أموات يرزقون

by بهاء حجازي

أنا شخص حضر وفاته، شخص رأى مُغسليه، شخص سمع صراخ مُحبيه عليه وتهامس أعدائه فرحة فيه، وبالرغم من إن صراخهم كان بكل ما أوتوا من قوة، وبالرغم من إن همسهم حاولوا أن يكون همساً، إلا إن الهمس كان أشد وطأة على نفسي..
وأعتقد أنها أزمة من أزماتنا، فلو أننا اعطينا أحبابنا نفس الاهتمام الذي نوليه لإعدائنا لتغيرت أشياء كثيرة، على الأقل كنت سأرى حبيبتي تصرخ بينهم علي.

Genres: Novels

198 pages, Paperback

First published January 1, 2016

Reviews

[محمد خالد شريف · Rating 3 out of 5]

رواية "أموات يُرزقون" هي رواية عما وصلنا إليه من انحدار وغش وخداع وخسة ونذالة وجري وراء شهواتنا بعدما انقرضت الأخلاق وساد الفساد وأصبح له رائحة عفن مميزة في كل شبر من بلدنا.

تدور أحداث الرواية حول عائلة مكونة من أم وأولادها الخمسة.. وبكل تأكيد أنت قابلت منهم في حياتك..
فبكل تأكيد قابلت الشيخ المُدعي الذي في خفاءه كان شيطاناً صغيراً..
وقابلت ذلك الشاب السكير الذي تفوح منه رائحة الخمر ويعمل في ملهى ليلي ونهاره ليل وليله نهار ويده لا تُفارق المُنكر وفمه لا يكف عن أكل الحرام!
وقابلت ذلك الشاب المُثقف والذي كانت أكبر خطاياه بالنسبة للبقية مثل نقطة في بحر.
وقابلت ذلك الشاب المُكافح الذي وجد نفسه فجأة يعيش وسط مستنقع من الفضلات البشرية وقد وصل إلى أخوته.
وقابلت تلك الفتاة التي نجح المجتمع في تحويلها من وردة جميلة إلى شيطان جُهنمي قد يقتل من أجل انتقامه الشخصي!

فاسم الرواية "أموات يُرزقون" لم يكن كناية عن الشخصيات التي لبست "رضا" بعدما أغلق القبر عليه حياً.. ولكنه كان كناية عن الأخوة الخمسة.. والذي بكل تأكيد هم أبعد ما يكونوا عن الأخوة. فكل واحد في واد.

القصة من المُمكن أن تكون مُستهلكة في المجمل ولكن بين السطور هُناك بعض التفاصيل الجديدة وما رفع من تقييمي للرواية قليلاً هو أسلوب الكاتب "بهاء حجازي" غير المعقد بدون فلسفة زائدة.. بكلمات بسيطة قد وصلك المعنى كاملاً.

مُجملاً..
عند القراءة لكاتب جديد.. أنت بين قرارين أما أنه نجح في أن يجذبك للقراءة له مرة أخرى أو لا..
وبكل تأكيد نجح "بهاء حجازي" في جعلي ممن سيقرأوا له مرة أخرى.

[Houda Ahmed Kodad · Rating 3 out of 5]

جميلة حدّ الألم...

عتبي على نهايتها المفتوحة غير واضحة المعالم ..

[الزهراء الصلاحي · Rating 3 out of 5]

حلوة

[shrouk essam · Rating 4 out of 5]

(1)انا بعد ما خلصت الرواية دخلت في حالة اكتئاب وده مش اي كاتب بيقدر يعمله ولا قدرت بعدها انى ابدا في رواية جديدة بالعكس كان لازم افصل باي كتاب يديني طاقة ايجابية شوية
(2)الرواية فيها كماية سواد مش طبيعية
(3) الاسلوب عجبنى جدا فيه تشويق .. عجبنى المزج بين العربية الفصحي والعامية باسلوب سلس يتمتع بيه الكاتب
(4) عجبنى كثرة الاقتباسات والاستشهاد بايات واحاديث ومواقف تانية باغانى ومواقف بكتاب اخرين وده ان دل علي شئ فهو يدل علي ثقافة الكاتب
(5) اضايقت جدا من النهاية المفتوحة يمكن عشان ماشبعتش حاجة جوايا بان لازم للى عمل كل ده يتعاقب .. الكاتب سابها مفتوحة عشان كل واحد يحط ف دماغه النهاية للي تعجبه وده علي الجانب الايجابي ذكاء من الكاتب انه يشغل عقل وتفكير القارئ
(6) حبيت الفكرة والموضوع للي تناوله الكاتب بطريقة مختلفه مقرتهاش قبل كده
بالتوفيق ومنتظرة الرواية الجديدة ..

