حروب الجيل الضايع

by محمد جـلال

* هل كانت المهمة التي كُلّف بها (أدهم صبري) و(رفعت إسماعيل) هي جعل طفولتنا أكثر سعادة؟

* ما سر الشفرة (13#d*).. هل هي شفرة مخابراتية، أم إنها مجرد شفرة لمؤلف النغمات على نوكيا 3310؟

* لماذا أكلنا الأستيكة اللي بالفراولة.. وتكلمنا أمام المروحة.. ولحسنا شريط الأتاري؟ وهل عضينا أيدينا فعلًا علشان نعمل ساعة؟!

* كيف أدخلنا الشاليموه في العصير البيست، وأخرجنا الفلوس من خرم الحصالة؟

* من الذي أطلق الرصاص على هند علام؟ ومن الذي لا يحب فاطمة.. ويا ترى ما هو سر الأرض؟

* هل استطاع أحد من جيلنا إيجاد الجادون.. وإكمال ألبوم بم بم؟

* اقرأ التفاصيل المثيرة.. وقاتل بعقلك وحاجاتك مع الجيل.. جيل المستحيل..

* * *

" محمد جلال " .. افتكروا الاسم ده كويس عشان الراجل ده إن شاء الله هيكون واحد من أهم كتّاب الأدب الساخر في الوطن العربي. قريت له كل كتبه، واستمعت بحسه الكوميدي العالي المعجون بالكوميديا السوداء، اللي على قد ما تضحكك على قد ما تخليك تفكّر و تتأمل فيما وراء الكلمات..

كتاب "حروب الجيل الضايع" جلال بيغوص فيه في أدق تفاصيل جيل التمنينات والتسعينات، بأسلوب شيق وابتسامة مش بتفارقك طول ما انت بتقرأ.. استمتعوا بهذا الكتاب.. وادعولي..

أكرم حسني

175 pages, Kindle Edition

Published February 1, 2017

About the author

مصري.. مواليد 1989..
حصل على بكالوريوس في هندسة الطيران..
شارك في كتابة والإشراف على كتابة العديد من البرامج آخرها "الليلة دي" ،"أسعد الله مساءكم"، "ساليزون"، "الأبواب المغلقة".
أعماله الدرامية: مسلسل "الأب الروحي جـ1" ، مسلسل "رحيم"

صدر له :متتالية قصصية بعنوان 4 2011
الكتاب الأصفر عن دار أطلس 2014
سِفر التحليق عن دار ن 2015
100 حلم قبل الموت عن دار ن 2016
حروب الجيل الضايع عن دار الرواق 2017

Reviews

[Marramero Mo · Rating 1 out of 5]

- للأسف كتاب سطحي جدا ومفيهوش اي جديد ولا يصلح يتقال عليه عمل أدبي ساخر أصلا،مش عارفة ليه كل واحد بيكتب بوستات على الفيس بوك وبتجيب كام لايك على كام كومنت بيصمم يعمل كتاب ويجمع فيه البوستات دي او الكلام اللي بيتقال كده مع صحابه وبيروشوا بيه مع بعض ويعملوا منه كتاب تحت تصنيف كوميدي ساخر او كوميديا سوداء.
- الكتاب ممل لأبعد الحدود -حتى اني اخدت في قرأته شهر مع انه يخلص في عشر دقايق-وفيه استظراف واستخفاف بطريقة مش طبيعية ،انا اول مرة اقرأ لمحمد جلال وللأسف شكلها هتكون الأخيرة مع أصل في فرق بين سكربت برنامج كوميدي يكون فيه تريقة او سخرية على حبة استظراف ممكن أشوفه لكن متوصلش انه يتعمل منه كتاب يعني.
- طبعا لا انصح بقراءته تماما ممكن تقلب في الفيس بوك شوية هتلاقي بوستات اخف دما من كده ومعلومات ألذ حتى.

[Emad Maher · Rating 4 out of 5]

مينفعش تقرا كتاب لمحمد جلال من غير ما تلاقي نفسك جزء من الكتاب ده ..وفي رأيي هو ده اللي بيميز جلال عن كل اللي حواليه..

الكتاب من المقدمة لغاية آخر كلمة فيه عبارة عن جرعة متعة في بعض الأحيان مخلوطة بكوميديا سوداء وعمق غير متكلف أو مفتعل.. فأسمتعت وهو ده المطلوب..

