عشان ما تنضربش على قفاك .. !!

by عمر عفيفي

تعمل إيه في أي موقف يحصلك مع الشرطة؟

تعمل إيه لو كمين وقفك وعايزين ياخدوك تحرى ويفتشوك؟

تعمل إية لو ضابط أو أمين لفق لك تهمة وانت بريء؟

تعمل إيه لو عايزين يفتشوا بيتك بالعافية بدون إذن تفتيش. وشكله إيه إذن التفتيش؟

إزاي تشتكي ضابط أو أمين شرطة؟

تعمل إيه لو ضابط فتش مراتك أو بنتك تفتيش ذاتي؟

آه صحيح.. هوه يعني إيه تحري.. ويعني إيه كعب داير؟؟

عمر عفيفي

Genres: Politics, Nonfiction

231 pages, Paperback

First published January 1, 2008

About the author

عقيد سابق بالشرطة المصرية ،، وناشط حقوقي

Reviews

[Eddie B. · Rating 2 out of 5]

كتاب يتضمن بعض المعلومات التي كانت لها بعض الفائدة، يوما ما. من سخرية القدر المريرة أنني أنهيت قراءته يوم 6 أبريل!

[AHMED FAYEZ · Rating 3 out of 5]

عشان ماتنضربش على قفاك لازم تقرا الكتاب ده

[Marwa · Rating 4 out of 5]

ناس كتير بتقول ان الحاجات دى خلاص انتهت ومعدتش هتحصل بعد الثوره
لكن اكتشفت امبارح بس ان المواقف السيئه اللى بتعملها الشرطه فى المواطنين مازالت مستمره
وعلى فكره حتى معرفة الحقوق دى مش بتفرق لأن فى ابسط الأمور الظابط مش هيسمحلك انك تقوله ورينى الكارنيه حتى !!

ولكن المعرفه احسن من الجهل برده !

[عبدالله · Rating 3 out of 5]

قال لي صديقي الذي (شحتُ) منه الكتاب بأن الكتاب لم يعد له داعي أو معنى بعد الثورة المصرية ولكن في تقديري فالأمر على خلاف ذلك تماماً فقد أصبحت قيمته أكبر ، لأن معرفة القانون في ظل دولة القانون المدنية أكثر نفعاً من معرفته في ظل سلطة (شريعة الغاب) كتاب مهم لمعرفة الفرد بحقوقه القانونية وإن كانت ضمن النظام المصري فإن الأصول تتشابه .. لم يعجبني طرح موضوع بهذه الأهمية وهذه الحساسية بلغة الشارع المصرية ، وإن كان قصد المؤلف (ربما) أن يوجهه للبسطاء من الناس الذين قد يجهلوا حقوقهم

[Hossam Hossny · Rating 4 out of 5]

عشان ما تنضربش على قفاك كتالوج التعامل مع جهاز الشرطة
عمر عفيفي الكاتب عقيد شرطة سابق قرر قبل الثورة التنحي عن منصبه
بسبب ما وصفه بممارسات بعض افراد اجهزة الشرطة الغير قانونية والتي تتسم بالفساد
وتحول بعد ذلك الي ناشط حقوقي وعند قيام الثورة كان من اوائل الناس تأييداً لها وظهر مع ابرز الرموز
التي تصدرت المشهد الحقوقي وقتها زي وائل غنيم مثلاً
المهم
الكتاب باختصار هو ابسط كتالوج ممكن تلاقيه
للتعامل مع جهاز الشرطة بشكل عام والممارسات العنيفة أو الغير قانونية اللي ممكن
تتعرض ليها في حياتك كمواطن بشكل خاص
الكتاب لغته عامية بسيطة وموجه للمواطن العادي البسيط وده اللي بيميزه
4 نجوم

[Mohamed El Toukhy · Rating 2 out of 5]

التوقيف .. التحري .. التفتيش .. القبض .. التثبيت (آه والله) .. الضبط والاحضار .. طلب الاستدعاء للنيابة

صدق أو لا تصدق .. هذه المصطلحات أعلاه مختلفه في مفهومها القانوني ، ومن المؤكد أن المشرع المصري كان يختار المسميات بعناية شديدة حتى تتشابه كلها وتتداخل في ذهن المواطن مما يؤدي لجهل المواطن بحقوقه !

من الظلم طبعا الحكم على الكتاب أدبيا ، ولكن أنصح بقراءته عشان فعلا "ماتنضربش على قفاك" !

