أسباب وجيهة للفرح

by عمر مصطفى

شعر بالعامية الفصحى

أسباب وجيهة
مع إنها..
دايماً بتفتتح الحياة
بفصول عياط و بنهنهة
لكن العيال..
قادرة تلاقى في الحياة
أسباب وجيهة للفَرَح .......

Genres: Poetry

149 pages

First published January 1, 2007

Reviews

[Khaled Mohamed]

ديه قصيدة من ديوان عمر مصطفى “اسباب وجيهة للفرح” اسمها “قبل المراكب ما تتحول بيوت

“و حياة عنيكي
بتطرد كل ليلة
من أي شارع عبيط
و لا بزعل..
و لا بنزوي ف الحيط

و حياة عنيكي
بنكسف منك قوي
لما بشوفك ف المنام
أكمن حلمي مش قد المقام
و لسة بحلم بيكي
مشوار و سكة و شطوط
قبل المراكب ما تتحول بيوت


و بتوحشيني
ألاقيكي ف النعناع
وبتوجعيني
ألاقيكي ف الينسون
يمكن صحيح مجنون
يمكن شبيه عاقل
تلاقيها غربة
و تلاقيني بتفائل
أشبط ف عودي
و أغني بالموجود
قبل المراكب ما تتحول بيوت

و لي عندك غنوة في معنى الوطن
و لي فيكي حواديت عليها أقفال
مالك محال
و مالك قريب ممكن
مالك غريبة
و أحسك أطمن
مالك حزينة
و ليكي في حاجات
برد و سلام و يمام و زينة و توت
قبل المراكب ما تتحول بيوت

[Tasneem]

خدعني اسم الديوان.. و ظننتُ للوهلة الأولى أنه سيكون سبب وجيه لنثر الفرح بين صفحات أيامي حين أقرأه.


للأسف .. فإن القصائد خيّبت أملي, و ربما كان البحث عن الأسباب الوجيهة للفرح هو ما رفع سقف توقعاتي, فانهار علي السقف.



لم يعلق بذهني إلا الأسباب الوجيهة/الوحيدة التي بدأ بها الديوان.. و بعض التعبيرات في بعض القصائد.


أنا حزينة جداً.. لأني كنتُ أسعى جاهدة لاقتنائه عسى أن يكون تميمة فرح تُذكرني في الأيام الكابية بالأسباب الوجيهة للفرح, و لكنه لم يفعل.


و ها أنا .. ما زلتُ أبحث عن سبب وجيه للفرح

[Jailan]

من مش فاكرة كام سنة لما الديوان ده جالي هدية من كتر حبي للبلوج بتاع عمر, كان هدية و علامة و طبطبة
من يومها و الديوان ده من اقرب و اعز و اغلى الدواوين على قلبي
و رفيق درب مهم

ف الغالب كل ما بتمر عليا حاجة, بلاقي لها اجابة او علامة تخليني اقراها بشكل اوضح, في الديوان ده

:)

[Rania]

لا تشبُكيني في الهوى. اخضرّ قلـبي فاستوى
like it

[Abdul-rahman Salem]

عنوان وغلاف مخادعين بصراحة :)
ولكن بعض القصائد جيدة جدًا.

[Mohamed Amer]

اسباب وجيهه للفرح .. هديه عمر يوم زواجى 31/8/2007 عمر صديق عمري و طفولتى..

[Maha Shaker]

البنت معرفهاش لكني باعرفها"
في عنيها انها عارفة
اني باعرفها
احنا اللي سابق معرفتنا قديم
ارواح بتتسابق ونديم يطيب لنديم
يادي النعيم ..
ويادي الحزن
تحويجة
وادي النتيجة.."

[Ahmad Saad-Eddin]

الحلاوة حلوة :)