What do you think?
Rate this book
Die vyf susters
Vyf ongetroude susters woon saam in een huis. Wanneer een van hulle koelbloedig doodgeskiet word, is daar dus minstens vier verdagtes. Maar mettertyd kom dit aan die lig dat die vermoorde suster, Rosa, allermins geliefd was en dat talle mense haar graag uit die pad wou hê.
Moord- en Roofspeurder Adriaan Kruger, wewenaar en bedrewe origami-beoefenaar, moet al sy vernuf inspan om die skuldige te probeer ontmasker. Maar dis makliker gesê as gedaan - veral wanneer hy toenemend sukkel om te verhoed dat sy gevoelens vir die hoofverdagte met sy gesonde oordeel inmeng.
Die vyf susters is net die regte medisyne vir alle leunstoel-kriminoloë.
Moord- en Roofspeurder Adriaan Kruger, wewenaar en bedrewe origami-beoefenaar, moet al sy vernuf inspan om die skuldige te probeer ontmasker. Maar dis makliker gesê as gedaan - veral wanneer hy toenemend sukkel om te verhoed dat sy gevoelens vir die hoofverdagte met sy gesonde oordeel inmeng.
Die vyf susters is net die regte medisyne vir alle leunstoel-kriminoloë.
168 pages, Paperback
Published February 1, 2025
17 people want to read
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 4 of 4 reviews
Read
March 24, 2025#DieVyfSusters – Eleanor Baker
#HumanEnRousseau
Tydloosheid is moeilik voorspelbaar, tyd alleen sal oordeel. Heruitgawes en herdrukke in soverre dit publikasies aangaan is ‘n maatstaf, maar nie die enigste nie.
In 1998 publiseer Human en Rousseau die eerste uitgawe van “Die vyf susters’. Die skrywer word aangedui as Alex Muller, en die kopiereghouer verklap weinig meer deur bloot te konstateer: “Kopiereg deur die skrywer streng voorbehou.” In 1999 verskyn ‘n opvolgroman “Die rooi angelier” by dieselfde uitgewer en met dieselfde minimale inligting. Die derde en vierde romans, “Drie misdade in ‘n knoop” (2000) en “Bloedbande” (2001) is ewe vaag, maar in 2003 verklap “Hotel Bergsig” se agterplat dat Alex Muller ‘n skuilnaam van Eleanor Baker is, en na haar afsterwe in 2002, behoort die kopiereg aan die Baker Trust.
Die protagonis in hierdie reeks is Adriaan Kruger, ‘n wewenaar-speurder wat melk bo alkohol verkies en sy hand aan origami waag, alhoewel sy kollegas min waardering vir sy pogings het en kwalik tussen ‘n kameel en ‘n seilboot kan onderskei. In 1998 was die “knussie” genre nog relatief onbekend in Afrikaans, maar toe reeds was die reeks beskryf as soortgelyk aan die speurverhale van Agatha Christie. Die booswigte is alledaagse mense, nie vreesaanjaende monsters wat ‘n hele gemeenskap in vrees dompel nie, en die ondersoeker is Jan Alleman, maklik om mee te identifiseer en by aanklank te vind.
“Die vyf susters” verwys na die vyf Delportsusters, ‘n disfunksionele groep sibbe wat saamwoon in hulle oorlede ouers se verwaarloosde huis, en wat deur die oudste, Rosa, geregeer en gemanipuleer word. Dan word Rosa vermoor – en die vier jonger susters is die hoofverdagtes.
Humor is ‘n belangrike element van ‘n “knussie”, maar dit moet subtiel in die teks verweef word en neig na droog en terloops, eerder as na komedie en geforseerd. ‘n Uitstekende voorbeeld is die verwysing na ‘n ou familiefoto: “Meneer Delport wou kennelik nie glimlag nie, hy gluur so wreedaardig na die kamera dat Adriaan verbaas is die man het die moed gehad om die knoppie te druk.” (87)
Veranderings in die ruimte waarteen die verhaal afspeel is ‘n uitdaging wanneer ‘n heruitgawe meer as twee dekades na die oorspronklike verskyn. In hierdie roman is dit die prys van sigarette. Die 1998-uitgawe lui “...teen amper ses rand ‘n pakkie...” (87) en dit is onveranderd behou in die heruitgawe (106) wat ‘n ouwêreldse sjarme en nostalgie daaraan verleen, eerder as om afbreuk daaraan te doen.
