استمارة 6

by خالد حبيب

Through situations and exemplary manifestations, the writer attempts to present his extensive experience in business and management in a remarkable style whereby the reader could acquire new rules and lessons in life, after a step back and pause, without pretending to be idealistic.

Genres: Nonfiction

254 pages, Paperback

Published October 25, 2017

Reviews

[Rogius · Rating 1 out of 5]

يمكن يكون الكتاب مناسب بالنسبة لناس تانية ، بس بالنسبالي :
1- كتاب بالعامية مش هيفيدني
2- كتاب كله قصص بيحكيها واحد كأنه ف قعدة دردشة او بيفضفض مع اسامة منير عن قد ايه هو كان جامد وقدر يتعامل مع كل موقف مر بيه مش هيفيدني
3- كتاب مخلط بين الاسلوب الدعوي الطفولي و خطب التنمية البشرية المملة اكيد اكيد مش هيفيدني

[شريف سالم · Rating 1 out of 5]

الانسان الناجح قد لا يستطيع كتابة كتاب ناجح

[Aya Zein · Rating 1 out of 5]

صادفت في نفس الوقت الي قريت فيه الكتاب ده كنت بقرا كتب تانية ل Malcom Gladwell المشكلة مش ان مالكوم علّى عندي سقف التوقعات ، المشكلة ان استمارة ٦ دون المستوى فعلا!
احنا ازاي بقى بيننا وبين الناس دي سنين ضوئية! الفرق شاسع يا جماعة! من تفكير علمي منهجي منظم لواحد ماسك ميكروفون عمال بيزعق فيه انا أجمد واحد في الدنيا أنا مافيش حد زيي أنا الي فيهم أنا أنا أنا !
ايه ده بجد؟ المادة العلمية والأسلوب وعرض الموضوع ومناقشته لاترقى أن تكون مقال في جريدة مابالك بكتاب !
المشكلة اننا فعلا بننخدع بالظاهر، عايزين طرق سهلة للنجاح، حد يقولي انه ناجح وجامد ويديني مفتاح النجاح في برشام سهل سريع كده وانا هروح جري افتح بيه الباب !
نصيحتي للكاتب خليك موضوعي اكتر، ادرس كلامك، جرب، اعمل تجارب اجتماعية كتير جدا جدا عشان تثبت صحة نظرياتك، من الاخر إبذل مجهود، راجع مقالاتك، صححها، خد اكتر من رأي ، ناقشها وبعدين نقحها وغيرها وامسح وعيد وزيد بعد كده حطها في كتاب ده طبعا ان كان يهمك المحتوى مش المكسب السريع السهل !

[Ahmad ElShazly · Rating 5 out of 5]

الكتب الي بتحكي خبرات صاحبها وأفكاره، على شكل مقالات متفرّقة أو حتى كتاب على بعضه، بيكون ليها طريقة واحدة بس في التقييم من وجهة نظري: انت قد إيه فهمت الكاتب عايز يقول إيه؟
عشت معاه الي هو كتبه ولا محستش بيه؟

لو وصل لك إحساس الكاتب ووصلت لك دماغه، أيًا كانت انت متفق معاها ولا لا، يبقى هو عمل الي عليه.

بالنسبة لي الكتاب ممتع جدًا، وخفيف، وفي دروس كتير، ودمه خفيف، وحقيقي زي د. خالد بالضبط .. متحسش بفرق بين انك بتقرأ له وانك قاعد معاه. هو هو في الحالتين. اتكلم عن حاجات كتير حلوة ومييزة عملها، واتكلم كمان عن غلطات عملها، وعن عيوبه .. وده شئ يُقدّر جدًا

[أحمد السكري · Rating 2 out of 5]

الكاتب أتباعه على الفيسبوك و أعرف أنه من النوع الذي يرتدي البذلات الأنيقة و يعمل في الشركات الضخمة فقط تلك معلوماتي عنه , و رغبت في قراءة هذا الكتاب لأعرف أكثر عنه و قلت أنه لربما أضاف لي معلومات في جانب إدارة الأعمال و عالم الشركات و الموظفين ,و لكن ما وجدته هو شخص به مس من نرجسية يحكي عن مغامراته هو الشخصية و ما لاقاه من تحديات في كاريره [ بأسطامبه ] ثابته في كل الفصول , قد توجد حكمة في كل فصل و لكن ليس ذلك ما قرأت الكتاب من أجله , و مع ذلك استمتعت بالقصص المروية و خبرات الكاتب و تجاربه و لكن في إطار القصص المسلية و الدردشة مع أحد في ذلك العالم المتأنق الملئ بالدسائس و الخدع و المؤامرات أكثر من حروب العصور الوسطى .

