كساب

نادر فودة #2

by أحمد يونس

جميعنا نعرف "نادر فودة" تلك الشخصية التي برع الكاتب احمد يونس في بناءها حتى بات الواحد منّا يبحث عنها في يومه وبيته ومن حوله، فهو يعمل في جريدة "عمق الحدث" هذا ما نعرفه وهوايته بالتأكيد هي الركض خلف التحقيقات الصحفية الجديدة خاصةً تلك المتعلقة بعمارة الفزع !!

في هذه الرواية يعود الصحفي نادر فودة بقوّة لكن هذه المرة بصحبة "كسّاب" الغامض..المرعب...والذي لا يعرفه أحد!!

تبدا الرواية بمشهد مغاير للعادة حيث ملامح العزاء والبكاء تُحيط بالموقف وجثة "نادر فودة" ممدة على السرير ويبكي الجميع على رحيله؛ أمه وأخته ووالده وروحه التي تقف بعيدًا غير مصدقة لما حدث بعد !!

لكن المفاجأة الكبرى ستأتي بعد هذا المشهد مباشرةً...

Please This audiobook is in Arabic.

Genres: Horror, Novels, Fiction, Audiobook, Literature

224 pages, Paperback

Published September 1, 2017

About the author

أحمد يونس هو مذيع راديو و تلفزيون مصري، من مواليد 30 يناير 1981 (34 سنة)، متزوج و لديه ابن ، حاصل على ليسانس اداب قسم لغة إنجليزية , بدأ عمله في مجال الإعلام كمعد للبرامج. كان من أوائل المذيعين الذين انطلقوا مع بداية الإذاعة المصرية الشهيرة نجوم إف إم عام 2003 , كانت فقرة "نص ساعة مع احمد يونس " هى اول ما أذاع على نجوم إف إم،و مؤخرا يقدم برنامج عالقهوة من الساعة ال12 منتصف الليل و حتى ال3 فجرا ايام الاثنين و الاربعاء و الخميس و الجمعة،و كان أيضا يقدم برنامج "حياتنا" مع دكتور سعد الدين الهلالى على نجوم إف إم، و لكنه توقف عن تقديمه في أواخر عام 2014 لأسباب غير معروفة،و اصبح دكتور سعد الدين الهلالي يقدمه منفردا.

Reviews

[Nayra.Hassan]

النزوات تحدث حتى في شراء الكتب و مثل اي نزوة يعقبها ندم و ثمن كبير لابد من دفعه
رأيت الرواية عند الكشك الكائن تحت عملى من قبل ما اتولد..و اشفقت فجأة على البائع و قررت انفعه و اشتري"كساب"😢كل شيء نصيب


و طبعا انا تعودت هنا انتقد روايات..لذا لا اعرف كيف انتقد رغي جارتي اللتاتة ..
هذا الكتاب هو مجرد نافذة تطل على جيرانك تضطرك للاطلاع على تفاصيل حياتهم مرغما..ابنهم يعاني الكوابيس. .معضوض..لا يصلي..اتعين صحفي ...خايفين من كساب..مين كساب؟مالكيش دعوة اسمعي و انت ساكتة.. بنت خالتهم مصرة تتجوز و كلهم غير موافقين
رغي رغي رغي
بلا حبكة
بلا معالجة
العامية مبالغ فيها و لو قرأت كلمة" بوقه" مرة أخرى ساحرق كتب كثيرة 😠
هناك كابوس استغرق70صفحة ..و تفسيره 70صفحة أخرى..هل من الممكن ان تعتمد رواية كاملة على كابوس مهما كان جيدا؟؟

.استطرادات بعيدة جدا عن الهدف الأساسي {لست واثقة من اني افهم الهدف: الانتقام من قاتل الوقاد المفروض }. .مع غموض شديد لشخصية كساب الرجل "الشبح" ..العو ..اللهو الخفي ..
مما يشي بسلسلة سوداء من 7كتب قادمة تحمل اسمه❓
و تحكي عنه
و هناك غموض أشد لشخصية نادر الذي صار مفعول به

هناك الحارس و الكامل و العارف
حضرنا ..حضرنا
احسن استقبالنا

لكن هناك حسنتين. .الأولى الكتاب نظيف حقا رغم الإغراءات
قصة الاختين ثم عمارة الفزع و التي بدأت من ص160الى210تستحق🌟🌟🌟 3نجوم ..متماسكة نوعا و لو كان الكتاب سار على هذا المنوال . .
لتغيرت أمور و امور ..لكن يبدو ان هناك نوع من العجلة و الاستسهال و استثمار لنجاح مبهر رأيت يونس يكاد يذهب ضحيته في معرض 2017
و اخيرا
صدقت يا نادر فعلا انتهى الدرس يا غبي... .يا من اشتريت {الرواية }ا

[محمد خالد شريف · Rating 1 out of 5]

قبل أي شيء، الريفيو ده هيكون بالعامية عشان أكون على راحتي جداً وأخد حقي بأيدي!

لما سمعت عن الجزء التاني من سلسلة "نادر فودة" لكاتبها "أحمد يونس" تحمست جداً لقرايته وبالفعل بدأت في الرواية متوقع أن الكاتب هيحاول يتفادي الأخطاء اللي عملها في الجزء الأول، زي ما قولت على الأخطاء إللي لاحظتها:

https://www.goodreads.com/review/show...

وأعطيت أول جزء نجمتين من خمسة، عشان الكاتب كان أول مرة يكتب وأول رواية ومعلش نستحمل طالما في "قصة" والقصة لازم تكون حلوة أو ليها تآثير عشان تعرف تتغاضى عن كل العيوب وتركز مع القصة وبس.