[Ahmed MubaraK · Rating 1 out of 5]

شغال بس صعب يطبق .. وكان بالنسبالي ممل

[Osama Naem · Rating 4 out of 5]

كتاب يوضح حقوقك وايه اللى المفروض تعملو فى حالة التعامل مع الشرطة ده على اساس ان هما بينفذو الاحكام يعنى

[Mohamed Nabil · Rating 5 out of 5]

قريت الكتاب ده قبل الثورة بكتييييييييييير
كنت مبهور جداً بعمر عفيفي الحقيقة !!! إييييييه دنيا

[Moamen Eltokhy · Rating 4 out of 5]

كتاب مميز ومفيد جداً حرى على كل مواطن مصرى قرائته لمعرفة حقوقه وواجباته تجاه جهاز الشرطةوالتصرف حيال المواقف الصعبة.

[Ahmad El-melegy · Rating 3 out of 5]

سبحان الله قرأت الكتاب ده قبل الثوره
و كانت عاجباني جدااااا شخصيه عمر عفيفي
و متابع ممتاز ليه
لكن بعد الثوره انهارت صورته تماما قدامي

[Mohamed Shaker · Rating 2 out of 5]

طبعا الكاتب هااارب بره أصال
بس خلينا في الكتاب اللي برضه ملوش لازمة في مصر عشان هنا لو قولت حقي اشوف كارنيه الضابط امك هتاخد شتيمة تكفيها لحد ما تمت
فاااكس

[Mahmoud · Rating 4 out of 5]

من اول الكتب اللى غيرت دماغى خالص
فيها معلومات عن القانون المصرى غريبة تحسسك انك فى دولة غير الدولة
احنا قانون الطوارئ ده مغير بلدنا جدا جدا جدا جدا جدا


لا للطوارئ

[Noura Abdelfattah · Rating 3 out of 5]

فعلا الكتاب مش ساخر ده جاد جدا بس حاجات كلها لازم نعرفها ونمارسها كمان

مش كمواطن بس لا وكظابط اللى المفروض يبقى عارفها بطبيعة شغله

اعتقد لو كانوا نفذوها من زمان ماكناش وصلنا لده

[Ezzeddin Nagy · Rating 2 out of 5]

كتاب مهم إنك كمصري تقراه عشان تنضرب على قفاك وإنت متنوّر

[Mohamed Salama · Rating 2 out of 5]

لا شك أن معرفة حقوقك شئ هام جدا
خاصة في ظل وجود جهاز شرطة بيتعمد خرق تلك الحقوق
طيب هل ح يفرق معاهم إنك عارف حقوقك ؟!
لا أظن
خاصة إن المحامين أعلم الناس بالقانون بيتم إنتهاك القانون بحقهم
الكتاب كويس نوعا ما
بس إسلوب السؤال والجواب في الكتاب كله خلاني أمل وأسيب الكتاب فترة وأرجعله
ممكن الكاتب كان ينوع بين الأساليب
ثانياً ماحبتش أبدا الجزء بتاع الدعارة والزنا
مش لأني رافض الناس تعرف حقوقها في الباب ده
بل لأني حسيت إن زي ما يكون إسلوب الكاتب مشجع على الفاحشة وبيسهلها

[Mohamed Atef · Rating 5 out of 5]

رائع

[Omar Khalid · Rating 5 out of 5]

انصح به خصوصاً لأي مواطن مصري لا يعلم القانون أو الإجراءات الجنائية.

[Ahmed Gomaa · Rating 1 out of 5]

ف الهجايص

[Emeel · Rating 4 out of 5]

من ساعة ما طلعوا الموبيل ابو كاميرا وفضح عمليات تعذيب كتير كانت بتحصل داخل الاقسام والحجز
وعشان كده الداخلية منعته
:التعذيب؟
: لا.... منعت اي حد يدخل الاقسام بالموبيل ابو كاميرا
ه


لكن الصراحة كتاب مفيد جدا ومهم وهتستفيد منه كتير غير ان اسلوب السؤال والجواب لخص حاجات كتير من غير لت ولا عجن
نصيحة...... لو عايز تستفيد منه اكتر اقراه مع حد زميل عشان تتناقشوا وتكتشفوا حاجات اكتر
الغريب اسم الكاتب اللي استغربت قوي لما عرفت انه اتضرب ع قفاه وهو دلوقتي خارج مصر " كم انتي عظيمة ي�� مصر"
يا جبروتك
اخيرا عايز اقول ملاحظة جديرة بالذكر عن الوضع بعد الثورة ... اسلوب اجهزة الداخلية وطريقتها ف التعامل مع الناس ومراعاة حقوقهم ما يخلتفش خالص عن قبل الثورة
وكل ثورة وانت بخير

