا راح
"نبضة اهتمام" ... راح و معرفش يوصل ؟ لا وصل
"نبضة اهتمام اخرى" راح و وصل بص عليها و بات فى لوكاندة ... صح ؟
لا ...دخل بات فى وابور الطحين ...
تانى يوم رجع طبعا ..لا... هو رجع بس مش تانى يوم
اومال امتى ؟ بعدها ب اسبوع بس كان فى حالة ...
حالة عادية طبعا ؟
لا خالص فى حالة يرثى لها
....
...
...
و هكذا ...

نرجع للقصة ال head
ساب كل الخيارات لتكملة الاحداث و التى تجعلا مثيرة كما يفترض
او كما ينتظر لا وعى القارىء
و انهاها نهاية مبتورة خايبة كأنما لم يعرف كيف ينهيها

انما صاحبنا يومهنا فى البداية انها رعب ..او بلاش رعب ماورائيات "فنتازيا" اثارة ... و ف الاخر لا رعب و لاا فنتازيا و لاا اثارة و لاا حتى ادب ساخر
و انما استظراف و قلة ادب

و ايه ثيمة .... مراتى شبح و اطفالى شبح جيت المسهم طلعت انا كمان شبح ...بقول ل جارى حسام طلع راخر شبح
ايه البيض دا ؟ هو مش عارف يتوقف امتى عن جعل الجميع اشباح
عشان يبقى فى بشرى واحد فى القصة غير القارىء
ف القارىء يتوحد معاه و يخاف عليه و معاه ؟


عناوين القصص و كنت هديهم درجات كل واحدة على حدا ..بس حرام
دار مسنين
صاحبة عطر الياسمين
ليلة ممطرة
الموقع 37
احدهم كان هنا
777
رجاء عدم فتح الغرفة
هى لا تعلم
لانه من اجدادى
تابلوه
منزل اليكس بارزاك
هلوسة
انتقام
المشرحة

الكتاب التالى : أصدقاء على الورق
كتاب رائع تجميعة مشكلات بريد الجمعة للرائع الاستاذ عبد الوهاب مطاوع

[Ayah Rashad · Rating 1 out of 5]

الرواية عبارة عن مجموعة قصصية سيئة للاسف
القصص كلها بلا استثناء تخلو من الحبكة الدرامية
بعض القصص نهايتها غير مفهومة وأخرى نهايتها محبطة
وبعض القصص تصلح كمشهد لجزء من رواية أو قصة ولا تصلح لكونها قصة مستقلة بذاتها

[Khaled Mohamed · Rating 4 out of 5]

الحقيقة وانا داخل اكتب الريفيو اتخضيت اما لئيت ان التقييم قليل اوي كدا
Unpopular opinion
القصص اغلبها حلو واسلوب الكاتب في شوية من اسلوب الدكتور احمد خالد توفيق رحمه الله
عجبني اوي الميكروفيكشن اللي بين كل قصة والتانية
وفي كام قصة افكارهم جديدة واظن المفروض كانو ياخدو حقهم كرواية كاملة

[Adham Khaled · Rating 2 out of 5]

الصراحه كنت متوقع انها تكون مميزه و استمتع بيها بس للاسف حسيت ب ملل في جزء كبير .. النجمتين للغلاف و ل بعض الافكار و كان نفسي الافكار حتي الكويسه دي كانت تبقي معموله ب شكل احسن

[أمـانـِي تَـوفـيـق أَبـو الْـدّهَـب · Rating 3 out of 5]

ليست سيئة لكن توقعتها اقوى من ذلك بعض القصص ليس لها معنى ولا مغزى وقليل منها يستحق رواية منفصلة

[Tamer · Rating 1 out of 5]

قصص كتير غير مكتملة
وقصص تانية غير مفهومة
كتاب فاشل للأسف

[Ahmed Ibrahim · Rating 4 out of 5]

المجموعه القصصيه بقلم الكاتب احمد فكري مجموعه مميزه من احداث الرعب و الاثاره التي تزيد من الحماسه لدي القارئ لقرأه تلك المجموعه الي اخرها الا تخللها بعض القصص الاعتياديه و لكنها لم تؤثر علي محور المجموعه القصص و التي اري ايضا ان هناك بعض من القصص كقصه المشرحه و 777 كانت تصلح لروايه كبيره
اما بالنسبه للغه و السرد فنري هنا ان طريقه عرض الافكار مبسطه و سهله و لغه السرد واضحه و غير متلاعب بها الا من بعض الاخطاء اللغويه التي من الممكن ان تسبب ضيق او استياء لظي بعض القراء و الكتابه من اللغه اللعربيه الفصحي الس العاميه مما قد يضعف مستوي المجموعه القصصيه
اما بالنسبه للغلاف و التنسيق ففكرته ليست بجديده الا ان ما ميزها هو اللون الاحمر الداكن الذي اضاف رهبه للكتاب
اما ملحوظاتي هي مع المدقق اللغوي و ليس اكثر

[Yasmeenology Yaseen zaki · Rating 1 out of 5]

ندمت اني قريته✋