ابدال بیلا کا اولین افسانوی مجموعہ جو ’’گڈ مڈ‘‘ کے نام سے 1979ء میں پہلی بار شائع ہوا۔ مندرجات: 9 افسانے۔ بروکیڈ۔ گوشت خور۔ گیلی روشنی۔ پرانا تولیہ۔ زیارت۔ جنریشن گیپ۔ چائے پانی۔ گڈمڈ۔ کوکلا چھپاکی۔
کتاب کا اس سے موزوں نام نہیں تھا ہوسکتا۔ مصنف کی عمر بائیس سال، میڈیکل کا فائنل ائیر ہے کہ طالبعلم جب کتابوں میں دفن ہوجاتے ہیں ابدال بیلا کو افسانوی مجموعہ شائع کرانے کی سوجھی۔ کہانیاں بھی رنگا رنگ۔ جبلت سے تنگ آئی خود لذتی کی عادی عورتیں۔ محبت میں دھوکہ کھائی منتقم عورتیں۔ ’کاروباری‘ عورتیں۔ ناخداؤں کے فیصلوں کی ماری عورتیں۔ یاخدا یہ مفتی صاحب کے سبھی شاگرد عورتوں کے ہی رسیا ہوتے ہیں کیا۔ سن فلاور پڑھنے کے بعد، جو ابدال بیلا کا دوسرا افسانوی مجموعہ تھا، قاری حیرت میں ڈوب جاتا ہے کہ یہ دونوں کتابیں ایک ہی انسان کی لکھی کیسے ہوسکتی ہیں۔ مگر شاید یہی آؤٹ گروتھ ہے۔ اردو ادب کے قارئین کو بیلا صاحب کی ان دو کتابوں کو ضرور آزمانا چاہیئے۔