[إنجي مطاوع]

رواية جميلة جدا رغم انها تعتبر سوداوية جدا وبتنكد على القارئ بكل شياكة وهدوء
مع ذلك
مقدرتش اقاوم وقرءتها مرة واحدة
مواقف لو ركزنا حولينا هتلقي منها في البيوت حولينا للاسف
توقعت البطل ميت واتفاجئت بيه وبكل احداث الرواية
تشويق في كل احداث الرواية ومن موقف للتاني بتحس بالعجز اية اللي بيحصل ده بيصعب غليك اللي بيحصل بس بتقف مامتفرج زيك زي غيرك
حتي الانتقام رغم بشاعته الا انه بيحسسك بجزء من
"هذا ما جناه غلي ابي"
كرهت البنت وزعلت على الطريقة اللي حققت بيه انتقامها طب والتانين هيحصل اية انتقام بيجيب انتقام
عار بيجيب موت
اخوات مفيش بينهم اي رابط غير بيت قابل للهد اي وقت
حتى النهاية ايا ما كانت هتبقى ازاي بتحس ان القهر والانكسار هو عنوانها
ماساي عيشنها ومبتخلصش ابدا
توقعت نهايات مختلفة واتفاجئت ان بهاء كمل سرد الواقع بنهاية مفتوحة بكرة العامية بس الكاتب وظفها صح بلغة وحبكة وموضوع جميل اوي مبدع وذكي جدا
بتمنالك التوفيق تستاهل النجاح والتوفيق

[ALshimaa Abd Elaal · Rating 5 out of 5]

أموات يرزقون .. رواية إسم على مسمى .. كتبت من الوجع أ. بهاء فاجئتني بحق ولم تكن المفاجأة هدف لي او ابحث عنها من كثرة ما غمست بالاوجاع التي بين دفتي الكتاب ، اللغه اكثر من رائعه الحوار ابهرني فعلا .. لكنة ولهجة وتعابير تتغلغل بداخل كل من يقرأ هناك مشاهد لا استطيع نسيانها واستدعت الدمع من عيناي .. تلك الروايه التي انهيتها في غضون ساعات قليلة عشت معها وعلى اثرها لم أنم لليلة كاملة أ. بهاء اسمح لي أن اطلق عليك حكاء الوجع فتلك الروايه ماهي الا لوحة رسمت من نزف آخرين فاكتملت اركانها في دموع القراء .. تحياتي لك ولهؤلاء الأموات .
الشيماء عبد العال

[Rehab Kotb · Rating 3 out of 5]

كانت حلوه جدا وخلتني ركزت فيها اوي وشغلت تفكيري حتى وانا مش بقراها وبعدين تقريبا الكاتب زهق وقفلها من غير مايفهمنا كل الي كنا بنقراه ده يعني ايه وحصل ليه او هيحصل ايه وبوظ اي انبهار كان عندي بيها

[NaDa AlSawy · Rating 2 out of 5]

راوية دسمة بالدراما السوداء.. لم تكن سيئة.. ولم تكن مدهشة كما وصفتها بعض التقييمات هنا.. اكثر ما اعجبني في الكتاب مقدمته .. لا أرى داعي لقراءته..

[Nagham Mahmoud · Rating 3 out of 5]

رواية جيده لاكن لم تكن من الروايات التى افضلها الصراحه بعيدا عن كم العذب و الالم اللى فيها و النهايه مفتوحه بس هى حقيقى روايه سوادية جدا و لاكنها رواية جيدة!

[Aya Ali · Rating 4 out of 5]

رفيو مش ادبي:

جميع احداث الروايه من وحي خيال الكاتب واي تشابه بينها وبين الواقع لا يدل الا علي قذاره الواقع ✋

اوقع جمله تعبر عن الروايه والواقع القذر الذي نعيشه..

لم اقدر الا ان اكتب رفيو تفصيلي لكل شخص ف الروايه

*نبدا ب رضا :
سلبيته مع خيريه والطبيب.. لم اشعر بنخوه الرجل الشرقي

لم اتاثر الا لموته كيف شعر عندما حضر غسله
لحظات القبر المرعبه
اربع شخصيات لبسوا شخصه باصبح حقا بتصرف باربع طرق مختلفه تجعلك تشعر بالكوميديا السوداء
اكتر شخصيه فيهم م حكايتها جعلتني اتاثر هو سيد
ومن الهم ما يضحك فقد ضحكت لحظه افاقته في المستشفي
رضا كان اكتر شخصيه صدمتني ف الروايه

*الشيخ علي :
لم اشعر به شخص محوري ف الروايه... كان سلبيا ف حياه اخوته ... الرؤيه...فاطمه... مريم!! سلبي هو حقا وترك نفسه يقع ف الخطأ بكل سهوله ولم يقاوم شيطانه لحظه

*عبد الفتاح :

طفل كبر ع موت ابيه حقيقه لم يستطع كيف مات طفل كان له حلم.. ويالها م احلام الطفوله..حلمه ويسعي لتحقيقه
طفل افاق ع حقيقه احن شخص عليه... حقيقه صادمه...
الشاب المثقف الجامعي التائه... احببته!