عنوان الجزء التاني هو "كساب" فأين "كساب" بحق كُل العبث؟.. إيه إللي مانع ظهوره؟ إيه علاقة كل الأحداث اللي حصلت بكساب؟ أنا ليه أقعد ربع الكتاب في حلم لنادر وبعد كده يطلع مش بيحلم وبعد كده لا يا جماعة معلش هو مش حلم أوي وبعد كده أسكت مش طلع كساب هو اللي عامل الحوار ده كله!
ليه "مروة" بالغباء ده كله؟ رايحة تقول لنادر كُل حاجة حصلت إزاي في الحلم؟ والـ3 ضيوف شرف اللي المفروض بيحموها معملوش حاجة غير أنهم فتحوا الشباك وقفلوه ولعبوا في سكينة الكهرباء؟؟
أنتوا متخيلين أن أفضل جزء في الرواية ملوش علاقة بموضوع الرواية أصلاً وهو قصة "الأختين" وعارفين هو كويس ليه؟ عشان ليه بداية وليه نهاية! اه بس كده!.
ونروح نتسوح مع نادر في عمارة النصر، وبعد ما يقعد يفكر في اللغز وإزاي ده بيحصل والموضوع خلاص خلص يطلع كساب اللي ورا الكلام ده! إزاي وإمتى وفين؟ وأنت مبتظهرش ليه؟ عليك تار يا كساب طيب؟ لأ والله أصل أنا مينفعش أظهر إلا في الحلم غير كده معرفش!

لأ تعالى أنت هتمشي كده من غير ما نعيطك ونموت واحد من شخصيات الرواية، أقولك موتلي أبو "نادر" ملوش لازمة معانا وهيتعبنا.

فعلاً كانت تجربة غاية في السوء ومتمناش تتكرر تاني.
المشكلة الكبيرة أن شخصية "نادر" وخلفيتها جيدة ومن الممكن يبقي ليها أدوار أفضل من كده بكتير.
وحتى القصة المشوقة اللي كانت موجودة في أول جزء، مبقاش في قصة في الجزء ده وكُل اللي حصل أحداث أحداث أحداث بتقرأهم بس عشان تعرف هو الكاتب مرقدلك على نهاية هتشقلب توقعاتك ولا أنت صح وزي الفل والرواية زي الزفت على دماغ الوقاد وكساب ومروة!

[Yousra · Rating 1 out of 5]

رسالة أحمد يونس ... أحمد يونس فرحان ... احمد يونس مبسوط ... كتابي اللي فات عمل ٤٠ طبعة ودة رقم خيالي فعلشان كدة رجعتلكم تاني ... أيوة باكتب بالعامية لأنها بتعبر عني وطز في كل محبي اللغة العربية الفصحى بتقروا ليه يا بايخين ياللي انتقدتوني؟؟؟ عموما أنا عندي اللي اشتروا نسخ الأربعين طبعة!!!

بعيدا عن هري الغلاف ده ... البطل بالنسبالي مقبول بس السلسلة نفسها بتدور في حلقة مغلقة ومحدودة بحدود الصحفي بطل الرواية ... بنكرر بقى جو طرد الجن والجلسات وشوية كدة جو عمارة رشدي وأي حاجة هاتنفع هاتتحشر في السلسلة

مسلية نوعا ما كحاجة تقراها في وقت فراغ بدون ما تحتاج للتركيز واتقرت في قعدة بس ماهياش أي حاجة !!

[Sara · Rating 1 out of 5]

