Fjallið sem yppti öxlum - maður og náttúra

by Gísli Pálsson

Getur maður átt samleið með fjöllum og hraunbreiðum? Myndað náið samband við atburði í jarðsögunni? Fjallið sem yppti öxlum fjallar á nýstárlegan hátt um „jarðsambönd“ fólks sem ekki eru síður mikilvæg en tengsl þess við samborgara sína. Höfundur segir frá bernsku sinni í nábýli við iðandi eldfjöll, mannlegu drama andspænis náttúruvá og þeim ógnum sem steðja að lífríki jarðar. Glíma manna við jarðelda, ekki síst í Heimaeyjargosinu árið 1973, opnar honum óvenjulega sýn inn í vanda jarðarbúa á svokallaðri mannöld sem einkennist af skaðlegum og oft óafturkræfum áhrifum manna á bólstaði sína og jörðina sjálfa.

Gísli Pálsson er prófessor í mannfræði við Háskóla Íslands. Hann stundaði framhaldsnám við Manchesterháskóla og lauk þaðan doktorsprófi árið 1982. Meðal bóka hans eru ævisögurnar Frægð og firnindi: Ævi Vilhjálms Stefánssonar og Hans Jónatan: Maðurinn sem stal sjálfum sér, sem báðar hafa verið þýddar á ensku. Hann hefur hlotið margs konar viðurkenningu fyrir rit sín og rannsóknir.

240 pages, Hardcover

Published October 1, 2017

About the author

Gísli Pálsson is a professor of anthropology at the University of Iceland.

Reviews

[Guðrún Úlfarsdóttir]

Svo áhugavert að fá aðeins nánari innsýn í atburðarás Eyjagossins. Hér er þó farið um víðan völl, bókin er eins og hrærigrautur af æskuminningum höfundar, hugleiðingum um mannöld og loftslagsbreytingar og sögur úr gosinu. Fannst það bara æði.

[Atlas · Rating 3 out of 5]

This book is fairly interesting, I liked the inside view the author had on the lead up and aftermath of the eruption in Heimaey, but I think I would've liked it more from the perspective of someone who was actually there and went through it themselves. I did like how he spoke about the connection between man and nature though.