عنبر الحواديت

by رحاب هاني

عمرك فكرت إنك عايش حدوتة؟
حدوتة فيها أبطال ومواقف
حدوتة إنت مش عارف نهايتها
أصل هي الحياة إيه غير حواديت؟
حواديت وبنعشها

Genres: Audiobook, Nonfiction

142 pages, Paperback

Published November 1, 2016

About the author

رحاب هانى مدرس مساعد بكلية الاعلام جامعة القاهرة قسم الصحافة شعبة اللغة الانجليزية : حاصلة على الماجيستير فى الصحافة والادارة بدرجة امتياز وتعمل حاليا على الدكتوراه وعملت بالصحافة منذ 2007 وحتى الان فى العديد من المواقع الأخبارية والصحف المطبوعة

عملت بال دوبلاج افلام الكارتون لفترة وحاليا تقوم بنشر مقاطع صوتية على موقع ساوند كلاود تناقس من خلاله مشكلات اجتماعية بطريقة ساخرة
اختيرت لتكون متحدثة فى تيدكس وطلقت اولى كتبها تحت عنوان "كلام فاضى"1

Reviews

[Mostafa Galal · Rating 3 out of 5]

أعجبني بعض أقسام الكتاب، لكن بشكل عام ما شعرت أن محتوى الكتاب سطحي إلى حد ما و متشابه إلى حد كبير مع ما نقرأه يومياً من بوستات على مواقع التواصل الإجتماعي المختلفة

[Nehal Magdy · Rating 2 out of 5]

انا صراحه جبت الكتاب ده عشان كنت هحضر حفله التوقيع بتاعته .. متوقعتش منه كتير ممكن نقول اني واحده قررت تدفع 25 جنيه فشويه بوستات ممكن تقراهم علي الفيس بوك و هي عارفه انهم بوستات .. انا واحده بحب رحاب هاني جدا شخصيه ناجحه كاريزما خفه دم .. بس مش كاتبه .. الكتاب ميتصنفش ادب تماما.. حسيته طريقه ما اننا نقولها شطوره يا رحاب انتي واحده مؤدبه .. نوع من انواع التنظير العامي .. بسعشان مكونش ظالمه انا كنت مرتاحه كان في شئ جوايا مبسوط بالتنظير ده شويه امل مع ضحكه حلوه وده السبب انهم نجمتين مش نجمه واحده .. ساعات كتيره كنت بقف كده و اقول ايه ده انا اهو .. عشان كده كان في اتنين جوايا حد بيقول ده مش كتاب اصلا و ده مش ادب و رحمه الله علي ال 25جنيه و نص مرتاح نوعا ما "بالبوستات" دي
المهم مطولش يعني انا مش حابه اقرا تاني لرحاب هاني الصراحه حاسه انها بتفرك فحوالي موضوعين كده "الحب و وفاه والدتها" بس كده انياقرأ حوالي 150 صفحه ففكرتين ده شئ مش ممتع اووي يعني تجربه ظريفه نوعا ما و محبش اخوضها تاني

[Fatma · Rating 3 out of 5]

51 حدوتة خدوني لعالم الحواديت و لمة صحاب و كل واحد بيحكي حدوتة و لازم لازم أي حد هيلاقي حدوتة شبه جداً اللي هو انا دا!

رحاب هاني_صاحبة الكوميديا السوداء _ عندها القدرة إنها تخرجني من وحدتي بطريقة ثلاثية الأبعاد'من كتر همنا بنضحك عليه'
كل كتاب ليها كان موجود في الوقت المناسب ، الوقت اللي بحس فيه حاجة غلط
ﻷ،تقريباً مش بحس بحاجة فيه من أساسه و مبقتش فارقة !
الخلاصة او الزتونة من بعد كل مقال ليها بتفوقني و بترشدني لحاجة انا مش واخدة بالي منها و مش مركزة فيها
انا بحبها جداً و بحس إني قريبة منها في كل مرة بقرأ ليها كتاب...

