مطلوب حبيب

by محمد إبراهيم

ٍالأشياء التي تجعلنا نكبر يمكنها أن تجعلنا نصغر .. الأمر كله رهن ٌبحكمة التجربة.. الحُبُّ الذي لا يكسرك يقويك، والألم الذي يهدّك يبنيك.. نحن مجموعة من التجارب نبتت في أرض أهلكها التخبُّط.. كل ما علينا فعله أن ندّخِر لأوقات الوحدة بعضاً من الوَنَس، وللحظات الاكتئاب قليلاً من الأمل، ولحالات الحزن كل ما يمكننا من المثابرة.. ولكل الأيام الكثير من الإيمان.. ربما يمكننا النجاة بأنفسنا وبمن نحب.

Genres: Poetry, Romance, Nonfiction, Romantic

175 pages, Paperback

First published September 26, 2016

About the author

Official Page: www.facebook.com/Page.Mohammed.Ibrahim

Reviews

[Esraa Adel · Rating 3 out of 5]

لم اكن انوي قراءة الكتاب من الاصل و لم يجذب انتباهي حتى .. و لكني اشتريته من اجل شخصٍ طلبه مني و حين اصبح بين اناملي قلت لنفسي ولم لا ؟
صدق تامر حبيب حين ذكر ان الكتاب يعد رفيقا لرحلة داخل قطار ولم أجده رفيقا مملا

إهمالك لمشاعر اللي بيحبك لمجرد إنك أخدته بضمان نهائي طول العمر انه ليك لوحدك خيانة

لست معتادة في قراءاتي أن أسجل تقييمي وتعليقي على ما قرأت بعدها بعدة أيام لاني بكل بساطة سأكون قد فقدت السحر الذي تركه الكتاب في جعبتي قبل أن تنته صفحاته .. ولكن هذا ما حدث رغما عني وليس هناك فرار
اما الآن وقد بدأت قراءة أخرى فإما ان اكتب عنه سريعا او لن اكتب ابدا ، واصبح كل ما بيدي الان ان اعد قرائتي للكتاب فيما بعد لذا لنعتبر هذا تقييما مبدئيا فحسب

بأي حق تدوق كل اللي في التلاجة لحد ما تلاقي حاجة تعجبك فتقرر انك تاكل منها لحد ما تشبع وبأي حق تسرق كل اللي في الفترينة لحد ما تلاقي حاجة على مقاسك بالمللي ... وتقول هي دي

كنت لا ادرك في بداية الكتاب الهدف منه تحديدا بالرغم من ان الكاتب خط بقلمه كلمة اعترافات على الغلاف
وظننت انه كتابا عن الحب حيث عنوانه يوحي بهذا او أنه كتب ليناسب عمرا معينا فقط
وحين تعمقت في قراءته اكثر ادركت انها حقا اعترافات من الكاتب لنا بأسلوب كوميدي بعض الشئ مؤلم بعضا اخر .. مسلي وخفيف

قبل ما توعد حد وتمضي معاه عقد شفهي بناء على اللي بتقوله .. خد بالك لان كل سطر خارج من لسانك بند .. هتبقى ملتزم بيه بعدين .. ده لو انت بتتعامل مع نفسك على انك انسان محترم طبعا

وكأنه مجموعة قصصية مثلا يحكي فيها عن مواقف في حياته
أحببت بعضا من العناوين وتمنيت ان تحمل جميعها عناوين شيقة فتبعث للقارئ وميضا يدفعه للقراءة بحماس كما فعل "كش ملك" و "تتجوزيني يا بسكويتة"
حتى وإن لم ينجح المؤلف بقوة في أن يجعل ما بعد تلك العناوين ناجحا بشدة الا انه قام بمحاولة
اظنها ناجحة بعض الشئ

كنت باطلب من أبويا يستسهل ويعمل اللي انا عايزه .. في الوقت اللي هو كان فيه بيعمل المستحيل عشان يوصل للي انا محتاجه

وعن تأثير بعض ما كتب من مواقف فهناك قصة انتحار شاب يدعى رونالد
ظل يمنحني تلك القصة قطرة قطرة فأتذوق نكهتها ثم يهرب منها و يبعدها عني
ويعود ليمنحني قطرة أخرى
نعم هو ليس باسوب جديد في الكتابة ولكنه وفق في اختياره ونجح في ممارسته مما أصابني بقشعريرة في نهايتها حين علمت ان رونالد الذي قرر الانتحار ولم يكن ليموت منتحرا.. مات برصاصة حمقاء هو بنفسه من وضعها في مسدسهامتعمدا
ذكر المؤلف انها حتى وان لم تكن قصة حقيقية فهي تحمل الكثير في طياتها وانا اتفق معه بشدة في رأيه هذا

