اتفضل في الصالون

by محمد محسن

. مجموعة من الإسكتشات و المواقف المختلفة اللي بيربطها ببعض أبطالها محمد و دينا

الحب عكسه الكره .. مش جواز الصالونات .. ما بين الحب و الكره فيه احاسيس كتير و مشاعر ... انت لو شفت ال emotions اللي عندك على ال what's app مش هتلاقي واحد بيضحك وواحد زعلان و بس .. لا لا فيه اشكال كتير! !! اه انت ممكن ماتوصلش للحب الحقيقي اللي هو ملوش مدى .. دي حاجة مابتحصلش كتير اصلا ... لكن ده مش معناه انك تتجوز جواز عقلاني بحت !! الدنيا مش يا ابيض يا اسود زي ما قال نظيم شعراوي في شاهد ماشافش حاجة .. لا في الوان كتير في النص !! الإعجاب لون .. المودة لون .. العشرة لون .. الجاذبية لون .. يمكن لو الألوان دي اتجمعت في لحظة تديك لون أقرب للحب بصفاءه وعمقه !!! و خليك فاكر إن ألوان الطيف سر جمالها إنها خليط من الألوان مش لون واحد !!!

117 pages, ebook

First published March 24, 2015

Reviews

[Salma · Rating 4 out of 5]

كوميديا مصرية ساخرة عن الاكتشاف الفظيع جواز الصالونات .. الرواية دي عبارة عن تلات اجزاء جزء بيحكيه ولد و جزء بتحكيه بنت وجزء للراوي .. اول جزئين بالعامية واخر جزء بالفصحي محاولة من الكاتب اثبات مهارات وهي محاولة سليمة في كل الاحوال .. النهاية السعيدة المتوقعة كانت مفروضة في كل الاحوال الا انه برضه حاول يغير في طريقها و بكل سرور احب اقول انه نجح في ده كمان .. مبروك محمد محسن اول رواية ❤

[رباب فؤاد · Rating 4 out of 5]

لما قرأتها أول مرة ضحكت كتير جدداً، ولما قررنا ننشرها مكانش بس عشان هي رواية كوميدية او ساخرة او خفيفة
وإنما لأنها عاملة معادلة في مناقشة موضوع صعب جدا بأسلوب خفيف يخليك تشوف نفسك او اصحابك في مواقف مشابهة.. حتى اني بفكر ارشحها لكل شخص بيفكر في الارتباط

رواية أنا سعيدة بقرائتها واقتنائها، والأهم بكونها تحمل لوجو دار الفؤاد
اتمنى للرواية ولمحمد محسن كل النجاح الذي يستحقه

[Viva · Rating 4 out of 5]

خمسة سنتي بتعلاهم عن الأرض .. بتكون بيهم في قمة السعادة .. تخيل
!! مش بتاخد بالها من أي وجع في ضهرها ولا رجليها ولا جسمها لمجرد
إنها حاسة ببهجة .. آه بهجة !! إنت كمان دورك تعليها خليها توصل للسما
مش خمسة سنتي بس ..وهي مش هتحس منك بأي وجع أو تقصير

الكتاب دمه خفيف أوى وأراءه حقيقية إلى حد كبير هتستمتعوا وأنتوا بتقروه
غير انه فيه فكرة ف السرد شوقتنى أوى إنى أخلصه ف نفس اليوم

[Amal Assem · Rating 2 out of 5]

مش قوى زى ما كنت متخيله لما بدأت اخوض ف الكتاب حسيت انى بقرأ حاجه مختلفه عن وصف الكاتب للكتاب لكن عموما هو كتاب خفيف تخلصه ف قعده فيه جانب كوميدى ظريف وفيه جانب مُمل مكنش ليه لزمه
الحوارات اللى كانت بين الابطال عحبتنى اكتر من القصه
وحسيت ان عنوان الكتاب كان المفروض يكون عن حاجه مفصله اكتر من كده

[Rana Tarek · Rating 3 out of 5]

تنفع ك بريك بين الكتب التقيلة.. في المجمل ضعيفة ومكررة لحد كبير بس أسلوبها خفيف ومش ممل

[مروان العقــّــــــــاد · Rating 3 out of 5]

عادة لا اقرأ كتابات العامية
ولا أحترمها
لكن اتفضل في الصالون جذبني من العنوان
الأسلوب بسيط وسلس
والكلام مليء بالحكمة الساخرة

[Mai · Rating 4 out of 5]

