Að heiman

by Arngunnur Árnadóttir

Að koma heim til Íslands eftir dvöl í evrópskri stórborg er eins og að vera sviptur frelsinu. Þægileg en andlítil rútína á heimili foreldranna minnir aðeins á hve gott var að vera að heiman. En það er sumar og því fer Unnur með vinkonu sinni og kunningja hennar í ferð um landið - landið sem leikur sjálft sig til að ganga í augun á erlendum gestum.

Að heiman er einstök kynslóðarsaga frá Íslandi ferðamennsku og eftirhruns. Yfirvegaður, meitlaður og ísmeygilega ljóðrænn stíll Arngunnar Árnadóttur gerir þessa skáldsögu að einni eftirtektarverðustu frumraun íslenskra bókmennta á þessari öld.

180 pages, Hardcover

Published October 29, 2016

Reviews

[Kristján Diego]

Kláraði ekki bókina. Vel skrifuð og flæðið gott en ég fann mig bara vera flétta á milli blaðsíðna og ekkert sat eftir. Sögunni skortir ástæðu, tilgang. Sagan frá mínum bæjardyrum er ekkert annað en röð atvika og samtala sem fela í sér ekkert meira en orðaskipti á milli persóna um hversdagsleik líf þeirra.

[Heiður Anna Helgadóttir · Rating 4 out of 5]

Auðlesin en mjög falleg bók um lífið. Það er erfitt að vera ungur og vita ekkert hvert mann langar að fara.

[Eydís Blöndal · Rating 3 out of 5]

Svolgraði hana í mig í einum rykk. Stílinn skemmtilega ljóðrænn og ljóst að höfundur hefur góðan persónuleikaskilning, og er bókin öll morandi í nákvæmum lýsingum á karakterum. Stundum kannski full mikið, veit ekki. Gaman að fá að ferðast um landið með bókinni, fékk mig til að sakna sumarsins. Hefði viljað sjá bundið þéttar um suma enda, en á vissan hátt var það það sem var töfrandi við bókina — engin krassandi atburðarrás, enginn hápunktur, bara hugleiðingar stelpu (konu? veit ekki, þá þarf ég nefnilega líka að vera kona) á ferðalagi um landið. Fílaða. Hlakka til að lesa meira!

[Ingibjörg Rúnarsdóttir · Rating 2 out of 5]

Fallegur texti en mér fannst vanta upp á innihaldið. Mögulega var umfjöllunarefnið of líkt mínu eigin lífi á þessum tímapunkti en bókin bætti litlu við upplifun mína á því. Höfundur hefur samt sem áður augljósa burði til að vaxa, og það vel.

[Árni Geirsson · Rating 4 out of 5]

Falleg og fyndin saga þar sem íslenska sumarið fær að njóta sín. Bókin grípur vel stemmingu sem allir tengja við. Hrossagaukur og kolagrill. Þetta er svona dæmigerð 3,5/5 en kápan neglir fjórðu stjörnuna á vegginn.

[Auður · Rating 4 out of 5]

Hlýtt í hjartað.

[Inga Hrund Gunnarsdóttir · Rating 2 out of 5]

Ung háskólastúdína í tilvistarkreppu fer hringinn með vinum sínum eftir ár sem skiptinemi.
Ágætis afþreying en frekar stereotýpísk. Einnig eru þetta alveg tvær sögur, Berlínartíminn og hringferðin.

[Assa Borg Snævarr Þórðardóttir · Rating 3 out of 5]

Ég las þessa bók á augabragði og líkaði vel. Mér fannst lýsingarnar á persónum og umhverfi óþarflega miklar með þeim afleiðingum að ljóðrænn og fallegur stíll höfundar týndist innan um nákvæmar lýsingarnar. Kápan er ofboðslega falleg sem og sagan. Frábær sumarlesning!

[Ari · Rating 3 out of 5]

Ætli ég megi ekki kalla þessa bók minimalíska í nálgun sinni til sögugerðar. Var mjög hrifinn af raunsæislegri viðleitni til ástarinnar og lýsingu aðalsögupersónu á því hvernig er að vera ung kona í hringiðu skemmtanalífs og þeirri karlamenningu sem þar oft á tíðum ríkir. Fannst hún þó renna einum of mjúklega í gegn, fannst vanta hið heilaga X án þess að geta sett fingurinn á það almennilega.