بنسيون باولو

by احمد ربيع

حين يخرج حسن الشرقاوي من المصحة النفسية ليواجه العالم من جديد، يتوجة إلي بنسيون
باولو القريب من البحر، حيث يصادف هناك الحب الذي إنتظره طويلاً .. فتاة ساحرة رآها في
عالم الأحلام قبل أن يراها في عالم الواقع! .. يتغير كل شيء فجأة عندما يكتشف حسن مفاجآت مذهلة
تقلب حياته مجدداً رأساً علي عقب

123 pages, Paperback

First published January 1, 2017

About the author

أحمد ربيع كاتب وروائي مصري شاب، حصل على درجة الماجستير في القانون من جامعة الإسكندرية، صدرت له ثلاث روايات، كما شارك في المجموعة القصصية (غموض في مصر القديمة) الصادرة
للقصة القصيرة (iread) عن دار الشروق بعد فوزه في مسابقة
وشاركت أعماله في عدة معارض دولية للكتاب وتعد ما فعله داريوس هي أحدث أعماله الأدبية.

Reviews

[Mohamed Fawzy · Rating 3 out of 5]

رواية جميلة خفيفة أعجبتني
أري أنها كانت تستحق قدراً أكبر من ذلك من الشهرة
لم يتم التركيز علي المسار الرئيسي للقصة وهو قضية تجارة الأعضاء
وتم التركيز علي قصة الحب والتي إتضح في النهاية أنها وهمية
حملت الخداع والتجارة
رواية جميلة ... تحياتي للكاتب الذي لا أعرفه وهذه هي المرة الأولي لي مع عمل من أعماله
أعتقد أنني سأبحث عن أعماله الأخري بعد أن شجعتني تلك الرواية الجميلة القصيرة
أطيب أمنياتي بالتوفيق فيما هو قادم

[Nada Salem · Rating 4 out of 5]

بتتكلم عن شاب خرج من المصحة النفسية.. راح بنسيون باولو.. شاف بنت كان حلم بيها قبل ما يشوفها
#Cliché
ده كان رد فعلي اول ما قريت اول كام صفحة بعدين الأحداث بدأت تطور و الموضوع بقى كبير يعني
عجبني اسلوب الكاتب و التشبيهات -رغم انها كانت مبالغ فيها احياناً- و عجبتني الحبكة و طريقة ربطه للأحداث
و بالنسبة للنهاية "فلا توجد ابداً نهايات.. فكل نهاية هى بداية جديدة." خلصتها ف 3 ساعات فهى رواية خفيفة و لا بأس بها بالنسبة لأول عمل

[Sa7er elkotob · Rating 5 out of 5]

طبعا وقبل اي حاجه اول ما فتحت الروايه حسيت اني قدام عمل جديد لموهبة هتثبت نفسها قريب.
الرواية صعبه بمعني الكلمه مابين المرض النفسي وما بين تجارة الأعضاء والنهايه اللي صدمتني لدرجة اني رجعت تاني للاول ومصدقتش ان كل دا طلع بلاش علشان محرقهاش.
نيجي بقي للتقييم
اللغه٤\٥
السرد بسيط ومعقد في نفس الوقت ٤\٥ بس كان هيبقي افضل لو خليت في راوي مش البطل اللي بيحكي
الحبكه ٥\٥ وتستحق اعلي كمان
الغلاف٥\٥ شابو للمصمم
التقييم النهائي ٤\٥
عمل يستحق القراءه وكاتب يستحق التحيه.

‎بعض المحبين يرون الحب أمام أعينهم ، يترنح ، يلفظ أنفاسه الأخيرة ، فلا يهتزون و لا يتحركون ، فقط يقفون مكتوفي الأيادي ، معلنين الإستسلام التام ، أما أنا فلن أدفن حبي حياً ، و لن أتواني عن دفن كل ما يحاول أن يعرقل فرصتي الأخيرة و رحلتي الجامحة نحو النور ، سأبدد ليل اليأس بنهار الإرادة و سأفتك بالظلام المستفيض في ظلمته ، بعود ثقاب أضعه في جيبي ، عود حاول العالم بأكمله أن يجعله رطباً ، و لكني نجحت في إشعاله .. !

