اسطوانة مشروخة

by محمد طارق

هذا الكتاب يصلح لكافة الأعراض .. مناسب لكل الاعمار ، ..للناس اللي علاقتهم نجحت مع إسطوانة
لفيروز وهي بتقول"انا لحبيبي وحبيبي إلي" والقهوة السادة بتستناك مع اصحابك اللي علاقتهم انتهت بالفراق ،وبيحكوا لية العلاقة انتهت ؟!! مع اسطوانة لأم كلثوم وهي بتقولك "وعرفت اعند، وقدرت ابعد ، حتي الهجر قدرت علية ،شوفت القسوة بتعمل اية".
اسطوانة مشروخة .. كتاب يُنصح بعدم قراءته قبل استشارة الحبيب ..

206 pages, Paperback

Published January 26, 2017

About the author

الصفحة الرسمية لِـ الكاتب مُحَمَّد طارِق مُدَوِّن و باحِث في مَجال عِلْم النَّفْس

- صَدَر لَه كِتاب جُرعَة نيكوتين" في عام 2015 عَنْ دار الفؤاد" و حصل مِنْ خِلالها على جائِزَة أفضل كاتِب شاب لـ عام 2015"
- ثُمَّ صَدَر لَه رواية باريس لاتعرف الحُب في عام 2016 عن دار تَشكيل
-و مُؤَخرًا صَدَر لَه مَجموعة قصَصية تَحتَ عنوان اسطُوانة مَشروخة عَنْ "دار تَشكيل في عام
2017

افضل كاتب شاب لعام 2015

Reviews

[Marina Emad · Rating 4 out of 5]

"مفيش حاجه إسمها الحب الاول او الحب التاني، الحب هو الحب اللي بيدوم ويكمل."
"القلب زي الوردة، لو سقيتها مايه زيادة بتموت، لو اهملتها بتموت."
"من قسوة القدر إن دايمآ الحاجات اللي بتستناها بتيجي لك بعد ما تبطل تستناها."
"النسيان نعمة، لكن النسيان بيقف عاجز أمام حب صادق. "

[ريما · Rating 4 out of 5]

هتشرب شاى بلبن مع الناس اللى علاقتهم نجحت مع اسطوانة "لفيروز" وهى بتقول "انا لحبيبى، وحبيبى إلى"
والقهوة السادة مستنياك مع أصحابك اللى علاقتهم انتهت بالفراق وبيحكوا ليه انتهت، وركز علشان اسطوانة "أم كلثوم" هتشتغل وهى بتقول :" وعرفت اعند، حتى الهجر قدرت عليه، شوف القسوة بتعمل ايه!" ..

[Amany Galada · Rating 3 out of 5]

ايه فايدة الحب لو بيحولنا لناس ملهاش هدف ؟
ايه فايدة الحب لو أختزل أحلامنا فى أحلام شخص تانى ؟
ايه فايدة الحب لو منعنا عن الحاجات اللى بنحبها ؟
ايه فايدة الحب لو حرمنا من الحرية والابداع ! 🌸

[Gamal soliman · Rating 2 out of 5]

الكتاب الذى يحاور فئه بعينها لا يعيش كثيرا
يعيب الكتاب عاميته وتكرار احداثه

[شـيـريـن · Rating 4 out of 5]

الخاتمة
من بين كل العلاقات ما شوفتش أصدق من علاقة الإنسان بنفسه !
المكسب والخسارة شئ وارد حتى في الأشخاص ، العوض أوقات يكون له دور في حياتنا ، لكن فيه خسارة واحدة حتى العوض يعجز قدامها ، خسارتك لنفسك مستحيل تتعوض مهما حصل ..
فسلاماً لأولئك ، أصحاب الخسارة الكارثية !!

خاتمة تستاهل الخمس النجوم لوحدها ، على أد ما هي كلمات صغيرة .. على أد ما عبرت صح ،
وأنا بقرأ الكتاب خمنت إن الكاتب دارس علم نفس قبل ما أقرأ دا ع الغلاف الخلفي ، لإنه وبكل أمانة داخل أوي جوا النفس الإنسانية بشكل رهيب ،
محمد طارق إحساسه عالي جداً ودي حاجة مفيهاش كلام ودا من زمان من أيام كتابة الأول جرعة نيكوتين ،
الكتاب رائع ومن الكتب القليلة اللي بتيجي في وقتها

[Aya Khaled · Rating 3 out of 5]

