الجزء المفقود من الرواية

by رشا نعمان حسين

كنت أتمنى أن تكون أول القارئين..
ولكن دائما أكتب،ولا تقرأ أبدًا.
فالكتاب الذي لا يُقرأ صاحبه ميت ، وأنا أريد أن أعيش بعد موتي بعقود كثيرة .
الجزء المفقود من الرواية
قصص قصيرة ونصوص
رشا نعمان

91 pages, Unknown Binding

First published November 28, 2016

About the author

رشا محمد نعمان حسين

لأنني لا أمتلك الكثير من الذكريات ،، ولا حياة ممتلئة بدفء الحكايات
،، أكتب !

لقد أنبتت لي الكتابة جناحان لأحلق بعيدا عن حزني




http://ameerataler.tumblr.com/


https://www.facebook.com/rasha.nouman.7

Reviews

[Khaled Mohamed · Rating 3 out of 5]

كتاب جميل، بس انا معرفتش اقيمه ادبيا الحقيقة، فيه بعض القصص عجبتنى، لكن بشكل عام الاسلوب سلس وممتع
ملحوظة: أعجبني الإسم وأسرتنى المقدمة

[Eman · Rating 5 out of 5]

جميل جدا.. قصص قصيره واقعيه لمستني جدا

[رشا]

الكتاب انفعالي كتب في ظروف نفسية سيئة ، لم يتم مراجعته بالشكل الكافي لذا حذفت الرابط

[سارة طوبار · Rating 4 out of 5]

الكتاب جميل وممتع ولذيذ وخفيف خلصته سريعا ، والوجع اللي في القصص والمقالات واقعي عجبني المقالات اغضب وصلاة سكينة وقصاصات ، كمان حسيت بفرق عن كتاباتك اللي قبل كده،نفس الروح طبعا بس أقوى ودي حاجة جميلة انا مبسوطة بالكتاب يارشا بالتوفيق دايما

[دينا ممدوح · Rating 4 out of 5]

أنا بحب أسلوب رشا ومفرداتها اللي بتختارها بعناية
تستاهل يكون ليها كتاب تقيل يوازي ثقل موهبتها

[دعاء · Rating 4 out of 5]

تلات نجمات للكتاب ونجمة خاصة لاقتباس عماد أبو صالح..
معلش أنا متطرفة في حبه وماينفعش يكون موجود ويمر وجوده مرور الكرام يعني :D

أما بعد..
فا أنا
ماقريتش السنة دي غير 7 كتب في تحدي الجودريدز اللي كان أقل تحدي في التحديات اللي حطيتها ف نفسي.. وفشلت

الجزء المفقود من الرواية أكملته في جلسة واحدة ما يعني إن الكاتبة نجحت في انتشالي من حالة الركود اللي طالت جدًا ودا ف حد ذاته نجاح يحسب لقلمها..


دا عن الظروف المحيطة بقراية الكتاب..
أما الكتاب نفسه فا من أول الإهداء اللي بتهديه للوحيدين والمحطمين والمنتظرين والبائسين ك"ضمة صديق" يشعرك كإنك جالس مع صديقك الحميم وبتدردشوا سوا ..خصوصا في الجزء الأخير بتاع المقالات..


أكتر حاجة عجبتني القصص..
قصة "في القطار" حسيتني فيها.. إني أنا السيدة الباكية اللي بتكلم نفسها من فرط الملمات ومش دريانة باللي حواليها وعلى لسانها سؤال واحد " ايه نتيجى تضحياتي دي كلها"!!
مافيش..
دي واحدة من أكتر الهواجس المخيفة والمزعجة والمؤلمة ليا.. رشا عبرت عنها بصدق مؤلم جدًا.


"برج حمام"
كانت القصة الماستربيس بتاعت المجموعة.. مش هحب أحرقها أبدًا لكن أنا اندهشت من نهايتها جدا.



القصاصات الصغيرة جدا..
في بعضها حسيت بروح الرطيّان خاصة اللي كانت واخدة شكل النصايح ..
ودي حاجة حلوة للغاية


المقالات كمان جميلة..
عجبني أن أهديك كتابا والمنتحرون والكارما

التعويض وصلاة السكينة ضافوا لي معلومات كنت أول مرة أعرفها


اقتباسات رشا موفقة وماتحسهاش دخيلة على النصوص.

شكرًا يا رشا إنك رجعتيني أكمل قراية كتاب تاني :")

[Rahma Essam · Rating 4 out of 5]

كتاب متنوع بسيط عميق.. كنت فكراه كئيب كعادة كتابات رشا لكن لاقيته متنوع ومليان رسايل وكلام قريب من القلب

الخواطر القصصية أكتر حاجة عجبتني فيها :
-قضة غريبين وليل.. خوفتني من المجهول اللي ممكن يحصلنا في بلدنا!
برج حمام : فكرة جديدة عجبتني أوي رغم حزنها.
وقصص تانية زي دخان، هلاوس، و رقعة شطرنج.

القصاصات المبعثرة كلها بلا استثناء عجبتني.. فكرتني برسائل إلى غريب وحسيتها تكملة ليها.

المقالات الأخيرة ممتازة.. قريبة من القلب.. حسيت إن رشا ادامي بتحكي ف الكلام دا بمنتهى البساطة..

عجبني : أن أهديك كتابا، المنتحرون، التعويض، وصلاة السكينة.

دمتِ مبدعة يا رشا ومنتظرة دايما منك الأفضل ♥