[Engy Gaffar · Rating 5 out of 5]

كتاب أكثر من رائع. أسلوب مختلف في السرد. تجربة حياتية إنسانية غنية بالمشاعر والصواب والخطأ والاعتراف بهم بكل شجاعة. يستحق القراءة أكثر من مرة

[Mahmoud KHoolef · Rating 3 out of 5]

جميل وواقعي وفي دروس بالحياة العمليه والشخصية

[Ramy · Rating 1 out of 5]

فى معرض الكتاب الاخير يناير 2018
لم اذهب للمعرض و لكنى اوصيت من اشترى لى من هناك
3 كتب
اساطير مقدسة وليد فكرى لانه كان موضوعه حلو عن الاساطير و الاسرائيليات الدخيلة على الاسلام ..و كان كتب لطيف مش بطال
شيفرة اللعبة ...د شريف سعيد كتاب عن الثقافة المالية و الادخار و الاستثمار و عادات الانفاق ...برضه كان ممتاز
و اخيرا استمارة 6 ...و اللى جبته بعد ترشيح من "زميل عمل" اكبر سنا و خبرة قاللى انه بيقراه - يعنى الراجل مكنش خلصه كله عشان منظلموش-و انه عن الحياة الوظيفية و خبرات الحياة الوظيفية ....ف اشتريته بناءا على الترشيح دا من شخص محترم كبّارة

اعتادت أن اقرا لمن لا احب حتى قبل ان اقرا لمن احب
سلمان رشدى - سيد القمنى - علاء الاسوانى "سياسيا"- او حتى خالد حبيب
لا مانع من هز اناء الفكر و الافكار من حين لاخر

كنت منتظر من الكتاب من اسمه ان يكون عن خبرات عدة افراد فى الوظيفة وحياتهم من بعد الرفد او الاستقالة او ترك العمل و بدء عمل او وظيفة جديدة...
لكن خيب الكتاب وا لكاتب ظنى
الكتاب عبارة عن حوالى حاجة و خمسين فصل و كلهم هم خبرات و تجارب حياتية للمؤلف ذاته ف كل شركة كان بيروحها يعمل دمج او فصل او اعادة هيكلة بصفته مدير بتاع اتش ار

ممكن احكى لك هنا مختصر ل فصل يكاد يكون general template اسطامبة عامة لكل و بقية الفصول
سيبت الشركة الفلانية ..اه اصلى بزهق ..و بحب التحدى ...رحت شركة تانية اصغر و بمرتب اقل ... اه اصلى بحب التحدى ... اترجونى الكبار هناك و مدحوا فيا و مين فينا مبيحبش المدح ...قبلت التحدى و رحت ..لاقيت كركبة و لغبطة ادارية ...و تربيطات و مصالح الشركة بتخسر ...و الكل بياخد مراتب و شغل لا ...و هناك لاقيت فلان / فلانة ...كبير وواصل و له شبكة علاقات و نفوذ و فساد متحفز و جاهز يحاربنى ... لميت تيم من الموظفين الصغار اشوف قدراتهم لاقيتهم بيتفاخروا اديتهم فوق دماغهم و قلت لهم مؤهلاتكم مش كفاية - اه اصلى بحب اهد اللى بيتفاخر و ارفع اللى حاسس انه قليل-غضبوا الا فلان / فلانة جالى و قاللى عاوز اتعلم ...بهدلته سففته التراب و علمته ...حاربت فلان و مسكت عليه مستندات و فضحته ادام الراجل الكبير / الادارة الاجنبية بره و اللى محرجا اضطر يمشيه ف خلال سنتين ثلاثة رفعنا الشركة نجحنا و اتعلمنا و بقينا اسرة .... مسّكت فلان بعدى التيم بقا مدير اقليمى شفته و هو بينجح و بيصقفو له ..سيبت الشركة بزهق انا و رحت لتحدى جديد....

