خاطب بدرجة سنجل

by محمود بكري

الرحيل وحده قادر على تحطيم صناديق الألوان الزاهية التي حاولت أن تجمعها كل يوم لتلون حياة أحدهم.. فيرحل هو ويتركك وسط حطام الصناديق ومزيج الألوان جميعها بعد أن تكاتفوا جميعًا لتصبح حياتك باللون الأسود الغامق..

تظل أنت تحت مسمى النابضين بالحياة.. تجد قلبك حينها غير منصف.. يسكن بداخلك وينبض للراحلين.. تغدوا ذكرياتهم لتحطم ما تبقى لك من أيام.. لا يكفيهم ما رحل منا معهم.. لا يعلمون أن القلب ينبض لهم

Unknown Binding

First published January 1, 2016

About the author

محمود بكري
روائي مصري
مواليد محافظة الشرقية - 1993
حاصل على دبلوم صنايع
صدر له رواية مالك وبره الدنيا

Reviews

[Hanaa Hany · Rating 4 out of 5]

كتاب جميل واقعي الى حد ما

[Shimaa (Hamssa) · Rating 5 out of 5]

لا يا جدع دا انا بقلب الصفحه عشان اعرف ايه اللي حصل وقالها ع الجوابات ولما شافوا كشاكيل بعض لقيت الكتاب خلص
طب ايييييييييييييه
فين الباقي مليش فيه انا
انت كل مرة تبهرنا عن اللي قبلها والله لا بجد رائعه

[أسماء · Rating 3 out of 5]

لم أفهم عنوان الكتاب إلَّا بعد قراءته. بطريقة بسيطة حاول الكاتب شرح الخطوبة كما هي عليه في حقيقتها لا كما إعتاد الناس عليها، أن تخطب أحدهم لا يعني أن هذا الشخص قد أصبح حلالك و أن بإمكانك التصرف معه و كأنه زوج، ف
الخطبة ما هي إلَّا وعد بالزواج

[Maria · Rating 2 out of 5]

مش قادرة احدد هو عاجبنى ولا لا !
بس اعتقد انى كنت حاسة انى قاعدة مع اخويا او صديقى وبيحكيلى حكايته او قصة مؤثرة نازلة على النت ، خلصت الكتاب فى ساعة وكنت ببقى متشوقة اعرف ايه اللى هيحصل فى الفصل الجاى و ياترى هيتصرف ازاى وهل الموضوع هيتم ولا لا، كتاب خفيف يتقرى فى المواصلات .
والجدير بالذكر ان عجبتنى النهاية جدا .

[Sara Jamal · Rating 4 out of 5]

زي ما قال هو مش روايه ومش كتاب ، الكاتب بيحكي حكايته مع مراته وازاى اتعرف عليها وخطبها واتجوزها، الحكايه وراها معنى وفايده كبيره لأي حد قرر يخطب او خاطب ، وعاجبني انه صريح جدا في كلامه وقال كل المميزات والعيوب، يمكن لو الكتاب كان اطول وفيه تفاصيل اكتر كان بقى احلى.

[Huda Abdelaziz · Rating 1 out of 5]

اخدته من صديقتى استعاره
هو مش عمل أدبى زى ما الكاتب ما قال
فمش هقيمة بناء على ذلك .. هى تجربة حب يشاركها مع الناس وبس

[Waad Elbakry · Rating 1 out of 5]

خساره فيه النجمه دي والله

[Jude · Rating 3 out of 5]

حسناً لا أذكر كيف وصل هذا الكتاب بصيغة كتاب الكتروني على جوالي .. ربما من إحدى قنوات التليغرام .. لا أعلم 😁

على أية حال.. كنت اليوم مريضة جداً واضطررت لأخذ إجازة فقررت أن أقرأ كتاباً خفيفاً علّي أتحمّس للعودة إلى القراءة بعد هذا الانقطاع..
ففتحت بمحض الصدفة هذا الكتاب الذي قال عنه كاتبه في البداية أنه ليس عملاً أدبياً وقد صدق ..

أذكر أني كنت قد قطعت عهداً على نفسي بأن لا أقرأ كتاباً باللهجة العامية ..وذلك منذ آخر تجربة قراءة فاشلة لكتاب من نوع مشابه .. وأيضاً بسبب عشقي للغة العربية وحزني على محاولة طمسها عبر الزمن..