وكذلك قصة صديقه الذي أحب تلك الفتاة السورية و توفيت غرقا .. حزنت بالطبع لموتها واشفقت عليه
ولكن أن تترك شيئا له و هي على يقين انه سيبحث عنها و يأتي لأخذ هديته ، فهذا هو ما اصابني بقشعريرة أخرى

وليس بمقدوري أن أنس تلك العلاقة العجيبة التي جمعت المؤلف بـ آية ، ولكني أدرى وأعلم بالنصيب و القدر حين يقول كلمته الاخيرة

عبارات عديدة اوقفتني في هذا الكتاب و ظللت ارددها اكثر من مرة حين وقعت عليها عيناي واذا كتبتها بطريقة متتالية لن تصبح ذات معنى لذا لأمنحها متعة أكثر وأتركها لتتخلل تعليقي كما هي الانامل التي تتخلل خصلات الشعر

اشعر الان حين كتابتي لهذا التعليق اني ارغب في اقتطاع كل جزء من هذا الكتاب ليقرأه شخص ما ممن اعرفهم، وكأن هذا الكتاب يضم عدة أشخاص بين غلاف واحد

لم أقرأ بعد لمحمد ابراهيم اشعاره التي سبق و كتبها ولكني على يقين بأني سأقوم بزيارتها قريبا
وحينها سأعلم الفارق بين كتاباته هنا وهناك
اما ما ادريه حقا الان هو انه يستحق ان يكتب ثانية وثانية حتى يصل الى ما يقارب درجة الكمال
وعلى فكرة انا للاسف معرفتش ايه علاقة عنوان مطلوب حبيب بالموضوع ، بس اكيد فيه وجهة نظر موصلتنيش

[Nagham Mahmoud · Rating 5 out of 5]

حقيقى انا فقدت صديق لاول مره فى حياتى اقرا كتاب و بعد ما اخلصه اضايق و افرح و ازعل مش عارفه مالى بس حاسه احساس انى كل مشاعرى داخله فى بعض انا حبته جدا هو زى ما قولت ف الاول هو صديق راكب معاك قطار او طائره بيتكلم معاك عشان تعدو الوقت انا حقيقى حبت محمد الراهيم جدا بسبب الكتاب ده و بعد عن كل ديوان شعر عمله بس حبت مطلوب حبيب جدا و عندى استعداد اقراه كل فتره ف احتمال اعدال ف الريفيو ده كل مره هقراه فيها لانى متاكده انى كل مره هكتشف حاجه جديده
حقيقى انا خسرت صديق ❤️

[Sara Jamal · Rating 4 out of 5]

متوقعتش اني هقرأه وأخلصه كله في مره واحده، لأن النوع ده مش بيشدني اوي من الكتب بس هو فعلا مكتوب كويس وبأسلوب بسيط يدخل القلب جدا، وزي ما قال كأن واحد غريب قاعد جنبك في القطر وبيدردش معاك. المواضيع مش بس عن الحب والعلاقات لكن بتحكي عن انواع كتيره من الناس وعاجبني جدا كل الاقتباسات اللى موجوده في الكتاب. وطبعا كله كوم و"تتجوزيني يا بسكويته" كان كوم تاني خالص وبعد ما خلصته كنت عايزه اعيده تاني.

[Sam · Rating 4 out of 5]

مش أي حد يسافر ومش أي حد يستمتع بالسفر!

بس أنا استمتعت برحلتي مع الكتاب دا، وانبسطت أكتر لما عرفت إن زوجة الأستاذ محمد الفاضلة هي مصدر الإلهام في العمل التُحفة دا، واتأكدت من مقولة: "وراء كل رجُل عظيم إمرأة"

الموضوع الأساسي اللي الكاتب بيتكلم فيه كان عن العلاقات، وهنا قدر يعرض أفكاره بكل وضوح وسلاسة بداية من علاقته بأسرته وحب حياته مرورًا بقصص حب المشاهير وبعض القصص التانية

بداية الكتاب كانت غريبة شوية.. قصيدة بالعامية على تمهيد بالفصحى، اه كنت عارفة هيتكلم عن إيه بس حصلي صدمة لما لقيته بدأ بالعامية، ومهّد بالفصحى، وكمل بالعامية، ولكني احترمت صراحته لما قال إن لهجة قريبة من قلبه ولهجة قريبة من عقله، ودا اعتراف مسمعتهوش من أي كاتب بيعمل Mix كدا ويوديك من الشرق للغرب.