Terug na tydloosheid. Ek het die roman in 2025 met dieselfde genot gelees as destyds in 1998.
#Uitdieperdsebek
#HumanEnRousseau
Tydloosheid is moeilik voorspelbaar, tyd alleen sal oordeel. Heruitgawes en herdrukke in soverre dit publikasies aangaan is ‘n maatstaf, maar nie die enigste nie.
In 1998 publiseer Human en Rousseau die eerste uitgawe van “Die vyf susters’. Die skrywer word aangedui as Alex Muller, en die kopiereghouer verklap weinig meer deur bloot te konstateer: “Kopiereg deur die skrywer streng voorbehou.” In 1999 verskyn ‘n opvolgroman “Die rooi angelier” by dieselfde uitgewer en met dieselfde minimale inligting. Die derde en vierde romans, “Drie misdade in ‘n knoop” (2000) en “Bloedbande” (2001) is ewe vaag, maar in 2003 verklap “Hotel Bergsig” se agterplat dat Alex Muller ‘n skuilnaam van Eleanor Baker is, en na haar afsterwe in 2002, behoort die kopiereg aan die Baker Trust.
Die protagonis in hierdie reeks is Adriaan Kruger, ‘n wewenaar-speurder wat melk bo alkohol verkies en sy hand aan origami waag, alhoewel sy kollegas min waardering vir sy pogings het en kwalik tussen ‘n kameel en ‘n seilboot kan onderskei. In 1998 was die “knussie” genre nog relatief onbekend in Afrikaans, maar toe reeds was die reeks beskryf as soortgelyk aan die speurverhale van Agatha Christie. Die booswigte is alledaagse mense, nie vreesaanjaende monsters wat ‘n hele gemeenskap in vrees dompel nie, en die ondersoeker is Jan Alleman, maklik om mee te identifiseer en by aanklank te vind.
“Die vyf susters” verwys na die vyf Delportsusters, ‘n disfunksionele groep sibbe wat saamwoon in hulle oorlede ouers se verwaarloosde huis, en wat deur die oudste, Rosa, geregeer en gemanipuleer word. Dan word Rosa vermoor – en die vier jonger susters is die hoofverdagtes.
Humor is ‘n belangrike element van ‘n “knussie”, maar dit moet subtiel in die teks verweef word en neig na droog en terloops, eerder as na komedie en geforseerd. ‘n Uitstekende voorbeeld is die verwysing na ‘n ou familiefoto: “Meneer Delport wou kennelik nie glimlag nie, hy gluur so wreedaardig na die kamera dat Adriaan verbaas is die man het die moed gehad om die knoppie te druk.” (87)
Veranderings in die ruimte waarteen die verhaal afspeel is ‘n uitdaging wanneer ‘n heruitgawe meer as twee dekades na die oorspronklike verskyn. In hierdie roman is dit die prys van sigarette. Die 1998-uitgawe lui “...teen amper ses rand ‘n pakkie...” (87) en dit is onveranderd behou in die heruitgawe (106) wat ‘n ouwêreldse sjarme en nostalgie daaraan verleen, eerder as om afbreuk daaraan te doen.
Terug na tydloosheid. Ek het die roman in 2025 met dieselfde genot gelees as destyds in 1998.
#Uitdieperdsebek
March 2, 2025
In Die vyf susters maak speurder Adriaan Kruger sy buiging saam met Alex Muller, ’n skryfnaam van die suksesvolle Eleanor Baker. Ek was nogal gretig om dit te lees en die hoop het glad nie beskaam nie.
Die verhaal open met ’n toneel wat die tafel dek vir ’n moordraaisel wat wil herinner aan Agatha Christie op haar beste. Daar is vyf ongetroude susters wat ’n afgesonderde lewe lei in ’n verwaarloosde huis, maar nou is die oudste van hulle “soos ’n lappop, slordig en minagtend op die vloer neergegooi” (p. 5) Rosa, die dominerende leier van die susters, het beswyk aan ’n skietwond aan die kop. Drie van die susters is oënskynlik in skok, die jongste een baie kalm.
Die ondersoek van die saak laat vir Adriaan Kruger sy loopbaankeuse betwyfel. Hy word geskets as ’n ordentlike man wat reken dat hy dalk objektiwiteit kortkom, maar tog skerper kyk as wat die susters sou vermoed. Dit word duidelik dat elkeen van die susters verdagtes kan wees, want Rosa was geensins geliefd by haar sibbe nie. Dan is daar nog verdere randkarakters wat eweneens motiewe kan hê om haar van kant te maak.