!!!... انا ؟؟!! و بعدين ؟ طب اشوف حاجة اتعلمها ف الفصل التالى ...نفس القصة بشوية تحويرات بسيطة بدل ولد بنت ... بدل مدير اجنبى مدير هندى او مصرى ...بدل اتش ار مدير مبيعات مدير تسويق سكرتيرة ....بدل المستندات سكرين شوتس للفيس ...صور ف مكان من بتوع الليل و اخره .... تسجيلات ..!!

ايه الهبل دا ؟ يا خسارة الفلوس اللى دفعتها ف الكتاب ...عارف انا حظى وحش مع الكتب الورقية و بخاصة اللى بدفع فيها فلوس.... ماله ال pdf ?
خالد حبيب ...خريج هندسة مدنى و بيحكى ف كذا فصل انه كان بيبهدل العمال تحت ايده و بيتمسخر بيهم و انه كان انانى و ندم.... و انه ساب الهندسة ....
ثم الاذاعة و ازاى انه مامته و اللى كانت شغالة فيها متوسطتش له و انه دخلها بمجهوده...عمرى ما سمعت عنه اساسا
خالد حبيب ...ك مذيع تلفزيون شفته ف التلفزيون المصرى ف برامج رمضانية حشو بين المسلسلات كنت انتظر انه ينقشع بفارغ الصبر تاركا لابصمة
و اخيرا ال دكتور جامعة
و مدير ل ايه او بيعمل ايه معرفش الا انه مدير للاتش ار ...و اللى بعتبر شغلانتهم "لا شغلانة" .... يعينوا ناس و اللى يحب يمشى يحاول يطلعوا فيه القطط الفاطسة فقط عشان يتنازل عن مستحقاته و هو ماشى ...
و اخيرا الراجل ال مسك البرنامج الرياسى لتدريب الشباب "حد سمع عنه" ؟ طب شاف له اى مخرجات البرنامج دا ؟
دا غير انه عضو فى مجلس ادارة النادى الاهلى ... برياسة محمود الخطيب و اللى عمل غلطات كتيرة من ساعة ما مسك....ارتماء فى حضن النظام ... معاداة الجمهور ... اهدار ماء وجه و كرامة النادى الاهلى على يد الكفيل الخليجى ...
و اخيرا خالد حبيب دا يوم ما حب يعمل منظر و مانشيتات تسمّع ال طلع يغلط فى ابو تريكة و يقول عليه ارهابى ....

يا خسارة الفلوس ... و الوقت و تمقيق العينين فى كتاب لا يعود ب اى خبرات على قارئه و لاا ب اى متعة و لاا ب اى حاجة ....
الكتاب صغير ..و مع ذلك ...اخد منى حوالى 6 اشهر عشان يخلص قريت نصفه الاول ف اول شهر "مارس" و اجبرت نفسى على قراءة نصفه الثانى فى شهر "سبتمبر".....هاجرا اياه عمدا طوال ال 4 اشهر اللى فى النص من اجل عيون كتب اخرى كتبها كتّاب حقيقيون

نصيحة : متقرهوش و ان كنت مصمم تقراه متشتريهوش و ان اشتريته رجعه و ان منفعش سلفه لحد بس يبقى حرام عليك وقت الحد دا ..اقولك ارميه او ادخره ك وقود لنار تدفئك فى الشتاء الذى يقترب

الكتاب القادم : حكايات نفسية

[Mahmoud · Rating 3 out of 5]

كأنك بتتكلم فالراديو بظبط ...نفس الاحساس ... في طاقة طالعه من الكلام.... مش دايما سعيدة بس أغلب الوقت ايجابية
كمجموعة قصص قصيرة الكتاب مليان... شرحك لطريقة تفكيرك فالمواقف المختلفة كان المفيد بالنسبالي ز��ادة عليه نقل الوضع فالشركات و الموارد البشرية و الاستشارات كان عامل ازاي من وجهة نظرك... ...
مثالي زيادة ساعات و ساعات العكس تماما زينا كلنا ..

