متاهة مشاعر

by نهى طلبه

إن للقلب صوتاً منفرداً.. خافتاً.. ناعماً..
ولكننا لا نملك إلا الخضوع له طائعين مستسلمين
تدفعنا سعادة أليمة لا يعرفها إلا عاشق..
عاشق حائر.. عاشق تائه في ملكوت الحب..

ebook

Reviews

[AYA AMR · Rating 3 out of 5]

القصة عامة حلوة والحبكة كانت حلوة الاسم كان لايق جدا جدا على القصة الغلاف كويس
بس ليه الجرآه الزايدة عن اللزوم دى والايحاءات الصريحة كنا عنفهم من غير التفاصيل الزيادة دى
معترضة جدا على اللبس هو اصلا كان فى لبس ؟!!!
طريقة فى السرد كويسة بعيد عن الحشو اللى كان ممكن يتلخص عن كده
بس كتير كنت بحس انى بنفرج على فيلم عربى خصوصا فى حكاية نيرة مع انى حاسة انك مش حطياها حقها فى الرواية مع انى كنت بحبها ومتعاطفة معاها او مشفقة عليها كنت بحس ان طول الرواية علياء ويزيد وكانت حاجات تافهه اصلا ساعات كنت بزهق منهم
مفيش حد عدل الرواية دى بتمثلى كده مفيش حدا مخلص غير منى طبعا
ازاى مازن كان بحيب نيرة ودنيا فى نفس الوقت ازاااى
وازاى مخلية دنيا دى مثالية اوى مثالية بزيادة مثالية بطريقة انى مش مصدقاها خالص وكنت بضايق منها مفيش كده
اكتر حد حبيته فى الرواية منى
اكتر حد ادمر فى نظرى نيرة وده بايديها اساسا
موفقة فى الجاى ان شاء الله
ومن احلى لاحلى

[Sara · Rating 1 out of 5]

ظاهريًا هي متاهة كبيرة من المشاعر و العلاقات المتشابكة جدًا .
لكن لو بصيت لكل فكرة لوحدها هتلاقيها فيلم عربي قديم ، و الكاتب لما بيحاول يخرج بره أطار الاعتيادية و التكرار ، بيقلق أحسن الرومانسية تروح فبيرجعله تاني .
يعني لو كل فكرة كانت أخدت حبكة متخلفة ، كانت هتبقي الرواية مختلفة و أفضل كتير في وجهة نظري ..
لكن ليه ؟ لازم كل كابل يخرج سعيد و متجوز ، و كلهم في نفس المكان مع بعض
اللي هو جناح مثالية بيرفرف علي الكل ..
و أكتر ألتواء غريبة ، هو حب حسن لصبا من لامسه واحدة و غيرته المجنونة عليها تاني يوم ، و يشدها غصب و في فرنسا ، في البلاد الأروبية لما شخص بيشوف تعرض واحدة للعنف في مكان عام بيبلغ خدمة الطوارئ علي طول ، و التاني بيتسجن علي فكرة !
لكن لازم نطلع حسن فارس غيران ، و قولت صبا هترفض لكن لازم تطلع أنها بتحبه من زمان و خايفة بس علي مين لازم يتجوزها ! .
رغم حبكة حسن اللي كان أتجاهها كويس جدًا ، بوخت بشكل فظيع ..
و اللي حصل بالنسبة لباقي الحبكات و الشخصيات ..
القصة مش مملة بالعكس مسلية ، عامله زي مسلسل أو فيلم تسعينياتي تتفرج عليهم و أنت معندكش طاقة أو رغبة في أنك تتفرج علي حاجة محتاجه جهد أو تركيز ..
و النوع ده أنتشر جدًا ، أفكار مكررة و غير منطقية و شحطات رومانسية سمجة أحيانا ، تقرأها لأنك معندكش رغبة أو طاقة لحاجة أضخم .

[Maryam Zubeir · Rating 1 out of 5]

ماهذا القرنبيطو زوراتس الذي أضعت وقتي في قراءته!

[Habiba · Rating 1 out of 5]

حرقت دمي، وأستهلكتني نفسيًا وعصبيًا..
وبكل الأسف كانت تجربة سيئة.