Hierdie is die eerste van vyf speurverhale wat tussen 1998 en 2003 verskyn het uit die pen van Eleanor Baker as Alex Muller. Die heruitgawe wat sopas uitgegee is deur Human & Rousseau, spog met ’n splinternuwe baadjie wat die aandag vestig op die belangrike element, naamlik die vuurwapen wat aan die speurder ’n interessante uitdaging gestel het.
Human & Rousseau is ’n druknaam van NB Uitgewers.
Die verhaal open met ’n toneel wat die tafel dek vir ’n moordraaisel wat wil herinner aan Agatha Christie op haar beste. Daar is vyf ongetroude susters wat ’n afgesonderde lewe lei in ’n verwaarloosde huis, maar nou is die oudste van hulle “soos ’n lappop, slordig en minagtend op die vloer neergegooi” (p. 5) Rosa, die dominerende leier van die susters, het beswyk aan ’n skietwond aan die kop. Drie van die susters is oënskynlik in skok, die jongste een baie kalm.
Die ondersoek van die saak laat vir Adriaan Kruger sy loopbaankeuse betwyfel. Hy word geskets as ’n ordentlike man wat reken dat hy dalk objektiwiteit kortkom, maar tog skerper kyk as wat die susters sou vermoed. Dit word duidelik dat elkeen van die susters verdagtes kan wees, want Rosa was geensins geliefd by haar sibbe nie. Dan is daar nog verdere randkarakters wat eweneens motiewe kan hê om haar van kant te maak.
Hierdie is die eerste van vyf speurverhale wat tussen 1998 en 2003 verskyn het uit die pen van Eleanor Baker as Alex Muller. Die heruitgawe wat sopas uitgegee is deur Human & Rousseau, spog met ’n splinternuwe baadjie wat die aandag vestig op die belangrike element, naamlik die vuurwapen wat aan die speurder ’n interessante uitdaging gestel het.
Human & Rousseau is ’n druknaam van NB Uitgewers.
November 8, 2025
Vyf ongetroude Delport-susters woon saam in hul ouers se ‘n groot huis vol herinneringe, stil kamers en geslote deure. Wanneer die oudste suster, Rosa, laat een Saterdagaand koelbloedig geskiet word, is daar dus minstens vier verdagtes direk in huis.
Die ondersoek word in die hande geplaas van die origami-vouende speurder, Adriaan Kruger, wat gou besef dat niks in hierdie huis is soos dit lyk nie. Die leidrade is deurmekaar want die susters vertel nie noodwendig die waarheid nie; motiewe lê diep in die verlede – van erfgeld tot klein wrokke, van onvervulde verhoudings tot die onuitgepraatte stilte van verlies.
Adriaan Kruger moet deur die leidrade sif in die boek om uit te werk wat nou eintlik gebeur het daardie Saterdagaand. Daar is meer motiewe en geheime as wat hy verwag het, en hy sal deur die stiltes moet uitwerk waar die skuldige lê.
My lesersindruk: Dit was my eerste keer wat ek ‘n Adriaan Kruger boek lees en ek sien sommer klaar uit na die volgende ene. Dit het sommer gevoel of ek saam in daardie outydse huis van verdrukking en geheime is. Ek het baie van die uiteenlopende karakters gehou en hoe vreemd die hele situasie net was.
Die ondersoek word in die hande geplaas van die origami-vouende speurder, Adriaan Kruger, wat gou besef dat niks in hierdie huis is soos dit lyk nie. Die leidrade is deurmekaar want die susters vertel nie noodwendig die waarheid nie; motiewe lê diep in die verlede – van erfgeld tot klein wrokke, van onvervulde verhoudings tot die onuitgepraatte stilte van verlies.
Adriaan Kruger moet deur die leidrade sif in die boek om uit te werk wat nou eintlik gebeur het daardie Saterdagaand. Daar is meer motiewe en geheime as wat hy verwag het, en hy sal deur die stiltes moet uitwerk waar die skuldige lê.
My lesersindruk: Dit was my eerste keer wat ek ‘n Adriaan Kruger boek lees en ek sien sommer klaar uit na die volgende ene. Dit het sommer gevoel of ek saam in daardie outydse huis van verdrukking en geheime is. Ek het baie van die uiteenlopende karakters gehou en hoe vreemd die hele situasie net was.
Displaying 1 - 4 of 4 reviews