سايكوباث

by إبراهيم علي خميس

صراخ .. أثار تعذيب .. مُغتَصَبون و مُغتصِبين
بقايا بشر
من يتمنون الموت للفرار من بؤس حياتهم ولا ينالوه
من يشتاقون لرؤية ملك الموت أكثر من إشتياقهم مواصلة شهواتهم مرة أخري
يحلمون بحساب ربهم -ولو كان جزائهم جهنم - لأنه
سيفي -مؤقتاً- بالغرض , سيحميهم من بطش من يظنون أنهم يفرقون عن ذرية إبليس بشئ
تراقب ذويهم و هم يتضرعون آلماً لما يلاقونه
لا تعرف أتختلق الأعذار لنفسك لشللك التام علي عدم مساعدتهم
أم تسير مع التيار بحجة " البقاء للأظلم "
أمن المعقول أن يكون هذا طبيعة عمل أحدهم ؟

Unknown Binding

Published January 1, 2017

Reviews

[hoda el kassas · Rating 4 out of 5]

نبتدي الاول بالعنوان
(سايكوباث) اسم ممكن يشدني لو لقيت الكتاب قدامي و معرفوش

بالنسبة للكتاب فهو بدايه موفقة لكاتب جديد

اختيار كويس للموضوع والاحداث السريعه في الروايه-
الاحداث بتشدك فعلا انك عايز تكمل باقي الكتاب بسرعة لدرجه ان الكتاب مخدش وقت كتير في قرايته

نهايه غير متوقعة خالص للروايه

فيها حاجات كتير حسيت فعلا انها حقيقة و بتحصل كل يوم عادي

طريقة الفهم لسيكولوجية البنت في المجتمع المصري دي اكتر حاجه شدتني في الكتاب والكلاكيع اللي عند معظم الشباب المصرية

عجبتني الحاله النفسيه للروايه كلها ولكل شخص في الروايه

اخر حاجه وصف الاشخاص كان بيتم بطريقة بتبهرني بصراحه خصوصا وصف ايمان ويارا :D

ان شاء الله الكتاب هيحقق نجاح كويس و يبقى ليه اسم في السوق

[Dee · Rating 2 out of 5]

والله الكتاب كتجربه أولى للكاتب مش وحش بس مش قوى يعنى مش هرشحه لحد لكن أعتقد لازم نشجعه يكتب أكتر
الكتاب فيه حماس و شجاعه الكتابات الاولى
زى ما يكون حابب يحط فيه كل كتاباته وكل الحبكات
الكتاب كويس بالنسبه لحداثة سن الكاتب
وواضح جدا ان الكاتب عنده حنق كبير على مجتمعه وده ظاهر فى كم الانتقادات للعادات والأفكار وأتمنى ده يكون رأيه الشخصى مش بس طريقه لجذب الأنظار أو ترند
يعنى زى ما كانوا زمان يقولوا لينا كده فى امتحان العربى اذكروا كلمات معينه كده عشان تاخدوا درجات
أو الموضوع السنه دى هيكون عن كذا فا اكتبوا فيه كتير
أتمنى انه يصبح كاتب كبير ويغير فى المجتمع ويطور من كتاباته أكتر وأكتر
أما بالنسبه لقة الكتاب معايا فا انا جبته من معرض الكتاب وفضل شويه فى مكتبتى لحد ما قررت بردو اقراه فى شهر الهالوين
هو مالوش علاقه بالرعب خالص ولكن عرفنى على مشروع كاتب

[Ayman Fahmy · Rating 3 out of 5]