[Amira Mohmed]

للاسف الرويه مش حلوه كانت محتاجه اثاره اكتر من كدا واحدثها ممله وكلامها كتير واسم الروايه مش لايق لان البنسيون كان سبب في لاقاهم مش اكتر ...

[Mahmoud Ezzat · Rating 2 out of 5]

#ريفيوهات_ساحر_الكتب
#بنسيون_باولو#
التقيم 2/5
مع العلم 2/5 بسبب صورة الغلاف ومجهود الكاتب
الرواية خليط من #اللهجة_العامية على #الفصحى
طول عمرى بقول الكتابة بالعامية ضعف وانهادر اتأكدت
الكاتب لما بيلاقى جمل صعب انه يكتبها بافصحى يهرب بالنص للعامية
طبعا ده نفسه اثر علي الاجزاء الى بالفصحى لانه مبقاش قادرر يفرق بين الكلمه الفصحى والعامية
الحبكة فى الرواية سيئة جدا هو عاوز يوصل لنقطة فى اخر الرواية فعملنا فجوة فى اول الرواية
مفهمتش الهدف من الرواية هل هو موضوع تجارة الاعضاء البشرية ولاهو المرض النفسى ومش بالع ان بطل الرواية حسن يبقى اضعف شخص فى الرواية ويبقى مرمطون الرواية لو اتكلمنا بصرحه
نرجع تانى للحبكه لان هى الى وصلت التقيم ل 2 بس لانه فيه اسبوتين لازم اعلم للكاتب عليهم الاول لما حسن خرج من المستشفى منظر الخروج بتاعه مفهوش اى حبكه حسن جاله صداع جامد الدكتور بص فى الملف الدكتور كتبله خروج ايه علاقة الصداع باخروج بانك فى النهاية قلت ان ديه كانت خطه عشان يستغلوه
حسن كانت بتجيله نوبات وتشنجات والمفروض مخفش منها محدش من الناس حس بكده هو نفسه مقالش لسها الى هى طلعت سماح حاجه عن الحوار ده خالص مجبتش اى كلام عن نفسية حسن ليه وهو بيحب وعنده الظروف المرضية ديه
سها اوسماح الى هى مفروض مسحجله ومشتركة فى جريمه قتل هل هى من الغباء انها تروح تقعد فى فندق بعد العملية
اخيرا تقيم ل دار#ن الى ناشره الرواية
الرواية مش الاولى دون المستوى للدار الدار بتهتم بالكم وليس المضمون جميل انك بتساعد شباب كتير على نشر روايات او اعمال وخلافه بس الدار بتنزل بمستوى الرواية للارض بتفكرونى بالسبكى

[Farah · Rating 3 out of 5]

#ريفيوهات_ساحر_الكتب

#بنسيون_باولو

(( في كمية اقتباسات حلوة ))

مرض نفسي - تنويم مغناطيسي - نصب - تجارة أعضاء - وهم - مشفى - قتل - حب - كذب ....

أفكار مكررة و مختلفة عن بعضها مجموعة في رواية واحدة .. لكن للأسف كان في شي ناقص .. الترابط ضعيف .
الأسلوب كان اقرب لكتاب حكايات من رواية .. في حلقة مفقودة بالحبكة .

المقارنة انك تقرأ 300 صفحة ب 4 ساعات
و 122 صفحة كمان بنفس الوقت هاد بيعني :

اما أن الرواية صعبة .. أو... ما كان فيها الشي الكافي لجذب انتباهك.
الكاتب عنده شي من خيال و أفكار بس ما عرف يظهرها
النهاية كانت مختلفة بس كمان متوقعة .

