Perurnar í íbúðinni minni

by Kött Grá Pje

Hann kallar þetta ekki endilega ljóð. Og ekki prósa. Frekar texta.

Kött Grá Pjé gefur út hjá Bjarti bókina Perurnar í íbúðinni minni. En hér er titiltextinn.

PERURNAR Í ÍBÚÐINNI MINNI
Ein af annarri dóu perurnar í íbúðinni. Það gerðist ekki sisvona. Ég tók ákvörðunina um vor. Skömmu fyrir jól logaði enn á leslampanum mínum og á ljósinu yfir helluborðinu á eldavélinni. Leslampinn fór á milli jóla og nýárs. Peran yfir helluborðinu dó um miðjan janúar. Um hríð var algjört myrkur. Köttunum virtist vera nákvæmlega sama. Áfram barst daufur bjarmi af götuljósunum inn um stofugluggann. Þó ekki svo að ég sæi til nokkurs gagns. Mikið var það yndislegt. Fljótlega í kjölfar þess tók aftur að vora. Dag einn vaknaði ég í björtu. Þá stóð ég upp og dró fyrir.

96 pages, Hardcover

Published November 1, 2016

Reviews

[Ragnar Númi Gunnarsson Breidfjord]

Borðeyri og Hvamstanfi mentioned

[Assa Borg Snævarr Þórðardóttir]

Margar af þessum örsögum voru frábærar, aðrar gleymdust fljótt. Eins og við er að búast af svona stóru safni af sögum voru þær ekki allar jafn góðar en þetta textasafn Kött Grá Pje er klárlega þess virði að lesa.

[Axel]

Margt gott, annað sem situr ekki eins mikið eftir.

[Guðjón Bragason]

Skemmtileg bók, full af húmor og skrýtnum sjónarhornum á tilveruna.

[Stefán Snæbjörnsson]

Fyrsti kossinn
"Við kysstumst fyrst yfir kari af slægðum þorski. Síðar slægði hún mig eins og þorsk tilfinningalega."

[Hólmfríður Bjarnardóttir]

Misgóðar sögur. Margar hverjar mjög góðar. Mæli með.