[Angham Ahmed · Rating 4 out of 5]

اسم على مسمى فعلا ...كمية لخبطة رهيبه في المشاعر متاهه فعلا ...بحب الروايه ديه جدا ومش عارفه الجزء التاني منها امتى هينزل ...وكانت هتبقى 5نجوم بالنسبه لي لولا ان كان في افورة وجرأة غير مناسبه في بعض المشاهد وكان لازم تكون اقل في التوضيح وبالذات بين زياد وعلياء

[Reham Shaaban · Rating 5 out of 5]

الرواية ده ممكن اقراها مليون مرة وبرده مش هازهق
كل شخصية في الرواية ده محتاجة مجموعة من التحليلات الرهيبة كده
رائعة بالمعني الحرفي للكلمة

[Amany.K · Rating 4 out of 5]

تهت فعلاً ... احب الروايات التي تتناول شخصيات عديدة متشابكة ... حسن و مني .. قصة حب تقليدية باختلاف الطبقة الاجتماعية و ضغط الأب و تنازل الإبن ... ربنا الجديد فيها هو تطور شخصية حسن أمام الصعوبات و المراهنة علي الحب دائما... مني قوية مؤمنة تحب و تبذل كل ما تملك من أجل من تحب أن تقل تضحيتها ابدا عما ضحي به حسن ... أبكتني وفاتها .
يزيد و علياء ... عشقتهم .. علياء ناضجة جدا رغم صغرها ... لقد كنت أنا اغار لها علي يزيد ... و فكرة ريناد غير محتملة للمرأة العاشقة فكيف تحملت ... و لكنها كبرت و شبت و هي تتحمل فتحملت فراق الاب و الام و ظلم والدة يزيد و ظلم عائلتها .. أسرتهم جميلة جداً ... علي و نادية و ادهم و حازم و حمزة .. و أم علي الرادار البشري ... لحظاتهم الحميمية كثيرة جداً .. مفضوحين علي رأي أم علي ...
ريناد ... مستفزة كل الحياة عندها تنافس لابد أن تكون مثالية في كل شيء .
مااااازن و دنيا ... علاقة غريبة لم اتوقع أن تستمر في وجود نيرة و لكن مازن خسر دنيا حقا .. علاقة احتياج و اجتياح كامل و سكون و لجوء و أمومة .توقعت عودتهما في النهاية فهي علاقة وجدت لتدوم و في وجود عشق مازن .
دنيا ... امرأة متفردة مميزة اعجبتني شخصيتها كثيراً.. قوية ... متمسكة بارائها و قراراتها حتي لو كانت غير رغبتها ... عاشقة ... ناجحة .. متمردة .
نيرة ..... ؟؟؟؟؟؟؟؟؟!!!!!!!!!! ربما هذا هو التعبير الأبلغ لوصفها ... لا تعرف ماذا تريد و تريد كل شيء ... في بعض الأحيان اشفقت عليها كثيراً... و في البعض الآخر ... كرهتها فعلاً ... و لكن أحببت علاقتها بعلياء ... دور الحارس الشخصي لها و حاميها و مصدر غيرة ليزيد .
صبا ... لم اتوقع ان تكون لحسن .. لا اعرف ما مصير علاقتهم .
لورا .. ضحية الوقت الخطأ .
الي اللقاء في الجزء الثاني .. أحببت بلا أمل.

[Sam · Rating 3 out of 5]

⚠️تحذير قد يكون هناك حرق للأحداث🚫

✨الرواية نوعا ما حلوة وفيها مشاعر رومانسية كويسة كمان الرواية ليها جزء تاني بعنوان أحببت بلا أمل.

✨الرواية دى عبارة عن متاهة مشاعر فعلا، فالواحد تاهه من كتر الشخصيات والأحداث والوصف بس فى يدوبك كام شخصية تستحق التركيز عليه زى شخصية حسن اللى إتجوز منى حب عمره بعد صراع مع والده لأنها بنت فقيرة، ولكنه بيعصي والده ووالده بيعاقبه عقاب أقوى ومش بس كدا بعد إستمراره مع منى القدر كمان بيعقبه ياتري أى اللى هيحصله؟
وفى كمان شخصية مازن ودا أخو حسن وفى يزيد صاحبهم اللى دخل نفسه فى دوامة بسبب خطوبته من بنت خالته وحبه لبنت زوجة والده، بالنسبة لى أكتر شخصية حبيتها هى دينا كانت فعلا مثالية فى إحتوائها لمازن فى لحظات ضعفه بسبب نيرة، ونيرة اللى كانت شيطانة فى أول الرواية عجبني التغير الجذرى اللى حصلها بعد كدا وبدل ما كانت بتسعي للحب بقت بتسعي إنها تطور من نفسها أكتر ويبقي لها كيان، بس أحلى حاجة فى المتاهة دى إنه إتوضع لها حد فى الأخر.