عموماً ..لقد كان كتاباً أشبه بحديث أو دردشة مع صديق شاب مصري يروي قصة خطوبته ويفضي عن مشاعره وأفكاره في تلك اللحظات (وقد كان على ما يبدو يحاول إيصال فكرة معينة من خلاصة تجربته).. فأعجبتني فكرة التجوال في عقل شاب ما وسماع تجربته كما لو أنه يرويها لي كأحد أصدقاءه!

[Aya · Rating 1 out of 5]

مع كل احترامي للكاتب ، ولكن انا محبيتش خالص الرواية يمكن اللي شجعني اقرأها انه قرأت قبلها رواية مالك لنفس الكاتب، ولكن القصة في الرواية دي حسيتها مش مفعمة بالاحداث مكانش في تشويق فالموضوع، ده من رأيي الشخصي .
الرواية اغلبها حوارات اكتر من انها سرد للقصة ، واغلب الراوية باللهجة المصرية العامية والجزء الباقي عربي فصحى ، والنوع ده من الروايات مش المفضل بالنسبالي .
غير كده محتوى القصة حقيقي كان مش حلو ، حسيت انه ضيعت وقتي ، قصة حب مبتذلة نوعا ما حتى انها تفتقر للرومانسية اصلا .

[Esraa · Rating 3 out of 5]

@هو الحب كده يكون في اقوي حالاته و احنا بعيد
@اللي يعشق الروح عمره ما ينسي
@الحب بيخليك تعمل حاجات كتير انت مش مقتنع بيها عشان اللي بتحبه
@لاخير في أمر يتجاوز الحلال الي الحرام
،،،فعلا مش كتاب أدبي و لا بيضيف معلومات بس بيضيف احساس و مشاعر راقيه والقصه مكتوبه بعفويه و احساس صادق.

[Yomna Mohammed · Rating 5 out of 5]

مش روايه اد ماهو كتاب ،كتاب تصنيفه غريب شويه هو خفيف جدوا على روحك و في نفس الوقت هيخليك متحمس جًدا توصل لايه هيحصل ؟الكتاب بيتكلم عن الحب في حدود واطار شرعي وازاي خطفت روحه ،هيخليك تغير حياتك واسلوبك من نفسك 💜

[Jomana · Rating 3 out of 5]

كتاب لطيف، مش روايه. بيغير مفهوم الناس عن الخطوبه. فا اي حد داخل على المرحله دي او ناوي يدخل فيها ممكن يقرأ الكتاب و هو قصير. في شوية حاجات الصراحه اختلفت عليها بس عادي احنا بناخد الحلو و اللي عاجبنا و خلاص. 3.5 🌟

[Mai · Rating 2 out of 5]

ولأن الحلال أجمل سأنتظر :D

[منه حازم · Rating 5 out of 5]

عمر ما كتاب عمل فيا كده أبدًا.. حاسة إني هبتدي عمر جديد بعد الكتاب ده..

[Vaiola Raiz · Rating 5 out of 5]

#37
جميله جداً ، مبهره جدا ، حبيتها أوي 5 نجوم

[LUAI ALMASRI · Rating 2 out of 5]

هي مجرد مذكرات لا اكثر ... لغة مصرية عامية وكتاب خفيف لكنه يفتقر الى الاحداث ... لا يوجد "حبكة" او عنصر شد ... او على الاحرى تحري الاحداث بمنحى عادي جدا غير ملفت ... تبقى قصة خفيفة تنفع على زهق !!!

[Shahd Sameh · Rating 3 out of 5]

كانت اول روايه اقرأها ❤

[Mariam · Rating 3 out of 5]

كتاب مسلي شوية بس مستفدتش منه باي حاجه

[Ahmed Haamed · Rating 3 out of 5]

من الكتب الجميلة التي تعرفنا على فترة الخطوبة وينصح بقرائته لمن هو مقدم على الزواج وبالذات في فترة الخطوبة.

