Эх дагины далд түүх

by Д. Төрбат

Шар нохой жилийн /1898 он/ зуны тэргүүн сарын шинийн арван наймны өглөөн тунгалаг наран тогоо дүүрэн сүүтэй цайнаа ариухан шаргал гэрлээ тусгаж амсан буй бөлгөө. Хээрийн хоймор шивээлэн босгосон тулгын гурван чулуун дээр ногоон цайны ааг, цагаан сүүний гэгээ татуулан буцлах гурван тамгат ширмэн тогоо дүүрэн цайг нар гялбам гуулин шанагаар дээр өргөн самрах нь хорь орчим насны бүсгүй аж..

411 pages, Paperback

First published January 1, 2017

Reviews

[Meili Enni · Rating 4 out of 5]

Уншиж дуусахдаа нулимс дуслуулан дуусгалаа. Монгол улс тусгаар улсаа хайрлаж , эх орон сэтгэлгээ яг хаана байх ёстойг үнэхээр мэдрүүлэх шиг санагдсан. Үг хэллэгийн хувьд эртний хэллэг яриа ихтэй байсан нь уншихад хүнд боловч их сайхан санагдсан. Зүйр хэллэгийг аман яриандаа хэрэглэх нь их чухал юм байна гэж ойлгосон. Монгол хэлний баялаг, соёл гэж үнэхээр сайхан санагдсан. Бид их дутмаг ярьдаг хүмүүс болжээ одоогийн нийгэмд. Ядаж үр хүүхдээ эх орноо хайрлах сэтгэлгээг багад нь суулгаж,зүйр хэллэг утгыг нь тайлбарлан яриандаа хэрэглэж харьцах, эх соёлоо дээдлэх түүх шастираас уншиж хэлж байх хэрэгтэы санагдсан.🙂
оройн дээд богд, эрхт дагины хайр сэтгэлийн нандин холбоос сэтгэл их хөдлөгсөн. Мэдээж өөрсдөө уншаад мэдрээрэй 😉.
"... Халуун өвөрт минь дэлбээлсэн цагаан зул цэцэг чи зүгээр янагийн бүрэлбаа төдий байгаагүй.," хэсгээс илэрхий харж болно.
...хайрын энэргүй сэтгэл хад чулуу байтугай очир эрдэнийг ч бяцлан дарах чадвартай бөлгөө...
гэсэн сэтгэдэл төрсөн дөө. Дондогдулам хатны хувьд авууштай чанарууд өөртөө суулгах хэрэгтэй сайхан чанаруудыг олж харсандаа баяртай байгаа.🌸🌸🌸

[Ankhaa · Rating 3 out of 5]

....Орос, Хятад хоёр улс Барга гэж зүүн гарыг нь хэрчээд, Урианхай гэж баруун гарыг нь тайраад, Өвөрмонгол гэж хөлийг нь тасдаад, Буриад гэж толгойг нь цавчаад....бүтэн хүн мэт, бүтэн монгол байх заяа байна уу.....
1874 онд улсын их хатан Дондогдулам мэндэлж, 1898 онд 8-р Богд Жавзандамба хутагттай /Агваанлувсан/ гэр бүл болоод 22 жил /нууцаар холбоотой байсныг нь тооцвол 27 жил/ хамт амьдрахдаа улсын эх дагина хэмээн цол хэргэмтэй болж, төрийн хэрэгт оролцож байжээ. Богд, Эх дагина хоёр үрийн зулай үнэрлээгүй боловч хүүхэд үрчилж авсан байна. Эх дагина маань 1923 оны 1-р сарын 13 нд жанч халжээ.

[Gantsooj Nyamsambuu · Rating 4 out of 5]

Монголын тусгаар тогтнол ямар их үнээр бидэнд ирсэнийг ойлголоо. Үнэхээр уран яруу гоё бичсэн ном байна. Орчин үеийн залуус заавал уншхыг зөвлөж байна.

[Баттөр Ариунжаргал · Rating 3 out of 5]

Д.Төрбатын түүхэн романууд надад таалагддаг, унших дуртай. Түүний зохиолууд түүхийн шугамаасаа далийж хазайгаагүй хэрнээ уран сайхан аргыг маш гоё хослуулж өгдөг санагддаг. Гэхдээ "Эх дагины далд түүх" ном надад үнэндэн таалагдаагүй гэж хэлэхэд болно. Намтар роман гэхэд эх дагины талаар хангалттай мэдээлэл би л хувьдаа авч чадаагүй. Түүний энэ улсад оруулсан хувь нэмэр, уршиг тарьсан үйл хэрэг аль аль нь аан тийм байхнээ гээд мэдээд авах зүйл үнэндээ олдоогүй. Дондогдулам хатны талаарх ном хэвлэл олон биш болохоор би үнэхээр баярлаж, зорьж авсан юм уул нь харамсалтай нь миний хүлээлтэд хүрээгүй. Эсвэл би хэт их юм хүссэн ч байж мэднэ.

[Удвал Шижирбаатар · Rating 2 out of 5]

Намтар роман гэхэд баримтгүй, reference байхгүй нь тиймхэн санагдлаа.