أحببتها في انتقامي

by عليا حمدي

رواية رومانسية دارمية

Genres: Romance, Romantic

1655 pages, ebook

Reviews

[Salooma · Rating 2 out of 5]

طيب انا حتعامل فى تعليقى على الرواية دى انها لكاتبة اكيد مبتدئة وانو دى اول رواية ليها ودة الواضح جدا بعد قرائتها.
انا ميالة اكتر انو دة يبقى مسلسل مش روايا. لطيفة مش بطالة كبداية
ندخل شوية فى الاحداث فى الاول حسيت انها تافهة اووى بس قولت اديها فرصة واكمل قراية للاخر.

الموضوع فى اوفر كتير بالنسبة لكمية العياط اللى مش مبررة فى اوقات كتير ومش موجودة فى الواقع خالص على اسباب تافة جدا.

بردوا موضوع عصبية الرجالة اللى فى الرواية وانهم بيغلطوا كتير بكلام مش لطيف فى البنات اللى فى الروايا والبنات بتسكت معظم الوقت وعادى، هطل يعنى.

ثالثا كمية الضرب اللى بردوا مبالغ فيها والاوفر فى شخصية ادم فى تعاملوا مع كل من بيقرب من مراته دى كمان خيالية بطريقة مستفزة.

موقف الابين لما كدبوا على ولادهم انهم عايزين يجوزوهم لبعض فراحوا عملين حتة الانتقام دى بصراحة فيها وطينة جامدة لانهم كان ممكن بعد كتب الكتاب يوضحوا لادم انو الموضوع تمثيلية ومفيش حاجة تستدعى لانتقام خالص بس هما طبعا معملوش كدة ودة مش واقعى خالص لانو مفيش اهل حيرضوا لبنتهم تتعذب كدة غير لو هما مش باقيين عليها.

كمية الشخصيات اللى فى الرواية من وجهة نظر الكاتبة فى اعتقادى انها بكدة بتدخل احداث كتير تخليها تكتب براحتها عن كل شخصية بس دة محصلش لانو تركزها الاكبر كان على ادم ويارا
من الاخر مسلسل مش حقول عربى لانو المسلسلات العربى دلوقتى اتحسنت عن زمان شوية بس اقدر اقول انو هندى بكمية الاوفر اللى فى.

وموضوع انو الناس اللى بتتجوز فى شهر او لسة عارفين بعض فى اسبوع يعنى الخيال وسع حبتين تلاتة اربعة كمان
وكلو لازم يحب كلو وكلو لازم يتجوز اللى بيحبوا
بس خلينا نقول بردوا انو اجمالا مش بطالة بس مكنتش تستدعى تبقى 1655 صفحة خالص كنا ممكن لمينا الليلة فى 500 صفحة بس بكتيرها بس خلينى اقول مدام مشيناها مسلسل ماشى عدد الصفحات ممكن نتغاضى عنه.
تناسب اووى ناس فى ثانوى يقروها او اولى كلية بالكتير انما بعد السن دة القارء مش كلو حيحب النوع دة من الروايات
الكاتبة محتاجة تقرأ كتير وتثقف نفسها وتخرج للشارع وتتعامل بواقعية اكتر فى كتابة رواياتها واعتقد انها حتقدر لو ركزت شوية

[Marwa Magdy · Rating 3 out of 5]

قصة جميلة رغم انها طويلة وحالات حبها كتيرة وتلخبط
وقريبة من المسلسلات الهندي بس بردو رواية حلوة وتغير الموود جدا وطبعا الأخطاء اللغوية كارثية
سؤال بس مهم جدا للكاتبة
مين قال ان سنة الفجر بتتصلى قبل الاذان؟؟؟؟

[Somayya Tabsho · Rating 1 out of 5]

فيلم هندي
فيه رسالة ومغزى وصلني
ف متشكرة الكاتبة عهالشغلة
اما باقي جوانب الرواية
لا داعي لنقاشها احتراماً لمشاعر الكاتبة
أتمنى أن أرى الانتاج القادم بمستوى أفضل