*القذافي:

لن اكون ابالغ عندما اقول اني شعرت انه بطل الروايه الاول
لم ابالغ لحبي لشخصيته المرسومه بعنايه
حارس ف ملهي ليلي.. كبر كقواد بين الراقصات والعاهرات
شعر برجولته مع الراقصات
ما فعله الزند كنت متوقعه حدوثه لكن ليس بهذه القسوه
ولم يصل تفكيري لهذا السوء
موقفه مع امينه سلبي ف بدايته غريب ف نهايته!!!
تاثرت بموقفه يوم موت رضا.. بكاه بحرقه.. كان يجمع المال لزواج اخيه
حتي موقفه م علاج رضا احببته اكثرهم بحث ع العلاج

*خيريه:
قد يظنني البعض قاسيه ف الحكم عليها
لكني ف البدايه تعاطفت معها
لكن كرهت انتقامها... كرهت الشخصيه التي تحولت لها.. كرهتها بطرسقه جعلتني اكره تعاطفي معها م البدايه.... انتقام قاسي.. انتقمت م اشخاص ليس لهم اي ذنب
حتي علاقتها مع الطبيب كانت فيها سلبيه

النهايه جائت صادمه لم اتخيلها ابدا..
اللغه :سهله ليست معقده
السرد:سلس لا يشعرنا بملل
الفكره والحبكه رائعين
الروايه حزينه تعبر ع الواقع...

ف النهايه انها حقا روايه تستحق القراءة
#اموات_يرزقون
#بهاء_حجازي

[Duaa Alfardan · Rating 4 out of 5]

أموات يرزقون رواية لـ بهاء حجازي ..

رغم لا عقلانية للفكرة إلا أني أحببت فكرة الكتاب جدًا ، بغض النظر عن المواقف اللا أخلاقية التي أحتلت معظم صفحات الكتاب .
تحديدًا القصة تدور حول عائلة مكونة من ٥ أخوة ( ٤ أولاد و بنت ) يطلب منهم شخص مجهول كتابة قصتهم . فيبدأ الجميع بسرد قصته مجتمعين كلهم في نقطة واحدة و هي موت أخيهم رضا و ماذا حصل بعد ذلك .
الشيء المؤسف هنا أن النهاية مفتوحة ( جزء من النص مفقود ) فلا تستطيع أن تصدق أو تفهم أو تحلل أو حتى أن تختمها بنفسك

[Osama Yosre · Rating 1 out of 5]

أموات يرزقون -بهاء حجازي
ادور حولى اربع اخوة ذكور وفتاه من طبقه دنيا يموت اخوه ولكن بعد الدفن يطلع عايش وملبوس وعشان يعالجوه لازم يزور الاماكن اللى عاشتها كل شخصية وكمان كل واحد منهم بيحكى حكاية السوده مع الدنيا
لغة الحوار الفجه والتى تحتوى على كثير من التلميحات الغير لائقه لم تعجبنى بالمره
روايه سودية وتشيلك الهم والغم وكان الدنيا لا تحتوى غير السواد
نهاية مفتوحه وده اكثر شى بيغظنى لانى عاوز اعرف مقدمه وختمه مش انا اللى اكمل
عنوان وغلاف لقصه خدعتنى
شخصية خيرية محيره بالنسبة لى لانها انتقمت بطريقة دمويه لم تعاقب .وكمان تركيبه القذافى غريبه ومحيرية

[‏❀ •┈••✦ ᗰ ᗩ G D I * ᗩ D ᗩ ᗰ ✦••┈• ❀ · Rating 3 out of 5]

رواية مختصرها " ما خفي كان أعظم "
لذيذة وبسيطة وسريعة

[Nëpäl · Rating 4 out of 5]

اموات يرزقون
الان و ما بعد الان بآن سافرت مع امواتك ظنا مني انها رواية ما ورائيات ما بختم د.احمد خالد توفيق ، بخلفية ذات الوان تشيد اختيارهم ، مع صورة مقلوبة كعالم الكتاب المقلوب . ربطت حزام الامان و استعددت لانطلاق تلك الرحلة مبحرة مع شخصياتك فكنت خير ملاح في صياغة الشخصيات و تشابك عقدهم لانحلالها بالنهاية بصبغة لا نراها سوي في سطور نجيب محفوظ و علاء الاسواني . اضف الي ذلك نوات و امواج الشخصيات فتارة تتعاطف و تارة اشعر بنقمة و تارة بسلبية و اخري بتحامل دون داعٍ لحرق احداث الرواية. حتي تلك الاقحامات السياسة كانت لها لذة تلك التوابل من نوعك الخاص تضيفها وقتما تشاءً لتحصل بالنتيجه علي تلك البسمة الراضية و ذاك الحبور الجميل . اعيب عليك قلة صفحاتها ، فقد انتهت تلك الرحلة دون سابق انذار معلنة الانتهاء و الرحيل و لم اكن ارتويت ادبيا و دراميا منها ، فعطشي تركتني!؟. و اشكرك علي النهاية ، فتأتي تلك النهاية لتجد نفسك عند الباب لاهو مفتوح ولا مغلق ولا يوجد به قفل ، فهو بابا غير موجود هو مغزل تركت لعقل قارئك غزل النهاية التي يحب عليه. شكرا بهاء علي حروفك.

