بدل فاقد

by أمين حداد

أنا وانتم ببلاش
انا وانتم والزمن الفاضى ببلاش
والزمن الفاضل ببلاش
والعمل الفاضح ببلاش
والعمل الفاضل ببلاش
وابويا مناضل ببلاش
ولبسنا صنادل ببلاش

Genres: Poetry

129 pages

First published January 1, 2008

About the author

- ولد عام 1958 في الحلمية الجديدة، القاهرة
- خريج كلية الهندسة قسم الاتصالات عام 1981
- توالد لديه حب الشعر من الصغر فهو ابن للشاعر المصري والد الشعراء فؤاد حداد
- بدأ كتابة الشعر و هو في الثالثة و العشرين من عمره و له أربعة دواوين شعرية:
-"ريحة الحبايب" صادر في عام 1990
-"حلاوة الروح" صادر في عام 1998
-"في الموت هنعيش" صادر في عام 2003
-"بدل فاقد" صادر في عام 2008
-الي جانب مجموعة قصصية للأطفال تحت عنوان الجو جميل صادرة في عام 2007

Reviews

[BookHunter M ُH َM َD · Rating 2 out of 5]

❞ عايزِك تقولي بجد

أنا أصلي مش متأكد

‫هوّ احنا كُنّا سوا؟

‫أنا في الهوا ماشي

‫بعيد عن الأرض بمسافة سبعة امتار

‫وبعيد عن الدنيا بسبعة امتار

‫وبعيد عن الآخرة بسبعة امتار

‫ماشي بدموعي وحالتي ما تطمّنش

‫لكن باحوم ع العِشّ

‫مستنّي منِّك إجابة

‫بعيد عنِّك

⁠‫أنا ما باعيشش! ❝

⭐️⭐️

❞ أنا ضاعت منّي قصايد في مراية الحمّام

‫وقصايد في الأوتوبيس

‫وقصايد في دموعي اللي اتمسحت بالأكمام

‫وقصايد ما بتعجبش الأصحاب

‫وصبحت مع الأعوام

‫باكتب شِعر سراب

‫باكتب شِعر تراب

‫بطّلت الشِّعر كلام

‫بطّلته قوافي

‫باكتب شِعر القَدَم الحافي

‫على رملة بحر الأوهام

‫باكتب شعر منافي

‫الماضي نفاني لقدام

أنا منفي مع الأيام

‫والشعر اتنفى ويّايا

‫وانا قاعد ويّاه

‫باكله وباشربه واتنفّس بيه

‫واللي بيفضل منّه

‫باخده في حضني وانام ❝

⭐️⭐️

❞ كدّاب اللي يقول لك ورد النيل

‫كدّاب اللي يقول لك مات قنديل

‫وانّ الحب قليل

‫وانّ القبح جميل

‫وانّ ميزان الدنيا يميل

‫ويطبّب أحزانك

‫كل ده كدب في كدب

الناس قدّامك

ماشية وفاردة ضهورها

‫جايّة بزهدها وفجورها

‫من أيامها لأيامك

‫للأيام الجاية

‫يعني سواقي الأرض

‫يعني الترس يسلّم ترس

‫يعني الأيام بتورّث بعض

‫والإنسان الإرث

‫يعني اللي بيجري ورا القرش

‫يعني اللي بيحزن ويهزّر

‫وبيسهر في الأزهَر

‫ويبسمل ويبخّر

‫ويزور الأوليَّا

‫يعني القلب الأخضر

‫يعني سمار الوشّ ❝

⭐️⭐️

❞ بيكلّمها في سره

‫بيكلمها في سرهم

‫والكلام بيجرهم

‫من مكان لمكان

‫في شوارع مش موجودة

‫يمشوا ولا يهمهم

‫الوهم بيضمهم

‫وعشهم كتمان

‫والكلام ما بيخلصش

‫يرسم لهم شمس

‫تحمّر وشّهم

‫وتعرقهم

‫يقلعوا بلوفراتهم

‫يرسم لهم شجر وضلّة وبرتقان

حكايتهم حاجة عادية

‫هيّ جميلة

‫وهوّ حنيّن

‫كان ماشي في حالُه

‫بيفكّر في الحالة

‫هىّ اللي قالت له تعالى

‫أوّل ما اتكلّم

‫احلوّت أكتر

‫إدّت له الضوء الأخضر

‫وفضل يحكي لها

‫تضحك وتكركع

‫تسرح وتدمّع

‫إيده مسكت إيدها

‫شفايفهم قابلت بعضيها

‫اتشبكت روحه في روحها

‫بس الشجرة اللي مادة فروعها

‫واللي رسمها كلامه في دنيا سعيدة

مالت على كتفه وقالت له خلاص

‫الهوا تنهيدة

‫روحك راح تبقى وحيدة

‫بقى مش عارف يعمل إيه

‫عايز إيدها

‫وإيدها بعيدة

‫بقى ماشي يكلمها في سره

‫وكلامه مش بيونسها

‫ولا يلمسها

‫لسّه عايزها

⁠‫قصيدة جديدة ❝

[Ayman Muhammad · Rating 3 out of 5]

3.6

[Abdul-rahman Salem · Rating 5 out of 5]

أنا وانتم ببلاش
انا وانتم والزمن الفاضي ببلاش
والزمن الفاضل ببلاش
والعمل الفاضح ببلاش
والعمل الفاضل ببلاش
وأبويا مناضل ببلاش
ولبسنا صنادل ببلاش
وعليها مرايل ببلاش
والمثل القايل
"ما بقاش في العمر ما يستاهل التوبة"
بيقوللي
كمل كلامك
ما تتوبش عن أحلامك
ما تفرطش في أوهامك
ارفع أعلامك
أرفع استعدادك للدرجة القصوي
العدو قدامك
اسمه الموت.