[Adel Abdallah · Rating 3 out of 5]

رواية رومانسية ....غذاء للوجدان ...تعيد للقلب مشاعر ظن انها ذهبت ..لا يعيب الرواية الا كثرة تشعباتها والاهم .........غرام الكاتبة بوصف الفساتين والحفلات ....هي انثي تكتب ..العامية اظهرت مشاكل كثيرة اهمها انها تفصلك عن الاشخاص فلا يمكن ابدا ان تتحدث هذه الشخصية الارستقراطية بهذه الكلمات البعيدة تماما عن طبقتها ...الزمن ...هناك مشكلة مع الترتيب الزمني للاحداث فاكثر من مرة ترى احداث كثيرة تحدث وتفاجأ بالكاتبة تخبرك وفي اليوم التالي حدث كذا ...رواية مليئة بمشاعر فياضة

[Nada Nadoosh · Rating 1 out of 5]

من اسوء الروايات اللي قرأتها .. الكاتبة بتتكلم كتير اوي بتقول تفاصيل كتير ملهاش لزمه .. هي رومانسيه لكن اشبه بالروايات الجنسيه .. لا تجذب القارئ .. نهاية سخيفه حاسه اني ضيعت ٣ ايام من وقتي في قراءة الروايه

[Eslam Reda28]

love

[Radwa Gamal]

سيئه للغايه

[Abeer · Rating 1 out of 5]

حسه إني قدام مسلسل هندي.

[Aya Elbeblawy · Rating 4 out of 5]

الرواية حرفيا شيقه وممتعه ومحستش بملل ابدا
غير شوية ف الفصول الاخيرة
بس برضه معترضه ع الجرأة ال ف الرواية ومعترضه اصلا ع شخصية يزيد
لاني شايفاه بيحب نفسه اكتر مابيحبها اناني جدااااا وف اخر الروايه بتطلعيه بطل وانه بيحبها حب خااالص
انا مش شايفه ان يزيد ادي اي حاجه لعليا
غير شوية كلام ف اخر الروايه فمحستش اني صدقته فيهم
ربنا يوفقك ف ال جاي بس ابوس ايديكي بلاش الايحاءات الاوفر دي.. :))

[Nahla Ahmed samy · Rating 5 out of 5]

الراوية عموما حلوة بشكل عام بس يزيد وعلياء اكتر شخصيتين حبيتهم في الرواية ..في حاجات مكنش لازم فيها التوضيح زيادة ..اول حاجة اقراها لحضرتك ومستنين الجزء الثاني

[Sara Saria · Rating 4 out of 5]

متاهة وهي متاهة جميله الروايه بس صعب الانسان يحب اتنين في نفس الوقت نيره ودينا ، أتمنى الجزاء التاني يكون اجمل

[Sohayla Mhd Rabee · Rating 3 out of 5]

الروايه حلوة بس الجرأة زيادة اوى ..التفاصيل اللى ملهاش لازمه بين علياء ويزيد كان ممكن تخف شويه ..ااقصص كتير والروايه خفيفه بس بعيدة كل البعد عن شخصيه جزء معين من البنات ..حياه الابطال حياه مفتوحه ومش كل الناس عايشه الحياة دى ..فبالتالى لو قريتها هتمر مرور الكرام من غير ترك اى أثر فى النفس لعدم التشابه بينا وبين اى حد فى الروايه ..ربنا يوفقك واسلوبك وتشبيهاتك جميله بس اتمنى الجزء دة يتعوض وطبعا مش هيكون فى "احببت بلا امل "بس يا رب يكون فى القصص التانيه باذن الله ..

[Somi Alsaman · Rating 3 out of 5]

الرواية مانكرش إنها تجذب وشيقة بس طويلة جدًا وجيت في آخرها مليت اوي وبقيت بجري بالأحداث علشان أعرف النهاية.
الأبطال كلهم غير اسوياء بالمرة مقدرتش اتعلق ولا أحب اي حد فيهم سواء راجل أو ست، كلهم محتاجين إعادة تأهيل، وإن كان حسن اكترهم استفزازًا بالنسبة لي

[Samar Ali]

رائعة جدا وانتظر الجزء الثاني منها افضل ثنائي يزيد وعلياء