[Mohammed Abd el salam · Rating 4 out of 5]

رواية لصديقك بهاء حجازي ... صاحبك المصري الظريف الذي يصطحبك إلى المقهى يقص عليك ما بداخله وما يعرفه من خفايا أهل حارته المصرية البسيطة ... مزيج ممتع من خفة الظل والثقافة العامة و الثقافة الاجتماعية والصدق في رواية آلام الناس ورسمها

رواية تجبرك بكل قوة أن تكملها في نفس اليوم وربما في نفس الجلسة

أما عن الفكرة التي جذبت انتباهنا جميعا حين قرأنا التصدير "أنا شخص حضر غسله ....." فستشعر للوهلة الأولى أنك شاهدتها في فيلم على جثتي لصديقك المصري الآخر أحمد حلمي ... لكن هذا الشعور سيبدأ بالتلاشي
وأما عن الاسم المذهل الذي جذب بدوره الانتباه أيضا "أموات يرزقون" فهي فكرة حجازية خالصة مشوقة ممتعة والأهم أنها رحلة شائكة في خفايا أربع شخصيات بشرية أعتب على السيد بهاء أنه كان بخيلا معنا في وقتها ومساحتها على الورق ... كنت أتمنى لو طالت بنا الرحلة أكثر من ذلك

أستاذ بهاء ... افتخر بعمليك الرائعين "لم تعتنق دينا بعد" وشقيقه "أموات يرزقون" في انتظار الأخ الأصغر "تكهن البكم" ... دام إبداعك وإمتاعك

[Adham mohsen · Rating 2 out of 5]

النجمين للفكرة ومحاكاة الرجوع من الموت، بس الرواية سطحية في أسلوبها جداً ولم تخلوا من بعض الأبتذال والألفاظ الخارجة والإيحائات الجنسية، ده غير مهاجمة الكاتب للإسلاميين بجميع أشكالهم، بمعنى أنه هاجم الأسلامى الراضخ والموالي للسلطة لأنه منافق، وهاجم الأسلامى المهاجم للسلطة، كان يقدر الكاتب يستخدم فكرة الرواية أفضل من كدة بكتير

[محمد الشافعي · Rating 2 out of 5]

اموات يرزقون
بهاء حجازي
الغلاف رائع ذو ألوان مريحة وصورة عبرة 4/5
العنوان : أموات يرزقون أوا ما جاء في ذهني أنني سأقرأ عن الشهداء و ليست الأرواح الهائمة
البداية : جميع أحداث الرواية من وحي خيال المؤلف وأي تشابه بينها وبين الواقع لا يدل إلا على قذارة الواقع
البداية الفعلية : خمس أخوات رضا ، خيرية ، القذافي ، عبد الفتاح ، الشيخ علي
يمثلون نوعيات من المجتمع ، نوعيات محطمة تدور في أحداث فلسفي لتجربة العائد من الموت العائد بشخصيات من الماضي أرواح هائمة
عبد السميع باشا ، وبثينة شخلع و الدقاق و سيد الأخرس
مع أن تقيمي منخفقض إلا أنها تستحق القراءة

[Lapis Lazuli · Rating 3 out of 5]

الرواية و الأحداث من وحي خيال الكاتب و أي تشابه بينها وبين الواقع لا يدل إلا على قذارة الواقع
.
أرفع القبعة لهذه العبارة فعلا
هي تتناسب بشدة مع سوداوية الرواية

[Rasha El-Ghitani · Rating 3 out of 5]

تحمل قدرًا من المرارة لا يمكن تجاهله ولكن أول سؤال تبادر إلى ذهني بعد الانتهاء منها
ترى من الحي ؟ ومن الميت ؟
من الظالم ؟ ومن المظلوم ؟
وهل انتقام خيرية تحديدًا كان صحيحًا ؟ ولماذا لم تمزق الظالم اربًا ؟
وما ذنب ابناؤه ؟
وهل استحق قذافي ما حدث له؟

[Gehad Wagih · Rating 1 out of 5]

الحقيقه النجمه دي عشان طريقه سير القصه مش اكتر ان الشخصيات هي اللي بتكتب الكلام... الروايه سوداويه جدا و مليااانه ايحاءات قذره و صيغه الكلام فيها حاجه غلط فنص الكتابه الفصحى تلاقي جمله عاميه ومقصدش الحديث بين الشخصيات اقصد السرد ذات نفسه.... ملهاش هدف ومش مبتكره واتهرست فمليون مسلسل و فيلم قبل كده... ملحوظه ( غلاف الكتاب المصمم اللي عمله سارقه من روايه stolen ل hunt بس مشقلبها) دي كانت اول نقطه اخدت بالي منها و مكانتش فمصلحه الروايه ولسمعه الكاتب الحقيقه... فالاخر ده مجرد رأي أدبي ليا متأثر بشخصيتي و ميولي الادبيه الشخصيه ومفيش عمل يتفق عليه الكل... كل التوفيق للمؤلف

[Maryam · Rating 3 out of 5]

روية جيدة لكن كئبة جدا و لم تكن من الروايات التي فضلتها صراحة

[Maioda El Fouly · Rating 5 out of 5]

