မျက်ရည်လောကများ၏ ဟိုမှာဘက်

by တက္ကသိုလ်ဘုန်းနိုင်

333 pages, Paperback

About the author

ရန်ကုန်တိုင်း သန်လျင်မြို့၌ အဖ ဦးထွန်းဖေ၊ အမိ ဒေါ်ကြင်မေ တို့က ၁၆ ဇန်နဝါရီ ၁၉၃ဝ ကြသပတေး နေ့တွင် မွေးဖွား ခဲ့သည်။ မွေးချင်း ငါးယောက်တွင် ဒုတိယမြောက် ဖြစ်သည်။ ငယ်မည် မောင်ဖေသိန်း၊ လက်ရှိ အမည်ရင်းမှာ ဦးခင်မောင်တင့် ဖြစ်သည်။

မက်သဒစ် ကျောင်းများ (သန်လျင်၊ တွံတေး၊ သုံးခွ)၊ အစိုးရ အထက်တန်း ကျောင်းများ (ပြည်၊ ပေါင်းတည်)၊ ဗုဒ္ဓ ဘာသာ စာပေကို ကိုးတောင်တွဲကျောင်း (ထုံးဘို)၊ တက္ကသိုလ်ဝင် စာမေးပွဲ (၁၉၄၈)၊ ရန်ကုန် တက္ကသိုလ် (၁၉၄၈)၊ စိတ်ပညာ ဝိဇ္ဇာ ဂုဏ်ထူးဘွဲ့ (၁၉၅၅)၊ အမေရိကန် ပြည်ထောင်စု နယူးယောက်မြို့ ကိုလံဘီယာ တက္ကသိုလ် ဘွဲ့လွန် မဟာ ဌာနမှ မဟာ ဝိဇ္ဇာဘွဲ့ (၁၉၅၉ - ၆၁) တို့ကို ဆည်းပူး အောင်မြင် ခဲ့သည်။

မန္တလေး ယူနီဗာစီတီ ကောလိပ် စိတ်ပညာ ဌာနမှူး (၁၉၅၅)၊ တောင်ကြီး ကောလိပ် ကျောင်းအုပ်ကြီး (၁၉၆၂ - ရ၂)၊ ပုသိမ် ဒီဂရီ ကောလိပ် ကျောင်းအုပ်ကြီး (၁၉၇၂ - ရ၇)၊ မော်လမြိုင် ဒီဂရီ ကောလိပ် ကျောင်းအုပ်ကြီး (၁၉၇၇ - ၈၅)၊ မော်လမြိုင် တက္ကသိုလ် ဒုတိယ ပါမောက္ခချုပ် (၁၉၈၆ - ၈၈)အဖြစ်တာဝန်ထမ်းဆောင်ခဲ့သည်။ပညာရေး တက္ကသိုလ် ပါမောက္ခချုပ် အဖြစ်တာဝန်ထမ်းဆောင်နေစဉ် ၁၉၈၈အရေးအခင်း၌ စစ်မှန်သောဒီမိုကရေစီကို တောင်းဆိုရာတွင် ပါဝင်ခဲ့မှုကြောင့် စစ်အာဏာပိုင်များက အငြိမ်းစားပေးခြင်းခံခဲ့ရသည်။

မြန်မာ ပညာရေး လေ့လာရေး အဖွဲ့ ခေါင်းဆောင် အဖြစ် ဂျပန် (၁၉၇၇) နှင့် တရုတ် (၁၉၈၃) သို့ လည်းကောင်း၊ မြန် ပညာရေး အထူး လေ့လာရေး အဖွဲ့ ဒုတိယ ခေါင်းဆောင် အဖြစ် ဂျပန် (၁၉၈၁) သို့ လည်းကောင်း၊ အာဆီယံ - ကိုရီးယား ယဉ်ကျေးမှု ခေါင်းဆောင် ဖလှယ်ရေး အစီအစဉ် တွေ့ဆုံ ပွဲများတွင် မြန်မာ ကိုယ်စားလှယ် အဖွဲ့ဝင် အဖြစ် ၁၉၉၉ နှင့် ၂ဝဝဝ ပြည့်နှစ်များ၌ ကိုးရီးယား သမ္မတ နိုင်ငံသို့ သွားရောက် ခဲ့ပြီး စာတမ်းများ ပြုစု ဖတ်ကြား ခဲ့သည်။

