ရယ်မောခြင်း ပေါင်းချုပ်

by မင်းလူ

577 pages, Paperback

Published October 1, 2016

About the author

၁၉၅၄ - ခုနှစ်၊ မေလ(၁၈)ရက်နေ့တွင် အဖ-စာရေးဆရာ၊ ဒါရိုက်တာ ဦး သာဓု၊ အမိ-ကျောင်းအုပ်ဆရာမကြီး ဒေါ်ခင်ညိုတို့မှ ရန်ကုန်မြို့ အမှတ်(၁၄၇)။ ၄၇-လမ်း၊ ရန်ကုန်မြို့၌ မွေးဖွားခဲ့သည်။ မွေးချင်း(၄)ယောက်တွင် အငယ်ဆုံးဖြစ်သည်။ အမည်ရင်း မောင်ဉာဏ်ပေါ်ဖြစ်သည်။
၁၉၅၉ - ၁၉၆၈ - စိန်ပေါအထက်တန်းကျောင်း(နောင် အထက ၆ (ဗိုလ်တစ်ထောင်))၌ ပညာသင်ကြားခဲ့သည်။
၁၉၆၈ - ၁၉၇၂ - အ့ထ့က(၁)သင်္ဃန်းကျွန်းကျောင်းသို့ ပြောင်းရွှေ့ပညာသင်ကြားခဲ့ပြီး အခြေခံပညာအထက် တန်းအောင်မြင်ခဲ့သည်။ ကျောင်းသားဘဝတွင် စာပေဖွံ့ဖြိုးတိုးတက်ရေးအဖွဲ့ အတွင်းရေးမှုးနှင့် သိပ္ပံပညာအသင်း တွဲဖက်အတွင်းရေးမှုးအဖြစ်ဆောင်ရွက်ခဲ့သည်။
၁၉၇၂ - ၁၉၇၇ - ရန်ကုန်တက္ကသိုလ်တွင် တက်ရောက်သင်ကြားပြီး ၀ိဇ္ဇာဘွဲ့(ဒဿနိကဗေဒ)ရရှိခဲ့ ။၁၉၇၄ ခုနှစ်တွင် ဦးသန် ့အရေးအခင်းတွင် ရ လကြာ အဖမ်းခံခဲ့ရ။ တက္ကသိုလ် နံရံကပ်စာစောင်နှင့် နှစ်ပတ်လည်မဂ္ဂဇင်းတို့တွင် ''တောရကျောင်းဘုန်းကြီး'' အမည်ဖြင့် ကဗျာများရေးခဲ့သည်။
၁၉၇၆ - ရုပ်ရှင်ပဒေသာမဂ္ဂဇင်း၌ ၀တ္ထုတိုစတင်ဖော်ပြခံရပြီး စာပေနယ်သို့ ၀င်ရောက်ခဲ့သည်။ ကျောင်းတက် ရင်း စာအုပ်ထုတ်ဝေရေးလုပ်ငန်း လေ့လာလုပ်ကိုင်ခဲ့သည်။
၁၉၇၇ - မင်းလူအမည်ဖြင့် ''ပန်းကျောင်း''လုံးချင်းဝတ္ထု ထွက်ခဲ့။
၁၉၇၈ - ''သာဓုအင်ဆန်း''(စုပေါင်း)စာအုပ်ထွက်ခဲ့။ ''အချစ်လားဟေ့ ၀င်ခဲ့လေကွယ်'' ကဗျာစာအုပ်ထွက်ခဲ့။
၁၉၇၉ - ''ချစ်သောပန်းကလေးများ'' ၀တ္ထုလုံးချင်းထွက်ခဲ့။ သူငယ်ချင်း ကဗျာဆရာများနှင့်တွဲ၍ ကဗျာစာအုပ် များထွက်ခဲ့။
၁၉၈၁ - မစန်းစန်းအောင်(တက္ကသိုလ်စာကြည့်တိုက်ဝန်ထမ်း)နှင့် လက်ထပ်ခဲ့။ (သမီးနှစ်ဦးထွန်းကားခဲ့)။ ''အချစ်သည် သက်တော်ရာကျော်ရှည်ပါစေသတည်း'' စာအုပ်ထွက်။ ''ငှက်ကလေး''၀တ္ထုထွက်။
၁၉၈၂ - ''နှစ်ကိုယ်ခွဲ''
၁၉၈၃ - သံယောဇဉ်အဖွဲ့၊ မိညီမ ထွက်။
၁၉၈၄ - ''လွမ်းရအောင်''၀တ္ထုထွက်။
၁၉၈၅ - ''ကျွန်တော်ကျွန်မတို့သည်''၀တ္ထုထွက်။ ''အချစ်အလွမ်းစွန့်စားခန်း''-၀တ္ထုထွက်။
၁၉၈၆ - သူတို့ပျော်ကြလေပြီ၊ သူကလည်းသူ ကျွန်တော်ကလည်းကျွန်တော်၊ ခုနစ်စဉ်အလွမ်း၊ မင်းမဆိုး ပါဘူး စသောလုံးချင်းဝတ္ထုများ ဆက်တိုက်လိုလိုထွက်ခဲ့။