[ahmed sami elwakeel · Rating 4 out of 5]

علشان تعرف حقك
"كل اللى نعرفه فى حياتنا تقريبا جمله واحده .." مش هتكلم الا فى وجود المحامى بتاعى
الكتاب موجهه للطبقه الراقيه او الرايقه مش للغلابه

انا تثبت مره الساعه 4 الفجر فى احد زخانيق القاهره
طلع بطاقتك ..طلعت وقولتله ياباشا انا دكتور وكنت بحتفل انى نجحت
ومشيت على كده
"كان ممكن يحجزنى .. "الحجز فى حد زاته ضرب على القفا

تخيل لو غلبان انضرب على قفاه عادى جدا
فكرك هيروح يجيب محامى او يروح لمفتش الداخليه ...
مفتش الداخليه الكلمه دى سمعتها مره واحده كان مسلسل خاتم سليمان
لان البطل شخصيه واصله ومش هفأ

[يوسف زهدى · Rating 4 out of 5]

كتاب بسيط ومفيد فحت, وكان مفيد أكتر قبل الثورة أيام ما كانت بلطجة الداخلية في عزها, الكتاب ببساطة بيقول تعمل ايه لما أمين الشرطة يقولك بطاقتك, واساسا الأمين ولا الضابط اللي يقولك كده :) ومين وامتى يفتشك ذاتي او عربيتك و كده :)

الكتاب بلغة بسيطة وعامية, الكاتب فاهم زخانيق الشرطة وفكر الضباط والأفراد ووساختهم وبـ التالي بيدي حلول ممتازة :)

عمرو عفيفي اتشهر بعديها و الكتاب ده خلي ناس كتير تسمع منه أيام الثورة والصراحة كان مفيد جدا في التعامل مع الأمن المركزي.

[Ramy · Rating 1 out of 5]

كتاب ولاا ليه اى 30 لازمة لانها اجراءات قانونية المفروض يتخذها الفرد ضد الجهات اللى المفترض انها قانونية و بتعمل معاها اجراءات لا قانونية ....كيف يطبق القانون على جهة المفروض انها تطبق القانون بينما هى تفعل اللا قانون ؟؟

[Esraa · Rating 3 out of 5]

يمكن قريت الكتاب ده من 3 سنين
وبصراحه كان هايل بالنسبه ليا
حد بيعرف لاول مره الاجراءات المتبعه فى اى حاجه بتحصل حواليه
وما ليه وما عليه
وعلى الرغم من اهميه الكتاب.بس تحسه من قبيل المعرفه لا اكتر..لانك حتى لو عرفت ..معرفتك مش هتغير من الاسلوب الوسخ اللى بيحصل ف شئ

[Lamis Samy · Rating 1 out of 5]

أنا قرأت الكتب بسبب الحملة اللى إتعملت له من خلال منى الشاذلى لما استضافت الكاتب وقالت إن الكتاب إتسحب من السوق لأسباب سياسية وبعده بكام يوم الراجل هاجر أمريكا بدعوى الإضطهاد, لكن بعد كده إكتشفت إن الكتاب كان جزء من حملة تشويه صورة الشرطة عن طريق العقيد السابق عمر عفيفي

[مصطفى حسنين · Rating 5 out of 5]

قبل ان اقرائه كنت اعتقد انه من الكتب الساخرة ولكن بعد اول ورقة اكتشفت انه غير ذلك
الكتاب يحمل تفاصيل قانونية ومواقف مع الشرطة وتعلمك القانون وكيف تتصرف
قرائته قبل ثورة يناير ومع الاسف مازال الحال علي ما هو الحال
سوف تنتصر ثورة يناير عندما يتحول هذا الكتاب الي كتاب ساخر

[FaReSALandloS]

every Egyptian must read this book
http://rapidshare.com/files/112666887...

[Azez · Rating 1 out of 5]

كتاب يعتبر دليل الامثل للتجنب المخاطر..ولكن جميع اقسام الشرطه في مصر او فيها بمزاج المسؤوول...كتاب ممل لا يشيدك الى قرائته وصلت الى نصف كتاب وتوقفت

[Abdallah Mortada · Rating 2 out of 5]

كتاب رائع يعرفك على بعض حقوق المواطن المصري والاعيب اجهزة الشرطة ومحاولة اخراج الموان من خوفه من نظام الشرطة القمعي بصفته كان لواءاً سابقاً

[Ayman Osama · Rating 5 out of 5]

كتاب جيد جداً، وبه معلومات قيمة يكفي أن الكتاب تم منعه في مصر والكاتب نفسه سافر!