كان هيبقي ممتع و مفيد اكتر لو في ربط بتسلسل المشوار شويه و معاها الحكايات.. بس الفكر الهندسي سيطر فالكتابة لازم كل حكاية لوحدها ( او عشان ميتعرفش الناس اللي فالحكايات ممكن)

[محمد طارق · Rating 3 out of 5]

من المعروف عنيّ أنني لا أثق أبدًا بآراء الباعة، خاصةً إن بدا ليّ أنهم لا يفقهون ما ينطقون!
ولكن جازفت وقِبلت نصيحة بائع الكتب الذي جئت لاسأله عن كتاب المال اتقان اللعبة : 7 خطوات بسيطة لتحقيق الحرية المالية والذي أضحى إيجاده حُلمًا بالنسبة ليّ... وحين لم أجد الكتاب، سألته عن كتاب آخر في عالم (البيزنس). وكان "استمارة 6" هو إقتراحه.

الكتاب جيد جدًا، لغة التفاؤل فيه راقتني، وأحببت المشاعر التي انتابتني عند الحديث عن الإبداعات والمنجزات.

هناك تكرار في الأفكار: حيث تتعدد القصص، لكن تبقى العِبرة واحدة. فلم يحمل الكتاب فائدة عملية، لكن يمكن اعتباره ككتاب للسفر: خفيف - لغة بسيطة وغير معقدة.
أما عدا ذلك، فهناك كتب أكثر فائدة منه.

[Dina Walid · Rating 2 out of 5]

في الأول كنت متحمساله وكان في فصول شيقة وبعدين بدأت أجزع من أسلوب السرد السريع وبعدين بدأت أزهق من التكرار والحكي لمجرد الحكي مش لتركيز علي شئ بعينه وفي النهاية بقيت أحس إن في إدعاء من الكاتب بإني آه وحش بس والله أنا أتظلمت وكنت جدع مع كتير وكم تلقيح كلام ينرفز وكانت نتيجة كل ده إني للأسف سبت آخر فصلين وماقدرش أكمل الكتاب

[أحمد الكيلانى · Rating 4 out of 5]

حسنا ، هذا الكتاب ضرورى جدا ولازم ولابد وحتما من يعملون فى القطاع الخاص أن يقوموا بقراءته فورا ولا مانع ايضا لأصحاب القطاع العام
خالد حبيب الذى ربما نعرف وجهه لكن لا نعرف اسمه ، لكن فى هذا الكتاب الذى اتمنى الا يكون الأخير ستدخل عالم تراه فقط فى السينما ، ولكن خالد حبيب يجعله من لحم ودم دون ذكر أسماء ، استمتعوا

[Shehab-eldin · Rating 3 out of 5]

كتاب جميل عن تجارب شخصية و عن المعاملات مع الناس المختلفة في بيئة العمل. اتمني الكتاب القادم يكون عن طرق و مبادئ اعادة الهيكلة في الشركات التي تم استخدامها في بعض الحكايات المذكورة في الكتاب

[Diaa · Rating 4 out of 5]

خلصت الكتاب في يوم .. من كتر انه بسيط وسلس وممتع .. يستاهل القراءة

[Yasser Yahia · Rating 1 out of 5]

Not for me.

[سمر درويش · Rating 3 out of 5]

كتاب نقلني في حتة تانية في عالم الأعمال والشغل والكتاب علمني ببساطة أن مفيش مرة هتحيد عن الغلط إلا وهتروح للصح فمتقعش

[Reem · Rating 4 out of 5]

Very relevant stories to anyone who worked in the corporate world...

[Drnazeh · Rating 1 out of 5]

الكتاب عبارة عن ٥٠ مقال في ٢٥٠ صفحه و ده سبب كافي تعرف منه ان المقال بتطلع منه بلا شيء! المقالات كلها نفس الفكرة و الموضوع راح شغل جديد كان عنده تحديات طلع جامد و حد طلع اي كلام و يا خسارة. الكتاب بعد ماخلصته مش فاكر اي مقال من ال ٥٠ اللي قريتهم!
الكتاب كان ممكن تطلع منه بحاجه لو المواضيع اقل و فيها استفاضه اكتر.

[Mahmoud Ghoz · Rating 4 out of 5]

الكتاب فالمجمل جميل. كل قصة تحمل معني ممكن يبقي معني بديهي أو معني بعيد. ما عجبني حقيقة هي طريقة النقد الذاتي الخالية من التجميل.
قبل الكتاب اعترف إني لم أسمع عن خالد حبيب ولكن بعد الكتاب وددت لو تعرفت اليه من قبل.
انصح الجميع بأن يقرأ الكتاب.