بص يا سيدي مبدأيآ الرواية جميلة جدا و فعلا تشد الواحد لو بدأ فيها انه يكملها لاخرها .. الالفاظ قوية تجذب النتباه حرفيا و ده لانك في كلية اداب اصلا فطبيعي تتفوق في حاجه زي كده .. النهاية مستفذة حبتين عشان مبحبش النهايات اللي من النوع ده *رأي شخصي* .. انت جايب الجانب الوسخ من المجتمع بس بالرغم انه حقيقي و لكن كان يجب عليك تقول الحاجات الحلوة عشان حتى تبقى مقنع اكتر .. وصفك الدقيق للاشياء سواء الاشخاص او الاماكن هيبقى من اسباب نجاح الرواية و اسلوبك في وصفها برضه تفوقت على نفسك فيه فعلا .. مفيش غير حاجتين بس اللي ضايقوني و انا بقرأ
١- الكلام كان محتاج تصليح في كذا حته زي مثلا مكنش فيه "." في اخر اي جملة تعرفك ان الجملة او الجزء ده انتهى و اعتقد ديه غلطة من الدار في الاول و في الاخر و الكلام كان تحت بعضه كأنه كله جزء واحد بالرغم من ان الاحداث مش في نفس الوقت، فاهم قصدي؟
٢- الرواية قصيرة و كان نفسي تبقى اطول بسبب اني كنت فعلا مشدود و انا بقراها فلما خلصتها حسيت اللي هو ايه ده! لا انا عايز جزء تاني طيب..
الرواية ككل اديها ٧/١٠ و فعلا كنت مبسوط و انا بقراها
و انا متأكد ان الرواية الجايه هتبقى اقوى من كده بمراحل ان شاء الله ❤ مستنيهااااا و ربنا يوفقك يا صاحبي

[Mohamed Shehata · Rating 2 out of 5]

الروايه للاسف خذلتني كنت متوقع احسن من كده كتير نظرا لقوه العنوان يعني
مطلع الروايه اكلاشيهي جدا وتحسه فاضح الفكره العامه للروايه وده مش مطلوب خصوصا ان الروايه قصيره ومش مستحمله ان حد يكشفها من اول صفحه يعني.
التفاصيل كانت ناقصه اوي في الروايه حاسك مستعجل وعايز تجري في الاحداث مش مرتاح و معيشنا ومعرفنا اكتر عالشخصيات .
حسيت بملل رهيب وهو بيحل الورقه المره الوحيده اللي قررت تدخلنا في تفاصيل كانت هي المره الوحيده اللي كان ممكن تختصر وتنجز فيها .
طبعا حسام كان محروق جدا من اول الروايه وكنت متاكد انه هو القاتل وانه هو اللي مدبر الليله دي كلها .
ساعات كتير حسيت اني بتفرج على مسلسل مصري ممل خصوصا في مشاهد البطل ويارا .
كنت معتمد اعتماد كبير عالاكليشهات والكلام المرسل بتاع المنصات وده قتل القصه وحبكه الروايه .
*يشفعلك الفاظك القويه وانك حطيت ايدك على كام قضيه مهمه وحساسه
الplot twist اللي في اخر الروايه متحبكش حبكه حلوه وكان ممكن يطلع بشكل احسن.
بس في الاخر نقدر نقول كاول روايه كل ده ممكن يحصل عادي وانشاء الله الجي يكون احسن .

[Mustafa Elgammal · Rating 3 out of 5]

سايكوباث ..
من الحاجات الحلوة جداً أختيار الكاتب لعنوان رواية مُجذب بالطريقة دي .. بيخلى القارئ حتى لو مش ذو ثقافة عالية انه ينجذب ليها ودة شئ كويس جداً ..
الرواية نفسها سهولة الألفاظ و حسن استخدام التشبيهات والتعابير بيعمل جو ممتع غير ممل للقارئ ودة قدر الكاتب انه يخترق حاجز الملل فى روايته ..
الرواية فيها فكرة جديدة صحيح هى مش أول رواية نفسية فى العالم ولكن الفكرة انه ربط بين الواقع المصري المعاصربعلم النفسي
رأي هو عدم نشر الرواية فى السوق حالياً لأنها هتكون عادية زى كل الروايات وهذا مي تقليل من قيمة الرواية ولا الكاتب ولكن إن هناك المزيد بداخل الكاتب يريد أن يخرج للنور .. حين يكتب فيما يُحب ..
الرواية قصيرة جداً نسبة التشويق فيها لا تكمل الــ90% لسرعة الاحداث ..
تقييمي للرواية كفكرة عامة و موضوع علمي نفسي مميز هو 7 من 10
تقيمي لأسلوب الكاتب من حيث الالفاظ والكلمات و اسلوب التصوير هو8 من 10 ولكن ممكن وبسرعة ان يكون 10 من 10

[Mena Nicegirl · Rating 4 out of 5]