قرأت الجزء الأول و معجبتنيش و قررت بعدها اقرأ التاني علي أمل أن تكون القصة فيه بمستوى بعض القصص الإذاعية اللي كتبها أحمد يونس ، و أنه يكون قرأ كل الآراء اللي أتكلمت عن سوء اختيار العامية كسرد و طريقته .
لكن الكتاب التاني وصل لمستوى أدني من الكتاب الأول !
أنا ليه اقرأ 60 صفحة حلم من كتاب 204 صفحة ، و خمسين صفحة تفيسر و إعادة نفس التفسير اللي هو واضح أصلا للحلم !
يعني 110 صفحة من التكرار و التطويل الغير مُبرر ، ناهيك عن أسلوب سرد طفولي جدًا .
راحت ، قعدت ، عملت ، جيت ، قولت !!
غير طبعا الطريقة المستفزة في الحوار ، الاسم و جنبه الجملة و ده شكل غير جمالي و غير أدبي بالمرة .
بس مش هأكرر نفس الكلام اللي كتير قالوا في ريفيوهات الكتاب الأول و أنا منهم ، في نقطة أهم حابه أتكلم فيها .
أستاذ أحمد حضرتك بدأت فقرة قصص الرعب و طورتها علي مدار أربعة سنين تقريبًا ، و عملت جمهور مش قليل ، و الحقيقة الفقرة فيها بعض القصص و الملفات المثيرة و المسلية و بتقدر تسمعها و أنت بتعمل حاجة تانيه ، أو تسمعها و تتبسط بها لأنها بتقدم قصة جيدة .
و قررت بعدها تدخل مجال الكتابة الروائية ، و أنا كتبت إذاعية ونجح يبقي ليه لا !
لكن الحقيقة هو أن الكتابة الإذاعية تختلف تمامًا عن الروائية ، و اللي قرأته هو قصص إذاعية يقولها مؤدي جيد أنما مش رواية ، الكتابة الروائية اللي بتندرج تحت تصنيف الأدب ليها آسس عامة ثابتة و واضحة ، أولها و أهمها أن الكتابة تكون أدبية !
أن يكون في شخصيات ملموسة مش مجرد أسماء ، حبكة و خطوط ، و خط سير للحبكة .
و معتقدتش أن روحت و جيت و زعقت و صوتت و الاعتماد الكلي علي الحوار ده نوع من الكتابة الأدبية ، أو أن كان في حبكة أو حتى شخصيات واضحة ، حتى كساب الشخصية الشريرة و قبله الوقاد مش مرسومين أصلا ، و عدم وجود العناصر دي في عمل يبقي مينفعش يطلق عليه رواية .
حضرتك و بمنتهي الصراحة تقدر تحط الكتاب تحت نفس التصنيف مع روايات ستفين كينج أو شيرلي جاكسون أو جو هيل أو ريتشارد ماثيسون أو جاي نسون ، لافكراكت مثلا ؟ أو ويليام بيتر بلاتي اللي كتب رواية طارد الأرواح اللي لسه لحد دلوقتي في أفلام و كتب بيقتبسوا منها ، تقدر ترشح لواحد بيقرأ لهتشكوك .. تقدر حتى تحطها في نفس التصنيف اللي بتحط تحته أحمد خالد توفيق ؟ حسن الجندي اللي عمل طفرة في أدب الرعب المصري ؟
أنا متأكدة أنه لا ، الناس دي تعبت جدًا عشان تقدر تخلي الرعب أدب و ينتمي لباقي أنواع أدب ، و تبدأ المسابقات و دور النشر و المؤسسات الثفاقية و الجامعات تعامله علي أنه أدب يستحق ينافس و يكسب و يدرس !
و الكتاب ده بالظبط بيأخد كل ده و يرمي في الهواء ، بس حضرتك حر في أنك تقتحم مجال الكتابة ، أنا نفسي بكتب و عايزه يبقي ليا كرير في ، و مش من حق حد يمنع حد ، لكن حضرتك في نقطة مهمة جدًا .
النط من مجال لمجال ، يعني زي ما في ناس بتحول الروايات لسيناريو فيلم ، حضرتك بتحول القصص الإذاعية لروايات ، بيكون مفترق طرق له اتجاهين ، واحد أنه يضاعف النجاح و يزيده .. التاني أنه يفشل و ينهي علي المجال الأول .
و ده اللي حضرتك حاليًا ماشي فيه ، بعد الكتاب الأول الموضوع عجبك ، حلوة فكرة أني بكتب رواية أو كتاب و كده ، فطبعا مبقاش في وقت لكتابة قصة إذاعية و لو في فأصبح الكتاب أولى بها يعني .. و بدأت تأخد من القصص اللي بتبعت اللي حضرتك مش أخد بالك أن غالبًا كلها بقت شبه جدًا ..
المشرحة ، المقابر ، أنا عمري ما كنت بصدق في الجن ، مزاميز شياطين أطياف الجحيم ، خدام من الجن و اللعب بكتب السحر .. نفس التفاصيل و تقريبًا القصص كمان ، ناهيك عن اسم عمارة الفزع اللي غالبًا المخيلة مش عارفه تجيب غيره !
حضرتك بتهد نجاح فقرة إذاعية جيدة و ممتعة ، خصوصًا إن المواد الإذاعية مكانش فيها رعب قبل كده ، و المسلسلات الجديدة منتهى الأي كلام يعني ، فكانت حاجة جديدة و مبتكرة و ممتعة ..
أنا شخصيًا كل قصص نادر فودة كانت حلوة بالنسبة ليا إذاعيًا ، و بحب أسمعها و كنت هأستمتع لو سمعت عمارة الفزع برضو على فكرة .. أنما كتابتها بالأسلوب الكتابي السيئ جدًا ده نقصها ، شوهها ، و خلها اسكريبت أتلصق في الأحداث عشان تقول أن كساب وراها .. من غير ما تجيب مشهد واحد وحيد لكساب أو حياته معتمدًا أن الناس عارفه ، و تصرفات مروة مثلا الغير مبررة و العجيبة في أنها تفضي باللي عملته كده مع أقول قولي ! ، و مفيش بدايات و لا نهايات ، سايح كله ع بعضه !
الكتاب عبارة عن حلقة إذاعية نصها ممل مكرر لأنني أعتقد أن جو أنا بشوف موتي و صحيت لاقيته حلم قولته قبل كده ، و نصها قصة لطيفة تسمعها .
النتيجة واحدة هي أن الكتابة الإذاعية حاجة ، و الكتابة الروائية حاج�� تانيه تمامًا ومعتقدتش أنك عندك فكرة واحدة عنها أو حتى بتحاول تأخد فكرة ! .

[Mohammed Arabey · Rating 3 out of 5]

رغم من قرائتي للجزء السابق كانت من سنتين ونصف (من وقتها وعندي الكتاب الثاني لم أمسه سوي من يومين) ولكن بمجرد الدخول في اجواء هذا الجزء تذكرت كل شئ

قصة مسلية فحسب لا بأس بها..احيانا المشاهد المرعبة تكون مخففه بشكل ساخر ولكن يحسب له الربع الاخير من الرواية "عمارة الفزع" والتويست باخر هذا الجزء الذي جعل من التجربة افضل بكثير
شخصية نادر فودة ليست بهذا السوء بمجرد ان تجتاز امتعاضك من اللغة العامية... بل والنهاية الخاصة بهذا الجزء تجعلني مشدودا الان للبحث عن الكتاب الثالث

[Ahmed Gohary · Rating 2 out of 5]