جمال الكتاب ده يكمن فى المواقف والحكايات المختلفه بين الاشخاص النفسيه والاجتماعيه اللى بيبدأ يعرضها محمد طارق عن العلاقات
وعجبنى انه كان بيجمع الحالات المتشابهه منها ويطلعلك بخلاصه أو حكمه فى نهايه كل حكايه أو موقف <3

العيوب :
- الاخطاء الاملائيه كتير
- اتكلم فى اخر فصل عن سيكولوجيه البنت بس وبدأ يصنفها وتجاهل الولد
- تحليله لأشخاص البنات مكنتش دقيق أوى واعتقد كان بيتكلم من وجهه نظره بس مش من وجهه نظر دراسه علميه أو سيكولوجيه واعتقد انه لا ينطبق على معظم البنات بنسبه ما خصوصا انه حصر تصنيفهم فى كام نوع اتكلم عليهم

المميزات :
- الحكايات مختصره خاليه من المط وبعدها تطلع بحكمه أو مفهوم يوضحلك بيه اللى عايز يقوله
- الكتاب عموما بيعيشك فى حاله حلوة مع كل موقف وحكايه بيحكيها واحساس محمد طارق عالى أوى وبيعرف يتكلم فى النفس البشريه بطريقه كويسه
- حجم الكتاب صغير 200 صفحه ، بسيط وحلو ومفيد بشكل ما

فى النهايه انا ممكن أصنف الكتاب ده على انه متواليه قصصيه مثلا !
وعايزة اكرر تجربتى تانى مع محمد طارق

[ضحى · Rating 4 out of 5]

#اسطوانة_مشروخة
مش ديستوفيسكي ولا ابراهيم الكوني، ولا حتى مكتوب بالفصحى.
خفيف بحكي عن العلاقات واصناف البشر على اختلاف طبائعهم وخصوصية العلاقات
فلسفي احيانا، بقعد يناقشك بكلمات اغنية سمعتها كتير ومافكرتش فيها هيك وكلمات بتحكي عن ناس بتعرفهم وبتتنبأ بتصرفاتهم
حكي بتسمعه وين مكان بس اعمق
مستغربين من حكيي بس الكتاب ابدا مش سخيف متل ما اي حد بفكر لما يسمع عن كتاب بالعامية
انا هيك كنت، بفكر
الكتاب دمه عسل باختصار.
#Storytel

[Hana ʚĭɞ · Rating 5 out of 5]

ممتع

[shams | · Rating 4 out of 5]

[Nayiera · Rating 1 out of 5]

كتاب موجه لفئة الأندرإيدچ.

[Samuel Nasser · Rating 2 out of 5]

اسم الكتاب : اسطوانة مشروخة
الكاتب : محمد طارق
عدد الصفحات : 206
التقييم : 2 / 5 ⭐⭐

حرفيا انا استاهل انضرب بالجزمة القديمة بسبب الكتب اللي بفتكرها تافهة وبقراها عشان افك عن نفسي وفالاخر بتزود اكتئابي مش بتقلله😅😅😌

انا قريت قبل كدا لمحمد طارق لا ينتهي البؤس وباريس لا تعرف الحب وكل الطرق لا تؤدي إلى روما... ورغم ان اللي اعرفهم قروا الكتب دي اشتكوا كلهم من جرعة الاكتئاب اللي صدرهالهم الكاتب.. لدرجة ان في حد الله يمسيه بالخير بعد م قرا لا ينتهي البؤس دخل فاكتئاب كام اسبوع كدا 😅😅
وعلى الرغم من كل ده وان اسلوب الكاتب في الروايات دي ادبيا كان قوي الا اني متأثرتش اوي بحوار ان الكتب كئيبة
والأغرب ان الكتاب ده خفيف اوي اوي بالنسبة للكتب اللي قلت عنهم فوق، والكتاب مكتوب اشبه بتنمية بشرية فكاهية وبلغة عامية وعبارة عن مواقف وحكايات الا ان كم الأذى النفسي اللي اتسربلي من الكتاب ده رهيب جدا
الكتاب ما هو الا بحر من المشاعر والحب والفراق والهجر والرجوع والاعتذار والفراق والكره والحب والفراق وكمان مرة الحب والفراق

كتاب عذاااااااااااب

طبعا مفيش مادة ادبية تتحلل لان الكتاب اشبه بقعدة قهوة مش كتاب ادبي😅😅

[mohd biblomania · Rating 3 out of 5]

دخلت أقرأ الكتاب على إنو رواية بناءً على قراءة سابقة وموفقة للكاتب لكن عرفت أنو كتاب علاقات إجتماعية, الكتاب حلو لكن بتمحور كله عن علاقات الحب بإيجابياتها وسلبياتها .
الكتاب لطيف ويهضم بكل سهولة ومواضيعه حلوة جداً مع أنها مهضومة كثير بالكتب
لو ركز على كم موضوع واستفاض فيهم حيكون أفضل
ونوعية الكتب هاي أحسن لو تكون مكتوبة بالفصحى بدل العامية

