Eindspel

by Wilna Adriaanse

Ellie gewaar hulle in die truspieëltjie langs die orrel, die oomblik toe hulle die kerk binnekom. Sy herken hulle sonder dat sy hulle al ooit gesien het. ’n Oomblik lank is dit asof haar lyf ontspan. Onbewustelik het sy dalk tog verwag dat iemand haar in ’n stadium sal kom soek. Sy kyk hoe albei jong mans hul sonbrille teen hul voorkoppe opskuif, rondkyk en dan in die agterste bank gaan sit. Die dag toe Ellie McKenna haar huis in die Kaap verhuur het, haar motor gepak en begin ry het, het sy nie ’n plan gehad nie. Al wat sy geweet het, is dat sy eers moet wegkom. Sedert die aand toe haar pa by ’n padblokkade doodgeskiet is, was daar nog nie tyd om terug te staan en behoorlik oor alles te dink nie. Daar was werk om te doen. Sy wou aanvanklik uit die polisiediens bedank, maar op die ou end het sy ingewillig om eers net vir ses maande met mediese verlof te gaan. Nou is dit amper vyf maande later en sy stel die besluit daagliks uit. Sy hou van haar nuwe lewe op die platteland; die huis wat sy op die plaas huur, pas haar. Sy het ’n leidam waarin sy swem en twee groot bome waar sy ’n hangmat gespan het. Sommige aande help sy in een van die plaaslike kuierplekke en nou en dan tel sy haar kitaar op en sing laataand vir die vasbyters. Tot haar eie verbasing help sy ook nog sommer hier en daar op ’n Sondag uit as die kerk se orrelis nie kan speel nie. Daar is ’n verleidelike eenvoud aan haar lewe hier agter die Langeberge. Sy vul haar dae en die meeste aande met alledaagse dinge. Dis net wanneer sy nie kan slaap nie dat sy in die spaarkamer gaan sit, daar waar haar kaarte, diagramme en lyste teen die mure opgeplak is. Van name, datums, verbintenisse. Êrens in die web is die naam van haar pa se moordenaar. Sy moet net hard genoeg soek. Dit is die enigste kontak wat sy met haar vorige wêreld het. Die lyste en die rugsak met klere wat sy in die ou murasie weggesteek het. Sy is nie seker waarom sy dit gedoen het nie, maar sy weet sy het daarna effe rustiger geslaap. Terwyl sy hulle in die truspieëltjie langs die orrel dophou, weet sy dit was vir hierdie dag. En sy weet ook sy sal moet gaan uitvind wie haar soek, en waarom.

Genres: Fiction

398 pages, Kindle Edition

First published March 3, 2017

About the author

Wilna Adriaanse is op 19 Maart 1958 in die Kalahari gebore. Sy het op Worcester grootgeword en matrikuleer in 1976 aan Hoërskool Worcester. Sy verwerf daarna ’n BA en BA honneursgraad in Ontwikkelingsadministrasie aan die Universiteit van Stellenbosch. Sy is in 1981 met Deon Adriaanse getroud. Hulle het vir drie en ’n half jaar in Giyani (Limpopo) gewoon voordat hulle weer in 1985 hulself in die Kaap gevestig het. Sy verdeel tans haar tyd tussen Botswana en die Boland. Haar eerste boek, Die wingerd sal weer bot, verskyn in 2000 by Lapa-uitgewers onder die skrywersnaam Wilmine Burger. Haar bekendste boeke is Rebecca (2004), Met ander woorde (2006), Die boek van Ester (2008), Vier seisoene kind (2010) en Dubbelspel (2014). Sy het haar MA-graad in skeppende skryfwerk aan die Universiteit van Kaapstad voltooi, en daaruit spruit haar roman 'n Klein lewe (2012). Sy verdeel tans haar tyd tussen Botswana en die Boland,

Het jy geweet?

Sy het om middernag op 31 Desember 1999 (in die Switserse Alpe) besluit om skryf haar Nuwejaarsvoorneme te maak. Sy het in 2000 begin skryf en haar eerste boek het in 2001 verskyn.

Reviews

[Marnie (Enchanted Bibliophile) · Rating 4 out of 5]

”In hierdie job leer jy gou hoeveel variasies van die waarheid daar kan wees.”



Spanningsvol, op-die-punt-van-jou-stoel, bladsydraaier.

Met Dubbelspel het ek ondervind dat die storie bietjie stadig begin het, maar Eindspel was aksie belaai van begin tot einde. Ek het duur hom gevlieg, ek kon net nie genoeg van Nick en Ellie kry nie. Ek het tot heeltemal te laat in die aand gelê en lees, net omdat ek moes weet wat volgende gaan gebeur.