[عبيرجمال الدين · Rating 4 out of 5]

الكتاب رائع لما كتب له
هى ليه الناس مصرة إن الكتب لازم تكون روايات أو قصص
الكتاب ده بيعلم الناس تكون نفسها
تتعامل بطيبعتها
بيعلم الناس إزاي تخرج كل اللي جواها
الكتاب جميل

[Salma Saeed · Rating 2 out of 5]

خفيف لطيف بس مكرر للغاية للأسف
انا سمعته ككتاب صوتي فكان تجربة لطيفة بين امتحانين لأنى كنت مفتقدة صوت رحاب هاني من ايام الساوند كلاود

[Shatha Saleh · Rating 3 out of 5]

كتاب خفيف جدا ولكنه صادق
اسمتعت بالاستماع إليه عبر منصة كتاب صوتي

[Mariam Nageh · Rating 5 out of 5]

بعد قرائتي لكتابك الأول يا رحاب ...بقيت عارفه اني لازم أعيط وانا بسمعك بتتكلمي عن مواضيع تبان إنها بسيطه بس أد إيه بتلمسني ...الكتاب يخص ف قعده ...عيطتيني معاكي ..صوتك صادق و بيلمس قلبي و مشاعري
❤️⁩

[Ayman Muhammad · Rating 2 out of 5]

كتاب ظريف، فضفضة ليس أكثر

[Mohamed Aboulela · Rating 3 out of 5]

حلوة القصص، حلوة الحواديت، قعت بعد ما خلصته فكرت كده ومخمت بس برده مش عارف ليه حاسس ان فيه حاجة كانت صعبة مكنتش عايز اكمله كملته لأخرة كده بعد ما دست على نفسى شوية، مش عارف بقى العيب من طريقة السرد ولا الحكاوى اللى كترها خلاص مليت ولا العيب منى ولا ايه 🤔

[Sarah Hijazi · Rating 5 out of 5]

كالعادة كإنك عايشة معانا

[Laura · Rating 5 out of 5]

كتاب عنبر الحواديت لرحاب هاني الكتاب خفيف وبالعاميه وهتحس انه فعلا حواديت م حياة رحاب هاني هي نفسها بتحكيها ليك شخصيا
ع الرغم م ان الكتاب بسيط لدرجه قد لاتعجب الكثير الا اني اعجبت بيه وبشده ووقعت ف الغرامه الصراحه
اقرأوه ليهون عليكم دوشه اليوم
افتحوا واستمتعوا باسلوبها اللي بيجبرني ع الابتسام
وهاعتبر كلامي دا ريفيو عن الكتاب
والتقيم 5 م 5 لظروف اني كنت محتاجه كتاب زي دا ف الوقت دا
ولنعتبر دي صدفه جيده ف وقت مليء بالحزن
شكرا رحاب هاني ❤🌸

[Amal Assem · Rating 2 out of 5]

نجمه عشان الغلاف ونجمه عشان انا بحب رحاب هانى كشخصيه ليها كاريزما ومرحه
الكتاب مع انى ارفض أن اطلق عليه كده لانه عباره عن مجموعه من البوستات اللي بنصادفها يومياً ع الفيس اللي بتكون بتحكى عن تجربه او موقف فـ بالتالى الكتاب مضفليش اى جديد
الكتاب كان بيدور عن فكرتين او اكتر بس باختلاف التفاصيل بـ اسلوب سرد مُمل جدا مليئ بالكآبه
بالاضافه أن وصف الكتاب وعنوانه ملهمش علاقه بجزء كبير بمحتوى الكتاب

[Ahmed Hossam · Rating 1 out of 5]

مش هضحك عليكم النجمة دى اديتها للكتاب لأنه اتجاب فيه سيرة
Lady gaga و انا من أشد المعجبين
نتكلم بقى شوية عن الكتاب احم احم
اسلوب الكتابة ممل والكلام سطحي ومعروف محستش فعلا انى بقرأ كتاب انما كلمات تصف تجربة أو موقف حياتى يمر به عامة الخلق

[Mona · Rating 5 out of 5]

Chapeau!

[Fatimah Al-Zahraa · Rating 3 out of 5]