حلوة اوووى بجد عجبتنى النهاية و
اللى عجبنى اكتر هو فكرة القصة ذات نفسها و الموضوع اللى بتعالجه و هو أن جواز الصالونات مش وحش و ممكن الشخص اللى تتعرف عليه عن طريق "جواز الصالونات " يكون هو حب عمرك و نصك التانى جايز فعلا ناس كتير بتتقفل من اسم "جواز صالونات" زى ما المؤلف علق على النقطة دى و قال ممكن تسميه جواز لامبورجينى مثلا هههههه أو أى اسم تانى
انا شايفة فعلا المشكلة مش فى المسمى أو الطريقة اللى بتقابل بيها الشخص أو المكان بس المشكلة فى أن ميبقاش فى توافق أو قبول أو ميبقاش فى وقت كافى تعرف الشخص اللى قدامك و تشوف هل هتقدروا تكملوا مع بعض أو لأ!
بس فعلا الواحد مفروض يبقى open-minded و يدى نفسه فرصة و يجرب لأننا فعلا منعرفش الحب هيجلنا من انهى طريق و لا أمتى و لا ازاى!!
من خلال تجربتى الشخصية فى الحياة أقدر أقول ان جواز الصالونات هو مجرد وسيلة تعارف على أشخاص لو حصل توافق و انجذاب يبقى خير و بركة محصلش يبقى من حقك ترفض أى حد لمجرد عدم الأرتياح و فى الأول و الأخر الجواز فعلا نصيب و اختيار فى نفس الوقت أو بمعنى أدق هو "اختيار النصيب"!!

[Marwa Rashed · Rating 4 out of 5]

الجزء العامي كان دمه خفيف على قلبي اكتر ..
النص الأولاني بتاع الولد اكتر من رائع .. وصراحة ماكنتش متخيلة ان الرجالة بيفكروا بنفس طريقة تفكيرنا .. النص بتاع البنت ماكنش اد كده .. كنت حاسة ان فيه حاجات أوفر .. بس في المجمل هيه رواية لطيفة .. كنت محتاجة أقراها في توقيت زي ده .. ☺

[Hager Abdelmonem · Rating 5 out of 5]

كتاب حلو جداً وممتع .. وغير إسقاطه على جواز الصالونات هو تعمق في شخصية البنت لدرجة الضحك وتعمق في شخصية الراجل بشكل حلو جداا
الكتاب يفتح نفس أي انسان عالقراءة ،، وممتع بيخرجك من حالة اكتئاب عميقة ويوصلك لحالة من السلام النفسي
السخرية اللي في الكتاب ممتعة جداً ..
اقتبست منه حاجات واتعلمت منه حاجات اكتر ❤️

مثلا
الراجل بيحب البنت تبقى وراه ..
مش تقليل لقيمتها زي ما البنت فاكرة .. لا ده لسببين .. الأول خوفه عليها بفطرة إنه مخلوق بمسؤلية حمايتها .. و يمكن ده بيخليه دايماً تحت ضغط .. السبب التاني إنه شايف إنها مش عارفة الصح ..
هو بيعتقد ده من واقع
خبراته بالحياة .. البنت لازم تكون عارفة ده و فاهمة إنها لو عارفة عنه في حاجة ماتحسسوش إنه حمار .. تنصحه بس ماتتخطاهوش .. هيقبل هو النصيحة و ده اللي خلى وراء كل رجل عظيم إمرأة .. وراء .. مش جنب و لا أودام .. وراء !!

وغيره وغيره ❤️
الكتاب يتحب وممتع ،، أول ما قرأته لمحمد محسن وبإذن الله مش الاخير

[Nehal Khater · Rating 3 out of 5]

رواية تناقش ربما ما نخفيه داخلنا ولا نستطيع البوح به حتى لأنفسنا لأننا عجزنا عن فهمه.

ثلاث أجزاء ..
أعجبتني النهاية ..
أخدت منها بعض الأقتباسات الرائعة التي اتمنى أن تعطي مفعولها السحري بداخلي.

ربما أختلف عن "محمد" و "دينا" قليلًا في نظرتهم ..
ولكن بداخلي ما يقلقني .. أتمنى أن أفهمه وأستطيع حله في القريب العاجل.