الحبكة 2/5
السرد 3/5
الغلاف 2/5
العنوان 3/5
التقييم 3/5

بالتوفيق للكاتب #احمد_ربيع و بانتظار الجديد

[Mennatallah AlMisherfi ( جارة القمر) · Rating 5 out of 5]

وأنا فى طريقى من الغردقة إلى اسكندرية وقع اختيارى على رواية " بنسيون باولو" حتى تكون رفيقتى فى سفرى.
بصراحة من أول ما رأيت الرواية في معرض الكتاب وشدنى اسمها وتصميم الغلاف, وأنا متوقعة إنها هتكون جميلة لكن بعد قرأتى لها اكتشفت إنها رائعة وذات طابع راقى.
أسلوب الكاتب جميل جداً ومختلف، الحبكة الدرامية وتطور الأحداث جميل جداً أعجبت بالكثير من العبارات واتخذتها كإقتباسات على صفحتى، فعلاً عمل يستحق القراءة.
بالتوفيق للكاتب "أحمد ربيع" وأتمنى له المزيد من النجاح.
"حين يملأ الخوف أرواحنا على من نحب.. فنحن أضعف وأقوي ما نكون.. ضعفاء من الخوف على الحبيب.. وأقوياء من أجل حمايته.."

[Osama Yosre · Rating 3 out of 5]

بنسيون باولو - احمد ربيع
تدورحول حسن الذى يتعرض لازمة نفسية بسبب حادثة لوالدية وتظهر له فتاه تخفف من عليه الصدمة ولكنها تضعه فى كارثة
الموضوع سهل وبسيط واكثر ما عجبنى مفاجئة النهاية التى ربطة الخيوط ببعض
القصة بسيطة ولا يوجد بها الكثير من التفاصيل والتى تجعلنا نتعاطف مع شخصيات الروايه او نحبها
الغلاف والعنوان جذابين جدا ولكن المحتوى ينقصه الكثير للتعريف بشخصات الرواية
اسلوب الكاتب حلو كبداية ... التشبيهات كانت مبالغ فيها احياناً

[Noura · Rating 2 out of 5]

حلوة بالرغم انى تهت ف النص بسبب ان ف بعض الشخصيات كانت مجهولة الاسم وتعاملت معاها ع هذا الاساس وبعد كده عرفت اساميها محسيتش فيها جديديعنى مريض ودكتور اكثر منه مرضا يستغله لارتكاب الجريمة وفكرة بيع الاعضاء مستهلكة وانها موضوع مؤلم بس انا محستش بهذا الالم اى محستش بمعاناة ابطالها كانى بقرأ قصة عادية وده يعاب عليه الكاتب وكنت عاوزة احط واحد من خمسة بس هى مش بهذه الدرجة من السوء اتمنى لو الكاتب ف كتاباته القادمة لو هيتكلم ف موضوع غيره كتير اتكلم فيه يحاول يبتكر

[Alia Elsherbiny · Rating 3 out of 5]

الفكرة عجبتني جدا و جديدة كمان. غير كدة، مكنتش متوقعة هذه النهاية بس النهاية أبهرتني. طريقة السرد و الكتابة حساها كانت ممكن تبقي احسن:) و لكن اخر ملحوظة، غلاف الكتاب رائع و يساعد في جذب القارئ و أيضاً اسم الكتاب! :)

[عمرو العروسي · Rating 5 out of 5]

لقراءة ملخص عن الرواية... برجاء الضغط على الرابط التالي...
http://www.aroussy.com/subject/348

[Aya · Rating 5 out of 5]

عجبتنى فكرتها جداً بهنيك فعلاً عليها

[أحمد كمال · Rating 3 out of 5]

الرواية خفيفة و جميلة .. حلوة كبداية .. القصة تقليدية بس عجبتني عموماً و شدتني و حبيت جوها .. الغلاف كمان حلو و الإسم اللي خلاني اشتريها أصلا .. بديها تلت نجوم و اتمني العمل الجاي يكون افضل و اقوي ..

[EL Belladonna · Rating 4 out of 5]

روايه جميله فكرتها جديده عجبنى فيها الترابط فى الاحداث والحبكه قراءتها فى وقت قليل كنت اتمنى تكون اطول من كده
بدايه موفقه فى انتظار الافضل ان شاء الله