طيب خلينا متفقين إن الكتاب ده مش أدب، هو عبارة عن دردشة خفيفة مقبولة مش تقيلة علي القلب خالص أنا فعلا كنت شايله هم الكتاب جدا لإني عارفه أنه مكتوب بالعامية و دي حاجة مش لطيفة بالنسبالي و الكتاب عندي ولازم يتقرأ بس بعد ما قرأت محتوي الكتاب و فهمت الغرض منه تقبلت فكرة إنه بالعامية. أنا مش ضد إن الدردشة تتكتب في كتاب بس ضد تصنيف ده أدب، مع أحترامي لرحاب هاني انا بحبها جداً و بقدر تعبها و مكافحتها عشان توصل للهي فيه بس ده مش كتاب دي دردشة جميلة جداً موجهه لأي حد خبرته في الحياة قليلة موجهه للمراهقين بالأكثر، إنهم يعرفوا الحواديت دي قبل ما يجربوها بنفسهم لإن حتماً هيعيشوا الحدوته في يوم من الأيام بس فكرة إنهم مش لوحدهم و إن هي دي الحياة و ده الطبيعي كل ده هيساعدهم جدا. بس بالنسبالي حاجات كتير لمستني في الكلام بتاعها بس المشكلة إني كبرت علي الكلام ده ببساطة لإني عيشته حرف حرف مع أختلاف المواضيع... معظم المراجعات كانت قاسية جداً فأخذت خلفية مش لطيفة عن الدردشة -مش هقدر أقول كتاب- بس الحقيقة إنه كلام لطيف مش بشع يعني فيه إعادة كتير في نفس المواضيع و نفس الهدف بس في النهاية عمل مقبول. الصراحة دي كانت أول مرة أقرأ لرحاب هاني -كلام مطبوع- لإني متبعاها علي الفيسبوك غالبا آخر مرة مش لإن هي سيئة الكتابة أو حاجة بس لإني حاسه إني كبرت علي الكلام ده و أتعلمت عملي و هي مش أديبة فاعتقد إن مفيش جديد المعلومات الجديدةعليا بصراحة كانت معلومات عن الست "أم كلثوم" .

[HARI · Rating 4 out of 5]

(8/10)

____________________________
الفكرة : (3/5)
مواقف حياتية و تجارب شخصية مرت بها الكاتبة و سمعت عنها .
____________________________
المحتوى : (7/10)
الحياة مليئة بالمواقف التي ترسخ بالذاكرة سواء كانت جميلة ام غير ذلك .
الحياة عبارة عن دروس و صفعات ، قد تعطينا الدروس بشكل صارم و حازم ���و أحيان بشكل مضحك و غبي 😂.

طرحت الكاتبة رحاب مواقف اجتماعية عديدة و تطرقت لعدة مواضيع منها الصداقة ، فقدان شخص عزيز مثلما فقدت رحاب والدتها ، العلاقات بين البشر ، الاحترام ، الخيرة .

و من ابرز الأشياء التي أعجبتني هي طرح موقف و عكسه لنرى مثلما يوجد جانب أسود هناك جانب أبيض 👍🏼.

الكتاب باللهجة المصرية و شخصياً استمعت إليه بشكل صوتي و كان بصوت الكاتبة نفسها و هذا زاد من جمال المحتوى 😍.

بشكل عام محتوى خفيف و بسيط 😍👍🏼.
.

.

____________________________
الأسلوب :(8/10)
بسيط و سهل و مناسب جداً للمحتوى 👍🏼.

.
.

____________________________
الغلاف : (4.5/5)
جميل بألوانه و رسمه و يعبر عن طرح الكتاب 👍🏼.
.
.


____________________________
المتعة :(8/10)
اقترح لمن يريد قراءة الكتاب الاستماع إليه صوتي أفضل فهذا زاد من متعة اندماجي و تقبلي للمحتوى 😊.
.

.
____________________________

[Youssry Effat · Rating 2 out of 5]

" عنبر حواديت رحاب مليان حواديت - حماده هلال اووى- و حكايات عنى و عنك و عنها ..حكايات انسانية و اجتماعية "
كتاب : عنبر الحودايت
كاتبه : رحاب هانى
عدد الصفحات :142
دار النشر : ليان
غلاف : كريم ادم
=====================
رحاب بتحكلنا 51 حدوته من حدوايتها و مع كل حدوتة
هتلاقى نفسك فى واحده منهم او اكتر
مع كل حكاية هتقول ان اهو و هتلاقى حاجه بتمسك
حكايات عن العلاقات الانسانية بكل توصيفاتها بدايه مع الام و الاب
والاصدقاء و زملاء العمل و هكذا
حكايات عن الجدعنة و عن الشقا و عن الكفاح
حكايات عن الندالة و قلة الاصل
خليط و مكس من الحواديت اللى بنعشها
الكتاب مكتوب بلغة عاميه قريبة للقلب
وكأن حد قاعد بيدردش معاك

كتاب خفيف و لطيف يفصلك من اى اجواء
ويبعتلك رسايل مخفيه من جوه كل حدوتة

[Mohammad Faisal · Rating 3 out of 5]