الرواية حلوة جدا رغم انها سوداوية لكن للأسف دى الحقيقة وده الواقع اللى بنعيشه قد ايه بحترم الكاتب جدا على طريقة سخريته من الواقع الأليم ده كنت بضحك بجد من قلبى من الاسلوب والكلام رغم صعوبة المواقف وكأبتها كان صعب اوى الواحد يحكم على الشخصيات وفى شخصيات الواحد كرهها واتعاطف معاها فنفس الوقت وشخصيات تانية مكنش متوقع ردود افعالها وده كله من ذكاء الكاتب وطريقته انا بس كنت محتاجة العشر ورقات واعرف قصة البلطيمى ومكنتش عايزة الرواية تخلص بصراحة

[مروة جمال · Rating 4 out of 5]

أموات يُرزقون
حين شرعت في قراءة العمل وجدت نفسي أبتسم تقديراً لإقتباس الغلاف فأنا ببساطة يتم اختطافي دوماً بالكلمات وإسقاطات ما رسمه الكاتب فوق غلافه أثارت انتباهي وإعجابي من أول حرف، بعدها بدأت أغوص رويداً رويداً مع الحكاية وأتذكر وقتها نبهني الكاتب أنها روايةً نكد وسأعلم ذلك حين أنهيها ولا أنكر هو محق ولكنها ليست نكد بالمنطق المتداول هي فلسفة سوداوية إن صح التعبير. خمسة أشخاص نتجول في محيطهم لنقابل آخرون وآخرون والمحصلة أن كل ظالم كان يوماً مظلوما.. كلهم بهم الخير والشيطان وكلهم أموات حتى وإن نبضت دماءهم بالحياة..
رأيي دوماً يتلخص في أن نجاح العمل هو أن يستحوذ على عقلي بعد قراءته لا يتبخر وكأنه مجرد وقت لطيف
وهنا الرواية نجحت في هذا فعلاً رغم أنها أربكت عقلي بالنهاية.. حينها حمى القاريء الاعتيادية بفهم كل الخبايا وترتيب كل النقاط لكي نغلق العمل ونرضى بتتر النهاية أصابتني فوجدت نفسي أسعى لتفسير منطقي حتى أصابني صداع النكد الخاص بالقراءة وتوقفت
الغرض هنا ليس التفسير أو وضع تتمة قاطعة
ليس عقاب وثواب وتعاطفي مع أحدهم ونبذي لآخر
الغرض هو الفكرة
هو واقع أسود
هو حق لن يناله أحد وحتى حين حرق نفسه والآخرون بكيده
لم ينتصر أيضاً، ظلوا مجرد أموات يُرزقون
الشخصيات رسمها كان مبتكر وإن أعتقد أن أفضلها القذافي بجميع انفعلاته وبين السطور ألمس أنه بطل مجهول
خيرية الأكثر تشويشاً للقاريء وإن كانت ضحية لقذارة قاسية إلا أن قذارة انتقامها أخرجتها من التعاطف البشري كما أعلمه
رضا هو اللغز الذي لم أفك شفرته بالكامل وإن غبت مع اللامنطق مع حبكته لأنه الحل الأسهل لكل معضلة
إلا أن الكارثة أن المنطق سيظل البطل
حتى وإن كان سودواياً
اللغة جميلة فالسرد احترافي والحوار مناسب تماماً للعمل
في النهاية هو عمل سيدفعني لأقرأ للكاتب مجدداً وأنا واثقة أنني سأجد ما يثير عقلي

[Ahmed Abdul Ghani · Rating 5 out of 5]

" جميع أحداث الرواية من وحى خيال المؤلف ، و أى تشابه بينها و بين الواقع لا يدل إلا على قذاره الواقع ... " كانت تلك الجملة الأولى التى كتبها الكاتب فى الرواية ، فما أجملها رواية و ما أقذره واقع نعيش بداخله ...
ما هو الأشد ظلماً ، هل أن تكون مظلوماً ؟!! ، أم أن تكون مظلوماً فتصبح ظالم تحت ما يسمى بالقصاص ؟!! ... لآ تفكر كثيراً يا صديقى فالأثنين سواء
حين تقرأ الرواية من الممكن أن ترى فيها أصدقائك أو جيرانك أو معارفك أو تجد نفسك بداخلها ، رغم كل هذه الألم و السوداوية داخل صفحاتها إلا أنك لن تستطيع المقاومة فها أنا أنتهى منها فيما يقل عن 24 ساعة
ستكره كل أبطال الرواية لكن ستبكى عليهم ، ستلعنهم لكن ستتعاطف معهم ، سترديد أن تكتف كل منهم و تعذبه كتعذيب الكفار للمسلمين لكنك ستكتفى بدور المتفرج ، تسأل لماذا ؟!! إنى حقاً لآ أدرى فهذا ما أشعر به فالتقرأ و تخبرنى ما شعورك

[Khaled Mohamed · Rating 4 out of 5]