كبداية فالرواية هايلة
ألفاظك حلوة و قوية .. استخدامك للغة كان جميل
اللى بيقرأ الرواية مايزهقش منها . ماقدرتش اصبر وانا بقرأها لتانى يوم . خلصتها فى يوم واحد
تصويرك للاماكن و اﻻشخاص كان حلو . مخلينى متعايشة مع الحدث
عجبنى انك جبت حاجات من الواقع..كتعامل الشرطة مع بعض القضايا و العﻻقة اللى بين اﻻخوات اللى ظهرت فى ايمان و اياد
حوار اللغز ماعجبنيش اوى .. مش معمول باحترافية .. ﻻنى اول ما شوفته عرفت انه حروف عربى مقلوبة .. ماكنش محتاج كل اللى اتعمل عليه و انه يوديه للشيخ و يقعد كتييير عقبال ما يفك الرموز المبهمة دى .. يعنى كنت زهقانة و انا بقرأ الجزء ده
النهاية غير متوقعة ولكنها اتعملت كتير قبل كدا
كبداية فا هى بداية موفقة .. و ان شاء الله الرواية تحقق نجاح مرضى *بضم الميم* .. و الرواية الجاية باذن الله افضل

[Roma G-måhmõüd · Rating 5 out of 5]

the name of the book "psychopath" makes us all wonder what is the meaning of that! so it's really interesting ^^
at the beginning i was reading it just because it was written by my best friend then suddenly i was really interested and i just couldn't wait to know what's happening next :D
i loved your description for every single detail you made me see the incidents not just read it and the ending was not expected at all ;)
well, Ebrahim i don't think that any one would really believe that it's your first novel even i don't believe that but good job keep going you'r really talented and this talent shouldn't be wasted ^^ I am really proud of you :)

[Ahmed Fattouh · Rating 4 out of 5]

العنوان مثير للاهتمام بشكل كبير
اسلوب الكتابة جميل والكوميديا الخفيفة اضافتله مقللتش منه ابداً
الاحداث تمت فى اماكن قليلة وبين اشخاص معدودة كان ممكن يضاف تفاصيل اكتر اماكن اكتر واشخاص اكتر ويكون فيه تركيز على كل شخصية بشكل معين عشان نقدر نميز الاسامى والشخصيات
القصة بشكل عام جميلة و فيها مفاجئات متسمحلكش بالشعور بالملل طول الرواية
فى النهاية عمل مميز و عجبنى جداً

[Salma Naguib · Rating 1 out of 5]

ميزتها انها تشد و تخليك تكمل تقراها .. لكن فكرتها ضعيفة و اتعملت كتير قبل كدة و مليانة أخطاء إملائية و طريقة كتابتها زي كتابة بوستات الفيسبوك .

[منة الله عتمان · Rating 4 out of 5]

الرواية لطيفة جداً واحداثها سريعة ومش بتمل منها بالعكس تماماً
بتمشي معاها وبتتوقع احداث واه ما هو عادى هيحصل ده والموضوع بيتقلب تماماً يعني ..

اللغة كانت لطيفة وسهلة محتاجة بس يتظبط فيها حاجات أكتر بس فى المجمل لأول مرة فهى كويسة جداً

[Aya Elmeniawy · Rating 4 out of 5]

الكتاب عاجبني فيه ان عدد صفحاته مش كبير ودي ميزة كويسة
تسلسل الاحداث مظبوط والاحداث نفسها صادمة
عجبتني المعلومات البسيطة عن الطب الشرعي وعجبني اكتر توضيح الظلم و��للامبالاة ف جهاز الشرطة الجميل وما يتعلق به
اللغة بسيطة وفي اقتباسات حلوة متأثرة بالقرآن
السيئة الوحيدة في رأيي الاخطاء الاملائية ودي مش غلطتك
لكن ف المجمل الرواية جميلة وخلصتها ف قاعدة واحدة ومستنية منك ابداعات اخرى
تاخد عندي ٤ من ٥

[Ali Elshimy · Rating 4 out of 5]

the book is awesome
a very good story
little dark though
and shorter than normal

[Ola · Rating 5 out of 5]

'' سايكوباث'' الاسم خلاني جبت الروايه من غير حتي ما اعرف بتتكلم عن ايه، ، الروايه حلوة واحداثها تشد،، بس حسيت ان في أجزاء الكاتب بيستعرض مهاراته اللغوية.. بس في المجمل بداية موفقة ؛