[Aly GamalElDin · Rating 1 out of 5]

Not what I expected. Read about it but found it weaker, simpler and superficial than what I expected.
A bathroom reading, that what it is!

[Hend · Rating 1 out of 5]

بيتكلم بشكل شخصى زيادة. ماحسيتش ان تجاربه ممكن حد يستفيد منها

[Neiveen essam · Rating 5 out of 5]

علاقتي بالدكتور #خالد_حبيب علي حد تعبيري الساذج الراجل بتاع التنمية البشرية و المذيع اللذيذ اللي لي برنامج ع الراديو بتاع #تفاءل و طبعا في ظل السخف الصباحي لبرامج الراديو بقة دة البرنامج المفضل بالنسبة لية اول كام يوم قلت اتفائل ليه و عشان ايه بس يا عم خالد ده الواحد بيروح الشغل بضرب النار .اهو الواحد بيشتغل و بيرضي ضميره و يراعي ربنا و خلاص .. و بعد كام يوم لقيت نفسي بتفاءل اه و النعمة... بتقولي ايه!! اه بقيت اتفاءل و في يوم كده الدنيا كانت مقفلة ف وشي و ضغوطات الشغل كانت قوية اوي و قررت اتهور و ابعتله علي فيس بوك اسأله عن رأيه كخبير ف علم الموارد البشرية و الراجل ده ولا اعرفة و لا يعرفني و لقيته رد عليا لا و ايه ده كمان كان سايق غالبا فسجلي فويس نوت طبعا انا فكرة انه رد عليا دي خلتني اتفاءل اكتر و اكتر و لما لقيته عمل كتاب قلبت الدنيا عشان اجيبه لمجرد الفضول ..عايزة اعرف الراجل ده عنده ايه يقوله و يمكن اتفائل اكتر لما اقرا الكتاب. و قد كان ... انا مش عارفة ده ايه ..الكتاب بيسحبك ف حتة كده تخليك حتي لو مش طايق شغلك هتحاول تحبه و تنتج فيه هيخليك تعرف تقيم نفسك و تعرف تقيم اللي حواليك هيخليك تشتري نفسك لو مش مبسوط ف شغلك و تقدر نعمة شغلك لو مرتاح فيه هيخليك تثور من جواك لو مديرك مش بيشجعك و بيحبطك و يخليك تشيل مديرك فوق راسك لو هو انسان بيقدر مجهودك و تعبك .. كتاب خلاني عايزة اطور من نفسي عايزة ادخل ف تحدي ... خلاني عايزة اشتغل مع خالد حبيب شخصيا حتي لو بدون مقابل.لمجرد اني اكسب الماتش و اتحدى نفسي واللي حواليا..ده حقيقي انا للحظة تخيلت ان الراجل ده مديري او الراجل الكبير على حد تعبيره و بتعامل معاه ازاي و اهزر امتى و اغلس امتى و مش معنى ان سني مش كبير ان عمري ما هكون ف منصب كبير ..الكتاب حاله.. حالة من التحدي الداخلي كإن في صوت جوة الكتاب بيقولك طلع كل اللي جواك لان انت جواك حاجات لو طلعتها هتبقي انجح انسان ف الدنيا.... شكرا د.خالد ... شكرا انك حسستني اني عايزة اغير من حاجات ف حياتي شكرا انك شجعتني مخفش شكرا انك زقتني لقدام....ده مش كتاب ده كورس علاج نفسي مدته ٥٠ جلسة .. و اعتقد ان الكتاب الجاي يكون"كيف تصبح مديرا ناجحا" صحيح انا بدأت القراية متأخر بس #استمارة٦ من امتع الكتب اللي قريتها ...
#خالد_حبيب #استمارة٦

[Ahmed Alaa · Rating 3 out of 5]