موضوعات وقصص الكتاب عشوائية ودا بيفكرني بكلام دكتور محمد طه وهو بينصحنا بالخروج عن النص زي ما في كتابه اللي بأسم النصيحة دي، فالمرة دي العشوائية فازت في الكتاب دا.. أصلي كنت زهقانة ومش عاوزة أقرأ حاجة بالفصحى، أو كلكعة في مجالي صناعة المحتوى والتسويق، ولا حتى كتاب بال English.

الكتاب كان مُمتع بحاجات غريبة بتدخلني في Mood بيحسسني إني عايشة بجد وبستمتع باللحظة مش بتنفس وخلاص زي القهوة، الورد، الرسائل، أي حاجة بشم منها ريحة ماضي زي الاتاري مثلًا وإن الكاتب كان مُدمن Games.. وأنا كنت كدا خصوصًا في يوم الخميس والجمعة لما كنت برجع م المدرسة وبخلص واجباتي بسرعة عشان ألعب Gata 12 وإزاي تخنق جارك😂 وفاكرة كويس أوي إن في فبراير 2021 كنت مهووسة ب Murder in the alps ولحد دلوقتي بلعبها كل ما تنزل Chapter جديد❤️

◆ من أكتر الحاجات اللي استفدتها من الكتاب هي:
1. أهمية إن الواحد يكون نفسه مش اللي غيره عاوزه منه

2. الوقت بيشفي، وهيساعدني على النسيان لو استسلمت للأمر الواقع أصل اللي حصل حصل.
3. الكلام دا بيفكرني بنفسي وأنا بقدم على فرص شغل، فاكرة إني شبهت الموضوع بإني بقزقز لب، أو بأكل شوكولاتة ومِلبس.


4. نصائح لطيفة في ال Move on مناسبة لكل الأوقات على أي حال


5. كلامه عن الصدمات


6. نصائح مهم برضوا





◆ اللي عجبني في الكتاب:
1. لهجته العامية اللي خلتني ارتحت للأسلوب السلس.
2. فصل الخوف.. اللي أكد لي مدى خوفي من الالتزام.

◆ اللي معجبنش:
1. اللغبطة اللي حصلتلي ساعة لما الكاتب بدأ بالعامية ثم الفصحى ثم رجع للعامية مر تانية.
2. لما الكاتب مكنش متأكد من قصة رونالد، واقتنع بحقيقتها اللي نقلها، بس أنا محبتش كدا..

◆ اقتباسات أثرت فيا:
❞الفرصة رزق، وأي رزق في الدنيا محتاج تلات حاجات أساسية: تعب، صبر، حكمة❝

❞عيشوا المشاهد كل مشهد زي ما يكون الأخير❝

❞لا تعبدوه ليُعطي.. اعبدوه ليرضى، فإن رضى أدهشكم بعطاءه❝
- الشيخ محمد متولي الشعراوي

❞كن تافهًا إذا لزم الأمر، اتجنن، سيب المسئولية العملية المرتبطة بالشغل أو بأي حاجة تانية، واهرب منها للهزار❝

❞نتائج المحاولة ممكن تخليك في النهاية إنسان عظيم قدام نفسك❝

❞مهم جدًا تدرك قيمة الشغل بتاعك، وقيمتك أنت في الشغل دا.. اهتم بشغلك أكتر وخليك مُبدع فيه مش مجرد مؤدي❝

❞شجاعة من غير عقل تهور، وعقل من غير شجاعة خسارة❝

◆ التقييم النهائي: 3.5/5
في الحقيقة الكتاب قدر يلهمني لما اتكلم عن الشجاعة، والخوف من الالتزام، فدول كانوا My favourite parts..

