அவர்கள் வருகிறார்கள்

by Mu. Mehtha

104 pages, Paperback

First published August 1, 1980

About the author

உவமை உருவகங்களில் பழமையையும் புதுமையையும் இணைத்த மு.மேத்தா, வளமான கற்பனை, எளிய நடை, எளிய சொல்லாட்சி, மனித உணர்வுகளின் படப்பிடிப்புகளால் மக்கள் உள்ளத்தைக் கவர்ந்தவர். இவரைப் பின்பற்றி இளைஞர்கள் பலர் கவிதை எழுத ஆர்வம் கொண்டனர். இவரது முதற் கவிதைத்தொகுப்பு கண்ணீர்ப் பூக்கள். காதல் சோகமும், தமிழ்த் தாகமும் இழையோடும் அவரது கவிதைகள் அவ்வப்போது கூர்மையான சமூக விமர்சனங்களிலும் இறங்குவதுண்டு. சமூக விமர்சனத் தொனியில் அமைந்த "தேச பிதாவுக்கு ஒரு தெருப் பாடகனின் அஞ்சலி" என்ற கவிதை மு.மேத்தாவுக்கு புகழ் தேடித் தந்த கவிதை ஆகும். மரபுக்கவிதைகள், புதுக்கவிதைகள், சிறுகதை, நாவல், கட்டுரைகள் முதலியவற்றைப் படைப்பதிலும் வல்லவரான மு. மேத்தா அத்துறைகளில் பதினைந்திற்கும் மேற்பட்ட நூல்களை வெளியிட்டுள்ளார். அவருடைய நூல்களுள் "ஊர்வலம்" தமிழக அரசின் முதற்பரிசினைப் பெற்ற கவிதை நூலாகும். இவரது "சோழ நிலா" என்னும் வரலாற்று நாவல் ஆனந்த விகடன் இதழ் நிகழ்த்திய பொன்விழா இலக்கியப் போட்டியில் முதல் பரிசு பெற்றது ஆகும். இவர் திரைப்படத் துறையிலும் பாடல்கள் எழுதி வருகிறார்

Reviews

[Dineshsanth S · Rating 4 out of 5]

இருபத்து நான்கு கவிதைகள் அடங்கிய சிறு கவிதைத் தொகுப்பு.சிறகே ஒரு சுமைதான், சுதந்திர தாகம், வெவ்வேறு முகங்கள், காற்றை மிரட்டிய சருகுகள், அவர்கள் வருகிறார்கள், உதிரும் கனவுகள் போன்ற பல கவிதைகள் ரசிக்க வைத்தன.ரசித்த வரிகளிற் சில
//பருவம் ஒரு சிறகுதான்
வானில் பறக்க வழியில்லாத போது
சிறகே ஒரு சுமை தான்//
//நம்பிக்கை நார் மட்டும்
நம் கையில் இருந்தால்
உதிர்ந்த பூக்களும் ஒவ்வொன்றாக
வந்து ஒட்டிக்கொள்ளும்
கழுத்து மாலையாகவும்
தன்னைத்தானே கட்டிக் கொள்ளும்//
//பாயைச் சுருட்டி வைத்தால்
பசிப் பயணம்...
பாய் விரித்துப் புறப்பட்டால்
இன்னொரு பசிக்கு
இரையாகும் நிசிப் பயணம்//