Арамиско гнездо

by Ѓорѓи Абаџиев

Романот „Арамиско гнездо“ е само дел од тоа мрачно минато на македонскиот народ. Грабежите, убиствата и насилствата се присутни и во секојдневието и во свеста на човекот. И покрај притисокот што се вршеше врз населението, често се јавуваа поединци и групи кои им одмаздуваа со иста мера на насилниците и богатите, не исклучувајќи ги и оние кои покорно му слугуваа на османлизмот, штитејќи ги неговите и сопствените интереси. Тие луѓе што се појавуваа беа единствените заштитници на народот. Во романот „Арамиско гнездо“ е опфатен еден од тие настани во кои доаѓаа до израз непријателствата меѓу поробените и насилниците.

213 pages, Paperback

First published January 1, 1954

About the author

Уште како дете со неговите родители, за време на Првата балканска војна, се преселил во Горна Џумаја (Благоевград). Таму завршил основно образование и гимназија. Студирал на Правниот факултет во Софија каде што зел активно учество во организациите на прогресивната македонска емиграција во Бугарија. Бил еден од основачите на Македонскиот литературен кружок (1938-1941) и член на Македонскиот литературен кружок „Никола Вапцаров“ во Софија (1946-1947). Бил уредник на весникот „Македонско знаме“ (1945-1947). По враќањето во Македонија, во 1948 година, развива плодна дејност како писател, публицист и историчар. Работел во Институтот за национална историја во Скопје и бил негов директор. Член на Друштвото на писателите на Македонија од 1949 година.
За својата литературна работа добил повеќе награди и признанија. Добитник е на наградите за проза на НР Македонија и „11 Октомври“.
Сценариото за филмот „Мис Стон“ (1958) е неговиот прв чекор во филмската уметност.