[Osama · Rating 1 out of 5]

النص العامي في كتاب شيئ سيئ جدا اللي وصلنا للمرحلة دي اعتقد هو تدهور الصحافة نفسها وبقت بتنشر عامي
زمان كان الصحافة فيها قامات وكان المنشور فيها بيتحول لكتب لتخليده
انا عجبني تقديم الكاتب
وكنت فاكرها رواية اصلا فطلعت كتاب !!
ندمان جدا علي اني اشتريته
تفرق لو كانت رواية كتير
مضمون الكتاب كله عبارة عن شوية مقاطع وجمل من افلام وروايات او اشعار و شوية تعليق من الكاتب متغمس تنمية بشرية
ممكن يبقي مستهدف سن معين ويشوفوا انه اعظم كتاب قرأوه في حياتهم كمان
الناس انواع
فيه ناس تعجبهم الفكرة لما تكون مكتوبة بصيغة عالية وراقية واحيانا معقدة
كل ماتحاول تفهم الفكرة اكتر كل ماتحس بعظمة المكتوب اكتر
وفيه ناس عايزة الحاجة السهلة و الكلام السهل
بس ده ينفع بوستات فيس بوك وتويتات لكن مش كتاب
نيجي لدار النشر - فيه اخطاء كتابية كتير
سذاجة في التنسيق
اخطاء كتابية مش عارف يمكن السبب انه عامي فبقي حصل لخبطة للمصححة اصلا
الغلاف سهل مفيهوش شغل كتير لكن وافي الغرض
انا ضد موجة الكتب اللي من النوعية دي
وبرجع اقول انا لما اشتريت كنت فاكر انها رواية مش كتاب زي ده
المكتوب فيه حاجات كتير حلوة بس اي حد من سن الكاتب يقدر يكتبها مجبش جديد
اذا كانت من خبرات او نوستالجيا
يمكن اول مرة ادي نجمة واحدة لحاجة هنا علي جود ريدز

[Nadin Doughem · Rating 1 out of 5]

للأسف افتكرتها رواية، شدني الإسم وغلاف محطة الرمل في الإسكندرية
المقدمة كانت مرضية فكملت قراية

وفجأة اتقلبت باللغة العامية ومشيت الكتابة في سكة تانية تماما. ولأني للأسف مش بقدر أسيب كتاب غير لما أكمله عشان أكون إديت للكاتب حقه الكامل عشان يقنعني بيه فكملت على مضض



واتصدمت في كل الكتاب للأسف
تفاهة وسذاجة في المحتوى وعامية منفرّة
لا ترابط ولا فحوى ولا معنى ولا قيمة تذكر
ويشبه الكاتب أعتى مآسيه بكعبلة الهاند فري!
وناخد الحكم والعبر من أفلام السبكي وما شابه من أفلام موجهة هابطة



متعرفش اذا كان دة كتاب تنمية بشرية ولا شخبطات شخصية ملناش دعوة بيها ولا اية
بس بيتهيألي كدة ان تم نشر مذكرات الكاتب الشخصية بالغلط ،



ربنا يعافينا من دور النشر اللى بتنشر اي كلام فاضي على اساس انها شبه مذكرات من عشريني عشان نتعلم وناخد عظه منها!

[Aicha · Rating 2 out of 5]

كتاب كان من الممكن أن يكون جيدا ..
و لكن لمذا العامية ؟
اذا كتب المصري بالمصرية .. و السعودي بالسعودية و الفلسطيني بالفلسطينية ..
لمن نقرأ ؟؟
أهذا هو الأدب الذي خلفه لنا المنفلوطي و الرافعي و العقاد ؟؟
فعلا مؤسف .. و مع احتراماتي للكاتب.

[Nada Khaled · Rating 3 out of 5]

الكتاب كله كوم .. والفصل الأخير ده كوم تاني خالص ..
حكاية ناس كلنا عارفين إنهم بيحبوا بعض، بس محدش عرف الموضوع بدأ إزاي ..

فؤاد المهندس وشويكار
محمد محسن وهبة مجدي
وأخيراً، محمد إبراهيم وأية :")

حاجة كده تخليك تؤمن بالحب من أول نظرة،
وإن لسة الدنيا بخير وفي ناس بيحبوا بعض وبيتجوزوا في الأخر ..
أه والله زي ما بقولك كده :")

تقييمي بعيد كل البعد عن المحتوى الأدبي،
لأن ببساطة الكتاب ما هو إلا عبارة عن:
-اقتباسات من حاجات مشهورة (مش تعبان فيها الراجل)
-تعليق الكاتب عليها (تنمية بشرية أوي يعني)
-مواقف حصلت للكاتب
-قصص وحكايات متفرقة
-بلس بقى إنه بالعامية !

فخلينا نتفق إني لو في حالة طبيعية و قيمت الحاجات إللي فوق دي، فغالبا هيبقى التقييم بالسالب -لو في- :")
بس هو فعلا لمس حاجة جوايا ..
وخصوصا حكايته مع أية إللي في نفس اليوم إللي شافها فيه طلب منها تتجوزه !
وها هم الأن :")



All what I could say, that it's a 'PERFECT-TIMED BOOK' ..