في الأول كان الكتاب كويس قوي، وفيه تجارب ومواقف وحكم حياتية وعملية مفيدة، لكن ده مستمرش كتير. مستخدما لغة وتعبيرات الكاتب: "البداية كان كلها حماس وتفاؤل، بس شهر العسل ده مقعدش كتير". واحدة واحدة ابتدى الكتاب يبقى ممل والكلام عمال يتعاد والقصص والحكاوي شغالة بس نفس الفكرة ونفس الأسلوب، وكلام الكاتب عن نفسه وتكرار الأنا لدرجة الهوس وتسويقه لنفسه بزيادة وازاي إنه جامد قوي وكبير قوي وخبير قوي ومظلوم قوي برضه ابتدى يظهر أكتر فأكتر على السطح ويبقى هو أساس الكلام وخلاصة التجارب اللي بتتسرد لدرجة منفرة. هو شايف نفسه جامد وكبير وحد الناس بتتعلم منه أو بيعلم عليهم وعنده معارك كتير كان بطل فيها وإنه صايع قوي (على اعتبار إن الصياعة سمة ومهارة مطلوبة جدا وتمنها غالي في سوق العمل وحاجة أساسية للنجاح، وده شيء من أشياء كتيرة بختلف مع الكاتب فيها) بس نضيف وبيراعي ربنا، ده كله كويس (أو مش كويس) بس دي حاجات تخصه شخصيا متخصنيش كقارئ عايز يقرأ حاجة تقدمله إضافة وتفيده.
إجماليا، هو كتاب مش ممتاز ومش سيء برضه. عرفت منه حاجات مفيدة عن الحياة والشغل والبلد. عجبني فيه بعض الحكم والخبرات والمواقف والتجارب اللي الكاتب عرضها. مع اتفاقي مع بعض الأفكار والآراء المطروحة واختلافي مع كتير منها. بالإضافه إن الكتاب مكتوب بالعامية بشكل بسيط كإن واحد بيدردش ويحكي معاك، وده في حد ذاته كان حاجة جديدة بالنسبالي، محبتهاش بس مكرهتهاش. مستخدما لغة الكاتب برضه: "مش متعود أقرأ بالعامية أنا". معجبنيش التكرار في الأفكار والكلام ورؤية الأمور من جانب واحد وتمجيد الكاتب لنفسه لدرجة مضجرة.

[Ehab Fathy · Rating 5 out of 5]

بس الدرس اللى انا اتعلمته إن أى حد بيمنعك عن الراجل الكبير هو اللى بيبقى صغير قوى قوى فى اى حته وفى كل مكان - معلش - خيرها فى غيرها طريق طويل ونستمر فى السعى والمحاوله
==============
سمعت الاستاذ خالد حبيب لمدة اسبوع فى الراديو برنامج تفاءل لمدة اسبوع وبعدين الإذاعة راحت ونسيت اسمها بس كان مسمع معايا
فى الاول كنت مش مستسيغ تفاؤله فعلا وايه يا عم السهوله والحياة الجميلة دى لحد ما بدأت استسيغ صوته والفه
لما شوفت الكتاب افتكرته تانى وافتكرت صوته اللى بصراحة كنت بدأت ارتاح له قبل ما الاذاعة تضيع منى
الراجل شقى وتعب واتمرمط لحد ما عمل حاجة
اى حد فعلا حتى لو حرامى كبير اكيد تعب وشقى اتمرمط علشان يوصل لده
===============
اجمل حاجة هو الهزة النفسية لى لما تحب تقيس نفسك فعلا
كل واحد بيكون فاكر نفسه شوماخر وبطل ابطال العالم فى مكانه لكن فعلا
لو انا خبرة 20 سنه فى مكانى
بعد الكتاب ده انا خبرة سنه اتكررت 19 سنه للاسف
==============
اتمنى احضر ليه محاضرات لايف لو بيعملها وان شاء الله ابحث واحاول احضر له لو بيحاضر
==============
على هامش البرنامج كنت بآخد كلمته على سبيل السخرية لما بيحصل حاجة او نتمرمط فى الشغل
فكل ما نقع فى ضحضيرة او فوحرة محترمة اقول للتيم اللى معايا
تفاءل ههههههههههه
وبصراحة بتهون والله
معلش مقامك غالى وعالى بس إسمح اقولك كأخ صغير
شكرا يا خالوده
=============
ملحوظة اخيرة
انا اشتريت الكتاب ده مضروب من الازبيكة ب 20 جنيه علشان ما كونتش واثق من أدائك الأدبى معلش
بس لما لقيتك برنس البرانيس اشتريت بتاجونيا نسخة اصلى
حبيبى يا كبير

