إبداع الأميين المصريين

by طلعت رضوان

سلسلة حكاية مصر#42. الأمية ليست هى الجهل بل هى عدم القدرة على القراءة فحسب فالأميون المصريون أصحاب ثقافة إنسانية ووطنية رفيعة تضرب بجذورها إلى عصور الحضارة الفرعونية، تلك الحضارة التي قدمت للعالم معنى الضمير والحق والعدل، كما قدمت العقائد والأخلاق التي لا تميز بين الناس على أساس ما يعتقدوا وتتبدى تلك الثقافة وذلك الإبداع في ممارسات شتى في مختلف أنحاء البلاد، كموالد أولياء الله الصالحين، مسيحيين كانوا أو مسلمين، كما تتبدى في الأمثال العامية التي تكشف عن مخزون نفسي يدعو للسلام ونبذ العنف، كما تظهر في أنماط عديدة من السخرية من الظالمين والمستبدين. هذا بعض ما يطرحه علينا الكاتب الفذ طلعت رضوان في هذا الكتاب مواصلا بحثه الدءوب عن مكنون الشخصية المصرية.

160 pages, Unknown Binding

Published January 1, 2017

Reviews

[Mohamed El sayed · Rating 5 out of 5]

كتاب لا يعرف الموائمات , ولا يتملق الثقافة السائدة, كتاب مصري بإمتياز وهذا المتوقع من مصري معتز بمصريته مثل الباحث و المفكر طلعت رضوان , في هذا الكتاب يخبرنا طلعت بالحقيقة المرة , الأمية المصرية خير من تعليم البدو , عدم القدرة على القراءة والكتابه مع ثقافة شعبية طبيعية , خير من تعلم القراءة والكتابة مع تعليم بدوي يقوض القومية المصرية ويفككها إلى مجرد ثقافتين بدوية ودينية إسلامية

[Ramy Danial · Rating 3 out of 5]

واضح ان في شبه اجماع من علماء الاجتماع المصريين والمختصيين بالفولكلور والثقافة الشعبية
على ان الثقافة المصرين .. مصرية
يعني جذورها والمؤثر الاول فيها هي الحضارة المصرية القديمة
بداية من المجتمعات القبلية والقرى والفلاحيين اللي حافظين كويس جدا الشهور المصرية والامثال المتعلقة بيها
مرورا بظاهرة الموالد والخطابات للموتى وثقافة والسبوع بتاع الاطفال الخ الخ من ظواهر جذورها مصري قديم قولا واحدا

والكلام ده مش جديد عليا الدكتور احمد سالم المتخصص فالمصريات كلمني عنه قبل كدا كتير
وعرفته كمان من خلال محاولة دراستي للغة القبطية
وبالنسبالي وبالنسبة لكل حد داخل المجال دي حقيقة مش اجتهاد
احنا ثقافتنا مصرية تراكمية
ومهما كان الدخيل او المحتل الجديد مش بيقدر يمحي ثقافتنا المصرية
معروف عن المصري انه بيمصر كل شئ
حتى اللغة العربية تم تمصيرها وتكسير قواعدها بما يتناسب مع اللغة المصرية السائدة

المسيحية في مصر مختلفة عن المسيحية في الغرب
الاسلام في مصر مختلف عن الاسلام في بلاد تانية
كل شئ تم تمصيره وصبغه بالثقافة المصرية حتى

اما عن الكتاب هو اشبه بمجموعة من المقالات لكنها مقالات كبيرة شوية
ممكن اتصور انه بدأ بعدة مقالات للكاتب ومع الوقت بزخت فكرة الكتاب فتم تجميعها والعمل عليها بحيث تكون نص متماسك ومترابط وهو قدر يعمل كدا فعلا
لكنك هتقدر تلاحظ كويس الطابع المقالي فيها اكتر من التسلسلي

عجببني جدا اخلاص الكتاب للمصادر وتواضعه الشديد
الراجل بيشير دايما لأساتذته والمبجلين في مجاله بإستمرار حتى ان اخر فصل كان وصلة مدح في الدكتور صفوت كمال اللي اتعلم منه كتير

الكتاب متقدرش تقول انه تقيل كمحتوى لان عروضه كلها سطحية يعني بيعرض الخطوط العريضة لمواضيع اغلب الناس متعرفهاش اصلا
وده يعجل منه كتاب قوى للغير المتخصصين وهيفتحلهم باب على معارف وثقافة كاملة محدش يعرف عنها حاجة
يعني تقدر تقول مجتوى لايت لشخص متخصص او حتى له قراءات في الشأن ده
ومحتوى زاخر بالمعلومات لعامة الناس

استمتعت جدا بالكتاب وانبهرت بيه
معلومات قديمة اتاكد من صحتها ومعلومات جديدة خرجت بيها
ازدت انبهارا بالحضارة المصرية القديمة
اديله 3 نجوم واشكره على الرحلة القصيرة الجميلة