மணற்கேணி

by Yuvan Chandrasekar

மணற்கேணியில், நீண்ட கதைகளாக எழுதப்பட வேண்டியவை, கதையம்சமே அற்ற நினைவலைகள் போன்றவை, கவிதையாக எழுதப்பட வேண்டிய தருணங்கள், சாதாரணப் பார்வைக்கு எளிதாகத் தப்பிவிடும் சின்னஞ்சிறு பிறழ்வுகள், யாரும் எதிர் கொள்ளக்கூடிய கணங்கள்,

கிருஷ்ணன் என்ற கதாபாத்திரத்தின் பிரத்தியேக அனுபவங்கள் என்று பல்வேறு விதமான சந்தர்ப்பங்களைக் குறுங்கதை வடிவில் எழுதிப் பார்த்திருக்கிறேன்.

இவற்றை எழுதும்போது நான் அடைந்த கிளர்ச்சி அபரிமிதமானது.

மிகக் குறைந்த வார்தைகளில் வாக்கியங்களை உருவாக்க முடிந்ததும்,மிகக் குறைந்த வாக்கியங்களில் மனிதர்களும் இடங்களும் உருவான விதமும் பெரும் போதையை அளித்தன.

உரையாடல், விவரணை, விசாரணை என்று புனைகதையின் அடிப்படைத் தேவைகளை நிறை வேற்ற எவ்வளவு குறைவான மொழிப் பிரயோகம் போதுமானதாய் இருக்கிறது என்பது தொடர்ந்து ஆச்சிரியம் தந்தவாறிருந்தது.

- யுவன் சந்திரசேகர்.

This ebook is a product of Kizhakku pathippagam, which is a imprint of New Horizon Media Private Limited (NHM).

320 pages, Paperback

First published January 1, 2008

About the author

Yuvan Chandrasekar (b. 14 December 1961) is a Tamil writer, poet, translator, whose works bring out a postmodern aesthetic. He wrote poetry under the name of M. Yuvan. Yuvan Chandrasekar's works express a kind of magical realism which he classifies as 'alternate reality'.

Reviews

[Muthukumar]

மறக்க முடியாத ஒரு வாசிப்பு அனுபவம்

படிக்க ஆரம்பித்ததில் இருந்து இன்று முடிக்கும் நேரம் வரை, கிருஷ்ணனின் அனுபவங்களோடு நானும் பயணித்து வந்துள்ளேன். கிருஷ்ணன் பார்த்த மனிதர்கள், அவருக்கு கிடைத்த அனுபவங்கள், அவர் சென்ற இடங்கள், அவருடைய எண்ணங்கள் எல்லாமே தோளில் கை போட்டு பேசி செல்லும் ஒரு தோழனின் நெருக்கத்துடன் மனக்கண்ணில் வருகின்றன.

[Kaaviya Sathya Narayanan · Rating 2 out of 5]

புனைவு

கிணற்றை தோண்ட தோண்ட வரும் ஊற்று நீர் போல நினைவின் அடுக்குகளில் தோண்டி எடுத்து எழுத்தாளர் யுவன் சந்திரசேகரால் புனைவு கலந்து எழுதப்பட்ட நினைவலைகள் மணற்கேணி.

100 குறுங்கதைகள். நம் கதாநாயகன் கிருஷ்ணனின் வாழ்வின் மறக்க முடியா மனிதர்களால் நிரம்பிய பக்கங்கள். ஒவ்வொரு குறுங்கதையும் வெறும் இரண்டரை பக்கங்களேயானாலும் சுவாரசியத்திற்கு குறைவில்லை.

ஆணின் பார்வையில் சொல்லப்படும் கதையில் பெண்கள் விவரிக்கப்படும் விதம் மிகவும் வக்கிரமாகவும் முகம் சுளிக்கும் விதமும் அமைத்துள்ளது புதிதில்லை எனினும் இத்தொகுப்பின் தேவையில்லாத ஆணிகள் என்று தான் தோன்றியது. மிகவும் அருவருக்கத்தக்க வகையில் அமைந்த இந்த குறுங்கதைகள் (சுமாராக 100-ல் 40 கதைகளாவது) பிற குறுங்கதைகள் கொடுத்த உணர்வை பிடுங்கிவிட்டன.

நிறைவற்ற வாசிப்பனுபவம்.

இதை நீங்கள் வாசித்திருந்தால் உங்கள் அனுபவத்தை கீழே பகிரவும்!