[Asmaa · Rating 3 out of 5]

خلاص يا مؤلف ده انت متدين جدا

[سارة شكرى]

كنت مستنية نهاية مختلفة أو يمكن أسلوب الحوار هو اللى مش حلو
مش عارفة بس كنت مستنية تفاصيل أكتر قبل ما الاقى الكتاب خلص
مش معترضة على الفكرة بتاعة الرواية و بالعكس هى بتشجع كتير الواحد على خطوات معينة

[Yara Hassan · Rating 3 out of 5]

كتاب خفيف قصته جميلة بس بعض الشئ غير واقعى.

[DỡOoổ Fắthy · Rating 5 out of 5]

الصراحة مش قاااادرة اوصف حاجة
الاسلوب بسيط جدااا واكثر من راااائع
حببتنى ف الالتزام
خليتنى احلم بالشخص الملتزم اللى يشدنى للطريق الصح
انا شخضيااا مقصرة جدااا ف علاقتى بربي .. بس الكتاب دا خلى عندى طاقة ورغبة انى اقرررب اكتر من ربنا
الالتزام اكيد حلووووو
.
محمووود بكري .. الكاتب الوحيييييييد مع احترامى للاخرين ،. الكاتب الوحيد اللى بأسلوبه بيشدنى ويخلينى فعلاااا متخركش ومسيبش الكتاب من ايدى غير لما اخلصه .
ربنا يوفقك ومن تقدم لتقدم ياااارب

[Osama Yosre · Rating 4 out of 5]

انتهيت من خاطب بدرجة سنجل لمحمود بكرى
كتاب صغير يحكى عن تجربة شخص مع فتره الخطوبه باسلوب بسيط وكوميدى وان حظه يجى كمان مع فتاه منقبه
الكتاب اسلوبه سهل وعامى وبسيط وكنت مبسوط جدا وانا بقراءه وعاوز عارف ايه اللى جاى
الاسلوب محتاج شويه اتقان عشان انا من عشاق الفصحه وكمان مش عجبنى هى قالى وانا قلت يعنى اسلوب نقل الحوار بين اتنين

[Samarabdelsalam]

فى البداية شفت إعلان الكتاب على الفيس شدنى الاسم جدا وعجبنى التناقض اللى فيه .. أول ما شفته فى المكتبة اشتريته على طول لفضول بداخلى ♥
كتاب خفيف من الكتب اللى تخلص فى ساعتين بالكتير ... بس فيه فكرة .. ضحكت كتير صراحة على بعض الجمل :) .. أسلوبه عامى بس يشدكـ .. ♥
جاوب جوايا كام سؤال ودى لوحدها علت قيمة الكتاب فى إيدى ♥
بس ♥

[Amal Saleh · Rating 3 out of 5]

انا قرأت الكتاب وانا عاملة حسابي إنه مش حاجة أدبية زي ما الكاتب قال في الأول أصلاً , و بالتالي اللغة و الأدب معملوش مشكلة بالنسبة لي ! :)
شفت اسم الكتاب صدفة و نزلته و قرأته بدون ترتيب الصفح جريت معايا ,, حبيت القصة لأني يمكن شفت نفسي فيها , كل الناس بيقولوا ان مفيش حد يتقبل فكرة الخطوبة بالضوابط الشرعية , و أنا اتأكدت من الموضوع دا خلاص

[Maha Shalaby · Rating 4 out of 5]

الكتاب اسمه يبان مش جذاب لكن اللي جواه جديد ،مفيش حد تطرق لحوار المنقبات قبل كده،،قصة مختلفة و النهاية مستفزة جدا ،،انا مفهماش ليه نهاية مفتوحة اوي كده،،كان ممكن تكمل اكتر من كده ،،انا محستهاش نهاية و اتقفلت بعد م كنت مبسوطة

[عبدالله · Rating 4 out of 5]

لا، بصراحه الكتاب ده دخل دماغي و لو اني اشتريته بالصدفه و الله. و Recommend لأي حد بيفكر في المستقبل كتير، او ناول يأخد خطوه الخطوبه.

في معلومات كتير اجتماعيه و دينيه تخص العلاقات، و لو ان يعني الكتاب مركز علي الدينيه شويه عشان هي دي التجربه المعروضه.

كلا عن كل، الكتاب لذيذ. 7/10

[Mohamed samy · Rating 2 out of 5]

نصايح أخ

[Tony Nabil · Rating 5 out of 5]

جامد جدا