[Margitte · Rating 5 out of 5]

Ek is finaal 'n Wilna Adriaanse-waaier. Eindspel is die opvolg van Dubbelspel, en het my by die voordeur in en teen die trappe af tot diep in die intrige, aksie, en spanningsvolle drama van die storie geforseer. Die gevolg is nog 'n dag en nag met min slaap agter die blad. Wat 'n ongelooflike opwindende aksiebelaaide ervaring was nie dit nie!

Net toe ek dink hier kom nou uiteindeik rus en vrede, is daar 'n klop aan 'n deur, en my asem slaan blitsnel weg in 'n waas van opgewonde lekkerkry met die einde.

Kom ons stel dit só: die skryfster het 'n hart. By die laaste punt los sy die karakters en die lesers 'n handvol genade en blymoedige hoop. Mag 'n mens versigtig vermoed dat dit 'geluk' spel?

Briljant!

Geseënde Kersfees!

[Madri · Rating 5 out of 5]

Eindspel is louter leesplesier - nog beter as sy voorganger, Dubbelspel. Ek was van meet af geboei en tot aan die einde onseker oor die wie en waarom. Ek kon eenvoudig nie die boek neersit nie. Wilna Adriaanse se karakters is so méns dat jy jou gereeld vang wonder hoe dit met hulle gaan, wat van hulle geword het. Ek wil asb. weer vir Brenda, Lucky, Ellie en Nick in 'n boek sien. En Jansen. Bring asb. ook vir Jansen saam terug. Dit sal 'n verlies wees as hierdie klompie mense stil raak in die boekwêreld.

[Julia · Rating 4 out of 5]

hierdie is die opvolgboek van die eerste boek. ek het dit net so geniet soos die vorige een. die karakters word so goed beskryf, ek kan hulle voor my sien, in detail.

die storie is geloofwaardig en dis die een groot ding wat ek daarvan gehou het. ek hoop daar kom nog sulke tipe boeke uit hierdie skrywer se pen.

[Anne-Marie · Rating 4 out of 5]

Wilna Adriaanse se karakters van Dubbelspel en Eindspel gaan nog lank saam met my loop. Ellie, Nick, Happy, Brenda, Clive, Clara. Selfs Nazeem Williams. Onwillekeurig het ek empatie met hom en sy mense en sy dinge gehad. Die dice is geskommel en vir sommige het dit anders geval. Ek hoop vorentoe loop ons hierdie karakters weer raak. Hulle mag nie vir altyd net weg wees nie.

[Heidi de Goede · Rating 4 out of 5]

Nee, nee, nee! Hier kort 'n derde boek.

[Etienne Lombard · Rating 5 out of 5]

Ek het heerlik gelees daaraan.

[Lizanne Pitt · Rating 5 out of 5]

Ek geniet altyd Wilna Adriaanse se boeke - word elke keer meegevoer met die karakters. Raak eintlik te betrokke, want sodra die boek klaar is voel Ek asof ek n vriend verloor. Ellie en Nick is fantasties goed beskryf en Ek is mal oor die onvoorspelbaarheid van die stories.

[Antonio Cantoni · Rating 5 out of 5]

'n Gepaste einde aan 'n baie goeie reeks!!!

[Anna Bester · Rating 4 out of 5]

Ek is dankbaar dat ek nie moes om hierdie reeks klaar te lees nie, dit was spanningsvol met ‘n goeie kinkel aan die einde wat ek glad nie sien kom het nie

[Jandre · Rating 5 out of 5]

'n Beter opvolg vir Dubbelspel kon daar nie wees nie!

Die verhaal sluit vlot aan by vorige gebeure en laat die vrae en spanning reeds vanaf die eerste bladsy opduik. Intrige en topklas speurwerk is konstant aan die gebeur,terwyl 'n paar sagter en dieper oomblike ook gewaar word tussen sekere karakters.

Die verhaal word perfek afgesluit met beantwoorde vrae en beloofde moontlikhede.

Baie dankie Wilna Adriaanse vir jou fantastiese storie!

[Lesley · Rating 3 out of 5]

Well written, gripping story

[Elizabeth Coetzee · Rating 1 out of 5]

I can't believe this is the same author that wrote the three Omnibuses . I was shocked by the language used in this book.

[Jacoleen · Rating 4 out of 5]

Baie geniet Goed geskryf Lekker draaie en intriges Interessante karakters Was mal oor daardie laaste 2 sinne hoe die boek geeindig het