كتاب صوتي علي ستوري تيل

الجزء الثاني اقل كثيرا من الجزء الاول
وواضح من ريفيوهات القراء انني لم أكن الوحيد الذي لاحظ ان نصف الرواية تقريبا تدرو احداثها عن حلم وتفسيره مع الكثير من المط والتطويل بلا داعي والدخول في تفاصيل عن الغسل والدفن بشكل يثير الملل

الجزء الثاني من الرواية افضل الي حد كبير وتبدأ القصة بإنضمام نادر الي صحيفة للعمل بها ويأسس باب اسمة ماوراء الطبيعة لنشر قصص الرعب الحقيقية مع الاستفادة من خبرتة في هذا المجال

الاداء الصوتي لأحمد راضي كان جيد جدا

[Esraa Muhammad · Rating 1 out of 5]

مليئة بالأحداث التي إلى حد ما مشوقة.. شخصية كساب وهي الشخصية الرئيسة ليست واضحة بما يكفي أركان الرواية من (مقدمة - حبكة /ذروة الأحداث - نهاية) أسلوب كتابتها يفتقر إلى الإبداع أما عن الذروة فأراها عادية
وكأنك تشرب ماء على مضض!

[Ramy · Rating 3 out of 5]

3 لعدم وجود انصاف نجوم
الادق 2.5

انهيتها ف جلسة واحدة حوالي ساعتين
صوت ام كلثوم يصدح من السوند كلود من على الموبيل المتصل بالشاحن
اجلس وحيدا ف الشقة ...التكييف شغال...
كل شوية ارفع راسي عنها و احدق فى اللاشئ و تدريجيا فكرة كوني وحيد فى الشقة ابتدت تبقي مقلقة ...ثم موترة للاعصاب...ثم مريبة قبل نهاية الرواية لما خرجت من اوضة النوم للمطبخ السابح فى الظلام...اشرب
متخيلا اشكال تجرى هنا و هناك...من الحمام للمطبخ والعكس....

حالي فى نهايتها...زى سلطان « غبي منه فيه» لما راح ل صديقه و قريبه وانتيمه نصه فى البار الذي يعمل فيه ...فاعطاه كأس ليجربه...ابتلعه قالبا سحنته وعلي عكس ما تشي به اختلاجات وجهه الممتعض...قاله...هات تانى كدا....

معرفش ايه اللي قريته دا...فيه فكرة رعب مش بطالة بل جيدة...
بس الحبكة..و اللغة و الشخصيات...بلح...عجوة ..بالبيض

تذكر...الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ ۖ وَاللَّهُ يَعِدُكُم مَّغْفِرَةً مِّنْهُ وَفَضْلًا ۗ وَاللَّهُ وَاسِعٌ عَلِيمٌ ...صدق الله العظيم

تذكرت الان قصة قصيرة ل ستيفن كينج كانت عن فتي خرج ليصطاد على شاطيء بحيرة نهارا...هناك وجد رفيق صيد يجلس مسترخى يدندن نفس اللحن الذى يدندنه الولد ...يرتدى للغرابة بدلة شيك قديمة الطراز..قبعة عالية سوداء لامعة...و اخذ يتحدث مع الولد ..و تدريجيا لهجته تغيرت واخبره ان بيتهم الان يحترق و ابوه يموت متالما مشتعلا...لينهي كلامه بضحكة شيطانية ويشد سنارته فى الوقت نفسه بسمكة يرفعها الي فمه الذى ينفتح عن اخره ليخرج منه لهب يشوى السمكة فورا....يرتعد الولد ويرمي صنارته ويجرى الي بيته...يبكى...يتمنى ان يصل للبيت بسرعة وفى الوقت نفسه يتمنى ان يكون ما راه هلوسة وما قيل له عن ابيه كذب او دعابة سمجة....

...هى بلورة ل فكرة الرعب....لكل منا مخاوفه الخاصة والتى ربنا لا تخيف شخص اخر...اعرف شخص طويل عريض يموت خوفا من صوت هديل الحمام...انا نفسي ارتعد من الكلاب


اكتر جملة عجبتنى فى الرواية....شافوا تخيلك الخاص عن القبر واتجسدوا لك بتفاصيل ظنونك دى عشان يقضوا عليك...زى الطفل لو رسم صورة للعفريت وانت لبست زيها و طلعت له ممكن يموت فيها!

الكتاب القادم : اعتقد انى هاعمل زى غبي منه فيه واخد كاس تانى رغم امتعاضي من الكاس الاول ...و اقرا الجزء الاول : الوقاد....هات تانى كدا يا نصه

[Amira " MoRoo " · Rating 1 out of 5]

وبعد ماخلصتها ده بالظبط كان التعبير اللي علي وشي 😏😏😏😏😏...
روايه ..سمك ..لبن ..تمر هندي
ايه كميه التشتيت دي من الشرق للغرب لاقصي الجنوب لاعالي الشمال ونرجع من فوق لتحت ومن تحت لفوق ..والمفروض بقي انبسط بيها واستمتع وانا بقرلها ولا ايه بالظبط ...
علي فكره كانت هتبقي اجمل لو احمد يونس كتب عليها مجموعه قصصيه ..قصص متفرقه مخيفه بدرجه ما.
وكانت هتبقي اجمل لو ماعملناش المفاجاه اللي كل اللي قرا الجزءالاول هيبقي متوقع مليون الميه ان دي لا يمكن تكون حقيقه وانه اكيد كابوس وانه بيحلم ..علشان من الاخر كده البطل ماينفعشي يموت في اول الحدوته ساعتها مش هيبقي البطل .
وللعلم لو خياله كان عالي كان كمل علي ان نادر مات وكان خلي نادر يتواصل مع مثلا اخته او الشيخ لطفي ويوصلنا فنتازيا بين عالم الارواح والاحياء ..
تعليق اخير ..لو دي فكره البطل نادر عن عذاب القبر وقبضه الروح فهو اكيد مايعرفشي ربنا بجد ..ربنا رحيم بينا جدا عمر ماده هيبقي حالنا قي القبر ..اذا كنا علي وش الدنيا بذنوبنا وبمعاصينا ومازال رحيم غفور امال لما هنروح له ونبقي بين ايديه ..بلاش فكره الدخول للناس عن طريق تخويفهم وارهابهم من الله بهذه الطريقه المقبضه للقلب ..
" ان الله غفور رحيم "