حبيت جدًا « مقال تقيل » و « أنا مُت » ، و ضحكت جدًا في « قاموس الحاجات » و « حواديت قبل الموت »

بالتوفيق يا جلال في اللي جاي ..وعاااش * بصوت كابتن الجيم * :"D

[SALAH · Rating 5 out of 5]

خفيفة ظل

[إسلام عماد · Rating 4 out of 5]

كالعادة, كلما قرأت ل"محمد جلال" تنتابني السعاده..كتاباته مزيج دائم من الضحك و الاستفادة و إعمال العقل و إراحته ف نفس الوقت..
و المرة دي كان الكتاب كوكتيل جميل من كل ما سبق...اعجبني جداً طريقة الايجاز فى قسم "اذاعه الجيل الضائع",و استفدت شخصياً بنصائح "كيف تعيش برنساً" و اكتشفت بالفطرة اني بنفذ بعضهم فعلاً ف مواقف حياتنا اليومية, برافو على جرعه العمق المركزة فى "نقط مهمة,انا مت"...و فطست من الضحك ف سكريبتات "حواديت قبل الموت"...تسلم ايدك يا جلال, و اهو كتاب كمان ضمن اعمالك ينضاف لإخواته فى قائمة احب الكتب لقلبي
^_^

[Mohamed Ebrahim · Rating 3 out of 5]

الكتاب عرض احداث كتير عاشها الجيل ده و تجارب مشتركة مختلفة بطريقة لذيذة جدا و بعيدة عن الابتذال و السطحية و بكوميديا سوداء متكلفة.
بس في فترات كتير بدأ يدخل في حاجات حاسسها irrelevant لحد كبير.

[Youssry Effat · Rating 3 out of 5]

فرحه العيد
و حاجه خفيفه جدا و لذيذة مع نهايه رمضان و الدخول فى العيد
كتاب لطيف جدا

[Salma · Rating 3 out of 5]

الكتاب كان هيبقا جامد بجد لو كانت بعض الالفاظ اتشالت منه.. غير كده فكرته لطيفه جدا
✨

[Ahmed Aboraya · Rating 4 out of 5]

صباح/مساء الخير على حسب توقيتك الحالي .. ف البدايه كنت فاكر حروب الجيل الضايع رحلة نوستالجيا تقليدية زي كل التجارب المتعاده والمكرره والحقيقه إني اشتريته حبا ف كتابات محمد جلال بعد 3 رحلات ممتعه بصحبة قلم عبقري
بس الحقيقه ان حروب الجيل الضايع مش جرعة نوستالجيا تقليديه بس .. هو تجسيد لواقع متكرر يوميا بنعيشه .. استمتعت جدا بكل فصل من فصول الكتاب وعجبني التنوع الموجود .. ضحكت وبكيت وعشت مع جرعة عمق مكثفه .. ولقيت البطل الخارق الأقرب إلى قلبي "الصريح فشخ" .. الفكره برغم تناولها تميزت باختلاف عرضها وطرحها وتقديمها وعجبني إسلوب جلال كالعاده
حكايات قبل الموت .. أنا مت .. مقال تقيل .. الصريح فشخ .. والمعلومات اللي طلعت بيها م الكتاب .. افتقدتهم أول ما خلصت الكتاب

[Mohamed Sayed · Rating 5 out of 5]

طيب ف البداية انا حابب أشكر أستاذ محمد جلال علي الرحلة اللطيفة اللي قضيتها في كتابه ''حروب الجيل الضايع''.

الكتاب عبارة عن رحلة ف الـmemory lane .. رحلة هتراجع فيها كل اللي حصل ف حياتك السنين اللي فاتت.

هتضحك .. بس علي نفسك و علي اللي بنعيشه كل يوم.

أسلوب الكتابة لطيف و مفهوش أي ابتذال ولا أڤورة و الإفيهات هتضحكك بس هتخليك تفكر.

بصراحة أستاذ جلال هو أستاذ الـdark humer ف مصر .. دي منطقته محدش يعرف يلعب فيها غيره.

