بدأ بالاهم ولو كان صعبا

by برايان تراسي

Unknown Binding

Reviews

[AbdElsatar · Rating 3 out of 5]

"لو سألتني: أقرأ كتاب تنمية بشرية واحد لعشر مرات، ولا أقرأ عشر كتب مختلفة مرة واحدة؟ هجوبك بدون تفكير وأقولك: طبعًا طبعًا أقرأ كتاب واحد لعشر مرات."

كتاب ابدأ بالأهم ولو كان صعبًا مثال واضح على إن كتب تطوير الذات كلها بتدور حوالين نفس الأفكار، لكن التكرار بيخلّي المبدأ يترسخ في ذهنك وتبدأ تطبّقه.
الفكرة الأساسية للكتاب: تبدأ يومك بأهم وأصعب مهمة عندك (اللي سماها الكاتب "الضفدعة") عشان تدي لنفسك دفعة قوية لبقية اليوم.

الكتاب مقسّم لـ 21 مبدأ عملي يساعدوك على التنظيم وزيادة الإنتاجية، منها:
1. تحديد الأولويات.
2. قاعدة 80/20.
3. التخطيط المسبق.
4. تجنّب التسويف.
5. التركيز على مهمة واحدة بدل التشتت.
اللي أعجبني: الأسلوب بسيط ومباشر، ينفع للتطبيق العملي فورًا، محفّز ويخليك تبدأ بدل ما تأجل.
اللي ما أعجبنيش: الأفكار متكررة زي أغلب كتب تطوير الذات، ولو عندك خلفية كبيرة عن الإنتاجية مش هتلاقي فيه جديد قوي.
الخلاصة: كتاب عملي وسهل الهضم، مناسب خصوصًا للمبتدئين في مجال إدارة الوقت. الأهم من القراءة إنك تطبّق ولو مبدأ واحد منه.
أنا شخصيًا شايفه مفيد، بس محتاج تركز على التنفيذ مش القراءة بس.

[Dina Badawy · Rating 1 out of 5]

لم يفدني إطلاقا مش عارفة ليه، ومبقاش يعجبني الكتب أو الدورات اللي بتدفع الشخص إنه ينجز ويقتل نفسه شغل ويكرس كل حياته ووقته عشان يفيد المؤسسة اللي شغال فيها، يساهم في الإنتاج العام يعني دون النظر لإحتياجاته الشخصية أو سعادته هو شخصيا، المهم إزدهار المؤسسة ومش مهم الفرد، يمكن عشان إنخرطت في الموضوع ده كتير مبقتش أستحمل أسمع أو أشوف حد بيتكلم عنه.

[Tahani · Rating 4 out of 5]

الكتاب جميل جدا، بس فيه تكرار للأفكار

[Nada · Rating 3 out of 5]

الكتاب قد يكون مفيد أكثر لمن هم مبتدأون ف القراءة لأن اسلوبه سهل و لمن هم يريدون تنظيم حياتهم
تمت قراءته في زمن كورونا 🕘