[M. Ashraf · Rating 1 out of 5]

مطلوب حبيب
محمد إبراهيم

كتاب صوتي رشحة بعد قراءة معراج الموت لممدوح عزام
طبعان شتان الفارق
زائد النجمة الواحدة مش عشان عشان الاسلوب و لا موضوع و لا النصايح
بس عشان الأمثال و المقتطفات المليانة مع كل فصل و مع كل عنوان
زائد غلاف الكتاب حلو
recommendation system محتاج تعديل

[Eltabei Mohamed]

كده كتير

[Rawabi · Rating 2 out of 5]

كأنُّه حد لطيف جالس يسولف معك .

[Haia Morad · Rating 3 out of 5]

كتاب خفيف ممكن أن يكون فاصل بين روايتين.
مواضيع كثيره نستطيع مناقشتها بكل صفحه من صفحات هذه الروايه.
روايه ورديه بناتيه بحت ولا اعتقد بأن رجل يستطيع الإستمتاع بها .
روايه من الممكن ان تكون سبب بتغيرك عاطفياً اذا لم يكن فكرياً ايضاً.
لكن للأسف أشعر بخيبه كبيره جداً عندما اكتشف ان الروايه التي ستصاحبني للأيام المقبله كُتِبت كلها بالعاميه ، عادتاً استطيع ان اتحمل حوارات بالعامية ولا أواجه مشاكل أبداً بالتكييف معها.
لكن كل الكتاب بالعاميه؟ ولهجه مصريه؟.😪
بالرغم من أن صفحات الروايه لم تتعدى ال180 صفحه الا انه اخذ مني وقت تقريباً اسبوع لأختمها وهذا شيء نادراً ما يحصل.
راودني سؤال واحد أكثر من مرة خلال قرأتي للروايه:
هل من الممكن ان نجد شخص يتحمل فتاه تتكلم بهذا الكم الهائل !! الروايه تتمحور برحله جويه من مصر الى المغرب، رحله لا تتعدى الخمس ساعات ولم تصمت لثانية واحده...حتى انني لم أتمكن من التعرف على الشخصيات الأوليه والثانويه.
.
بإختصار شديد لا أنكر بأن الروايه لطيفه وساخره نوعاً ما... واقعية ،وفعلا شعرت بنهاية الرواية أنني اودع صديق...
والروايه تناسب المبتدئين بالقراءه.
تقيمي 3/5
للأسف السبب الوحيد بتقييمي هذا؛ هو العاميه وشهاده إثبات بإن الأنثى مخلوق ثرثار لا يرحم ولا بيخلي رحمه الله تنزل على أحد.🙄صح؟
.
.
.
ما كتبت أعلاه رأيي الشخصي ممكن صح وممكن خطأ..
الأذواق تختلف فلا تحكم علي من نظرتي للشيء، ما يعجبني قد لا يعجبك وما يعجبك قد لا يعجبني..
وشكراً 💡🌎💙📚
#شكلها_سافرت #سها_الفقي

[مصطفي سليمان]

لو شيلنا قصص المشاهير..المقتطفات الكثير
لو محمد إبراهيم ركز علي حواديته أكتر ع تفاصيله الشخصية أكتر
لكانت كتاب مثير جدا للاهتمام وممتع أضعاف
لسبب ما مكتوب انه اعترافات ولكنه أقرب ل تدوينات قصيرة او فضفضةشخصية ولكن ليس بشكل كبير
مع الأخذ بالأعتبار ان القصص الشخصية كانت مؤثرة ف مناطق كثيرة
مثل قصة موت الجد
علاقته ب والده
لكن كنت أحب اعرف عنه اكتر عن معاناته او رحلته مع الكتابة و دراسة شئ لا يحبه
شء غريب ان آخر تدوينة فقط عن حبببته تمت خطبتهم
كنت محتاج تفاصيل دا اللي بيخلي الأعتراف ليه معني ..التفاصيل
ودا اللي نقل الكتاب دا وخلاه كتاب تنمية بشرية أقرب شئ
كنت حابب أعرف النقلة اللي حصلت له أثرت ازاي عليه ع اللي حواليه
بيتعامل ازاي
النقلة ف حياته بسبب الفيس بوك و الكتابة
كل تلك الفاصيل كانت لازم تبقي موجودة

لكن للأسف لم تكن

[Amira Osman · Rating 5 out of 5]

