Се гледаме наскоро. Е.

by Драгана Евтимова, Владимир Лукаш

Драгана Евтимова и Владимир Лукаш преку нивните писмописци и раскажувачки гласови – Еписторија и Еписторие, соодветно успеваат во епистоларниот роман, освен реалистичната постапка и секојдневието, да вметнат и нота на надрализам, микрораскази од руски тип налик на оние на Хармс, извадоци од весници и списанија, книжевни критики, па сè до делови кои личат како репортажи од National Geographic. Сето ова придонесува овој роман да се чита и како дневник и како размена на електронска пошта и како лексикон на значења и долги прошетки по сферите на реалното, надреалното, магичниот реализам, чудесното и фантастичното. Роман, кој се испишува од психолошките игри и симулации на живот на Еписторие и Еписторија, двата влога на еден ист совршен јин-јанг карактер.
Убавината во роман „Се гледаме наскоро. Е.“ е во тоа што може да се препрочитува неколкупати и одново да се откриваат симболите и алузиите во приказните. А овој роман е дефинитивно „хипервитамизиран“ со тоа. Се добива чувство дека пред себе имате исто дрво, кое во различни сезони раѓа различни цветови и плодови.
Душко Крстевски


Драгана Евтимова (1984, Скопје) ги има објавено книгите: „Постоењето на динамиката“ (2005), „Јас сум некаде на друго место“ (2011) и „Фусноти по сеќавање“ (2014). Преведува од словенечки јазик.

Владимир Лукаш е музичар и визуелен уметник. Има ненапишано неколку необјавени книги. Живее и работи во Скопје.

144 pages

Published January 1, 2017

Reviews

[Biljana Ilioska · Rating 3 out of 5]

Интересна невообичаена книга во вид на разговор преку е-маил писма. Најмногу ми се допадна делот со хаику песни.