စာပေနယ်သို့ ရှုမဝ မဂ္ဂဇင်း ပါ "ဒွိဟ" ကဗျာဖြင့် ၁၉၄၉ ခုနှစ်တွင် စတင် ဝင်ရောက် ခဲ့သည်။ ထင်ရှားသည့် လုံးချင်း ဝတ္ထုရှည် (novel) အချို့မှာ ညီမလေးရယ် စိုးရိမ်မိတယ် (၁၉၅၈)၊ သူ့ကျွန်မခံပြီ (၁၉၅၉)၊ လွမ်း (၁၉၆၂)၊ မိုးည အိပ်မက်မြူ (၁၉၆၂)၊ ဤမြေမှသည် (၁၉၆၃)၊ စိမ်းနေဦးမည့် ကျွန်တော့်မြေ (၁၉၆၃)၊ မောင့်ဘဝ ညအလားကွယ် (၁၉၆၃)၊ သူငယ်ချင်းလို့ပဲ ဆက်၍ခေါ်မည် ခိုင် (၁၉၆၄)၊ ချစ်သော ဤကမ္ဘာ (၁၉၆၄)၊ လွမ်းတေး မဆုံးစေနှင့် စောသခင် (၁၉၆၅)၊ ကမ္ဘာကုန် ကျယ်သရွေ့ဝယ် (၁၉၆၆)၊ နွေကန္တာဦး (၁၉၆၈)၊ ဝသန် လေချိန်မှန်ကူး (၁၉၆၉)၊ တပြည်သူ မရွှေထား (၁၉၇၁)၊ နှင်းငွေ့တထောင့် မိုးတမှောင့် (၁၉၇၂)၊ ကိုယ့်အလှ ဘဝငွေလမင်း (၁၉၇၆)၊ စွန့်ခွာရသည့် နွေညများ (၁၉၈ဝ)၊ မိုးတွေ ရွာမှဖြင့် လျှင်ကွယ် (၁၉၈၄)၊ တိမ်ညိုအလွင့် လအမြင့် (၁၉၉ဝ)၊ ချစ်သူအိမ်အမိုး နောက်ဝယ် လ ပျောက်ခဲ့ခြင်း (၁၉၉၁)၊ မျက်ရည် လောကများ၏ ဟိုမှာဘက် (၁၉၉၂)၊ လေရူးသည် စာမတတ်ပါ (၁၉၉၅) စသည်တို့ ဖြစ်ကြသည်။ ထင်ရှားသည့် မဂ္ဂဇင်း ဝတ္ထုရှည် (novelette) များမှာ နှင်းရွက်ကြွေစော (၁၉၅၈)၊ မုန်းရစ်လေဦး (၁၉၅၈)၊ ရေပင်လယ်နှင် ငွေစင်ကြယ် (၁၉၅၈)၊ တန်ခူးလေနှင့် လျောတော့သည် (၁၉၆၁)၊ ပိတောက်နှင့် ကြိုပါမည် မာရီယာ (၁၉၆၃)၊ ကရုဏာ မိခင် (၁၉၆၃) တို့ ဖြစ်ကြသည်။ ဝတ္ထုတို အများ ကိုလည်း ရေးသားခဲ့ရာ ယင်းတို့ကို ပြန်လည် တင်ပြသည် (၁၉၆၅)၊ ဝတ္ထုတို ပေါင်းချုပ် အမှတ် ၁၊ ၂၊ ၃ (၁၉၆၉)၊ ဝိညာဉ်မှာ ဖူးသည့် ကြည်နူးမှု အလှပန်း (၁၉၉၃)၊ ကျွန်တော့် ဘဝ ပိတောက်ကမ္ဘာ (၁၉၉၃) စသည်ဖြင့် စုစည်း ခဲ့သည်။ စာပေ အနုပညာ ဆိုင်ရာ ကျမ်းများမှာ ဘုန်းနိုင့် အတွေး ဘုန်းနိုင့် အမြင် (၁၉၇၇)၊ ခမ်သိမ်းကလျာ ရှုဖွယ်သာတည်း ပထမတွဲ၊ ဒုတိယတွဲ (၁၉၉၄) တို့ ဖြစ်ကြသည်။ အင်္ဂလိပ် - မြန်မာ နှစ်ဘာသာ ဘာသာပြန် ကဗျာ စာအုပ် များမှာ ရှားလော့ဒေဝီ (၁၉၉၆)၊ တမ်းတမိခြင်း (၁၉၉၇) တို့ ဖြစ်ကြသည်။

နိုင်ငံခြား ဘာသာသို့ ပြန်ဆို ထုတ်ဝေ ခဲ့သည့် စာအုပ်များမှာ ရုရှား ဘာသာဖြင့် 'သူ့ကျွန်မခံပြီ' (၁၉၇ဝ)၊ တရုတ် ဘာသာဖြင့် 'စွန့်ခွာရသည့် နွေညများ' (၁၉၈၈)၊ ဟင်ဒီ ဘာသာဖြင့် 'သူငယ်ချင်းလို့ပဲ ဆက်၍ခေါ်မည် ခိုင်' (၁၉၉၄) တို့ ဖြစ်ကြသည်။ 'နှင်းငွေ့ တထောင့် မိုးတမှောင့်' ဖြင့် ၁၉၇၂ ခုနှစ်တွင် အမျိုးသား စာပေဆု ရရှိခဲ့သည်။

