رب جملة بعشرة آلاف جملة

by ليو جن يون, مي شاهين (Translator)

رواية رب جملة بعشرة آلاف جملة تدور حول مسعى الإنسان في دروب الدنيا والحياة بحثا عمن يتحدث إليه، فموضوع الرواية الرئيس عبارة عن رحلة بحث طويلة يخوضها بعض الناس سعيا للعثور على من يتواصلون معه، فالإنسان إن لم يجد إلها يناجيه فسوف يبحث عن رفاق حياة وأصدقاء عيش، بيد أن الله يصون الأسرار والخفايا، في حين أن صدور الناس لا تطيق أن تحفظ ذمة أو تتكتم موثقا، فالعلاقات الاجتماعية المركبة في المجتمع الإنساني المعاصر تعوق قيام مثل هذه الثقة بين الأصدقاء.

868 pages, Paperback

Published January 1, 2015

Reviews

[سَنَاء شَلْتُوت · Rating 2 out of 5]

رُبَّ جملة غير من آلاف جملة
(مفيش صاحب يتصاحب)

تخيل الرواية كلها بتدور حول هذه الفكرة إنك صعب تلاقي صديق في هذا الزمن، وإن لاقيته هتكون شخص محظوظ جدًا.. بس للأسف مش هتلاقيه موجود في كل الأوقات لما تحتاجه.
رواية مكونة من 850 صفحة بتتكلم عن إن الإنسان كائن اجتماعي بطبعه، وبيحب الونس، فطبيعي يكون له صديق أو زوجة أو أي شخص يتكلم معاه وقت ما يحتاجه، لكن مع أحداث الرواية هتلاقي كل إنسان بيخون الآخر، ودا لأسباب كتيرة منها سوء الفهم أو الطمع والجشع أو الدنيا ومتاهاتها.

الكاتب علشان يوصل رسالته تخيل عمل إيه جاب قرية وقعد يحكي عن كل بيت فيها وياريت على كدا بس لأ، دا حكى عن علاقات كل بيت بالآخر وبالقرى المجاورة وطبعًا الأسماء متشابهة جدًا

ليه الرواية أخدت نجمتين لكثرة الأخطاء، مش بتكلم عن الأخطاء الإملاية لأ أنا بتكلم عن الأخطاء و التبديل في الأسماء
أنا كنت ماسكه قلمين قلم تحديد وقلم جاف
القلم الجاف بصلح به كمية الأسماء التي تم تبديلها
بجد أخطاء وتبديل في الأسماء بكمية مهولة وفظيعة لدرجة تعمل لخبطة لأي حد هيقرأ الرواية.

طبعًا مش هقول العيب على الاستاذة مي شاهين المترجمة فقط، بس المراجع والمقدم الدكتور محسن فرجاني
حضرتك كاتب في آخر الرواية 3 صفحات بتقدم وتوصف نفسك فيهم وفي غلاف الكتاب كاتب مراجعة وتقديم د: محسن فرجاني
طيب كان الأولى يا دكتور يكون الناتج النهائي للرواية تصلح للقراءة.

وبالنسبة للغلاف
مكتوب تصميم الغلاف: د: هند سمير
يا دكتورة هند هو فين التصميم؟؟؟؟

في النهاية وكما قالت إحدى شخصيات الرواية:
الأيام تمضي للأمام، ولا تعود للخلف، ولو لم أُدرك هذا الأمر جيدًا، لما كنت قد عشت إلى اليوم.

[Mustafa Emara · Rating 4 out of 5]

لو مكنش فيه أخطاء إملائية وأخطاء فى ترجمة وتبديل الأسماء ببعضها كانت خدت ال 5 نجوم ...... رواية من أروع الروايات اللى قرأتها فى حياتى وفى الأدب الصينى لحد دلوقتي... بتتكلم عن مسعى الإنسان فى دروب الحياة عن الأصدقاء وعلاقتهم ببعضهم وازاى ممكن يفسخوا صداقة استمرت لعشرين سنة على سبب بسيط وازاى الإنسان ممكن يلاقى روحه مع شخص غريب ويبقى صديقه بكل سهولة ..... وبتتكلم عن الزواج وعلاقة الأزواج بزوجاتهم والخيانة اللى بتتم ما بينهم وهروب الزوجة مع غيرها .... بتتكلم عن الأشغال اللى الشخص بيشتغلها وأنه ممكن يتعب فى أول حياته ويعيش فى العراء ويكفى يومه بيومه ....عن المتاجرة بالأطفال والنسب والخيانة ... عن الحياة فى القرى الصينية والصعوبات اللى بتواجه سكانها ...... بتتكلم عن العادات فى القرى الصينية وتمسك الناس بيها .. تحس أنك بتقرأ وبتتخيل الأحداث بتحصل فى قرى مصر فى حياة الناس وتمسكهم بعاداتهم.

الأدب الصينى أدب عظيم يستحق الواحد يقرأ فيه فعلا .... لو فيه روايات مصرية بتتكلم عن سكان القرى وحياتهم أو حاجة شبيهة بمعاناة السكان فى الصين فى الأدب الصينى .. يا ريت يرشحها وأكون ممتن جدا 😀

[Ahmed · Rating 3 out of 5]

رواية جميلة تكلمت عن أشياء كثيرة في الحياة و ما يكابده الإنسان في الحياة العامة
تفاصيل كثيرة و شخصيات متفرقة بأفكار مختلفة

[Aboammar · Rating 3 out of 5]

لم استطع انهاء قرائتها من كثرة و تشابه الأسماء 🤕

[Shaimaa · Rating 5 out of 5]

من أجمل ما قرأت .. مدهشة