10 հայ ականավոր թագուհիներ

by Artak Movsisyan, Արտակ Մովսիսյան

Ծանոթացեք այն թագուհիներին, որոնք առանձնացել են ժամանակակիցներից և զգալի հետք են թողել հայոց պատմության մեջ:

Գրքում ներկայացված տասը հայ ականավոր թագուհիներն ընտրված են տարբեր դարաշրջաններից: Ընտրվել են այնպիսի գործիչներ, ովքեր իրենց բնորոշ գծերով առանձնացել են ոչ միայն ժամանակակիցներից, այլև զգալի հետք են թողել մեր ողջ պատմության մեջ:
Նյութը շարադրված է գիտահանրամատչելի լեզվով: Որպեսզի ընթերցողը հեշտությամբ կարողանա մանրամասներ գտնել ներկայացված ականավոր թագուհիների մասին, յուրաքանչյուր ակնարկից հետո նշված են հիմնական աղբյուրներն ու ուսումնասիրությունները:

104 pages, Hardcover

First published January 1, 2014

Reviews

[Zabelle · Rating 4 out of 5]

Սուրճի սեղանի գիրք իր մեծ չափով, եւ գեղեցիկ նկարներով։ Հեղինակը լաւ ուսումնասիրած է հայոց թագուհիներու պատմութիւնը եւ առանձին ուշադրութեամբ ներկայացուցած անոնցմէ տասը։
Գնահատելի աշխատանք է եւ անպայման քանի մը նոր տեղեկութիւն կարելի է քաղել եթէ նոյնիսկ քաջածանօթ ես պատմութեան։ Օրինակ, Բագրատունի թագաւոր մը ամուսնացած է իր քրոջ աղջկան հետ ... եւ կամ Կիլիկիոյ թագուհիներէն մէկը ունեցած է տասնըհինգ երեխայ։
Անշուշտ տաս թագուհի առանձնացնելով կարելի չէ թէզ պաշտպանել, որովհետեւ ուրիշ մէկն ալ կրնայ տարբեր տասը առանձնացնել եւ հակառակ թէզը եւ կամ այլ բան պաշտպանել։
Յամենայնդէպս գնահատելի աշխատանք է։

[Stella · Rating 4 out of 5]

Ցավոք մեր բազմադարյա պատմության ընթացքում հայոց թագուհիների մասին շատ քիչ հավաստի տեղեկություններ են պահպանվել։ Մեծ մասամբ նրանք չեն էլ հիշատակվել պատմիչների կողմից, շատերի անունները նույնիսկ հայտնի չեն։ Այս առումով գովելի է հեղինակի աշխատանքը, քանի որ նա փորձել է մի տեղ հավաքել և հայրենասիրական ոգով ներկայացնել այն հայոց թագուհիներին, որոնց մասին կան հստակ տեղեկություններ։ Գիրքը ունի շատ գեղեցիկ ձևավորում, պատկերազարդ է, հաճելի է թերթել, թեև չափսով մեծ է, սակայն գրվածի ծավալը այդքան մեծ չէ։ Այսինքն գիրքը կազմված է հեղինակի շարադրանքից, նկարներից և պատմական աղբյուրներից արված մեջբերումներից։ Արժի կարդալ և մի փոքր ավել տեղեկություններ քաղել մեր պատմատան անցյալից, քանի որ այն իր անտացոլանքն ունի նաև ներկայում։ Ինձ հատկապես հետաքրքիր էր կարդալ Զարուհի, Կատրանիդե, Շահանդուխտ և Կեռան (Աննա) թագուհիների մասին։

[Hayk Kiseblyan]

Արտակ Մովսիսյանի հստակ ու հասկանալի գրված գրքերից մեկը, ամենակարևորների մասին, որ պետք է իմանանք․․․