[Ahmed Gamal · Rating 4 out of 5]

بجد كتاب جميل جدا ورغم انه بيندرج تحت الادب الساخر بس كان فيه جمل واقعية ومؤثرة جدا ومعناها فعلا قريب من حياتنا والقصة كانت حلوة اوى فعلا

[Leavee Comment · Rating 3 out of 5]

مش وحشه بالعكس جميله اسلوبها سلس وجميل وفكاهي

[Asmaa vangogh · Rating 4 out of 5]

كتاب حلو جدا ومفيد جدا
فكرة الكتاب مهمه وكتير الواحد بيفكر في نفس الافكار
من الكتب الي تعلم في طريقه التفكير مع انه كتاب خفيف

[Rosa Elebyary · Rating 4 out of 5]

مش رواية او قصة
ومش ادب ساخر
هو خليط من الاتنين بشكل رائع
وطرح فكرة بشكل حلو وممتع

[Ana · Rating 4 out of 5]

كناب حلو ومفيد جدا
اسلوب سهل وبسط الكتاب افكاره واقعيه الى حد كبيروهيغير نظرتك لامور كتير

[Zamzam · Rating 4 out of 5]

كتاب حلو اووى ومش ممل واتكلم عن جواز الصالونات بطريقه متخليش الناس تحس انها عامله حاجه غلط او تتكسف منها

[Farida Mohamed · Rating 5 out of 5]

القصه تجنن بجد اصلا اصلا الرومانسيه فشدتها بتضحكك من قلبك والضحك اللى من القلب اخر رومانسية

[Mariam Osman · Rating 5 out of 5]

روعة !

[Mohamed Abou Ouf · Rating 5 out of 5]

لم اكن اتخيل وانا اقرأ اولي صفحات هذه الرواية المكتوبة بالعامية الدارجة لشاب وفتاة معاصرين اني امام عمل ادبي متكامل، من حيث روعة التقديم والتشويق ومتعة الكتابة بلغة التحاور الدارج بيننا هذه الايام في وسائل التواصل، لم ابالغ ان الكاتب جعلني اضحك بصوت مرتفع في كثير من المواقف، بابتسامة لم تفارقني خلال مواصلة القراءة، وبالرغم من عامية الكتابة وعصريتها الغير مبتذلة الا ان عبقرية الموضوع ان الكاتب أراد من خلال المواقف الحياتية اليومية للأبطال خفاف الظل ان يطرح معاني فلسفية ونفسية عميقة بدون تصريح بذلك من خلال مواقف وحوارات بين الشخصيات وحوارات مع النفس، ومما جعل تبسمي يزداد كلما واصلت القراءة هو توافق كبير في بعض التشبيهات التي عبر بها الكاتب عن بعض أفكاره و مدي تطابقها مع قناعات شخصية لي كنت قد كتبت عنها مسبقا، الكاتب كان موفق في تكوين فكرة تشويقية من ثلاث قصص لعرض فكرة موضوعه وكيف انتقل بسلاسة بين حكاياته الثلاثة، وكيف جعل من ختام الحكاية أقصوصة تشويقية عن طريق سرد الحكاية من النهاية الي البداية.
الرواية بها ابعاد إنسانية وفلسفية راقية عن الأقدار والنصيب ومفهوم الحب الحقيقي المطلوب لخلق رباط متين في علاقة زوجية اساسها السكن والاحتواء.
تحية لشخصية الكاتب المرحة التي أضفت روح جميلة علي الرواية.
الرواية منحتها خمس نجوم لانها نجحت في خلق بسمة حقيقية وتشويق، ومن المنصف تشجيع الكاتب علي مواصلة الكتابة بنفس القوة.

[Kariman · Rating 4 out of 5]

ربما يكمن السر في جواز الصالونات في المفاجأه,ان تنتظر شئ ما فتجد الاجمل في انتظارك,ما لم تتوقعه, فالمفاجاءت تثير مشاعرنا,تأثرنا ,فكيف ان كان الشخص نفسه هو المفاجأه,السعاده تكمن في حريتك في الاختيار حتي وان اخطأت الاختيار.

كتاب خفيف و ممتع,تناول جواز الصالونات بشكل كوميدي ساخر .

[Amna · Rating 5 out of 5]

رواية خفيفة خلصتها في حوالي ساعتين

[Totta abbas · Rating 5 out of 5]

ضحك ^^ حبيته جدا

[Nada Morsy · Rating 1 out of 5]

حقيقى مش مصدقة ان أول كتاب اقراه فى السنة يطلع كدا

[Fatma · Rating 5 out of 5]

اول مرة اعمل ريفيو بس بجد تحفة بسيطة وصغيرة وكوميدية وضحكت كتير جدا لحد ما دمعت وتحفة بجد وتريحك شوية من القرايات الثقيلة اسلوبها حلو جدا وفكرتها مختلفة ومبدعة

[Marwa · Rating 4 out of 5]

كتاب خفيف ولذيذ، ضحكني جداً، وفي نفس الوقت مفيد.