هتكلم عن الرواية بشكل مختصر و حابب أني أسيب لينك مراجعة الاستاذ
Mohamed Khaled Sherif
لان هو أتكلم عن الرواية بشكل كافي و وافي من غير أي حرق للاحداث والمراجعة بتاعته كانت هي السبب أني أجيب الرواية دية و أقرائها
رواية أموات يرزقون هي الرواية التانية للكاتب بهاء حجازي و ديه أولي قرأئتي للكاتب و أكيد أكيد مش هتكون أخر مرة
أسلوب السرد كان علي لسان أبطال الرواية الخمسة وده كان أسلوب مميز جدا أننا نشوف كل فصل من عين أبطال الرواية
في الاول أنا كنت فاكر أن الرواية كلها ببتمحور حولين شخصية واحدة بس لكن الرواية ديه بطوله جماعية يعني أحنا بنشوف خمس قصص مع الخمس أبطال بتوعنا و الخمس قصص كلهم مرتبطين بخط أحداث واحد
فالاسلوب كان شيق وممتع ويخليك عاوز بعد كل فصل تعرف أيه الي هيحصل مع كل شخصية وأيه علاقة الي بيحصل لشخصية معينة بالي بيحصل لشخصية تانية وتترابط الروايه كلها في الاخر
اللغة بتاعة الكاتب كانت عظيمة وقوية جدا رغم أن كان فيها كتير من المصطلحات الي كنت شايف أنها ملهاش لازمه قوي أنها تكون بالكثرة ديه و مفصلة بزيادة لكن طبعا أنا متفهم ده علشان ده كان بيوصل مدي قسوة العالم بتاع الرواية
خط الاحداث بتاع الشيخ علي و عبد الفتاح دول خطين الاحداث الي كان عندي معامهم مشاكل
يعني خط عبد الفتاح مثلا الدافع ورا أنه يكرة الناس كلها و أنه يشوف الناس كلها تستاهل أنها تتعاقب مكنش مقنع أوي بالنسبالي وكنت أحب أن الخط بتاع عبد الفتاح ياخد مسار أكتر شوية جوا نفسية عبد الفتاح نفسة علشان أقدر أتفاعل مع تصرفاته أكتر من كده
خط الشيخ علي كان كويس جدا لحد أخر الرواية بشويه مكنتش مستوعب الي عمله الشيخ علي رغم أن هو قال علي لسانة أنه ندمان علي الي عمله وأن كلنا خطائين بس مكنش لازم يعني كل الشخصيات تطلع كلها شايله جواها هموم الدنيا والاخرة كدة
حتي الخط بتاع خيرية لحد أخر صفحة في الرواية معرفتش بصراحة أكرها و لا أتعاطف معها أه هي أتظلمت جداً و كان المفروض أنها تاخد حقها بس مش بالطريقة ديه من الاخر كدة أنا شايف أن خيرية عملت الصح لكن بالطريقة الغلط
بالمناسبة الرواية كئيبه وسواديه جداً أنا شخصياً حسيت ببعض المحات الطفيفة من رواية يوتوبيا للعراب رحمه الله من حيث حالة المقت والكره من الحياة عند المجتمع المصري زي أهل (الاغيار) من رواية يوتوبيا من وجهة نظري و فيها كتير من المصطلحات والتشبيهات الي ممكن أنها تضايق البعض فابصراحة منصحش ألي مبيحبش النوع ده من الروايات أنه يقرائها
و أخيراً دايما بسمع كلام كويس عن قلم الكاتب بهاء حجازي بشكل عام ومن بعد أموات يرزقون أكيد هقرأ له مرة تانية
و حاجة كمان عاوز أقوله الرواية ديه أنا جيتها لاكتر من سبب بس أهم سببين هما كلام الاستاذ محمد عنها والي بنتظر مراجعته دايما و الي حمسني أني أجيب الرواية دية و كمان الغلاف الاكثر من رائع والي بيعير جدا عن حالة التشتت والتيه و الخراب الي وصلناله
كريم أدم من أمهر وأقوي صناع الاغلفة في مصر وده بشهادة ناس كتير
هنقص نجمة بس لتقيمي للرواية علشان خطين الاحداث الي معجبونيش بالقدر الكافي وعلشان النهاية الشبه مفتوحة والي يارب أكون فهمت الكاتب عاوز يقول أيه من النهاية ديه
وده لينك المراجعة الخاص بالاستاذ محمد https://www.goodreads.com/review/show...
التقيم 4/5
تمت

[Asmaa Adel · Rating 5 out of 5]

لو كنت من متابعين #بهاء وألبوم صوره الصباحي والمعلومات اللي فيه وبوستاته وقصصه ومواقفه اللي مابتخلصش اللهم بارك والبوست الكوميدي بتاع كل يوم
ف احب اقولك أنك ماتعرفهوش لسه ..
ولو ماكنتش من متابعينه ف انت فايتك كتير 🤨

مؤمنة تمامًا ان في جزء من شخصية الكاتب بتبان في رواياته ...اسلوبه ..طريقة سرد الأحداث ..اختيار فكرة الرواية نفسها.. الكلام اللي بين السطور وغيرها

ما انكرش اني اتفاجئت بالرواية دي .. لما شفت اسمها أفتكرت إنها رعب بس في ضهر الرواية كان مكتوب 👇

أنا شخص حضر وفاته، شخص رأي مُغسليه، شخص سمع صراخ محبيه عليه وتهامس أعدائه فرحةً فيه، وبالرغم من إن صراخهم كان بكل ما أوتوا من قوة، وبالرغم من إن همسهم حاولوا أن يكون همسا، إلا إن الهمس كان أشد وطأةً علي نفسي ..

