من شظايا الحرب

by محمد ابراهيم فرغلي

ادفنوا سلاحكم وصلُّوا..
للي خلق الأرض!
يمكن..
تطرح الأرض اللي ماتوا،
أو يجوز الأرض ترجع مادة خام.
إنما بِاسم السلام،
أو بنيّة يبقى وردة صُلْح بين إنسان وأرض
ادفنوا سلاحكم وصلُّوا!
السلاح ضد المحبة..
والصلاة بالحب فرض.

Unknown Binding

Published February 1, 2017

Reviews

[محمد عبدالله · Rating 5 out of 5]

من شظايا الحرب .. أشعار بالعامية المصرية .. للشاعر محمد فرغلي ..
تقييمي للديوان 5/5
- قبل أي شيئ نادر جدا لما بكتب ريفيو عن ديوان، أو بمعني أصح، نادر لما شاعر يكتب عن شاعر منافس ليه ويمدحه مش حقد أو نفسنه قد ماهو غيره من جمال العمل، بس الحقيقه مالعرفش أشوف حاجه حلوة أو وحشه وأسكت، لازم أقول رأيي، الديوان ده غرضه نشر السلام، فطبيعي أي شخص روحه ملوثه لازم روح الديوان تمسه بسلامها، من شظايا الحرب ديوان مليئ بالمشاعر الإنسانيه البحته، محمد فرغلي قرر يرفع راية السلام في وجه الحرب بقلمه، أنا اتبسطت جدا من وحدة موضوع الديوان، ومن السياق الفني والشعري المتكامل والحرفيه في استخدام الالفاظ وتوظيفها بشكل رائع زي ما فرغلي عمل ..

هشارككم بعض سطور الديوان ..

- فكنا بخيوطنا نطير ملايكه ..
وكنا ف خيوطهم بشر ماريونيت ..
فلو حان نداهم نرخي حبالنا ..
ولو حان ميعادنا يشدوا الحبال ..

-- عرقي في اللعب أكيد أهون ..
من عرقي ف خيمة خوف وحصار ..
بين خط الفقر وخط النار ..

-- السلاح في الإيد ولكن ..
قلبي عمره ماشال سلاح ..
المدافع سيمفونيه ..
بس مسجونه ف حديد ..
والرصاص باليرينا طايره ..
واللي ماتوا ..
إنتهوا بموت في سماكم ..
وإبتدوا الرقص ف سماي ..

-- كان عايش ناي ..
وبعزفه بيغزل في العصافير ..
يمكن كان طير ..
وبعجز عيوننا إتشاف إنسان ..
كام فكر يبكي ..
فكان بيغمي عينيه بإيديه ..
ويقول لصوابعه : إن شوفتوا بكاي .. إتحولوا ناي ..
الناي مش حزن ..
الناي كان ضحك طبيعي ومات ..

--إدفنوا سلاحكم وصلوا ..
السلاح ضد المحبه ..
والصلاة بالحب فرض ..

-- نفسي نوري يتولد بشعاع وشعر ..
يمكن أثبت في القلوب ..
وأما أدوب ..
القصايد تنتشر في الجو ذكر ..
ربما في الدنيا حته ..
بالقصايد لسه بكر ..

--صليت لوحدى بصبر كل رسول ..
حتى إذا جسمانى صار مفقود ..
لسه الزمن جوايا بيصلي ..
مش شرط حزنى يتعرف بالدمع ..

#نفسي_كل_كفوكوا_ترسم_ماتحاربش

[أحمد عايد · Rating 5 out of 5]

ن أهم دواوين العامية اللي قرأتها في جيل الشباب
والحقيقي إن الديوان واضح جدا إن فرغلي تعب عليه
لو انا بحكم في مسابقة أحمد فراد نجم لازم الديوان ياخد مركز أول

[Vepo · Rating 5 out of 5]

هو كتاب ممتع حسيت وانا فى قرائته انى جوه تجربة ادبية متكاملة كل ورقة فيه بتسلم للى بعدها، ترابط الافكار ببعضها وتسلسلها كأنى بتفرج على فيلم مش بقراء . شعر وده قدر يعمله الشاعر بشكل مشفتوش قبل كده الا نادرة .قدر يعيشك فى عوالم من صنعه فى كل قصيدة . فى الكتاب مش قصائد بالنسبة لى .. الكتاب تجربة تخلصو وتقرا تانى .. وتالت ... ورابع ومافيش زهق

[Kitkit Osama · Rating 5 out of 5]

من الدواوين المهمة جدا اللي نزلت في معرض كتاب 2017 وحقيقي ديوان باين عليه تعب سنين والاجمل انه بينشر السلام بين كل شعوب الارض ودي اكبر واهم رسالة توصل للناس .. شكرا ليك ولمجهودك

[محمود مالك · Rating 5 out of 5]

ديوان (من شظايا الحرب) تجربة إنسانية متكاملة، جديرة بالاحتفاء والقراءة بل الدراسة. محمد فرغلي في هذا الديوان أكثر من مجرد شاعر يجمع قصائد متفرقة بين دفتي كتاب، إنما يتخطى حدود الشكل ليوغل في أعماق الإنسانية فينتج لها مزيجًا شعريًّا إنسانيًّا خالصًا. وهذه شهادة حق من شخص كان له شرف مراجعة هذا الديوان.

[عبد الله عماد الدين · Rating 5 out of 5]

ديوان جميل جدًا.. شعرًا وروحًا وإنسانية.. مشاعر مختلفة في كل "شظية".. من أحلى الدواوين اللي قريتها وأصدقهم.

[Pharaohs Stones · Rating 5 out of 5]

قمة الرومانسية في التعبير عن الحرب من خلال عيون الاطفال

[Ahmed · Rating 5 out of 5]

عظمه👏🏻