مفيشاليا

by Hossam Ibrahim

أول عمل مطبوع مكون من 30 قصيدة عامية و معروضين بفكرة قصصية لكنوان مش مكتوبة .. لكن تعتبر قصة هيتخيلها القاريء و بيقرأ الديوان و رايح معاه لمدينة مفيشاليا و هيمر بأحداث كتير اجتماعية و رومانسية و سياسية و إيمانية و غيره ..
...
ماريو أمَّا مات..
كان له تلت محاولات ..
وانَا كنت عيل ..
عقلي على قد السنين ..
كنت فاهم إن كل الميتين ..
راجعين لنا..
أول ما ادُوس - استارت - ..
جرّبت..
لكن مرجعوش ..
قلت جايز الكون مهنّج ..
قلت استني .. مجوش
أتاري ..
كلنا في كوكب أتاري ..
والدراع مع حد تاني ..
وإننا .. وكل اللي ماتوا ..
واللي جايين ، واللي فاتوا ..
في النهاية موتتنا واحدة ..
وإن ماريو لو معانا..
كان هيبقى محاولة واحدة..
..
#مفيشاليا
#حسام_ابراهيم

126 pages, Paperback

First published January 25, 2017

About the author

• شاعر عامية مصري ، مواليد 14 أبريل 1994 ، محافظة دمياط
• أنهى دراسته الجامعية في الهندسة المدنية / جامعة المنصورة عام 2019
• أصدر ديوانه الأول بعنوان "مفيشاليا" عن دار تويتة للنشر والتوزيع في يناير 2017
• أصدر ديوانه الثاني " سجن أس أربعة " في يناير 2019 والذي حصل به على جائزة أحمد فؤاد نجم في ديسمبر 2019
• أصدر ديوانه الثالث بشيكل فول وبنص طعمية في مارس 2020 ، والذي حصل به على جائزة المجلس الأعلى للثقافة 2020 (الكبرى)
• أصدر ديوانه الرابع البني أشياء عن دار تويتة للنشر والتوزيع في يونيو 2021
• قام بكتابة برنامج مش مسامح حسين الذي تم عرضه في ديسمبر 2021

Reviews

[Ahmed ali · Rating 3 out of 5]

الملك زمبلك
وحاشيته لعبة
تشهد بأنه
لا اله الا الملك
وان القانون عبده ورسوله
وان السلاح لعبة
وان اللى ثار مؤمن
وان الميدان حفرة
وان الحصار ملهم
وان الخلاص طفرة
وان الشعوب مهما تتوب .. كافرة

[Esraa Adel · Rating 4 out of 5]

اتاري
كلنا في كوكب اتاري
و الدراع مع حد تاني
واننا وكل إللي ماتوا
وإللي جايين وإللي فاتوا
في النهاية موتتنا واحدة
وإن ماريو لو معانا
كان حيبقى محاولة واحدة.

[نرمين على · Rating 3 out of 5]

آخر الأشياء.. بخاف منها
أول الأشياء.. بخاف مني

[قسمت خالد · Rating 5 out of 5]

حلو بزيادة

[Ahmed Ayman · Rating 2 out of 5]

فيه حاجات كويسة .. بس الأوحش أكتر

[Abeer · Rating 2 out of 5]

نجمة للتصميم
ونجمة لقصيدتين فقط أعجبوني

[Samar · Rating 1 out of 5]

انا مليش فى الشعر عمومًا كل علاقتى بالشعر هو هشام الجخ و فاروق جويدة أحيانًا ، مش فاهمة بأى معنى نقول أن ده شعر !! إزاى الشعر و الأدب العربى بقى ركيك كده !! الكلام بدون قافية أساسًا . انا مش ضد الشعر العامى رغم تعصبى للغة العربية بس قرأت كذا قصيدة عامية قبل كده و كانت حلوة أنما الديوان ده ركيك بكل ما تحمله الكلمة من معنى .