[Aya · Rating 3 out of 5]

هي مش رواية تمام
ولنتفق على كده لاني انا تحديدا وكما الجزء الأول كنت بقرأ وصوت يونس في وداني..
فلو خدتها على انها قصة اذاعية مقروئة
فأنا استمتعت بيها وجدا

[رومولا الن emmajain-book · Rating 2 out of 5]

تكمله للجزء الأول من السلسلة
في هذا الجزء نكمل مع نادر وما سيحدث له من انتقام كساب ابن الوقاد
ونتعرف أكثر علي كساب وشره
وماذا سيحدث لمروة
هل سيحقق كساب انتقام أم نادر سينتصر
متحمسة للجزء الثالث
لم أجد الكتاب ورقي ولا بمتجر القندل كالجزء الأول
لكنني وجدته صوتي على ستوري تيل استمتعت وأنا واستمع إليه
انصح به للتسلية

[AboBakr Mounir · Rating 1 out of 5]

اسلوب و تفكير ساذج
ندمت على كل جنيه و كل دقيقة ضيعتها فى الرواية للاسف

[(ســـارَّة (فاطمة وصالح · Rating 1 out of 5]

بلا بلبلا 😏😟 نجمة واحدة بس عشان بحب اسمع يونس ... كاتب لم يحترم عقلية القارىء ...اعتقد انه كاتبها للأطفال والمراهقين..فقط للتسلية

[دينا Ezz · Rating 1 out of 5]

حد ياخد منه القلم ولا اللاب ياجدعان ويرجعه عالاستوديو

[Sherif · Rating 3 out of 5]

يداية كساب نفس بداية الوقاد
نفس حكاية الموت بيبتدي بيها يونس روايته التانيه
موت نادر اللي اكتشفنا انه كابوس في الاخر صنعه ابن الوقاد 😐
70 صفحة من الرواية عبارة عن كابوس ايه الهراء ده
ويليها70 صفحة من افتراضات وتفسيرات الكابوس مع الشيخ لطفي وعم مختار😃
افضل ما في الرواية لعنة الاختين وعمارة الفزع ✌
العيوب المعتادة
كابوس تافه اخذ تلت الرواية
عامية معتادة اخذت نجمة
بالطبع افضل من الجزء الاول بكتير جدا 😄
وبعد ده كله يجي كساب بيه يقوله انتهي الدرس يا غبي😒
ريلي بجد نروح يعني عشان الدرس خلص يعني ولا ايه😏

[Hager Abdelmonem · Rating 2 out of 5]

رواية نادر فودة ٢ (كساب)
للإذاعي: أحمد يونس
عدد الصفحات: ٢٢٤ صفحة
صدرت عن دار سما للنشر والتوزيع

نبذة عن الرواية:
- مكتوبة بالعامية المصرية مبدئياً، عبارة عن تكملة لحياة نادر فودة ومغامراته اللي هيتناولها فيما بعد في جريدة عمق الحدث، في باب ما وراء الطبيعة.

- بداية الرواية مميزة وحلوة وبتنشلك للأحداث عشان تكمل والفضول هيشدك أكيد

بتبدأ إتضاح الصورة ومعرفتها مع الوقت وبينقلك الكاتب للأحداث بسلاسة تامة

- هل هي أفضل روايات الرعب؟
- في الحقيقة لا ولا هنا قاطعة، أنا ممكن اسمع الكاتب عادي في برنامجه لكن قراءة لا مش أفضل تجربة حتى.


- الروايات بتنتهي بسرعة وبمتلا وقت فراغ لكن مش اكتر من كدا.

[Youssry Effat · Rating 2 out of 5]

و انتقلنا للكتاب التانى
فى محاول لفهم ما يرمى اليه كساب
يوجد بعض الاطاله لزيادة المتتاله
مع العلم ان فى وجود كتاب تالت فى الاسواق
استكمالا للحكاية و اظن انها لن تنتهى عند هذا الحد
اتمنى التركيز فى القادم و ان تكون النهاية متماسكة و قوية

[Ahmed Abdul Ghani · Rating 4 out of 5]

بعد تجربة أولى سيئة مع رواية أحمد يونس الأولى " الوقاد " كان هناك بعض الأمل في هذه الرواية و في المعلم أحمد يونس الذي دائما ما يمتعنا بقصصه الإزاعية الرائعة

بداية رائعة تجذبك من أول سطر في الفصل الأول ، فيبدأ بوصف مشهد الموت من منظور الميت نفسه !! ، كيف هذا لا أعلم حتى الميت نفسه لا يعلم كيف يرى نفسه على فراش الموت !! ، أهو الروح و هذا الممدد على الفراش هو الجسد أم ماذا هو ؟!!