[safaa abosamra · Rating 2 out of 5]

رواية خفيفة مرحة تقرأ لتغير الروتين
انصح بها معارضوا زواج الصالونات
نجمتين لانها فقيرة ادبيا حقيقةً

[Sameh Ebrahim · Rating 4 out of 5]

كتاب خفيف لذيذ وسهل
كتاب إجتماعي بيناقش زواج الصالونات بشكل ساخر
بطريقة سلسة بسيطة وانت بتقرأه تحس انه مر عليك مواقف كتير منه
وبيوصلك بعض الخبرات والمعلومات اللي ممكن تستفيد منها سواء
اتجوزت او لسة هتخطب او تتجوز نهايته حلوة وعجبتني
فيه اقتباسات كتير جدا حلوة منها

الراجل بيحب البنت تبقى وراه ..
مش تقليل لقيمتها زي ما البنت فاكرة .. لا ده لسببين .. الأول خوفه عليها
بفطرة إنه مخلوق بمسؤلية حمايتها .. و يمكن ده بيخليه دايمأ تحت ضغط
.. السبب التاني إنه شايف إنها مش عارفة الصح .. هو بيعتقد ده من واقع
خبراته بالحياة .. البنت لازم تكون عارفة ده و فاهمة إنها لو عارفة عنه
في حاجة ماتحسسوش إنه حمار .. تنصحه بس ماتتخطاهوش .. هيقبل هو
النصيحة و ده اللي خلى وراء كل رجل عظيم إمرأة .. وراء .. مش جنب
و لا أودام .. وراء !!

لا أعلم ... هل السر فى الإشارات ... تلك العلامات التى يرسلها لنا القدر
... هل تؤثر فى توجهاتنا ؟ إذا كان القدر يرسل لنا رسائل فى مواقف معينه
... كلمة .. أغنية... هل نستطيع استيعابها وهل نستطيع قرأتها وفهمها
بشكل صحيح !!
كــ دلق القهوة خير ( مثلا )... دلق القهوة هى رسالة القدر ... خير هى
ترجمتنا لهذه الرسالة ... هل ترجماتنا صحيحة أم أنها مرآة لما ما بداخلنا ..
لما نتمناه )دلق القهوة مش خير .. ده بيبقع !!!


لا أعلم ... هل حقيقة الحب إنك صاحب الإختيار .. أم أنها حقيقة السعادة
فى حد ذاتها ... أن لك مطلق الحرية لست مقيد ا !! ... ربما .. فمن الممكن
أن ترفض نفس الإختيار لمجرد إحساسك بإنك مجبر عليه !! ... تخيل معى
أن تدخل أحد المطاعم فلا تجد فى قائمة الطعام سوى نوع واحد فقط ...
فحتى وإن كان المفضل لديك لن تشعر بالراحة التامة وأنت تختاره ..
بعكس لو كان ضمن العديد من الإختيارات الأخرى !!!
نعم فالسعادة تكمن فى حريتك فى الإختيار حتى وإن أخطأت الإختيار!!!
فالله خير الإنسان عن الملائكة بالإختيار... نعم فالإنسان مخير فى محيطه
... مسير بوجوده فى ذلك المحيط بالتحديد !!!

[Engy Fayez]

ك قارئة بحب أقرا الروايات اللي مش متكررة....حاجات مشفتهاش قبل كدة...حاجات مش بعيشها ف محتاجة اعيشها فالرواية...بالنسبالي انا مكملتش قرايته اصلا لإني عرفت مضمونه والمواقف دي بشوفها حواليا كل يوم ،،مفهوش حاجة تستحق القراية

[شروق على · Rating 4 out of 5]

الجواز من غير حب زي
صلاة من غير وضوء ..جرب تصلي من غير ما تتوضى .. هتبقى عامل
نفسك بتصلي..عامل نفسك بتسجد ..عامل نفسك بس..لكن
مابتصليش..الصلاة حلاوتها في التواصل مع ربنا !!! الجواز من غير حب
برضه هتبقى عامل نفسك متجوز .. بتعمل حركات المتجوزين بس ..
متجوز من برة بس .. الجواز حلاوته في التواصل الروحي مع الطرف
التانى ...
الجزء ده من اكتر الأجزاء الى بحبها فى الكتاب ... كتاب اتفضل فى الصالون كتاب ساخر بيتكلم عن حدوته الحب الى ممكن تحصل او جايز او ربما تحصل فى قعدة صالون مفيش حاجة مستحيلة ... بيتكلم عنها باسلوب ساخر لطيف ... الكتاب اسكتشات دمها خفيف لكاتب اسلوبه سهل بسيط مميز فى التشبيهات والتحليلات ... مزيدا من الابداع اتمنى له

[Kariman Tahoun · Rating 4 out of 5]

حلوة كدا وخفيفة استفدت منها واستمتعت بيها