الانسان كلما كبر أدرك أنه مازال صغيرا،ادرك أن الأمور التي يحتاج إليها اكثر ليست فقط الأمور التي تنقصه ،ولكن ايضا الأمور التي تجعله اقرب من نفسه التي أرادها ،واقرب الي اتساقه مع نفسه ومع الكون ومع الفطره التي خلقه الله عليها ...لا اريد ان اكون خبيرا ولا اسعي لأن تكون نموذجا .لكني اسعي لأن أكون نفسي ،اعبر عن الأمور التي تشغلي بالطريقه التي أحبها واجيدها بعيدا عن التصنع والتكلف والمماطلة والتنظير ..................................................... .........لما تيجي تحب ..حب الي يحبك لنفسك مش لجمالك أو فلوسك أو شهرتك أو أي شئ غير أنه يكون بيحبك فعلا ..
الحب الحقيقي مش شكل ..مش مكياج ..مش موديل ...اختار شريك يتحط جوه قلبك مش جوه فاترينه العرض .............

[Moataz Abdellateef · Rating 1 out of 5]

المزيد من كتب "الفهلوة"
يشبه الكاتب مصاعب الحياة ب(الهاند فري المتلعبكة)
لم يسبق لي أن أقرأ كتابً�� بهذا السوء مثل هذا الشئ (لن أسميه كتابًا)

[Inzaghi · Rating 2 out of 5]

محاولتي الأولى لقراءة الكتاب ده في 2022 لما اشتريته بالصدفة في معرض ما وبطريقة عشوائية جدا علشان فكرت انها رواية رومانسية هسرح معاها شوية وافتكرت ترشيح حد ليا للكتاب ده وهو بيقول "هتحسي ان حد بيتكلم معاك" بدأت قراءة فيه وقتها وانا في ثانوي وكنت متحمسة جدا اعرف ايه الرواية دي بعدها حسيت هو انا بقرأ ايه والكاتب ده عايز ايه اصلا ووقفت عند الصفحة 46
بعد 3 سنين وركنة طويلة عالمكتب قررت اديله فرصة تانية دلوقتي بعد ما كبرت شوية وبقى عندي تجارب مختلفة وتعريف آخر للمشاعر والحب عكس اللي ��ان عندي وقتها حسيت ايه اللي بقرأه ده تاني وبعدها استسلمت لفكرة اني مش شايفاه اكتر من مجرد بوستات فيس مجمعة او ثريدز على تويتر وقررت اقرأه زي ما الكاتب قال ان 2 في قطر القاهرة اسكندرية وبيدردشوا سوا والمضحك ان مدة قراءتي ليه كانت تقريبا نفس مدة السفر بتاع القطر
مش عارفة احدد مشاعري ناحيتها بس انا عقلي مش حابب المحتوى ده وحاسس ان لا في حاجات احسن بكتير انا بكره العامية في القراءة اصلا ودي ميكس كمان فاتجننت حبتين ولكن قلبي اتبسط في الرحلة لان مين قال ان لازم يكون في كلام مهم بين 2 بيرغوا سوا في طريق سفر علشان الوقت يمر بسرعة؟
"اخر شابتر عسول موتتتت"

[Aliaa Husein · Rating 5 out of 5]

الحقيقة اني اتفاجئت بيك يا محمد في الكتاب ده زي ما اتفاجئت بيك في الحفلة امبارح
روشتة علاج زي ما قلت فعلا
كنت معودنا على القصائد اللي بتتكلم عن الحب والوحدة والاكتئاب
لكن فجأة لقيتك بتتكلم عن العلاقات من وجهة نظر تانية خالص
يمكن ماكنتش بحب اقرا الشعر أد ما بحب اسمعه لكني ما تخيلتش اني احب الكتاب واخلصة في نفس الليلة اللي اشتريته فيها بعد الحفلة
مطلوب حبيب مش مجردكتاب بيتكلم عن الحب أد ما هو كتاب بيتكلم عن الانسان والانسانية
عن الرحمة والاخلاص والتركيز في العلاقات وفي الحياة بشكل عام
كل حكاية حكيتها عن نفسك أو عن حد تاني زي فؤاد المهندس مثلا ومحمد محسن والمغني الأمريكي والبنت اللي كانت عاوزة تفرح أختها بالهدية
كل الحكايات دي مش متخيل اثرت فيا أد ايه
واكتر حكاية وجعتني وهزتني قوي هي حكاية العجلة
بجد شابوو ليك قوي عالكتاب ده
ولازم تستمر فيالكتابة اللي من النوع ده
احنا بنحتاج نحس ان في حد مدرك اللي بنعيشة ويقدر يفسره ويشرحة زي ما انت عملت
شكرا على 3 ساعات ممتعة قوي من القراية وعلى فهم جديد ووجهة نظر جديد للحب وللعلاقات والبشر