كفاية كده :D

[Azza Bondok · Rating 5 out of 5]

كتاب ساخر يدفعك للبكاء! شفت جبروت أكتر من كده
بساطة الفكرة تكمن في عبقريتها أو العكس. الصريح فشخ لو بيكتب الريفيو ده هيقول :ان الفكرة هنا مفيهاش اختراع ولكن تنفيذها فيه صياعة..عادى
محمد جلال Aka الكاتب الدحلاب
يخفي أكثر مما يظهر و يظهر أبسط مما يستحق.
صوت تكمن قوته ف هدوءه و روقانه لا بيزعق ولا بيكلكع الدنيا
بيستخدم بساطته و سيناريوهاته الواضحة عشان يقولك أنا اهوه وسيادتك لا تملك إلا الاستماع. دحلاب بقي.. :)

[Safa' · Rating 2 out of 5]

دي فيسبوك ستيتس بس طولت شوية.. ومن كتر ما اتقالت مبتضحكش
تمام وفي ناس بتحب توثيق الهلس وتقرا الكلام المتعاد وتضحك عليه
المراجع فاته كتير مش عشان التاء والهاء لأ عشان "بسطرة" اللي ف صفحة 43 دي مبالغة
النص التاني من الكتاب يليق بتويتر أكتر. مركز وكلام أبيح.
يحسب له انه كتاب يخلص ف قعدة

[Amal Assem · Rating 1 out of 5]

كتاب ضعيف كان عكس توقعاتى تماما
صفحه او اتنين بس اللي كانوا بيتكلموا عن الموضوع والباقي كان ممكن يبقي بوست طويل ع الفيسبوك مش اكتر
ومفهمتش اى المغزى م التعبير بالشتايم يعني!!

[Mohamed Chwitar · Rating 3 out of 5]

كتاب دمه خفيف "جدا" يصلح لبداية العام لكن لازم كتاب تاني معاه عشان ما تظلموش :)
محمد جلال كاتب لذيذ و زينا كلنا فيه حاجات كتير .. كتير جدا شبهنا و فكرنا بحاجات و قلب المواجع ربنا يسامحه التحرير و الثورة و الأيام الجميلة
و ربنا يسامحه تاني على شريط الذكريات اللي فتحه في وشنا و يخلي عينك تدمع غصب عنك
#توثيق لذيذ لسنين الجيل الضايع

[Rehab Karam · Rating 5 out of 5]

من أكتر الكتب الممتعة اللي قرأتها في الأدب الساخر
حقيقي يملك الكاتب حس فكاهي عالي وقدرة قوية على التعبير بأبسط الكلمات.
مرتب الأفكار لا ينسى فكرة او جزء مشترك في حياة من ولدوا في الثمانينات او التسعينات إلا وذكره

[Marwa A. ElMedany · Rating 2 out of 5]

الكتاب كان رائع ولطيف جدا وفكرت اجيب باقي كتب المؤلف.
لحد ما وصلت ما وصلت لحكايات قبل الموت. كمية اسفاف وتجاوز ديني واخلاقي و ألفاظ تخدش الحياء وحاجة زفت بصراحة. او (خ.ة - ف.خ-ب.ض) زي ما الكاتب قايل.

[Shaza Elzawahry · Rating 1 out of 5]

سئ و ملئ بالألفاظ السيئة

[Noor Samaha · Rating 4 out of 5]

A really great book and you can always find yourself in it and you will always feel as if some chapters are talking about you

[alla2 · Rating 3 out of 5]

i love these types of books cause they’re stupid
but honestly this books is helpful
there’s many tips
and motivation
and tells you about people’s real intentions and how to avoid bad ones

[أحمد الكيلانى · Rating 4 out of 5]

كتاب بيفكرنى بالكتب الساخرة فى أول الالفينات، بس بلغة أكثر حداثة ومن غير استظراف، المؤلف لو طور ادواته شوية هيبقى فى حتة تانية 👍👍

[Muna S. · Rating 1 out of 5]

قرأت تقريبا ثلثه.. كتاب ساخر

[Dee · Rating 5 out of 5]

حلو خفيف

[Fatima Saker · Rating 1 out of 5]

فكرة الكتاب ضائعة، وأغلب الموضوعات مستوحاة أو مقتبسة من كتابات أخرى.
كان ممكن يختصر الكتاب في تويتر أو فيسبوك أو مدونة الكترونية كحد أعلى.

[Waleed Saleh]

كويس جدا