[Amira · Rating 2 out of 5]

الكتاب في أوله يخليك متحمس ومستمتع خصوصاً لما حكى عن الحادثة وبعدين المواقف اللي واجهته وطريقته في حل الأمور ونجاحه المبهر البعيد كل البعد عن دراسته.
بس في نص الكتاب بدأت أحس إن الكلام بيتعاد والقصص هي هي وكلامه أن بيواجه مشاكل وأزمات في الشغل بيتكرر. للأسف هو مش هيشرح ازاي لأن في الحقيقة المشاكل مش بتكون سطور تقرأها وتخلص لأ ده بيكون مشاعر متضاربة، مفاجأة خوف قلق صبر قوة تحمل اعصاب مشدودة مسئولية كل ده هيكون نتيجته نجاح أو فشل.
خالد حبيب للأسف معرفش يوضح كل ده في الكتاب اكتفى أنه يشرح الموضوع بشكل سطحي مفيش اسم شركة هيتقال حتى لو كان الموضوع عنها خير، فأصبح كل الشركات اللي حكى عنها دخلت في بعض لأن نفس الأزمات واجهته والحلول واحدة والنتيجة واحدة.


خالد حبيب مكنش عايز يكتب كل حاجة حكي بس اللي على الوش فهو مش هيتعمق ويحكي عن مشاعره الحقيقة مش هيبين إن جت ليه لحظات ضعف أو مش هيحكي عن قصة فشل ليه في أي موقف بس هيتكلم في العموم أنه فشل بس بعديها على طول هيقول إنه نجح نجاح كبير هيقولك إنه تعب واتأثر ووقع بس على طول هيقول إنه قام ووقف تاني وعمل نجاحات مبهرة هيحكي عليها

الكتاب كان هيكون جميل ومميز لو تحرر الكاتب من القيود في نفسه ومخجلش إنه يبين مشاعره وتعمق في الحكاية لو شرح وجعه وفشله مع نجاحه وقوته أو ممكن كان يحكي الحكاية مترتبة من الجامعة لحد ما دخل مجال اعادة الهيكلة كانت هتكون ملهمة


على فكرة المهندس الدكتور خالد حبيب قصته قصة نجاح وملهمة جدا، لكن الكتاب هو اللي في المشكلة

[Yousra Zeidan · Rating 3 out of 5]

استمارة 6 بالرغم من ارتباط الاسم بذكرى سيئة عند أى موظف الا أن الكتاب دعوة تفاؤل مستوحاة من تجارب عملية بتقولك حاجة واحدة بس اشتغل بضمير و بجد و اخلاص ربنا هيسندك دايما حتى لو سببت شغلك هتلاقى ربنا بيفتح باب رزق جديد و ده يمكن مشكلتنا الاساسية و هو الخوف من أنى أسيب الشغل شايف سلبيات فيه أو أنى اتحول فى شغلى لا أرى لا أسمع لا أتكلم عشان أكل عيش كأن باب الرزق مش موجود و مفتوح دايما و فى أوان.... ربنا بيقول للشىء كون فيكون... فثق بربك تجد كل الخير

الحقيقة من القصص اللى ضحكتنى فى الكتاب قصة كاريكا السودانى اللى بلا مؤهل و بيشتغل مهندس بعد الضهر و بيشيل السقف من عمارة للتانية و الصعايدة ساندين السقف -مسخرة بجد هههههههههههههههه

الحاجة اللى طلعت بيها من الكتاب غير شحنه التفاؤل والتذكير دايما بان ربنا كريم و رزاق---هى أن الراجل الكبير فى أى مكان خاص أو عام هو أساس المنظومة بأيده يطبق القواعد ويحدد الصلاحيات و بايده بردو يخليها ألعاب السيرك القومى
المنظومة = الراجل الكبير

[Hend Barakat · Rating 5 out of 5]