[Gamal elneel · Rating 2 out of 5]

معزوم فى البرد القارس ع شوربة عدس
وبلوفر صوف طبعا وجوانتيات
انا جوايا نايات
وجوايا قهاوى
جوايا فيشاوى ومعاشات

[Ahmed Gabr · Rating 3.5 out of 5]

القراءة الثانية
معضلة المزاج
فتحت درج مكتبتى التى تحتوى على كتبى القديمة المقرؤه، لا اعرف بالضبط السبب وراء ذلك ، قلبت بعض الكتب بعشوائية، وقعت عينى على كتاب بدل فاقد ، مددت يدى ، لمسته، شعرت انى المسه لاول مره ، عجيب حقا!! انا متأكد انى قرأت هذا الكتاب من قبل ، بل واعطيته تقييما بالتأكيد ، لماذا لا اتذكر ذلك ؟
قررت ان اقلب فى صفحاته ، فتحت اول الصفحات ، قرأت بعض السطور واقفا ، اعجبتني، قررت الجلوس ، اكملت القراءه وانا مستمتع كأنى اقرأه للمره الاولى ، لماذا لا اتذكر اى شىء ؟ مره اخرى انا متأكد انى قراته واعطيته تقييما ، انهمكت فى القراءه، اعجبتنى الكلمات والاحاسيس والافكار ، غمرنى الفضول كى افتح الموقع وارى تقييمى وتعليقى القديم ، توقعت تقييما بين الثلاث والاربع نحوم مع تعليق جيد ، امسكت الهاتف ، فتحت الموقع ، وكانت الصدمه ، تقييم بنجمه واحده مع تعليق مهين غالبا لا أرضى ان اكتبه حتى ولو كان الكاتب فى عالم الاموات.
انا حاليا فى حاله شاعرية حساسه ، هجم على الاكتئاب الخبيث فجأة، مع دخول فصل الشتاء ، غالبا ما ادخل فى حاله من الحزن واصبح اكثر حساسية ، تراودنى رغبه قديمة مدفونه الى الكتابة ، مع رغبه لسماع موسيقى معينه احفظها غالبا لهذه الحاله ، واستمتاع اكبر بالقراءه ، ابحث عن كتب بها طابع نفسى فلسفى حزين ، من حسن حظى انى اخترت الكتاب الصحيح فبدات فى قراء كتاب ( فى أثر عنايات الزيات) كتاب يتحدث عن فلسفه الحياة والموت ومعنى الحياة اصلا ، وعما اذا كانت الحياه تستحق ان نعيشها . لازلت اقرأ الكتاب ولم اصل الى نصفه حتى لحظه كتابة هذه السطور ، ولكنه حت الان كتاب مناسب جدا لمزاجى الحالى .
نعود الى كتابنا ( بدل فاقد) الذى يبدو لى انى قرأته فى يوم ما فى زمن ماضى وانا فى حاله مزاجيه مختلفه تماما ، بالتاكيد لم اكن فى تلك الحاله الشاعريه الحزينه ، والا لما كنت حكمت هذا الحكم القاسى على كتاب ارى انه يستحق على الاقل ان نحترم ما به من احاسيس حتى وان كان الكثير منها غامض ومعناها فى عقل الشاعر كعادة الشعر ، غابا ما يحتاج الى شرح وتفسير من الشاعر نفسه.
قرأت كلمات الكتاب هذه المره بطريقه مغايره تماما ، ولم لا وأنا الذى امتلك فى حقيبتى القديمه عشرات الاوراق التى بها مئات الخواطر والاشعار الشبيهة جدا بما فى هذا الكتاب ، والتى ارفض واحزن جدا لو تعامل معها اى انسان باستخفاف او استهزاء مثلما فعلت انا فى المره الاولى .
هنا فى ( بدل فاقد) معانى ومشاعر واحاسيس وافكار يجب ان تحترم وان تقرأ باهتمام ، ومن حق الشاعر الذى قرر ان يعرض افكارة تلك للناس ولم يجبر احد ان يقرأها ، من حقه ان يسمع رأيا محترما وإلا فالصمت افضل واجمل.

[Yousseif Abdellatif · Rating 4 out of 5]

بدل فاقد بيحكي عن الهجرة والاغتراب من جوه، مش من فوق. أمين حداد بيسجل اللحظات الصغيرة، المطبخ الغريب والكلمة اللي بتتقال غلط واللهجة اللي بتتغير. التفاصيل دي هي اللي بتوجع مش الأحداث الكبيرة. لمن اغترب وعارف، ولمن بيشوف المهاجر رقم.

[محمد الحويف · Rating 1 out of 5]

كانت محاولة تانية للقراءة للشاعر وللأسف ماعرفتش أكمله

[Hagar · Rating 3 out of 5]

a collection of poems in the Egyptian Arabic language..slang! Contemporary images...concrete ones...of colour and texture! overall, I felt that the issue he maintains was the memorable past that extends to one's present and future! It had very interesting poems..that I marked as my favourite already!

[Tefawy]

wow