ثم يأتي الكاتب بتصور للقبر و قبضته و عذابه بصوره أدعي أن لا أحد منا لم يتصورها على هذا النحو ، ثم تحدث المفاجئه المتوقعة بكل تأكيد و يتضح أن كل هذا ما هو إلا لعنه من لعنات " كساب " إنتقاماً لموت أبوه

و تتولى اللعنات علي صديقنا " نادر فودة " إلي أن يقرر أن يُشغل نفسه و يصبح " نادر فودة الصحفي بجريدة عمق الحدث " و كما عودنا من خلال قصصه الإزاعية يذهب إلي ما يسمي " بعمارة الفزع " لتحقيق صحفي جديد و بالرغم من نضعفه عن القصص الإزاعية إلا أنه جيد

و في النهاية شكراً أحمد يونس على هذا الكتاب الممتع و على أمل في كتاب أمتع و أقوى و باللغة الفصحي سأنتظر ..

[Basant Mohamed · Rating 3 out of 5]

الأجزاء بتاع عذاب القبر كانت شوية سخيفة سواء ف البداية او اما رجع مع مروة الي بيعجبني في اعمال احمد يونس الأسلوب الحواري اللذيذ بينه و بين اهلة و الشيخ بتاعة و القصة الي في الأخر بتاع بيت النصر كانت مثيرة جدا

[Mohamed Sharara · Rating 3 out of 5]

لم نتعود علي أحمد يونس قصص أن تكون القصة أقل إثارة ورعباً وربما قد تعودنا علي الاثارة من قصص أحمد يونس عن طريق الراديو من خلال المؤثرات الصوتية وجو الرعب الذي نستمتع به كثيراً من تعود علي القراءة سيجد أن الرواية ضعيفة جداً ولكن من كان يستمع إلي البرنامج سيجدها إلي حد ما مقبولة من أحمد يونس وفيها الكثير من الضحك أكثر من ما هي رعب.

[Mariam Ahdy · Rating 4 out of 5]

تقييمي للجزء دا هيكون مختلف عن الجزء الأول..
الأكيد ان احمد يونس بيكتب السلسة دي للأشخاص اللي اصلا بيسمعوه على الراديو و متابعينه من زمان .. لأن اي حد مش متابع هيشوف القصة سطحية و مملة جدا ..
دا غير ان لو شخص بيحب الكتب باللغة العربية الفصحة فا دا كتاب عامي و مش برشحة له
الرواية كارعب احمد يونس فا هي مش رعب اطلاقا عشان كدا تقييمي ٤ نجوم .. مكنش في حاجة بتخوفني
بس كا أثارة و تشويق انك تعرف الاحداث فا انا خلصتها في يومين و من وجهت نظري هي مسلية بس للي بيتابع احمد يونس من زمان و بيحبه و مهتم يعرف اكثر عن شخصية نادر فودة و حياته
الرواية ١٠ فصول نقدر نقول اول كام فصل لطاف حبيت تخيلة عن القبر و عذابة
اخر الرواية هي اللي ممتعة اكتر لأنها حسستني أني فعلا بسمع القصة بصوت احمد يونس
رواية جيدة احسن كتير من الجزء الاول 👌🏻

[Noran Negm · Rating 4 out of 5]

من اكتر الكتب عن الجن اللي فعلا تحسها حقيقة. انا قريت كتب كتير بحس انها من نسق الخيال بحت بس قصص احمد يونس بتحس دايما ان في خيط حقيقة في النص.

[Ahmed Gaballah · Rating 2 out of 5]

أن تصبح كاتباً هذا أمر, أن تصبح كاتباً ولك جمهور كبير و يذاع صيتك ككاتب فذلك أمر مختلف تماماً
كثيراً من الناس يكتبون و يكتبون بل يملئون مئات الصفحات لكن لا يملكون من يقرأ ما يكتبونه على الرغم من أن بهم من يمتلك من المهارة و الحنكة الكثير, ولكن أن يكون لك ذلك الجمهور الغفير و هذا العدد الضخم من المبيعات و تقدم هذا الكتاب الذى بين يدينا فهذا أمر لا يرضى الكثير و يزيد حنق القراء

شعرت بأن أحمد يونس يريد أن يملئ الصفحات بدون النظر للمضمون و الفكرة و ما الذى يقدمى, لن يحاسبك أحد على تقديم الكتاب باللعمية على الرغم من إن المجهود المبذول لتحويل تلك الصفحات للغة العربية الفصحى لن يستغرق منك الكثير بل من الممكن إعطاءه لاحد مصححين اللغة العربية و تحويله لك و عندها سيكون بين إيدينا شئ مختلف تماماً عما نقرأه.

قلت إنك لا تريد أن تصبح كاتباً و أن هذا ليس عملك و إنك مجرد مذيع بالراديو و سيكون روأيتك الاولى هى مجرد جس نبض هل تصلح أم ماذا و هل ستروق الرؤاية للناس أم لا, وبالفعل بيعت كما لم تباع رواية بمعرض الكتاب السابق 2017 وحققت الكثير من المبيعات وعلى الرغم من ذلك وجهت لك الكثير من التناقضات و ظن الجميع إنك ستأخدها بعين الإعتبار و ستتجنبها فى روأيتك القادمة وهذا مالم يحدث بل زادت و زادت الإنتقاضات و المساوى.

إن كنت تريد ألا تحذو حذو دكتور أحمد خالد توفيق و دكتور نبيل فاروق فى تقديمهم ذلك الرعب المصرى القح بدون البحث عن المال و التجارة و إهطاء الكاتب فكرة جيدة و الإستمتاع بها فهذا ليس عيباً, بل سلكت إتجاه أخر و هو أن تصبح كاتب رعب تجارى و هذا ليس به أدنى مشكلة فهنالك حسن الجندى و دكتور حسين السيد و تامر إبراهيم كذلك الذى يسلكون هذا الدرب, لكن إذا قورن أعمالهم بهذا العمل الذى أمامى فلا أظنك تصلح بأن تكون ذمن تلك القائمة أيضا.