#استمارة_٦_خالد_حبيب
شكراً لمشاركتك الخبرات الحياتية اللي مريت بيها في عالم المال والأعمال والأضواء والشهرة وحتى السياسة -على خفيف- 😄 معانا من خلال كتاب "استمارة ٦"..
الكتاب اسلوبه شيق وقريب من القلب لدرجة انه شدني اخلصه في ٣ أيام فقط. تفاصيل الحكايات والشخصيات كانت حية أوي لدرجة خليتني عيشت معاك كل حكاية واستفدت منها وعاجبني أوي ان كل باب أو كل قصة حتى لو مالهاش جانب ايجابي أو حل لكن ليها درس مستفاد وعبرة وإن نظرتنا للامور بشكل مختلف إيجابي هي اللي بتفرق في رضانا وراحتنا. وازاي الانسان هو بس اللي بايده يضر نفسه او ينفعها. عن نفسنا لمّا بنبقى فاكرينها أقوى وأحسن حاجة والعكس هو اللي حاصل أو قرارتنا اللي بنبقى فاكرينها في منتهى العدل واحنا ممكن نكون ظالمين ناس واحنا مش واخدين بالنا. كنت بشوف في كل قصة مشهد بتخيل نفسي فيه وكان ممكن اتصرف ازاي وازاي اغير نظرتي اللي بالتالي هتغير ردود افعالي..
شكراً د.خالد حبيب 🌷

[Samar Abo · Rating 3 out of 5]

قراءه الكتاب كان سهل و ممتع في الحقيقه.
بدايه الكتاب والحادثه وان الواحد فعلا مش بيقدر النعم اللي ربنا منحهلنا... كتير بننسي الحقيقه ديه!

وبعد كده حكايات خالد مع الشغل وانه كمان بيتعلم مش بس بيعلم كانت قصص ظريفه و بعضها مؤثر. الكتاب عن خلاصه تجارب واحتكاك مع انواع كتير من البشر.

عجبني كمان ان القصص قصيره من غير اطاله.
حاسه اني محتاجه اقرأ له حاجه technical عن الخطط و التنفيذ 😁

و الخلاصه بقي الرزق بتاع ربنا و ان اكثر حاجه فعاله ان كل واحد يعمل اللي عليه و يخلي شغله هوه اللي يتكلم عنه...وده اصدق وش في زمن الغش ☺️

احلي صفحه في الكتاب... اخر صفحه.. لان كلنا بنحاول منكررش الاخطاء... علي قد منقدر يعني ... لاننا بشر ☺️

[Mohamad Eldhemy · Rating 4 out of 5]

كنت نازل مضغوط ومخنوق وناوي اشتري كتاب خفيف عشان أخفف الحمل عن دماغي شوية ، شوفت كذا حاجة لكن ما عجبتنيش خرجت من "ألف" دخلت "Virgin"
لقيت الكتاب ده قدامي قلت هشتريه .. أهو هتلاقي جواه شوية هجس على حاجات خفيفة مش مشكلة .. بس أعصابك تهدى و تخف

و يشاء ربنا يا مؤمن إني أحب الكتاب جدا جدا ، الكتاب خفيف وحلو و يملاك حماس إنك تعمل حاجة . مش بس حماس كمان فيه شوية خبرات بين السطور و فوق السطور و تحت السطور لوز العنب.

أي واحد داخل معمعة البنزنس ولا الشركات الخاصة محتاج يبص على الكتاب ده. كتاب للناس اللي في وسط الملعب.

اشتروه و اقروه .. حلو!

[Mina · Rating 3 out of 5]

كتاب رائع جداً
لكل المهتمين بالبيزنس و مهارات الادارة
ملخص مواقف كثيرة حدثت مع دكتور خالد حبيب ، استاذ اعادة هيكلة الشركات

هناك عبر و نصائح كثيرة تكتسبها وتضيفها لحياتك بمجرد قراءة هذا الكتاب

توقفت كثيرا عند نهاية كل قصة او حدث محاولاً استخلاص العبرة والهدف من تلك القصة. تتوقف كثيراً أيضاً امام بعض الجمل و الكلمات بهذا الكتاب

لقد استطاع الكاتب بشكل سريع ومبسط جداً ان يغير فكرتي عن طريقة العمل ويمنحني من الخبرات ما قد يساعدني علي التطور

أوصي بقراءته لكل مهتم بشئون العمل والنجاح و الادارة

الأسلوب
بسيط جداً وسهل الفهم