Reviews

[Blue Five · Rating 5 out of 5]

ဒီဝထ္တုက eng ကဗျာဆရာတွေရဲ့ ကဗျာတွေကို အဓိကထား အဓိပ္ပာယ် ရေးဖွဲ့ဆိုထားပြီး တောင်ကြီးရဲ့ သဘာဝ အလှတွေနဲ့ ပန်းတွေရဲ့ နှစ်သက်ဖယ် ရာ စိန်ပန်းပြာ ရယ် ချယ်ရီ ရယ်ကို ဖွဲ့နွဲ့ပြီး နှစ်သက်ချင်လာအောင် ရေးသားထားတာကတော့ ဆရာ့ အတိုင်းပါပဲလား..
နိုင် ရဲ့ ငယ်ဘဝ ကနေ မိဘတွေ ရဲ့ ဆင်းရဲမှုကနေတဆင့် ဘိုးဘိုးကြီး ဆီတို့ အရဲစွန့်ပြီး ခရီးနှင်လာတာက နေ အစချီထားတာဖြစ်ပြီး, သူငယ်ချင်းတွေရလာကာ ကျေးဇူးရှင်မလေး အဖြစ် "နှင်း" နဲ့စတင်တွေ့ကာမှ "ဝင့်ဝါ" ဆိုတဲ့သူငယ်ချင်းတွေရဲ့ ကြီးမှာတဲ့ သံယောဇင်တွေနဲ့အတူ သုံးပွင်းဆိုင်လို့ပဲဆိုရလေမလား မိန်းခလေးတွေ ရဲ့ တဖက်သက် အချစ်တွေလို့ပဲဆိုရလေမလားတော့ မပြောတတ်။

“အလှဆိုတာဟာတဲ့ ချိန်ခွင်နဲ့လည်းချိန်လို့မရဘူး၊ ပေတံနဲ့လည်း တိုင်းလို့ မရဘူးတဲ့၊ ဒီတော့ တကယ်လှတာ နှစ်ခုကို ယှဉ်ပြီး ဘယ်ဒင်းက သာတယ်၊ ဘယ်ဒင်းက မမီဘူးလို့ ပြောလို့မရဘူးတဲ့၊ နိုင်တို့ နားလည်တဲ့ စကားနဲ့ပြောမယ်၊ မှိုတစ်ပိဿာနဲ့ ခဲတစ်ပိဿာ ဘယ်ဒင်းက လေးလဲဆိုတာလို မေးခွန်းထဲမှာ အဖြေက ပါပြီးပြီ၊ အတူတူပဲ၊ ဒီလိုပဲ စိန်ပန်းပြာလည်း လှတာပဲ၊ ချယ်ရီလည်း လှတာပဲ၊ လှတာတွေမြင်ဖူးတဲ့ကိုယ်က ကံကောင်းတယ်၊ နိုင် အဲဒီလိုပဲ တွေးတယ်”
အဲ့ဒီလို နိုင် က မိန်းခလေးနှစ်ယောက်ရဲ့ အလှ တွေကို ခွဲခြားသတ်မှတ်ပေးထားခဲ့ရာကနေ သူ့ရဲ့ကိုယ်ပိုင် မိတ္တသန္တဝ ကဘယ်သူဖြစ်နေမလဲ ဆိုတာကတော့ ဖတ်တာကြည့်လိုက်ပါတော့လား...
ဗဟုတုသ ရစရာတွေ ဂေါက်အကြောင်းတွေ ကဗျာအကြောင်းတွေနဲ့ စီကာပတ်ကုံး ရေးသားဖွဲ့နွဲ့ထားတာကတော့ စာအုပ်ကိုပင်မချချင် လောက်အောင်ပါပဲ...

မတားသာပါ
သွားမှာကို ဘယ်သူ တားနိုင်လိမ့် သနားကာ ထားချန်ဖြစ်တယ်ထင့်
ကျန်ရစ်မြေ နွေမဆိတ်ပါလား
နိမိတ်ပုံတသီတတန်းရယ်နှင့် စိတ်ဝိညာဉ်ပန်းချီခန်းမှာ
(နွေဦးရေ) လွမ်းပျော်မွေ့ကြီး။

[May Yunn Lae Oo · Rating 3.75 out of 5]

Just people with unrequited loves.
ML and his ego, huuu
As usual, the author is just so good at writing angst.