[Nagat Gamal · Rating 5 out of 5]

من المرات القليلة فى حياتى اللى بزعل لما اخلص كتاب ، حقيقي حبيت الكتاب جدا ، الكلام أثر في بشكل غريب ، متوقعتش انه هياخد العلامه الكامله ، بس حقيقي يستحق ، الكلام اللى مكتوب دا صادق جدا وطالع من القلب عشان كدا محتجش مجهود عشان يأثر في ، العاميه مأثرتش ابدا فى المعنى بل ساعدت واختم بجمله بتقول فيما معناه حينما تنهي كتابا جيدا تشعر أنك فارقت صديقا ودا حقيقي الى حاسه بيه ، من الكتب القليله اللى هقراها كتير ♡♡♡♡

[Eshraka Tarek · Rating 5 out of 5]

الكتاب ده مش كافي فيه الكلام اول مرة اشتري كتابه و بجد كلامه بيدخل الاقلب علي طول ..أسلوب الكتابه..أستمتعت بكل حرف فيه
بقالي كتير مشترتش كتاب انبسطت بيه كده
تحفه

[Huda Abdelaziz · Rating 1 out of 5]

الكتاب أقرب ل أفتح قلبك و قعدة دردشة من الكاتب ..
وهو ضمن كتب الاستعارة من صاحبتى .

[Maryam Taqi · Rating 3 out of 5]

ك غريب مثير للاهتمام مرافقك في رحله سفر ، يجذبك بكلماته ، يشاركك تجارب حياته البسيطه .

[Marwa Hamdy · Rating 1 out of 5]

مقدرتش أكمله ، انا عامة مش بحب النوع دة من الكتب بس لقيته عندي عالرف قولت اجرب حظي ولكن فشلت

[Eslam Sami · Rating 2 out of 5]

قراءة قديمة

[Mohammed omran · Rating 3 out of 5]

ٍالأشياء التي تجعلنا نكبر يمكنها أن تجعلنا نصغر .. الأمر كله رهن ٌبحكمة التجربة.. الحُبُّ الذي لا يكسرك يقويك، والألم الذي يهدّك يبنيك.. نحن مجموعة من التجارب نبتت في أرض أهلكها التخبُّط.. كل ما علينا فعله أن ندّخِر لأوقات الوحدة بعضاً من الوَنَس، وللحظات الاكتئاب قليلاً من الأمل، ولحالات الحزن كل ما يمكننا من المثابرة.. ولكل الأيام الكثير من الإيمان.. ربما يمكننا النجاة بأنفسنا وبمن نحب.


ومن أشعاره نقرأ:-
أنا بنته
أنا اللى بنظره طمّنته
ولو يقبل هكون بيته
ولو يدبل فـ أنا جنينته
أننا اللى إن شافنى يرجع طفل
ويشبط فيا ميسبنيش
يغير يقفل عليا بـ قفل
عشان الناس دى متشوفنيش
لأول مره أبطل عند ..
واسيب نفسى شراع لهواه
واحس بإنى خايفه عليه
كإنى مخلفاه و نسياه
بيتعبنى و بيسيبنى
و برجع احنله و اناديه
بعامله بجد زى ابنى
وعمرى ما بعرف اقسى عليه
وهى الأم لو تقسى فـ يوم
عـ الابن تعمل ايه ؟!
آخرها تخاصمه يوم واحد
يعدى اليوم و ترجعله
لإن زعلها لو هيهون
عليه ميهونلهاش زعله
أنانى وهى مش قادره
تصلح فيه ولا تسيبه
وغصبن عن عيون روحها
بقت قبلاه على عيبه
بقت شايفه الحياة بعنيه
وواقفه وراه وسانده عليه
ولو سألوها عاجبك ليه ؟!
تقول "هو انتوا مالكوا انتوا "
وإيه بس اللى دخّلكم
ما بين واحد و بين بنته !

