مثلًا

by عمرو حسن

بتحب ليه السيما!
اسأل محمد خان...
واسأل صبي حبها واداها روحه، اتخان
بتحب ليه الشتا؛
اسأل بقى الدخان
واسأل خيوط الصوف في البالطو هتقولك:
(لولا الشتا يا صديق كنا اتحرقنا حريق)
لولا السجاير والغنا والبُن
كنا صبحنا حطام
أو صنف من أصنام مصنوعة بالعجوى
ولولا - أحمد زكي وسناء جميل - مثلًا
كنا صبحنا حديد
أو علبة اسطوانات
لكن لحزن الحسن والخبطات
ربك جعلنا غلابة بالفطرة
علشان كده كل اما اجرّب الانتحار بافشل
وبتدخلوا الأوضة وانا باقول اكشن
فبتحسبوا المشنقة من جهلكوا فيونكة
ودي .. مش فيونكة

145 pages, Paperback

Published January 1, 2016

Reviews

[Rogius]

بتمنى من كل قلبي الكتب دي واصحابها ينقرضوا

[(ســـارَّة (أم صالح]

تقوللي ايه العلاقة مابين دخول الشتا
وبين الدخول ف الاكتئاب
اسكت..
شالوا الهدوم الصيفي م الدواليب
قفلوا البيبان
واتبدلت مشاريب خفيفة بمشروبات سخنه
وانا انكمشت كاني قنفد خام
فيه عطل ف الأيام خلانا نتذّكر...
أو عطل ف الحواديت خلانا بنفكّر ..
ف حاجات كسرها الزمن ورمانا مطرحنا
الغلطة مش ف الشتا
!!الغلطة فينا احنا
......

!ايه ياوالدي
عامل ايه ؟
واضح ان الجو عندك أحلى جداً
من زمان ومافيش زيارة
طب تعالى انشالله حتي الشاي وتمشي
ايه ياحاج ! ده احنا عشرة عمر يعني
بعد مانت مشيت ياصاحبي عمر حضن الناس ماساعني ...
كلهم بيبيعوا فيا ويشتروني
الا كام واحد سايبهم طمنوني
امي واخواتي وصحابي الكام نفر
والقعاد بالليل لوحدي والسفر
بس برضه معاك بتفرق ...
مانت عارف
يوحش الواحد كلامك ، نظرتك طيبة سلامك
يوحش الواحد هزارك والزعيق من غير سبب
يوحش الواحد علامة جذمتك فوق العتَب
يكسر الواحد مرورك لو أتَب خلاك توطي
ثم اشوفك وانت ماشي جنب مني وجنب اخويا
!ايه أمّر عليا مني يوم ما تحلف دمعتي برحمة أبويا
......

مقامك وسط كل الناس مقام عالي
ووزنك في عيون اهلك دهب غالي
وروحك نجمه بتلالي وقلبك ناي
رميت نفسك لقلة قيمة بس ازاي
.....

وتبتدي الأيام تمر بينهم همّ
وتبتدي الأشياء تطرح حكاية أهم
العشق بعض الحب
والحب في معناه
هو اختيار الحياة بشريك مايشبهناش
الحب تحويل الألم
لأمل
عشان يتعاش
......

وادي الأيام بتثبتلك وبالاوراق
غلط نظري ف نظرك فجأة ع الأشياء
قعدت كتير عشان تفهم وربك شاء
تضيع أحلى ما ف عمرك عشان انسانه ماتحسكش
......

تقابليني
كأنك فيلم خمسيني
كانك وردة في البدلة بيرويها مطر عيني
كأنك ارض
كأني ببقى ف حضرتك روائي لا يمل السرد
أميل لك بس ما بملك
اشيلك عمري ما اشيل لك
واغازلك شعر واغزلك
ضفاير شكي ويقيني
......

ماعرفش خدعني الوقت ازاي
وخسرت رصيدي من الأشياء
وركبت القطر اللي انا مش عارف رايح فين
باتحجج اني هلاقي حاجات أكتر
.....

بتعمل ايه ؟؟
ياخي والله عيب فعلاً
عشان امك ياخي حتى
عشان حلمك
عشان لو شفت ف مرايه انعكاس صورتك ماتتعرِّش وماتوطيش
يادنيا رخيصه مابتديش
لواحد حد يستاهله
يشوف الشخص لما يعيش
نتيجة موقفه وجهله
نصيبك وانتي من أهله
هموم الناس مابتضحكش
....
لسه ما قرأتوش برضو :))

[Yasmeen Rushdy]

الكلام يبدو انتهى
بس فيه فى القلب حاجه ماقولتهاش
اللى عاش لنفسه مات
واللى مات لولاده عاش
واللى شال الشيله لسه ماتنساش
رب أسرة
جدار عريض
صاحب الروح الوحيد
يلا هامشى بس لينا كلام اكيد
بس رد الباب عشان
لو حد قالى هات ابوك
اجى اقولك
وتعاقبني
زى انا ما هعاقب ابنى
لجل يفضل مستقيم
اليتيم من عاش بدونك
فى الحقيقه انا مش يتيم.