[عفاف الشاذلي · Rating 3 out of 5]

القصة نوعا ما جميلة
لكن الأخطاء اللغوية كثيرة بشكل فج
وأسلوب العرض يحتاج للكثير جدا
جمال القصة ضاع بين أخطاءها اللغوية وأسلوب النصح المباشر الخاص أكثر بالأطفال وليس بأشخاص بالغين

[Ana · Rating 1 out of 5]

قرأت 130 صفحة ومقدرتش أكملها
الرواية أوفر جدا وحسيت انها مسلسل هندى

[Meroo Harb · Rating 2 out of 5]

مع احترامي للكاتبة الرواية فيها حاجات كتييير مش منطقية ومبالغ فيها جدا حتى من الناحية الدينية مع انك تجاهلتى اللى عمله ادم فى مراته من يوم جوازهم وظلمه البين ليها والقسوة الغير مبررة (سبب الانتقام غير مقنع بالمرة ) وماتكلمتيش عن غضب ربنا منه إلا أنك ركزتى على غضب ربنا من البطلة لو سبيته ينام زعلان .دة طبعا غير عدم المنطقية فى بداية الرواية انها تتحمل تعيش لوحدها وتستناه ٥ شهور بعد اللى عمله علشان حبيته اسبوعين .الشخصية ماليانا تناقضات بطريقة مش طبيعية. طريقة النصح مناسبة للأطفال اكتر

[Doaa ✨]

رواية اكثر من رائعة ✨♥️ ليس هناك من الكلمات يليق بجماليتها...

[Sondos Fawzy · Rating 1 out of 5]

طيب انا عارفة كلامي ممكن يكون محبط جدا للكاتبة .. الكتابة موهبة وكتابة الروايات تشمل تأأيف كويس وقوي للاحداث و الاسباب وبناء قوي وواقعي
للشخصيات مش المثالية الي مش طبيعية الي الكاتبة حطاها في شخصية البطلة من وجهة نظرها دا مش صح ومش واقعي وتتضمن معلومات صحيحة ولغة قوية
اللغة و المعلومات ممكن الكاتبة تعالجهم ادام ... لكن انا شايفة انها مفتقرة تماما للموهبة الصراحة
اه الرواية مسلية لكن هي مسلسل تركي من الي بيضيعوا الوقت ويبوظوا الدماغ .. اه فيه فئة من الناس هتحب النوع دا لكن اعتقد انهم المراهقين والي نتيجتها عليهم ان دماغهم هتبوظ من الاوفرة و الوضع الشبه المثالي الي الكاتبة حطاها في قصص حبهم
رأيي ان الكاتبة تدور على مجال تاني تكتشف نفسها فيه
لان مفيش اي موهبة لا في بناء الشخصيات ولا الحجج ولا قدرة على التأليف
أعتقد لو حد قارئ من زمان هيبقا سهل يميز بين الكاتب المبتدئ الي عنده امور ممكن تتعالج ويتحسن فعلا الموهوب فعلا من الي لا
الرواية تكون واقعية والابطال واقعيين وشبهنا وبيغلطوا مش مثاليين
أعتذر لو كلامي كان محبط لكن حقيقي مجال الكتابة مش للكاتبة خالص

[Shimaa Hosny · Rating 2 out of 5]

الرواية أشبه بفيلم او مسلسل هندى اذا حقآ لم تكن مستلهمة كاملة من مسلسل مع تغيير الاسماء والمكان ،لكن احداثها فعلا ممتعة بالسرد لانه بيحاكى جزء من المشاهدة لكن اربكنى جدا استخدام العامية وبعدين الفصحى مع الاخطاء اللغوية مش عارفة لو ده الكتاب الاول فأتمنى ان التالى يكون اكثر تدقيقآ وأمتع فى المحتوى والمضمون الرواية ممكن تشد فتايات فى سن المراهقة اكثر من الناضجين وبالرغم من ذلك لم أندم على قرأتها لان أكثر ما أعجبنى اللحظات الإيمانيةمسحوبة بالدعاء .. بالتوفيق فى الاعمال القادمة