الراوية القادمة (الجزء الثالث من نارد فودة) ستكون هى النقطة الفاصلة هل سأقراء مرة أخرى لأحمد يونس أو تكون هى أخر قراءة لأعماله و أرجو أن تكون مختلفة عن تلك الأجزاء السابقة و أكون مخطئ فى حقه و أتراجع عن كل ذلك.

تقييمى لها نجمتان
واحدة لفصل لمثل 1لك اليوم فإستعدوا و هو إعجاب لا يمت بصلة لأدب الرعب بل بسبب تذكيرى بعذاب القبر و إن تلك الدنيا ليس لها أدنى قيمة, أما الثانية فهى عن فصل عمارة الفزع و ذلك بسبب عدم سماعى للحقات الإذاعية لذلك الفصل و الذى أظنها ستكون أفضل مما كتب كما حدث مع حين قرائتى لفصل منزل الإختين و سماعى لها للحلقة الإذاعية التى يعرض فيها منزل الأختين و إستمتاعى بالأخيرة عن الأولى بكثير.

[Reem Mohamed · Rating 1 out of 5]

مبدأيًا كدا انا بحب حضرتك جدا جدا و بحب كلام معلمين اوي و بعشق حرفيًا فقرة الرعب و اللملفات السريه عشق فوق الوصف و بستمتع جدا لما بسمعها و بستناها ع طول .. انا قرأت الوقاد و عجبتني و كنت حابه قرايتها (هي مع احترامي برضو موصلتش لمستوي عالي اوي ) بس كانت حلوة و كان فيها تشويق جميل .. بس مع احترامي ليك رواية كساب انا اتصدمت منها حرفيا .. بداية قرايتي ليها دي تتلخص ف كلمة واحدة (ملل ) و ملل فملل فملل فملل لدرجة اني اتخنقت .. اخر فصلين كانوا حلوين بصراحه و كان فيهم تشويق حلو خالص .. بس الروايه ككل اسفه جدا بس هي مكانش تنفع تبقي روايه نهائي كميه احداث و تفاصيل مملة كانت المفروض تتحذف مش طبيعيه .. انا كنت مستنيه الروايه و متشوقه ليها بس خيبت امالي بشكل كبير روايه مفيهاش اي جديد حتي قصه لعنه الاختين اللي كلنا سمعناها حضرتك حطيتها ف الروايه .. مكانش ليه لزوم ان حضرتك تذكرها لانها مضافتش اي حاجه .. نصيحه مني استاذ احمد
1 - الروايه الجايه لحضرتك من فضلك خليها بعيدة تماما عن نادر فردة و كساب و الجو ده .. ابعدها نهااااااائي ..اكتب روايه ملهاش اي علاقه بيهم لا من قريب ولا من بعيد
2 - ف الروايه الجايه بلاش تدخل اي شخصيه من شخصيات قصصك اللي قبل كدا فيها حتي لو ف دور صغير لان انا من رآيي الشخصي الحوار ده ملهوش لازمة
3 - السرد يكون بالفصحي و الحوار بالعامية عادي

انا اسفه بس لولا اخر فصلين ف الروايه انا كنت قييمت الروايه (صفر ) .. انا فعلا ندمت ع قرايتها

اعذرني ع رآيي لو كان هيزعلك بس انا يصعب عليا ان يكون اسلوبك ف الراديو رائع جدددا و ف الروايات يبقي كدا .. انا فعلا مستمتعتش بالروايه خالص و انا نفسي حضرتك تكتبلنا روايه رعب بجد تكون بعيده تماما عن نادر فودة (مع عشقي ليه ) بس تبعد عن مساره نهائي

[Hanane'S Archaeology · Rating 3 out of 5]

اسم الكتاب📚 : الكساب /نادر فوده
اسم الكاتب ✒: احمد يونس
عدد صفحات الكتاب📄 : 203 صفحة 
نوع الكتاب : رعب
تقييم الكتاب 🌟: 3/5

نوع القراءة : إلكتروني 💻

إنطباعات شخصية ✉ : أحسن بكثير من الجزء الاول لكن يعاب عليه العامية

📌 ملخص الكتاب :
غي هذا الجزء تب��أ عذابات نادر انطلاقا من كابوسه المثمثل في موته و تغسيله جنازته الصلاة عليه دفنه و كذا عذاب القبر من الضمته الى الأفعى السامة لكت الكابوس متداخل مع الحقيقة اذ ان مخلفات الكابوس لازالت تلاحق نادر فلجأ للحاج مختار و الشيخ لطفي الذان طمناه و واجه مروة كذلك لكنها تآمرت ضده مع الكساب و اخذته في رحلة من عذابات ثانية فقرر نادر ان يبتعد عن الجو القوطي الذي يعيش به فعاد لتدريبه باحدى ااصخف ليجد نفسه عين بالجريدة اما لاقته كتاباته من نجاح الشيء الذي جعله يتلقى خطابات طلب مساعدة من القراء و لبى اولها فسافر بأحمد نجيب المهندس الذي يقطن شفة بجابنها عمارة نصر و هي مفزعة فقرر نتدر خوض التجربة و قطن هناك ثلاث ليال حقق فيها في قضية الشقو فاستخلص ان مالكها حازم كان يمارس السحر الاسود و صحى بزوجته و جاره و ابن جارته الطفل كريم لكن ابليس لم يفي بوعده كعادته و حرقه رفقة عمارته مما يفسر الصرخات و النار التي تندلع من العدم و حين عاد نادر لشقته المفروشة التي اكتراها علم بالصاعقة لقد توفي والده في ظروف غامضة !!

