ចក​រសាត់​កាត់​ព្យុះ​កម្ពុជា

by Hay Ly Eang, ហៃ លីអ៊ាង

227 pages, Paperback

Published January 1, 2015

Reviews

[Menglong Youk · Rating 5 out of 5]

"ចករសាត់កាត់ព្យុះកម្ពុជា" គឺជាសៀវភៅមួយក្បាលដែលសរសេរដោយលោក ហៃ លីអ៊ាង ដែលជាឱសថបណ្ឌិត និងជាសហគ្រិនខ្មែរម្នាក់។ សៀវភៅនេះសរសេររៀបរាប់ពីដំណើរជីវិតរបស់អ្នកនិពន្ធដោយផ្តោតសំខាន់ទៅលើជីវប្រវត្តិ, បទពិសោធន៍នៃជីវិត និងការធ្វើជំនួញដែលលោកជួបប្រទះក្នុងនាមជាខ្មែរម្នាក់នៅបារាំងដែលបានចាប់ផ្តើមពីកុមារម្នាក់នៅភូមិជីហែ រួចជានិស្សិតដែលភៀសខ្លួនពីស្រុកកំណើតដែលញាំញីដោយសង្គ្រាម រហូតដល់ទៅក្លាយជាសហគ្រិនមួយដែលគួរឲ្យស្ញប់ស្ញែង។ វាក៏បានបូកបញ្ចូលដែរនូវការពិភាក្សាពីកម្រិតជីវភាព និងភាពមិនស្មើគ្នារវាងអ្នកមាន និងអ្នកក្រ ដែលអ្នកនិពន្ធជឿថាជាមូលហេតុមួយដែលនាំកម្ពុជាឲ្យធ្លាក់ទៅរកសង្គ្រាមស៊ីវិល និងរបបប្រល័យពូជសាសន៍ ដែលឆក់យកជីវិតប្រជាជនជាច្រើននាក់ និងរុញកម្ពុជាឲ្យធ្លាក់ក្នុងរណ្តៅដែលយើងកំពុងព្យាយាមរកផ្លូវចេញមកវិញនេះ។ អ្នកនិពន្ធសម្លឹងឃើញថាភាពក្រីក្រ និងភាពអវិជ្ជាឯណេះទេដែលជាបញ្ហាធំដែលយើងត្រូវប្រឈមមុខ ឯការយកកំហឹងដើម្បីដោះស្រាយបញ្ហានោះគឺមិនផ្តល់ផលល្អអ្វីឡើយ

ខ្ញុំពេញចិត្តនឹងឃ្លាមួយដែលសរសេរថា "តើការកាត់ទោសអតីតមេដឹកនាំខ្មែរក្រហមមានប្រយោជន៍អ្វីទៅ បើយើងមិនដកចេញពីសង្គមយើងនូវស្មៅអាក្រក់ដែលបានចិញ្ចឹមការរវើរវាយដ៏ឆ្កួតលីលារបស់មនុស្សមួយចំនួនក្នុងក្រុមពួកគេនោះ?" ពិតមែន, ភាពមិនត្រូវរូវគ្នារវាងអ្នកទីក្រុង និងអ្នកជនបទនៅតែចោទជាបញ្ហា។ អ្នកទីក្រុងបានចាត់ទុកអ្នកជនបទមានឋានៈមិនស្មើនឹងខ្លួន ខណៈដែលអ្នកជនបទគិតថាពួកអ្នកមានភាគច្រើនគឺសុទ្ធតែកេងប្រវ័ញ្ច។ បើមិនអាចដោះស្រាយបញ្ហាទាំងនេះទេ នោះការអភិវឌ្ឍដែលពឹងផ្អែកតែលើមួយក្រុមគឺពិតជាពិបាក។

"ចករសាត់កាត់ព្យុះកម្ពុជា" បានផ្តល់មេរៀន ក៏ដូចជាគំនិតជាច្រើនដល់អ្នកអានក្នុងផ្នែកប្រវត្តិសាស្ត្រ សង្គមសាស្ត្រ ក៏ដូចជាជំនួញផងដែរ។ អ្នកគួរតែអានវា។

[Sinet Sem · Rating 5 out of 5]

ខ្ញុំបានរៀនរឿងជាច្រើនអំពីជីវប្រវត្តិរបស់សហគ្រិនខ្មែររូបនេះ។សំដីមួយឃ្លារបស់លោកឱសថបណ្ឌិត ដែលខ្ញុំចាំជាងគេ គឺជាឃ្លាដែលលោកឆ្លើយតបជាមួយអ្នកដែលថាគាត់ឆ្កួតដោយសារបើកសហគ្រាសជួយកសិករដែលប្រកបរបរឡើងត្នោត។ លោកបានឆ្លើយតបថា យកលុយយកទៅបើកសហគ្រាសដែលផ្តល់ផលប្រយោជន៍ដល់ប្រជាជនក្រីក្រមិនមែនជារឿងឆ្កួតដូចយកលុយទៅលេងល្បែងនៅណាហ្កាទេ។

អ្នកដែលមានគំនិតសហគ្រិន មិនគួររំលងសៀវភៅនេះឡើយ។

[Someth Victory · Rating 5 out of 5]

This is one of the best books I have read so far. It's very well mentioned about Cambodian history before and after the Khmer Rouge. It also indicates how individuals should act to contribute to the development of the nation. I recommend this book to everyone.