نبى رهن الاعتقال

by أحمد شوقي مبارك

لا أحد يعلم له سناً محدداً، ولا دولة أقرت بإنتسابه إليها، ظهر للمرة الأولى فى سوريا الجنوبية داعياً إلى الله والتوحيدمع الشمالية، ذاع صيته فى كافة الأنحاء وانقسمت الآراء حوله بين مختل متأثر بالطوفان الجديد، وبين مرسل من إله الأديان لتوحيد الجيش ومحاربة ثورة العالم.

Paperback

Published January 27, 201

Reviews

[Amany Bahnasy · Rating 5 out of 5]

أول تجاربى فى القراءة لاحمد شوقى
المفروض اديها 4 نجوم ونص ولان مافيش الاختيار ده فهإديها 5 نجوم عشان 4 قليل عليها
الرواية هايلة فى أفكار كتير جميلة
الكاتب ماسك خيوط روايته كويس مش زى بعض الكتاب اللى يبدأو بفكرة هايلة بعدين يتزنقوا وما يعرفوش يلموا الموضوع يقوموا تحفينا بنهاية غريبة عجيبة كده
غير مفهومة
وخصوصا النهاية تنفع تقفل بيها القصة وتملى كل الفراغات وتنفع برضو يتعمل ليها تتمة بأجزاء تانية
وفى نفس الوقت ما ينفعش يتقال عليها نهاية مفتوحة
كتير من الأسماء فى الرواية مميزة جداً
للوهلة الأولى وأول خمسين صفحة مثلا هاتشبه على الرواية وتفتكرها رايحة لسكة سبق واتناقشت فى روايات تانية خصوصا أجنبية
لكن خلال الاحداث هتتفاجئ كتير
وهاتطلع بيك بره اى توقعات
طبعاً العنوان لوحده حكاية
كل شوية هاتبقى مستنى تشوف الكاتب سرحت منه فين وازاى
بس طمن مش هتلاقيها سرحان خالص
النص نجمة رايح فى مشهد وسطرين مالهومش أى لازمة ولاخدموا أحداث القصة فى أى حاجة
للحق حسيت ان الكاتب حاططهم تماشيا مع النزعة السائدة فى كتابات الشباب اليومين دول
شكرا للمؤلف فى انتظار المزيد من ابداعاتك
وادخل كده على الثلاثية بقلب جامد

[Ali · Rating 5 out of 5]

نبى رهن الاعتقال
هى رابع رواية اقراها ل أ/احمد شوقى بعد ثلاثية جسام
بصراحة الكاتب تفوق ع نفسه فى الرواية دى وفى رأى هى افضل من الثلاثية الكاتب تطور بشكل ملفت فى كل حاجة
الرواية كفكرة عبقرية فى سرد افضل من الروايات اللى فاتت بنفس اسلوبه البسيط اسم الرواية مستفز جدا وهو اول شئ خلانى اقراها كنت اعتقد انها اقل من الثلاثية لكن فى راى دى افضل بكتير وفى النهاية اتمنى للكاتب التوفيق فى اللى جاى

[Noura Abdelfattah · Rating 3 out of 5]

راية مثيرة الحقيقة من مميزاتها ان الكاتب قدر يرتب الاحداث وفضل ماسك خط الرواية للأخر ويصعد الاحداث ودى موهبة تحسبله
مشكلتى مع النهاية ودى اللى هتقلل التقييم معايا لأنى ماقدرتش اعتبرها نهاية مفتوحة فين الهدف اللى حققته ولا اقدر اعتبر فى جزء تانى اصل هنعمل فيه ايه هنؤمن ؟ هتبقى رواية عادية .. فليه النهاية كده؟

[Ayman Mahmoud · Rating 5 out of 5]

بعد ثلاثيه كش ملك المفاجئة . مفاجئه لانها بدايه كاتب يثبت انه كاتب . كاتب عبقرى ومتفرد بالفعل . نبى رهن الإعتقال تثبت بالفعل ان الكاتب على مستوى راق ورائع وعبقري . اسلوب سرد محترف جدااا وتصوير رائع للأحداث وكأنك تسمع حوافر الجياد وصليل السيوف . الفكره جديده ومتميزه جدا . انصح بقرائتها جدا ولن أغوص فى الأحداث حتى لا احرق الأحداث لمن لم يقرأها . تحياتى للكاتب المبدع وشكرا على العمل الرائع