انا تلقيت الكتاب سماعيا من خلال تطبيق كتاب صوتي واعتقد ان النسخة الصوتية افضل منها من المكتوبة لربما لان الكاتبة هي نفسها القارئة وهذا اعطى الكتاب الصوتي رونق خاص من خلاله قدرت الكاتبة توصل كل الذي احببت ايصاله من افكار ومشاعر
الكتاب بشكل عام لطيف وخفيف
انا صراحة سمعته للمجرد المتعة ولكن اكتشفت فيه كتير اشياء لربما كنت اعايشها ولكن ما كنت ماخد بالي
وايضا رسخ عندي بعض القناعات التي ظننت لوهلة انها مستحيل تكون صحيحة او تمد للواقعية بصلة
الا ان القصص والتجارب المذكورة في الكتاب ( الحواديت ) اثبتت عكس ذلك
#محمد_فيصل

[Wejdan SB · Rating 4 out of 5]

كتاب بسيط، لطيف، ممتع..

كتاب يصلح انا يكون فاصل لطيف بين الكتب و الروايات الثقيلة.. استمعت له صوتياً و كان بصوت الكاتبة ذاتها..كم كانت تجربة ممتعة!!


*اقتباس*

"في الدنيا ساعات كتير بنقابل ناس دمهم مش بيجري في دمنا و لا شالتهم نفس البطن لكن بيجمعهم نفس الهوا بتجمعهم الروح الطيبة و الرحمة و المودة..اللي ساعات كتير ممكن ما تلاقيهومش عند اقرب الناس ليك.. في ناس يستاهلو لفظ اكبر من الاخوة بكتير.. يستاهلو لفظ لم يستدل عليه..لانو لابد ان يجمع ما بين الخليل .. رفيق الروح ..و صديق العمر"

[Osama Yosre · Rating 5 out of 5]

الكتاب عباره عن مجموعه من المواقف والحكايات القصيره لشخصيات صدفتها الكاتبه فى الحياه اصدقاء او جيران او اهل وبتخرج الكاتبه من كل حدوته بحكايه او عبره او عظه تفتح قدامك سكة للتفكيره فى الحباه وعظمة الخالق وفى تدابيره اللى انته مش عارف هو شايل ليك ايه فيها بكره
الغلاف لطيف واسلوب الكاتبه حلو وبسيط وممتع
الموضوعات بسيطه وخفيفه جدا
الخلاصة او الزتونة من بعد كل مقال ليها هى المتعه

[Mariam Gawwad · Rating 2 out of 5]

اغلب الكتاب قرأته بوستات ع الفيس بالصدفه وحقيقي ده اخره انه يكون بوستات خساره الطباعه ، و فيه اثر فيا !
الكتب م النوعيه دي محبطه الكتب بالنسبالي ليها قدسيتها ينضم لكتاب القران نسخه شخصيه ولاني عبدك اخرهم بوستات فيس .

[Reem · Rating 5 out of 5]

سمعته ككتاب صوتي.. مثل تأملات في قصص المجتمع والعلاقات والأحداث.. جميل ومسلي والأسلوب عفوي

[Latifa Alnuaimi · Rating 3 out of 5]

الكتاب جميل لكن ما عجبني انه بالعامية

[Amira Saeed · Rating 5 out of 5]

هى ببساطه حواديت
مجرد حواديت
بس حواديت حقيقيه , كل حدوته بتمس حاجه فى قلوبنا .
و مع كل حدوته وكأن صوت رحاب هانى حاضر معاك فى الكتاب وكأنك بتسمعه مش بتقراه - فبتتفاعل معاه اكتر .
هى حواديت :)

[Marwa Abd Ellatif]

كتاب جميل وخفيف على الروح فعلا 💚💙 انا قريته فى مده قوليله من حلاوته

[Salma Elshinawy · Rating 3 out of 5]

حكاوي رحاب اللطيفة، تحسسك إنك قاعد مع واحد صاحبك بترغوا ⁦❤️⁩

[Lady S · Rating 3 out of 5]

It is okay

[Ali Ahmed Ali · Rating 5 out of 5]

عبقرية ..حواديت دخلت قلبى.. وأنعشت عقلي..وأسالت دموعى

[Abdullah]

جميل جداً

[Bishoy Samy · Rating 1 out of 5]

ده مش كتاب اصلا دا مجرد حلقة في بودكاست.. وحلقة وحشة كمان