[Lamiaa Essam]

معزوفة جديدة من معزوفات الشاعر الشاب عمرو حسن.
يعزفها لنا تارة على الكمان فيذيب قلوبنا، وتارة على الناي فيثير شجوننا، ثم يعرج على البيانو فيجعلنا نرقص من أفراحنا وأوجاعنا.
"والحب في معناه
هو اختيار الحياة بشريك مايشبهناش
الحب تحويل الألم
لأمل
عشان يتعاش".

[Islam Fahmy]

بدأت القراءة ولدي نزعة هجومية ما تجاه الشعر العامي في ثوبه الشبابي هذا بصورة كبيرة، متناسياً أن عمرو حسن من أفضل شعراء هذا الجيل، بل ومتناسياً أني قرأت ثلاثة دواوين له من قبل نالوا جميعاً إعجابي، وحين انتهيت علمت لماذا رغم رغبتي الشديدة الملحة في الهجوم إلا ان الديوان هذا أعجبني..
الصدق.. إن لم يكن صدق تجربة الشاعر، فصدق تجربة المتلقي، فمهما يكن موضعك من الدنيا ستجد سطراً يعبر عنك وتجد به سلوى لحظية عن أوجاعك، وهو ما يميز شعر عمرو حسن ..
لماذا خسر نجمتين إذا؟
تطور بطئ .. التطور الذي لاحظته في المستوى والآداء الشعري للكاتب بطئ جداً مقارنة بنضوج التجربة .
السلوى اللحظية .. الشعر ها هنا سيمس قلبك من نبع التجربة وليس من نبع الجمال .. لن تقول "الله" إلا للتجربة التي مررت بها وليس التجربة اتي اهتز لها قلبك، والفارق كبير جداً ..

[Nour Elhoda]

كل قصيده بتلمس حاجه مختلفه وبتلمس حد مستحيل تقرا الديوان ومتحسش بنفسك في واحده ع الاقل من قصايده

[Rana muhammed]

ملحمة من المشاعر وصفها عمرو حسن بدقة وباحساس كما اعتدنا منه ف اشعاره
احبببت القصائد بشدة وخصوصا هكذا قال الشيطان ، يا والدي، المسرحية
عشت معهم بكل جوارحي وقراتهم اكثر من مرة ♥♥
بالنسبة لي رأيت ان ديوان باندا كان افضل منه ولكن هذا لا يقلل من روعة هذا الديوان
لم يعجبني بعض الالفاظ السيئة التي تم ذكرها ف العمل وف رائي كان من الافضل ازالتها حتي تحافظ ع رونق الديوان
بالتوفيق ف الاعمال القادمة :)

[Dina Sarhan]

عمرو حسن شاعرى المفضل بعد هشام الجخ اينعم هناك فرق شديد بين الشاعرين فى مايقدمونه لكن عمرو حسن ياتى فى المركز الثانى
ولكن مازال ديوان ناس كافيه هو ديوانى المفضل
اهذا الديوان ليس افضل ماكتب لكن به كمية مشاعر واوجاع صادقة جدا
خاصة قصيدة مبتحبكش وتحت تاثير المخدر
وتقابليني
ديوان خفيف انهيته فى يوم واحد فقط
لكن ليس افضل ما كتب

[Jamal Baron]

ابداع لا حدود له ، وصف عميق لاحساس كم نود ان نجد له كلمات تترجمه وها قد فعلتها انت ، كل حرفٍ سأكتبه هو تقليل منك لان وصف روعة ابداعك مستحيلة ، قمة في الكتابة وقمة في الالقاء ، شكرا لك يا ايفرست الشعر...

[Ola]

انا بحس كل حرف بيتكتب مش بقراه .. مش هتكلم كتير كونك شاعري المفضل والاول والوحيد ❤❤❤❤

[Ahmed Nrg]

ديوان فيه قصايد حلوه بس حسيت انه كان مزنوق ف كام قصيده كده عشان يخلص الديوان فكتبله كام قصيده حلمنيشي كده
بس فيه قصايد مست قلبي جدا

[Mohammed Elbendary]

فين الشعر!!

[Nader]

Good Good Good

[Mohamed Taha]

عظيييم

[Ahmed El-Masry]

مثلا