Xa non estou aquí

by Iria Misa

Ánxela repite 1º de Bacharelato obrigada polos seus pais. A súa vida sofre un cambio rotundo cando, a comezo de curso, meses antes da súa misteriosa desaparición, coincide con María, que a seduce para integrala nos Murnios, un grupo de hábitos diferentes ao resto de compañeiros e compañeiras. Fascinada pola acollida destas novas amizades, aceptará asumir as arriscadas probas a que os Murnios se autosometen decontino na procura de experiencias vitais extremas que os satisfagan, o que creará momentos de incerteza na feble personalidade de Ánxela, afectada pola incomprensión da súa familia e polo abandono intensamente doloroso da súa parella.Xa non estou aquí é unha novela que fala de sentimentos universais: da necesidade de pertenza a un grupo, do amor, da soidade e da morte... Unha novela coral onde dende diversos puntos de vista se pon de manifesto o cariz tan distinto que pode tomar a realidade dependendo dos ollos de quen a mira.

216 pages, Paperback

First published October 1, 2016

About the author

Iria Misa Peralba (Gondomar, 1983) é licenciada en Filoloxía Inglesa pola Universidade de Vigo e profesora de ensino secundario. «Xa non estou aquí», Premio Jules de Verne de Literatura Xuvenil 2016, é a súa primeira obra publicada.

Reviews

[hele · Rating 2 out of 5]

2.5

[Erica · Rating 5 out of 5]

Marabilloso primeiro libro desta autora que cumpre e promete.

[Maryam Vazquez Mendez · Rating 4 out of 5]

Libro juvenil con final sorprendente ,muy bueno ,me ha gustado mucho ,fácil de leer y tira un capítulo de otro .

[Noa · Rating 3 out of 5]

3.5