၁၉၈၇ - ''ချစ်မှာလားကွယ်၊ ကြိုက်မှာလားကွယ်''၀တ္ထုထွက်။ မေးစမ်းပါရစေ တိုးတိုးတိတ်တိတ်ရယ်၊ သုံးနား ညီ၊ ရယ်စရာမောစရာ-ထွက်။
၁၉၈၈ - ''ရင်ခုန်သူများ''၀တ္ထုထွက်။
၁၉၈၉ - ''ရင်ထဲကဆောင်းရာသီ''၀တ္ထုထွက်၊ ''ဖော်ကွာဝေး'' ထွက်။
(ဘာတွေဖြစ်ကုန်ကြပြီလဲ ကဗျာအတွက် ၃ နှစ်ကြ အဖမ်းခံခဲ့ရ)
ထိုကဗျာ ရေးသားမှု၊ထုတ်ဝေမှု၊ဖြန် ့ချိမှုတို ့အတွက် တစ်ထောင်ကျော်အဖမ်းခံခဲ့ရသည်။
၁၉၉၀ - ''ဘာမှမတတ်နိုင်ဘူး'' ''သူငယ်ချင်းတစ်ယောက်အကြောင်း''၀တ္ထုထွက်။
၁၉၉၂ - ဗီဒီယိုနှင့် ရုပ်ရှင်ဇာတ်ညွှန်းများ စတင်ရေးသား။
၁၉၉၄ - ''အချစ်ရူးကြီးရူးတော့သည်'' ၀တ္ထုထွက်။ ''သံမဏိ၀တ်မှုန်နှင် ့လတ်ဆတ်သောဝတ္ထုများ''(စုပေါင်း)ထွက်။
၁၉၉၅ - ''လမ်းဖြတ်ကူးသောဝတ္ထုတိုများ''။ လွန်လေပြီးသောနှလုံးသား(မဂ္ဂဇင်းဝတ္ထုရှည်များ) ၀တ္ထုများထွက်။
၁၉၉၆ - ချစ်မြှားရှင်ချစ်စေသတည်း၊ ငိုးအားနှင့်ရယ်အား၊ သံယောဇဉ်အဖွဲ့၊ အချစ်သက်သက်ဝတ္ထုတိုများ၊ အတွေ့လေးရယ်မှအိုအကြုံ။ ''အမုန်းခွန်အားဝတ္ထုများ၊ အမုန်းအလိုမရှိ စသောဝတ္ထုများထွက်။
၁၉၉၇ - ''ရင်မောခြင်းနှင့်ရယ်မောခြင်း''၀တ္ထုထွက်။
၁၉၉၉ - ''ချစ်တယ်ကြိုက်တယ်ဆိုတာ ဘယ်လိုဟာများခေါ်ပါသလဲလို့ မောင်ဘုရားကိုပြောစမ်းပါ နှမတော် လေးရယ်နှင့် အခြားဝတ္ထုတိုများ''(စုပေါင်း)၊ ပြောတိုင်းယုံတဲ့ပုတ်သင်ညို၊ ယမကာလုလင်၊ ရယ်မောခြင်းလက်ရွေး စင်၊ရွှေရောင်မမရဲ့ပုံတူ(စုပေါင်း) စာအုပ်များထွက်။
၂၀၀၀-ပြည့် - အမည်မဖော်လိုသူအချစ်၊ ရေတမာ၊ ဦးမင်းလူကောင်းမှု၊စာအုပ်များထွက်။
၂၀၀၁ - စာပေကြော်ငြာ စတိတ်ရှိုးပွဲတော်နှင့် အခြားဝတ္ထုတိုများ၊ စာပေလေလံပွဲ၊ အက်ဆေးချစ်သူ စသော စာအုပ်များထွက်။
မင်းလူသည် စာရေးအားကောင်းသူဖြစ်သည်။ ယခုအခါမိသားစုနှင့်အတူ သင်္ဃန်းကျွန်း၊ သာဓုခြံရှိ မိခင်၏ နေအိမ်တွင် နေထိုင်ရင်း ၀တ္ထု၊ ကဗျာ၊ အက်ဆေး၊ ဇာတ်ညွှန်းများရေးသားလျက်ရှိသည်။ ထုတ်ဝေပြီးစာအုပ်များ ကို ရုပ်ရှင်ဇာတ်ညွှန်းများစွာ ရိုက်ကူးခြင်းခံခဲ့ရပြီး အများစုကို ကိုယ်တိုင်ဇာတ်ညွှန်းရေးခဲ့သည်။
၂၀၁၃ ခုနှစ်၊သြဂုတ်လ၊ ၁၄ ရက်နေ ့တွင် အဆုတ်ကင်ဆာဖြင့် ကွယ်လွန်ခဲ့ပါသည်။
ကွယ်လွန်ချိန်တွင် ဇနီး ဒေါ်စန်းစန်းအောင် နှင့် သမီးနှစ်ယောက် မသုမ နှင့် မယုယ တို ့ကျန်ရစ်ပါသည်။

Reviews

[Thinn · Rating 5 out of 5]

