الجملة دي كانت بتصادفني دي كتير في فترة كانت بلقاك حلم مسيطرة على القروب ‘ والليلة قررت اقراها مخصوص عشان أعرف الموقف شنو ‘ بس للأسف ما كنت قايلة دي الجملة البتختم بيها إيلاف الحكاية .
بلقاك حلم رواية سودانية مكتوب في شكل حلقات (32 حلقة) بتحكي عن مجموعة شباب في بداية عمرهم ‘ كل واحد فيهم الحياة علمتوا دروس قبل أوانها . مكان الاحداث في منتطقتين ( بحري شمبات و الخرطوم الرياض) ربطت بين اربعة علاقات ( الحب ‘ الصداقة ‘ الأخوة ‘ الأبوة) بتلقى فيها حياتك انت ‘ او حياة زول قريب ليك..
بنتاقش القيم الأخلاقية بنفس الطريقة الاتربينا عليها
بتوريك كيف الحب بيخليك تضحي بي نفسك عشان حبيبك ‘او تضحي بأخلاقك عشان حبيبك
حبيت الطريقة الحكت بيها ‘ كانت دارجية بسيطة بتخليك تتخيل ادق التفاصيل وتخليك تتبسم مرات ‘