[Amira · Rating 3 out of 5]

رواية خفيفة وممتعة وأحببتها صراحة لم أشعر بأي ملل .. أحمد يونس المذيع المحبوب والكاتب الجديد.. كثير من قصصه الرعب علي برامجه الإذاعية بالإضافة إلي الروايتين يهتم دائما بالحكايات عن السحر والموتي والقبور مع وجود الطلاسم -التي تزعجني لأني لا أعرف أهي حقيقية ام مجرد كلام و لا أحب أن أبحث عن مثل هذه الاشياء- لكن أبطاله دائما قلائل وإذا كثروا لا تشعر بأي لخبطة
اختصارا.. أحمد يونس يعتبر جديدا في مجال الكتابة.. يحتاج الي الخبرة نعم وأتمني أن يكتب كثيرا ويتمهل أكثر قبل نشر الروايات القادمة إن شاء الله.. كما اتمني أن يكتب شئ جديد، مختلف في الرعب بعيدا عن المقابر والطلاسم والسحرة..
أحمد يونس، نادر فودة.. المذيع، الكاتب.. سعيدة بما وصلتما إليه كان علي القهوة فأصبح معلم.. كان الوقاد و الآن أصبح الكساب.. ننتظر ما بعد ذلك تمهل و لا تتعجل و أعلم أن كثيرون ينتظرون روايتك القادمة بإذن الله.. مستحيل أن تكون هذه النهاية هذه بداية لا أكثر...

[Lobna Mousa · Rating 2 out of 5]

كساب الجزء الثاني من حكاية نادر فوده
القصة بدأت بحلم الذي هو ليس حلماً في نفس الوقت
كساب يحاول الانتقام لموت والده الذي سببه نادر في الجزء الأول ويصب لعناته علي نادر ويريه في حلمه ما هو الموت وابنة خالته التي أصابها الجنون وأصبحت خادمة لكساب
ويهدأ نادر ويعود لحياته قليلاً ويصبح صحفي ويكتب اول مقالة عن ماوراء الطبيعة "قصة الأختين " كانت قصة جيدة الحقيقة وبعدها ينتقل لقصة بيت النصر وعندما كنت أقرأ هذه الجزئية تساءلت أين كساب؟!
وتأتي نهاية الفصل موت مصطفى والد نادر ورسالته التي هي رسالة من كساب يتوعد بمزيد من الانتقام واللعنات لنادر وموت والده ليس إلا بداية
لم أتعامل مع هذه الحكاية معاملة رواية لأن ذلك سيكون أهانة
أنها مجرد حكاية كما الجزء الأول لكن توقعت أن هناك تحسن في هذا الجزء لكنه أسوأ من الأول

[Ali Mustafa · Rating 1 out of 5]

كتاب سئ للغاية يبداء القصة احمد يونس مذيع الراديو بتقديم المشهد بصورة تفتقر للوصف لانه دائما يعتمد في ثرده للحكي علي الراديو لمؤثرات صوتية في الخلفية. لم اشعر في مرة بان الكتاب جزء متكامل بل من الممكن ان اقول ان هذا الكتاب هو عبارة عن قصتين قصيرتين ركيكتين للغاية ، و علاوة علي ذلك الكتاب
من الناحية اللغوية و الادبية ضعيف جدا و لا يمت للادب بصلة، قد اصنفه علي انه سيناريو احد قصصه الصوتية علي الراديو ولاكن هذا العمل لا يرقي الي مستوي الادب و أنا لا اري من أحمد يونس اي جدوي من كتابة القصص و الروايات و انصحه بان يظل مذيع راديو حيث ان مستواه في كتابة القصص ضعيف جدا ولا اتفهم كم المبيعات الضخمة التي يحصل عليه كل عام كتابه الجديد

[Youssef · Rating 5 out of 5]

تختلف عن الجزء الأول. فكما قلت في مراجعتي للجزء الأول أن الجزء الأول يعتبر رواية خيالية اكثر من انها رعب. لكن هذا الجزء هو ما يصفوا به الرعب.
من بدايته حتى نهايته مرعب.
رائع جداً.
ربما الكلام الذي سأقوله الآن سيغضب البعض علي لكن ..
(أحمد يونس) أفضل من (حسن الجندي) ... أجل.
لولا فقط استخدام (أحمد يونس) للعامية المصرية لأتفق معي الكل.
[اتكلم عن المجموعات القصصية التي قرأتها لحسن الجندي]
...
قبل قراءة الجزء الثالث ...
"اتمنى ان لا يكون الجزء الثالث مجرد كوابيس يعيشها نادر فودة من كساب.. او أن تكون مجرد رحلات للبحث عن "الرعب" ونشرها في جريدة عمق الحدث".

[Hamza El-Kady · Rating 4 out of 5]

فالواقع انا كنت باديء اقرأ الكتاب و متأكد انه مش هيعدي ال نجمتين زي اللي فات لكن الحقيقه الروايه المره دي احمد يونس تلاشي اخطاء كتيره وقع فيها اول مره اولهم الوصف للاماكن و الاشخاص اللي كان منعدم اول مره و الاخطاء الاملائيه الكتيره جدا
المره دي روايه ممتعه فعلا و عنصر التشويق ممتاز من اول سطر فيها و عجبني جدا دخله الروايه نفسها و وصف حاله الموت ووصف القبر من الداخل
يتبقي فقط ان احمد يونس يجرب يكتب السرد نفسه فقط بالفصحي و الحوار بالعاميه
لكن الكتاب كان ممتاز فعلا
4 نجوم من اصل 5 نجوم