Палескiя рабiнзоны. Сын вады

by Янка Маўр

Янку Маўра, які найперш пісаў для юных чытачоў, можна лічыць у беларускай літаратуры заснавальнікам прыгодніцкага жанру. Самая папулярная аповесць Маўра «Палескія рабінзоны» напісана ў найлепшых традыцыях раманаў Жуля Верна або Даніэля Дэфо. У кнігу таксама ўвайшла аповесць «Сын вады».

336 pages, Paperback

Published January 1, 2015

About the author

Янка Маўр (Іван Міхайлавіч Фёдараў) — беларускі пісьменнік, аўтар апавяданняў, аповесцяў і раманаў для дзяцей і моладзі.

Адзін з заснавальнікаў беларускай дзіцячай літаратуры, заснавальнік прыгодніцкага і навукова-пазнавальнага жанраў у беларускай літаратуры, стваральнік першай беларускай навукова-фантастычнай аповесці. Аўтар кніг для дзяцей, п'ес, перакладаў.

Reviews

[Irina Demidova · Rating 4 out of 5]

У кнізе два апавядання, якія досыць розныя. Але я з задаваленням прачытала абодзьва.

Палескія рабінзоны, канешне, трэба чытаць у юнацтве. Прыгоды, прырода, выжыванне ў складаных умовах. Цяжка мне даліся забойства жывёл, але аўтар цікава падкрэслівае розніцу між неабходным забойствам, каб выжыць самому, і забойствам дзеля карысці ці вяселля. Я вельмі захапілася і з нецярплівасцю чакала, як скончыцца аповед. Канешне, галоўны вывад, што няма ў свеце нікога больш страшнага і небяспечнага, чым чалавек. Для мяне ў апавяданні было крыху занадта “савецкага” і “правільнага”, не хапала трохі месца, каб зрабіць свае вывады, усё аўтар разжоўвае. Але для юнакоў, можа так і трэба.

Сын Вады. Вельмі нечаканая для мяне тэма і стыль. Даведалася пра фуіджынцаў, як яны жывуць каля Вогненнай зямлі. Іх быт, адносіны, смакі. І ўсё гэта было параўнована з цывілізованным жыццем. Але ці трэба было імкнуцца да белага чалавека. Што ёсць сапраўднае шчасце? А што такое дабрата і справядлівасць? Бацькі заўсёды застаюцца бацькамі, не важны ці тя дзікар, ці цывілізаваны чалавек. Але больш за ўсё мне спадабалася тое, як можна глядзець з павагай і дабратой на іншага, і як “цывілізацыя” робіць з чалавека пагардлівага да іншых, не прызвычаеннага да цяжкіх умоў, і разлічваючага на дапамогу і грошы. Але ці грошы з’яўляюцца багаццем? Ці неаб’ятны марскі абшар? Ці можа спакойнае неба, ці ўпэўненнасць, што заўсёды ты можаш разлічваць на сябе самога. 5 з 5! Вельмі раю! Спадабалася!