ပါဂျောင်ကရောမကျွန်’ ဖတ်ပြီး စိတ်ညစ်လို့ ရယ်စရာဖတ်မယ်ဆိုပြီး စာအုပ်စင်မှာရှာတော့ ဒီစာအုပ်ကြီးကို တွေ့တာပဲ။ စာအုပ်ကထူတော့ ငပျင်းလုပ်ပြီး အိပ်ယာပေါ်လဲပြီး ဖတ်လို့မရဘူး 😬 စာအုပ်ကထူပေမဲ့ စဖတ်ကတည်းက ရယ်စရာပေါင်းချုပ်ဆိုတဲ့အတိုင်း ရယ်ရတာ။ တခါတခါ ရယ်ရလွန်းလို့မော ယူရတဲ့အထိပဲ။

ဇာတ်လမ်းက ရပ်ကွက် ၂ ခု (ဍ ရပ်ကွက်နဲ့ ဌ ရပ်ကွက်) ဘောလုံးပွဲကန်ရာက စတဲ့ ဇာတ်လမ်း။ ဇာတ်သိမ်းတော့လည်း ဘောလုံးကန်တာနဲ့ပဲ သိမ်းသွားတယ်။ ဆရာမင်းလူက ဘောလုံးပွဲတော့ အတော်ကြိုက်ပုံပေါ်တယ်။ ဒီစာအုပ်ထဲမှာ ဘောလုံးပွဲအကြောင်းချည်းပဲ ၄ ပုဒ်ပါတယ်။ ဇာတ်ကောင်တွေများပေမဲ့ ဇာတ်ကောင်တိုင်းရဲ့ စရိုက်ကိုမျက်စိထဲ ထင်းနေအောင်ရေးထားတာကို ဖတ်ရတာအရမ်းအားရပဲ။ ဇာတ်ကောင်တိုင်းမှာ အားနည်းချက်တွေ အမှားတွေရှိပေမဲ့ ဍ ရပ်ကွက်က ဇာတ်ကောင်တော်တော်များများက သူများအပေါ်မကောင်းမကြံဘူး။ မပွေးကတော့ အပေါင်ခံစားတဲ့လူဆိုတော့ အမြဲကွက်ကျော်ကြည့်တယ်။ ဒါတောင် ဓာတ်ခဲရဲ့ ကတုံးပေါ်ထိပ်ကွက် လုပ်ခံလိုက်ရသေးတယ်။ ဓာတ်ခဲက သူများကို စချင်၊ နောက်ချင်ပေမဲ့ ကောင်းကွက်လေးတွေတော့ ရှိသေးသားပဲဆိုတာတွေ့ရတယ်။ ဌ ရပ်ကွက်က ကိုစာကလေးကိုတော့ နည်းနည်းအမြင်ကပ်တယ်။

စာအုပ်ထဲမှာ အမှတ်ရဆုံးအရယ်ရဆုံးအပိုင်းက လှထုံက ဖိုးနီကိုသွားပြီး ဒွေးကို သတ်လိုက်တာ နင်မလားဆိုတဲ့ အပိုင်းပဲ။ 😂😂😂 တရွာလုံး အတိိတ်ကောက်ပြီး ၂ လုံး၊ ၃ လုံးထိုးတာလည်း ရယ်ရတယ်။ ဆရာတော် အကယ်ကောင်းပေလို့သာပေါ့။ စာပေဟောပြောပွဲအပိုင်းလည်း ရယ်ရတယ်။ အဲ့အပိုင်းမှာ ဆရာမင်းလူက ဆရာချစ်ဦးညိုရယ်၊ ဆရာနီကိုရဲရယ်၊ ဆရာကြီးအီကြာကွေးရယ်၊ ဆရာမောင်သစ်ဆင်းရယ်ကို ‘စ’ ထားသေးတယ်။

ဍ ရပ်ကွက်က လူတွေက တကယ့်ကို ဇော်တကာ့ဇော်တွေပါပဲ။ သူတို့ ရပ်ကွက်ကိုပြောင်းလာတဲ့ ဒေါက်တာ တုတ်ခိုင်တို့၊ ဦးကျော်မိုးတို့လည်း သူတို့နဲ့ရောပြီး ပျော်ရ၊ ငိုရ၊ ဓာတ်ကြမ်းတိုက်ရနဲ့။ အရမ်းကြိုက်တဲ့ စာအုပ်ထဲမှာပါတယ်။

ဒီစာအုပ်က ‘ဓာတ်ခဲ’ ဆိုပြီး ရုပ်ရှင်ပြန်ရိုက်ထားတာ ရှိတယ်။ ဇာတ်ကားနာမည်က ‘ဓာတ်ခဲ’ ထင်တာပဲ။ လှထုံအဖြစ် ဆုပန်ထွာသရုပ်ဆောင်တာပဲ မှတ်မိတယ်။

‘အချစ်ဆိုတာကလည်း အရက်လိုတစ်ယောက်တခွက် မျှဝေသောက်လို့ ရတာမျိုး မဟုတ်ဘဲကိုး’

[Aungkhantpaing]

This is the best comic book for me!