لما بدأت اقرأها دخلت في حالة اكتئاب .... الكلام اللي فيها والمواقف اللي بتحكيها الرواية
الأحداث اللي حصلت تشبه كتير لواقع موجودين فيه من قريب او بعيد
احداث الرواية توجع القلب فعلاً .. مش مجرد تفاصيل الوفاة بس .. ما خفي كان اعظم
في الأول حتفضل تسأل نفسك شوية اسئلة...
ليه ما بنظهرش حبنا واهتمامنا بالناس اللي معانا وقدامنا
ليه لازم اللي في ايدينا يروح مننا عشان نحس بقيمته
ليه بنندم بعد فوات الأوان ... ليه بنفوق متأخر

المفروض ان بطل الرواية اللي اتوفي اسمه رضا وبتدور الأحداث حواليه
بس انا شايفه انه مش البطل الوحيد
اخواته كل واحد منهم بطل..كل واحد منهم حكاية لوحده
خيرية و القذافي عبدالفتاح والشيخ علي
كل ما تعرف قصة حد فيهم حتقع في حيرة انك تتعاطف معاهم وتحس انهم مظلومين ولا يبقي جواك ضيق وغضب من افعالهم .. حقيقي انا لحد دلوقتي إحساسي بيهم مش قادرة احدده

فكرة الأنتقام شغلت تفكيري كتير ..
هل عشان احنا اتظلمنا من حد ده يديلنا الحق اننا ننتقم !
ننتقم عشان نرجع حقنا !
هل فعلاً كل وسايل الأنتقام متاحه !
هل ينفع عشان نرجع حقنا نظلم غيرنا !
نظلم ناس ملهاش اي ذنب ولا كانت سبب في اللي حصلنا !

افكار كتير مع كل قصة بتقرأها .. افكار واسئلة واجابات متناقضة
#بهاء_حجازي فاجئني ازاي قدر يوصف تفاصيل واحاسيس كتير ... ازاي كتب رواية زي دي في وقت قليل

رغم قسوة احداثها رغم حالة الأكتئاب المصاحبه ليها حتلاقي نفسك بتكمل قراءة عشان تعرف باقي الأحداث

كنت طماعنه انها تبقي اكبر شويه من كده وتفتح مجال شوية للشخصيات الأربعة اللي تقمصهم رضا

#أموات_يرزقون في المجمل هي رواية رائعة .. وحاله غريبة
حتضربك كده علي راسك عشان تفوقك شوية .. تفوقك قبل فوات الآوان
تجربتي معاها كانت حلوة وجديدة وغريبة وأعتقد إني إستفدت منها كتير.

شكراً #أموات_يرزقون 🥺💔
شكراً #بهاء_حجازي 👏 🖤
شكراً #دارك 💙

[Hashem Ahmed · Rating 2 out of 5]

الرواية كئيبة بشكل كبيرة وسوداوية بشكل بشع جدا
ولكن لنكن منصفين فالقصص المتواجدة في الرواية معظمها يمكن تصديقها بل وممكن يكون في ابشع مها في المجتمع
الكاتب عري المجتمع تماما من كل الاغطية التي كانت تحيط به وكشف علي وجه بشع للمجتمع بنحاول نتناساه
مواقف بتحصل في بيوت كتير حوالينا وبنعمل نفسنا مش شايفينها
بس يؤخد علي الكاتب انه اضاف الكتير والكتير من الافيهات او كلمات الاغاني او المصطلحات الساخرة الرياضيه عديمة الفائدة والتي اقلت من مستوي الرواية بشكل كبير جدا وافقدتها متعتها في القراءة
فكرة ايضا الفصول وكل فصل بشخصية كنت بحس فيه في كتير من الاحيان انه غير مترابط بشكل كبيرة وممكن القارئ يتوه فيه ودا حصل معايا اكتر من مرة
الفصل الاخير بالنسبة لي كان افضل جزء قام بكتابته الكاتب ولكن الخاتمة اسعر وكانها افسدت كل شئ
لم اكن اتوقع نهاية مماثلة ولكن هذا ما حدث
الرواية فيها افكار كتير والحبكة ممتازة ولكن حسيت ان الكاتب بيحاول يتخلص من الرواية سريعا
انتقام اخت البطل كان وحشي جدا ولكن يمكن تصديقه في بلادنا
الرجعية والتخلف والفقر والجهل هو اهم العناصر الاساسية في انتاج مجتمع جاهل
في الحقيقة انا مستمتعتش بالرواية اوي

[Mohamed Shawara · Rating 3 out of 5]

أموات يُرزقون

رواية للكاتب بهاء حجازي. كنت قد قرأت له من قبل رواية “منزل الرجل الأعمى”، وقد أعجبتني كثيرًا!