[Black Magic · Rating 5 out of 5]

لا يسعني سوى أن أقول أنها رائعة
وأدعوا الله لك بالتوفيق حيث أن هذه الرواية بحجمها أنهيتها في ٥ أيام لم أكن أنام من جمالها لأقرأها
كانت سببا ولها الفضل في دخولي عالم القراءة
قرأت بعدها ١٤ كتاب في شهرين
حببتني في القراءة بشدة
كانت سببا في ازالة حالة الكآبة التي كنت أمر بها بسبب خلافات أسرية
ثاني شيء في حياتي بكيت وأنا أقرأه بعد القرآن
شكرا من القلب
ومن ينتقد أنها غير واقعية أو مبالغ فيها
أقول له أنه سطحي جدا
رواية تضاهي الروايات الرومانسية الدولية
ننتظر الرواية الثالثة على أحر من الجمر❤🖤❤

[ᗩᗰIᖇᗩ ˚ʚ♡ɞ˚ · Rating 1 out of 5]

مش لاقية حاجه اقولها بجد مبحبش انتقد وفي نفس الوقت مش بعرف ابدأ حاجه من غير ما اخلصها وبدي فرصة الا اني لما خلصتها اعدت كدا مش عارفة انا خلصت العك دا ازاي ..

- محبتش خالص فكرة الرواية ولا فكرة الانتقام اللي ملوش مبرر اصلا ولا يارا اللي جناحاها هيرفرف في وشي ولا ادم دا كمان اللي بيتعصب علي اي حاجه وموقف الاهالي حاجات كتير مش مظبوطة بجد في يمكن شوية احداث كويسه في النص بس الباقي عبث عبث

معجبتنيش خالص ،، لا تعليق بجد

[Rory · Rating 5 out of 5]

بجد حلوه جدا جدا جدا
احلى حاجه فيها معلومات وإرشادات كتيره اوى جميله توصلك باسلوب سهل وبسيط
من احلى الروايات اللى قريتها ؛ حسيتها طبيعيه ومش متكلفه
اعجبت بيها وبالنزعه الدينيه اللى فيها بسيطه ومش متشدده
احسنتى جدا
فى انتظار المزيد من الاعمال

[Adham · Rating 5 out of 5]

رغم طولها واني اقعد اقري فيها شهر تقريبا الا انها مشوقة جدا ازاي عليا حابت التفاصيل ديه كلها وازاي ربطتها بب��ض وازاي خلتنا فلكرين كل الشخصيات الاساسية والفرعية
تخلي مشاعرك غيظ اتجاه شخص و بعدها بشوية تحس العكس
رواية جميلة طويلة شوية بس واقعية جدا وهتخش فيها هتحس انك جوة الحكاية... شابو

[Alae Lillian · Rating 5 out of 5]

رواية جنونيه، تحس فيها و كأن الاحداث تنطبق عليك انصح بقراءتها لمحبي الروايات الرومانسية الدينية ⁦❤️⁩⁦❤️⁩⁦❤️⁩

[Sohila Omar · Rating 5 out of 5]

الرواية حلوة اوي برغم ان انا شايفاها مسلسل اكتر من رواية بس هي عموما حلوة ومش عارفة الكاتبة اختفت ليه

[Rana · Rating 5 out of 5]

جميلة استمري أحداثها كتير ومشهاهدها كتير بس بجد أبدعتي
شكرا ليكي لمجهودك وتعبك بجد فرحت لما قريتها

[Sam · Rating 4 out of 5]

الرواية حلوة وعدلت مزاجي لأني قرأتها في عز حزني، وبعد ما خلصتها حسيت بمشاعر غريبة ما بين حزن لأنها طويلة وحزن لأني وصلت للنهاية، وما بين فرح لأني قدرت أخلصها وما بين إشتياق وإحتياج لإني أعيدها تاني.

