الحب العائلى

by القمص تادرس يعقوب ملطي

56 pages, Paperback

First published January 1, 2003

About the author

كاهن كنيسة مارجرجس القبطية الأرثوذكسية، سبورتنج، الإسكندرية، مصر

Reviews

[Kyrellos Maged · Rating 4 out of 5]

المفروض الكتاب ده بعد كل شوية صفحات فيه
الاب او الام ياخدوا دقيقة صمت و يكرر جملة "الكلام ده مهم و حقيقي و ضروري احاول افهمه و استخدمه بدل ترسبات المجتمع المريض اللي في دماغي ."

الكتاب بقى مش بيتكلم عن نوع من الحب اسمه الحب العائلي زي ما كنت فاكر في الاول من مجرد الاطلاع على عنوانه

لكنه بيتكلم عن العائلة كما يجب ان تكون من المنظور المسيحي ..
و مادام ذُكِر المسيحي يبقى القاعدة هي الحب

الكتاب منظم بشكل جيد و مختصر وواضح بشكل رائع

الكتاب ميصنفش كتاب عملي بحت .. على قد ما هو بيحدد معايير اساسية في الاسرة والتربية لازم تكون موجودة وواضحة

كتير يبان الكلام بديهي . بس زي ما قلت في الاول ... المفروض القارئ اللي داخل على تكوين اسرة يفكر نفسه كل شوية بايه الصح عشان مينجرفش ورا المتعارف عليه اللي كتير من مفاهيمه غلط و ملوثة..

يمكن في مشكلة ... في الفرق الشاسع في الصعوبة بين المبدأ في الكتاب و التطبيق في ارض الواقع
و خصوصا في الجزء المنقول من نصائح القديس جيروم لأم عن تربية بنتها اللي تقريبا نزيرة للرب او حاجة كده !

بردو رأي القديس جيروم بضرور العزل عن المجتمع بشكل حازم جدا ..
غالبا هو مش متاح في العصر الحالي
و الكتاب مذكرش مبررات قوية لكل العزل ده !

من النقط الصعبة بردو في الكتاب و هي مفهوم الطاعة (في الرب )
الامثلة المذكورة قاسية بدرجة كبيرة و يمكن بنظرة معاصرة هيظهر تعارض مع نقطة رعاية المسيحي لخاصته ..

او على الاقل في وجهة نظري .. تطبيق التصرفات اللي في الامثلة دي في عصرنا الحالي غالبا هيبقى غير حكيم و بالتالي هيققى غير مقبول

لكن بشكل عام الكتاب ده نواه مهمة جدا و في نفس الوقت صغيرة لفهم و معرفة اساسيات التربية المسيحية السليمة
وينصح يبه لكل الاباء و الامهات واي حد بيفكر يبقى اب او ام او مُرَبي عموما