الخاين العميل

by وليد خيري

الكتاب يضم دراسات حول علاقة الرجل والمرأة، مشيرًا إلى أنه معنى بقضايا المرأة، وفض الاشتباك بينها وبين الرجل، من خلال تقريب وجهات النظر، والكشف عن الطريقة التى تفكر بها النساء، وكذلك التى يفكر بها الرجل، موضحا أنها مجرد محاولة بغض النظر عن تفكيره فى أن تلقى نجاحا أو لا؛ حيث إن هذا الاشتباك تاريخى.

156 pages, Paperback

Published January 1, 2017

Reviews

[Hamza El-Kady · Rating 1 out of 5]

الملخص السريع في خراب البيوت الفظيع
دا هو الكتاب بالظبط
بعيدا عن اللغه الحقيره اللي اتكتب بيها الكتاب اصلا
لكن الافكار اللي فيه في حد ذاتها تودي ف ستين داهيه
المشاكل موجوده فعلا و اكتر من كدا كمان من الطرفين سواء متجوزين او مخطوبين لكن استحاله تكون هي دي وسائل الحل في أي مشكله بين الطرفين
سعادتك لو ستات مصر طبقوا الكلام دا بكره الصبح هتلاقي 90% من ستات مصر اطلقوا اصلا
مفيش مشاكل بتتحل بالاساليب المتخلفه دي
مش عاجبك مش عارف ايه .... سيبيه
مش عاجبك فيه ايه ..... سيبيه
بيعمل ايه فالبيت .... اخلعيه
بيعمل ايه فالشارع ..... طلقيه
بيعمل ايه قدام الناس .... ارميه رميه الكلاب
بيعمل حمام .... طلقيه برضه عادي -_-
ايه الجنان الرسمي دا
حقيقه انا مهما لفيت كتير استحاله الاقي كتاب أسوأ من دا
انا متفق معاك تماما في وجود اصناف من الرجاله عايزه الحرق و فالمقابل في اصناف من الستات عايزين الاعدام رميا بالرصاص برضه
لكن مفيش مشاكل بتتحل بالنديه دي ولا بالقوه ولا بحد السيف
لو في نجوم بالسالب والله كنت اديتك سالب 10

[Marwa Ebeed · Rating 5 out of 5]

كتاب ممتع ومشوِّق ومفيد، يكشف للمرأة أسرار الرجال بأسلوب بسيط وممتع.

[Ali Omar · Rating 2 out of 5]

هو الكتاب مش وحش ولا حلو
هو فكرته حلوه انا بكتب لك عن الرجاله علشان لو حابه تعرفيهم او نحاول نبسطهم ليكي تمام
بس هل كل الرجاله كدا ولا دا انت او الدايره اللى انت فيها
بمعني
المؤلف دايما بيتأثر بالبيئه المحيطه بيه اى موقف اى ذكرى اى قصه حكاه ليه اى شخص مره بحياته بيستدعيه ويبدأ يخليه فقره او فكره فى روايته او كتابه
يعني الله يرحمه د/ احمد خالد توفيق يقولك ان دايما كنت بمشي بقصاقيص ورق اكتب فيه اى حاجه القطها وانا ماشي
يعني اخر فصل وهو بيحكي عن والده وحكايه لما جرى بيه وهوا مريض نفسها فى حارس حديقه المحبيين
يعني مش كلنا قعدتنا مع بعض ع التضاريس للنسوان داينا وان حصل فدا الطبيعي امال المفروض ايه اللى يثريني ويشدني الرجاله وكمان اللى دينيك بيحاول يقومهم ويعدله فيك لانوا عارف ان دا طبيعي وغريزي انك تغض البصر
نفس الفكره لو فى بنت كتبت ع قعدتهم ممكن تذكر انهم يتكلموا عن الرجاله دا الطبيعي
ثانيا الكلام هنا اى كلام فاى كلام
انا معاك كان نفسي تكتب عننا وتشرح دماغنا يمكن احنا نفسنا نفهم وتكتب لينا برده ازاى نتعامل وازاى نتفادي اخطائنا وايه الصح وايه اللى هما بيكرهوه
عمره ماكان عيب اننا نتعلم ونفهم

[Dee · Rating 3 out of 5]

لذيذ وخفيف مع اني مختلفه معاه ف كذا نقطه منها اذاي تخلي الراجل يحبك مع ان ده الواقع انا بس الي بدور ع مثاليه مش موجوده..

[Dara Mohamed · Rating 5 out of 5]

شكرا يا وليد

[Noran Hassan · Rating 5 out of 5]

Honest