أنا فاكرة إني لما بدأت أقرأ روايات رومانسية وكنت محتارة ومش عارفة أقرأ أى فصاحبتي رشحتها ليا.

دى أول مرة أقرأ فيها لعليا حمدي ومش هتكون الأخيرة.

الرواية باينه من عنوانها لأن أحداثها بتدور حوالين أدم الشافعي اللي قرأ مذكرات أمه وعرف إنها كانت بتحب واحد غير والده قبل الجواز وإنه وعدها إنه يرجع لها، ولكنه موفاش بوعده، فقرر أدم الشافعي ينتقم من بنت الراجل دا ويعذبها، ولكنه حبها في إنتقامه، وفضل محتار ينفذ إنتقامه فيها، ولا يعيش معاها حياته وينسى الماضي، تتوقعوا أى اللى هيحصل؟ هيحبها ولا إنتقامه هيعميه؟

الرواية تصنيفها رومانسي، كوميدي، وبعض الغموض.

اللي عجبني في الرواية باقي الشخصيات وقد أى في حد ممكن يحب حد بالشكل دا، وكلام الكاتبة عن الالتزام في فترة الخطوبة والكلام دا كله زى ما حكت عن شخصية مريم وحازم.

اللى معجبنيش في الرواية هو إنها طوييييلة، وفيها بعض الأخطاء الإملائية.

بس لغة الكتاب حلوة ومفهومة ومعاصرة

وأسلوب الكاتبة كان سلس وفي تطور في الأحداث والأحداث كانت ماشية ورا بعضها ومش مملة ولا بطيئة، وكمان إستخدام الكاتبة لأسلوب ال Flashback عجبني لأن كدا الرواية بدأت بالحاضر علشان تشدني أعرف اللي حصل للشخصيات في الماضي وخلاهم كدا، وكمان عجبتني المحادثات اللى كانت بتدور ما بين قلب وعقل أدم.

الشخصيات كمان كانت مقنعة ومستقرة ومش بتفتعل تصرفاتها ولا حاجة، بالعكس دول كانوا عفويين جدا في تصرفاتهم فجذبني فيهم البساطة.

وفي النهاية أحب أقول إني إستمتعت بيها♥️✨️ على الرغم من طولها.

[Nada Mahmoud · Rating 2 out of 5]

فيها حاجات حلوة ولكنها اوفر في البعض

[Marina Mumdouh · Rating 5 out of 5]

روعة💜 لدرجة انها عازلتنى عن الدنيا اكتر ما انا معزولة 💜

[Farah Ahmed · Rating 4 out of 5]

من اجمل الروايات اللي قرأتها ف حياتي 💙
ممتعة جدا بجد 💙

[Maya Ahmed · Rating 1 out of 5]

رواية تافهه

[Siham Kandoussi · Rating 5 out of 5]

أعجبت بها كثيرا مع كل أحداثها وتعلمت أيضا أن لا يجب التسرع في قرارتي🤍🤍

[Yousef Hasan · Rating 2 out of 5]

تمطيييييييييييييييييييييييييييييييييييييييييط

[Kawther Sileem · Rating 1 out of 5]

عبثثثثث

[sir Salama · Rating 4 out of 5]

اوفر شويه بس جميل

[Aya Diab · Rating 5 out of 5]

رواية طويلة واحداثها كثيرة لكن رائعة بطريقة لا توصف

[Aya Khaled · Rating 5 out of 5]

حقا روايه اكثر من رائعه كنت عايشه جواها بكل تفاصيلها ومنفعله مع كل الاحداث بس تبقا مشكله بسيطه فيه اخطاء املائيه كتير ف الروايه بس بغض النظر فعلا روايه جميله احداثها مشوقه جداااا

[Hala · Rating 3 out of 5]

القصة عامة جميلة لكن أسلوب الكاتبة يحتاج إلى مزيد من التحسين
وحظ موفق للكاتبة