يقدّم الكاتب شخصيات الرواية منذ الصفحات الأولى، فنُعرّف بهم وبتباينهم، كما نرى تداخل حياتهم ببعضهم البعض وعلاقاتهم بالآخرين بصورة سلسة، مباشرة، لطيفة، وواضحة.

جاء السرد بلغة عربية فصحى قوية، غنية بالمعاني الجميلة والتشبيهات اللطيفة، بينما كان الحوار بالعامية المصرية، رغم أنه قليل نسبيًا.

الرواية ذات طابع فلسفي اجتماعي، وتدور أحداثها حول مجموعة من الإخوة تتشابك علاقاتهم وتتقاطع مصائرهم، حتى يُدفن أحدهم حيًا نتيجة خطأ طبي. ومن هنا تبدأ سلسلة من الأحداث التي وجدتها أقرب إلى الخيال!

اقتباسات:

“جميع أحداث الرواية من وحي خيال المؤلف، وأي تشابه بينها وبين الواقع لا يدل إلا على قذارة الواقع.”

“الحياة مرهقة جدًا، التفكير بها مُضنٍ، والركون إليها مأساة.”

“الرجل الخائن أول ما تظهر خيانته، تظهر في عينيه، فهو يخطط بعينيه.”

“موت الأب مفجع، ومفجع جدًا، لكن موت الأخ مؤلم أكثر؛ لا لشيء إلا لأنه يشعرك بأن أجلك قد اقترب. موت الأب يمنحك شعورًا بأنك أصبحت كبيرًا، أما موت الأخ فيمنحك شعورًا بأنك أصبحت هرمًا.”

“المرأة تشعر بأنها أجمل عندما تسمع كلمات الحب ممن تُحب.”

#فريديات

[Rawan Ali · Rating 3 out of 5]

مكانش ينفع أبدأ بيها رمضان خالص 🌝
الرواية كلها إسقاطات مش لازم اذكرها لأن كلنا عايشين في نفس المر فمفيش داعي، مأخذي على الرواية إن الحياة مش كلها سودا، بما إني بتكلم من بولاق الدكرور من معاميق شارع ناهيا، فيه ملحوظة كتبتها في أول صفحة بيضا من الرواية لما جيت عند بداية قصة "خيرية"، وهي إن للإنسان في لحظة محورية في حياته لحظة اختياره فيها بيحدد حريته بعدين، ودي لحظة عشناها على مستوى الجماعة وكل واحد عاشها لوحده في حياته الخاصة، مش حاسة بأي تعاطف تجاه أي شخصية، اللهم إلا أمنية اللي انجبرت على وضع كريه، أمنية طالعة بدور هامشي جدا بس هي اللحظة المجسدة للإنسان وقت ما بتتشال كل القيود وياخد حرية الاختيار، ساعتها يا هيختار يعيش صح يا هيختار يعيش غلط زي ما هو كان حابب من الأول.
أما شخصية علي فهي شخصية غريبة، مش قادرة اوصفه بالمنافق ولا الغافل، كلنا عارفين أن المصلح أفضل من الصالح ١٠٠ مرة بس ازاي بقى نكون مصلحين؟! هنا بتيجي المعضلة في سهولة الحل وصعوبة التنفيذ
وعشان كدا دعائي الجديد هو أعوذ بك اللهم من مداخل الشيطان ما ظهر منها وما بطن

[Hajer Reads · Rating 3 out of 5]

"أموات يُرزقون" ليست مجرد رواية، بل هي تحفة فنية تجسد الإنحدار والغش والخداع والخسة التي اجتاحت مجتمعنا، فعبير الفساد يعم المكان ويعبق من كل زاوية. تتناول الرواية قصة عائلة مكونة من أم وأولادها الخمسة، وتكشف لنا الشخصيات التي قد نواجهها في حياتنا اليومية.

تتجلى تلك الشخصيات في الشيخ المُدعي، الذي يختبئ وراء قناع الدين ويكشف عن وجه شيطاني، والشاب المُسكر الذي يغوص في عالم الليل ويعمل في الملاهي، والشاب المثقف الذي يبدو الأبرياء بين الخطايا، والشاب المكافح الذي يجد نفسه محاصراً في بئر من الفساد، والفتاة التي تتحول من وردة جميلة إلى شيطان جهنمي يسعى للانتقام.

عندما ننظر إلى اسم الرواية "أموات يُرزقون"، نجده يعكس حقيقة الحياة التي يعيشها هؤلاء الأبطال، حيث أصبحوا أمواتاً رغم أنهم لا يزالوا على قيد الحياة. ورغم كل الجهود، فإن الرواية تنتهي بنهاية مفتوحة، تترك القارئ معبأ بالتساؤلات والأفكار المتناقضة.

بصراحة، استمتعت جداً بقراءة الرواية ولكنها في الوقت نفسه أحزنتني بنهايتها المفتوحة، التي تركتني أتأمل في معاناة الشخصيات وما قد تحمله لهم المستقبل.