كتاب جميل

[Rewanaa Elbhgy · Rating 4 out of 5]

رائع جدا

[Abanop Adeep · Rating 3 out of 5]

كتاب جميل جدا
بيشرح مشاكل واقعيه كتير
كتاب خفيف وحلو وفايدته رهيبه

[Waad Elbakry · Rating 1 out of 5]

احب اعمال محمد طارق رغم أنها لا تصل إلي قمه اعجابي ، ولكن في هذا الكتاب بالذات لم استمتع بلغه ، ولم استفد بخبرات ، ولم اتذوق احداث حتي ولو لمجرد الاستمتاع..

[Alaa Magdy · Rating 5 out of 5]

بسييط و حلو

[Dara Mohamed · Rating 5 out of 5]

السؤال بقا
هل أنت عندك حاجة مش مبدع فيها ؟

[Tamtam Zaki · Rating 3 out of 5]

يتقري كذا مرة ما يتزهقش منه ، تعيش بيه حاجات نفسها تحصل لك و تتعلم ما تعملش حاجات عشان ما تندمش ، تكسب نفسك ، تعرف انت ازاي و هتلاقي نفسك في أي حكاية و تقول ياريت و تقول إن شاء الله، اتمنى و أحلم و اعرف انك تستحق تحب و تتحب مش كتير عليك ، مش مع الكاتب في حكايات العلاقات الغير رسمية و تتكتب كأننا مفتوحين أوي و كده .

[Marwa Ahmed · Rating 4 out of 5]

بداية أنا بحب أكثر الكتب المكتوبة باللغة العربية الفصحي و لكن بما إن الموضوع دردشة و الهدف منه مش أدبي قد ما الهدف منه كأنك قاعد ع القهوة فحلو جداً و مسلي إني اقراه
اهم حاجة فى اول فصل :
اللى بيحب شخص بيحبه بكل مميزاته و عيوبه ، بيعرف يغيره و يخليه أفضل و أحسن أو حتي بيخليه راضي عن نفسه
اللى عايزك بجد هيشوفك أفضل شخص فى الكون و لو كنت ألعن شخص فى عيون الناس (ممكن اضيف انا هنا و حتي في عين نفسك ) كلنا فينا عيوب
و الحب هو امل ناس كتير انها تتحسن و تبقي أفضل ..
الفصل الثاني :
استوقفتني جمل كتير الحقيقة :
" احنا بنتخانق عشان نفهم طباع بعض مش عشان نقسي على بعض ! "
خلافاتنا مالهاش علاقة بخوفي عليكي زعلان منك اه و لكن ابطل اخاف لا ! "
الفصل الثالث :
كالعادة استوقفتني عدة جمل مقتنعة بها منذ الطفولة
" فى بنات بتسكن القلب على طول و لو بقيتي مجرد جسم عجوز مش قادر يتحرك هفضل أحبك ، جمالك لازم يوم ينتهي لكن روحك اللى شدتني ليكِ عمرها ما هتنتهي "
الفصل الرابع :
الحب هو الحاجة الوحيدة اللى بتجمل و بتحلى أى حاجة فى الدنيا
الفصل 11:
الحب حياة يا صديقي .. فى هذا الفصل يحكي الكاتب قصة لسيدة يونانية ترفض مغادرة الاسكندرية و العودة مع اهلها من اجل البقاء مع زوجها الذي فضل المكوث فى الاسكندرية التي قضى عمره فيها و هي تقول انا عيشت معاه اكثر ما عيشت مع اهلى ثم تلقي بدرة القصة " الحب وطن و هو وطني " كم هذه العبارة جميلة فاينما يكون الحب يكون الوطن بالفعل !
الفصل 12:
الحاجة اللى بتحبها بتجيب لك 3 حاجات ، السعادة ، الرضا ، الرزق
الفصل 13:
حتي النخوة فى الخصام ، لو كان فى خلاف يبقي فى اخلاق و لما يبقي فى ود يبقي في رحمه و اهتمام مستمر مش طناش و مش فارق تتبهدل !
الفصل 14:
الحضن أضيق الميادين اتساعاً و هو المكان الوحيد اللي بيرجعك طفل !
الفصل 16:
استوقفتني طبعاً الجملة ده : " ايه فايدة الحب إذا كان اللى بيحبك مش فاهمك و لا عارف يحتويك و لا يحسسك بقيمتك " .. و سلط الضوء على : قيم الاحترام ، النخوة ، التفاهم ، الإحساس و الحياء
عامة أعجبني الجزء الأول من الكتاب أكثر من الجزء الثاني و سأذكر بعض الذي استوقفني فى الجزء الثاني :
الفصل السادس :
على لسان أحد الشخصيات اللى بيحكي عنها الكاتب فى نماذج الهجر :" من كثر ما سامحتك كرهت نفسي و كرهت حبي الضعيف ليك و كرهتك ! " ياااه قد ايه ممكن الحب ممكن يكون ضعف للإنسان
- ربنا ممكن يسامح فى حقه لو غلطت او قصرت فى حقه لكن مش ممكن بيسامح لو غلطت فى حق شخص من عباده إلا لو الشخص ده هو اللى سامحك الأول ..
الفصل التاسع :
القلب زي الوردة لو سقيتها زيادة عن اللزوم تموت و لو اهملتها بتموت برده ! .. القلب كذلك عبارة عن الشخص اللى بتحبه لو حبيته زيادة عن اللزوم هتموته و لو أهملته عن الحد هيسيبك ..

