სასაუზმე ,,ბუდაპეშტი"

by Misha Bakhsoliani

სასაუზმე „ბუდაპეშტში“ სცენა უკვე მზადაა, დეკორაციები გამართულია, მსახიობები კულისებში გარინდულან და რეჟისორის ნიშანს ელოდებიან, რათა საკუთარი როლების შესრულება დაიწყონ. ნიშანი გაისმის და სცენა პერსონაჟებით ივსება.

ყველა აქ არის: მარი, გიო, მძინარე ბაჩო, ბუდა როსტომი (იგივე რიტა), ბიჭი ნელი და ქმრის მიერ ცხვარივით დაკლული ნელიც; აქ არიან ტელევიზორის გამომგონებელი ძველი ხეთები, სიკვდილის წინ მუზეუმში გამოფენილი სნეულები, წინაპართაგან ნაანდერძევი ბირჟის გამამაგრებელი ჯეელები და სქელ კვამლში გახვეული რუსთავის გეტო.

ამ მოთხრობებში სინამდვილე, გამონაგონი, 90-იანი წლებისა თუ პოსტაპოკალიფსური საქართველო – ყველაფერი ერთმანეთშია გადახლართული, ავტორი კი მათ შორის დასაშვებ ყველანაირ ზღვარს შლის, წარმოსახვით პორტალებს შორის გადაადგილდება და მკითხველს იმაზე დიდი კითხვის ნიშნის წინაშე აყენებს, ვიდრე ის ტალღაა, ყველასა და ყველაფრის წამებში გადარეცხვა რომ შეუძლია.

254 pages, Paperback

Published November 5, 2017

Reviews

[Beka Adamashvili · Rating 4 out of 5]

მოთხრობების უმეტესობა ძალიან კარგია. იმ დანარჩენ სამიოდ მოთხრობაზეც დავწერდი რამეს, მაგრამ ვფრთხილობ მაინც - მერე შეიძლება რეზიკო მოვიდეს და ტრაკიდან ხერხემალი გამომაცალოს.

[Davit · Rating 5 out of 5]

მევასება მე ამ კაცის აღვირახსნილი იუმორი და რა ვქნა :)

[Levan Shakulashvili · Rating 5 out of 5]

უძერსკესია.

[Guga Nemstsveridze · Rating 4 out of 5]

ბოლო მოთხრობაში პოლოს თავგადასავალი ყველაზე კარგი რამეა

[Geørge · Rating 4 out of 5]

თავიდან გადაღეჭილი 90-იანების, ადრეული 00-იანების ამბებს ველოდებოდი და სასიამოვნოდ გაკვირვებული დავრჩი. მარტივად, სატირულ-მისტიკურ-აბსურდულ სიუჟეტში გადმოსცე ის ჯოჯოხეთი, რომელიც ჩვენი ქვეყნის უდიდესმა ნაწილმა გამოიარა.

რამდენიმე მოთხრობა განსაკუთრებით კარგია - "სიკვდილის მუზეუმი", გადასაღებად გამზადებული ამბავია. საინტერესო სიუჟეტით, კარგი გმირებით და გარემოთი, რომელიც თან ასე შორს, მაგრამ ამავდროულად ძალიან შინაურულია. "საფლავში საკითხავი" - სიმწრის ტირილამდე სასაცილო და აბსურდული ამბავია, რომელიც ისეა მოყოლილი, თითქოს ერთ საღამოს ნასვამზე მეგობარი იხსენებდეს. ამით კარგად არის ნაჩვენები, როგორც ამბის, ასევე თხრობის ავთენტურობა.

საბოლოო ჯამში კი ეს კრებული მშვენიერი ნამუშევარია, Good Job!

[Gia Jgarkava · Rating 4 out of 5]

4 მხოლოდ იმიტომ, რომ ყველა მოთხრობა ერთნაირად მაგარი ვერაა, თორემ ზოგი ისეთია 5-ს კი არა 55-ს იმსახურებს! სიკვდილის მუზეუმი სა წყალქვეშა საქართველო გამისწორდა მაგრად <3

[Nina Jintcharadze · Rating 4 out of 5]

კრებული ბევრი კარგი და რამდენიმე ცუდი მოთხრობისგან შედგება. 90-იანები და ქართული ყოფა არა გადღეჭილი ამბებით, არამედ სიუჟეტის მოულოდნელი განვითარებებით, საინტერესო პერსონაჟებით და ირონიამდე მისული აბსურდულობით არის დახატული.

[Komble III · Rating 5 out of 5]

100/100

სასწაულად მაგარია

გავკარი ჰარლან უილსონს ისეთი მაგარია

[Ana Maisuradze · Rating 5 out of 5]

საკმაოდ დამთრგუნველი მოთხრობებია 90-იან წლებზე და არამარტო. განსაკუთრებით მძიმე იყო მოთხრობა ფემიციდზე. :(

[BeZka Acid · Rating 5 out of 5]

boy got some Georgian ghetto balls !
მუხიანი ფეხზეა

[comet girl · Rating 4 out of 5]

ეს ის წიგნია ქავერის გამო რომ ვიყიდე. არც აღწერა წამიკითხავს და წინათგრძნობას მივენდე. აი ისეთია მეტროში რომ უნდა წაიკითხო. არ ვიცი რომელი სიტყვებით უნდა შევაფასო ეს წიგნი, არაფერში არ ჯდება, იყო რამოდენიმე მოთხრობა, რომელიც არ მომეწონა (ან ვერ გავიგე როგორც საჭირო იყო), რომელსაც ამოვიღებდი წიგნიდან, მაგრამ მთლიანობაში მაინც ძალიან მომეწონა უცნაური იუმორის და სატირული თხრობის გამო!

[Ani Zurashvili · Rating 4 out of 5]

აზრი ვერ გამოვიტანე ზოგი მოთხრობიდან. ძაან უცნაური იყო.