[NaDa AlSawy · Rating 3 out of 5]

الحقيقة من قبل أن ابدأ في الكتاب نويت وضع نجمة واحدة و ربما اثنتان على الأكثر.
لأني بصراحة ازهد اي شخصية مشهورة تحوم حولها "معجبات مسهوكات" .. و كنت اعلم ايضا ان الكتاب سيتضمن الكثير من العامية التي ستثير غضبي.. و رغم هذا كله قررت قراءته..
بعد عدة فصول.. بدأت التعلق به.. بدأت مشاعره تلامس جدار قلبي.. و ألحظ ذلك النمط التحليلي الذي نتشاركه حين يتعلق الامر بما نشعر به..
شعرت اني حظيت بجلسة مع صديق لطيف.. جلسة إنسانية متجردة من كل الماديات و المسؤليات.. حوار بين قلبين لا إكثر .. صديقي حكى لي حكايات مميزة لم أكن اعرف معظمها.. كشف لي بعض الرؤى لتي لم تتضح لي بعد و ذكرني ببعضها.. باختصار..لقد فاق "مطلوب حبيب" توقعاتي المسبقة بكثير.

[قسمت خالد · Rating 3 out of 5]

أولا الكتاب مش اعترافات شخصية زي ماهو مصنفه .. مفيش غير آخر جزء تقريبا لكن الباقى أقرب لكتب التنمية البشرية.
وكتب الاعترافات ده بييجى بعد ماحد بكون عاش حياة مفعمة بالتجارب والمآسي والآلام .. مش حد صغير فى السن كدة
ثانيا الكتاب كويس .. بس مش مقنع
محمد ابراهيم ب سنُه الصغير يقعد يقنعك بنصائح تستفيد بيها حسيتها صعبة .. لنصايح دي لازم تيجي م اللي عنده خبره ف الحياة .. يكون كبير فى السن ومخضرم .

ثالثا : محمد ابراهيم في الشعر حلو اوى .. ليه يعمل حاجة غير الشعر أصلا .. وخصوصا انه مش كتاب اعترافات ولا حاجة

[Shorouk Shaheen]

مجموعة أوراق كتبت باللغة العامية، جزء كبير منها قصص واقتباسات من الفيسبوك، لا يصلح لأن يأخذ صفة كتاب أدبي أو رواية(برأيي ومع احترامي)
الأفكار ظريفة لدردشة مباشرة ربما مع فنجان قهوة .. لا أن تدون في كتاب
التقييم: لا يستحق أي نجمة

[Mohamed Magdy]

كنت بقرأ صفات الشخصية الكاريزماتيّة لماكس فيبر..
افتكرت ان كان فيه أغنية لكاريوكي زمان بعنوان ( مطلوب زعيم) خيبت آمالي بعد إعادة سماعها، بعدها لقيت الساوند ده بعنوان مطلوب حبيب فتحته، لقيته تجميعات لمقاطع من أفلام مختلفة، وبعدين اكتشفت إن ده كتاب لحد اسمه محمد إبراهيم
مش ناوي أقرؤه، بس حبيت اشارككم الرحلة دي
وعشان الساوند عجبني برده
يمكن العامّية متنفعش في كتابة الكتُب مهما كانت الأفكار عميقة، تنفع للأفلام للمسلسلات للاسكتشات لبوستات الفيس بس مش للكتب

https://soundcloud.com/mohammed-ibrah...

[Amir mogy · Rating 2 out of 5]

مقدرش اقول انه كتاب جيد ...معظم الكتاب تقريبا منقول من الفيس بوك ...وواضح جدا ان محمد ابراهيم كون ثقافته من الافلام والفيس بوك ...معظم اقتباساته من الفيس بوك وجمل اتقالت فى افلام ومسلسلات ..يعنى اول مرة اقرا فى كتاب جملة يقتبسها الكاتب من سوسن بدر ... او فتحى عبد ال��هاب ...
الحقيقة مفيش اى افادة او معلومة او اى شيء يذكر اقدر اقوله انى طلعت بيها من الكتاب دا ... ولكن الجدير بالذكر ان محمد ابراهيم شاعر عبقري وموهوب فعلا ...لكن واضح ان عدد الليكات الكثيرة ف الفيس بوك ودار النشر اقنعوه انه ينشر الكلام اللى ملوش تلاتين لازمة دا ...

[Ahlam Saad · Rating 4 out of 5]

بصراحة خلف توقعاتي
كنت متوقعة هزهق من اول تلت
خاصة اني مليش في مود العامي في السرد
بس مع الكتاب ده كانت رحلة جيدة
حسيت بصدق احساس الكاتب
المشاهد اللي خدها من الافلام مكنتش مفتعلة بالعكس خدمت النص
باختصار كان عمل جيد وبيدي طاقة وراحة وكأن صديق قديم اشتقت لجلساته وجدته مصادفة وأعطاك الكثير من الحكايا التي قرأت فيها نفسك في غيابه.