أسطوانة مشروحة :
"بدأت أحس إنه بيحبني شفقة مش أكثر ، ده إحساس ألعن من إنه يكرهني!"
"الحب بينور وشك مهما كانت ضغوطات الحياة، بيخليك مبتسم غصب عنك حتي لو في حالة حزن، لما بتتكلم عن الشخص اللي في حياتك عينيك بتلمع لوحدها ، بتضحك بشكل تلقائي و روحك بتحسها بترفرف في السما من السعادة."
في مقالة تانية إقتباس " أفتكر إن اللي حبتي و انا مكتئبة و تعبانة يستحق الحب عن اللي حبني و انا حياتي طبيعية ، أنا متأكدة إن الحب التاني ده أصدق حب."
في مقالة آخري يطرح الكاتب سؤال مهم" ايه فائدة الحب لو بيحولنا لناس مالهاش هدف و ايه فايدته لو بيحوله لو أختزل أحلامنا في أحلام شخص تاني؟ و ايه فايدته لو منعنا عن الحاجات اللي بنحبها؟ و ايه فايدته لو حرمنا من الحرية و الإبداع؟
في فصل الشخصيات اللي بيوصف فيها أنواع البنات ما بين البنت المزاجية و المثقفة و القارئة و العنيدة... أرفع له القبعة بجد و اقوله عرفت ازاي؟ 😁😄
تقييمي للكتاب بشكل عام ٤ نجوم و ده بداية لتعرفي بالكاتب يا تري الباقي كده؟
خاتمة الكتاب جميلة حين يقول الكاتب... (إن أصدق العلاقات هي علاقة الإنسان بنفسة و أن أكبر خسارة هي خسارته لها فسلاماً لمن خسروا هذه الخسارة الكارثية)
أضيف فعلاً إذا فقدت بوصلتك و نفسك.. كيف السبيل إلا بيد الله
و إذا ضللت و ملك الضياع روحك... فبما يفيد أي شيئ في هذه الحياة؟

[Hamza El-Kady · Rating 3 out of 5]

هو اجمالا كتاب لذيذ و خفيف يعتبر فاصل صغير كدا بين كتب تقيله شويتين
بس مع ذلك فيه دراسه تحليليه بسيطه جدا باللغه العاميه للعلاقات الاجتماعيه في العصر الحالي
مع دراسه صغيره خالص سريعه للفتيات المصريه بوجه عام
الممل فالكتاب شويتين بس هو كميه المواقف الخرافيه اللي تم ذكرها و اللي حصلت كلها تقريبا يا اما مع الكاتب او مع حد صاحبه دا اداني احساس ان الكاتب حياته كلها تتلخص في الحب و العلاقات العاطفيه او الاجتماعيه و دا صعب جدا ان فكر حد ينصب بالكامل علي محور واحد فقط في حياته
لكن مع ذلك كان في كذا موقف عجبوني جدا جدا جدا لكن كان المفروض المواقف دي منها كتير يتحذف خالص بسبب التكرار و دا أدي لتكرار الافكار شويه صغيرين
عامه كانت تجربه اولي مع محمد طارق لكني استفدت منه الصراحه
3 نجوم هو التقييم النهائي
بالتوفيق

[Lubna · Rating 4 out of 5]

يتناول سيكولوجيات مختلفة ،في حواديت كتير عن ناس كتير باختلاف الاعمار و الازمنة، عجابني جدآ.